¿Qué es el sitio web?

Aí Falaches

Roupa e complementos cos que compartir o orgullo pola nosa lingua

29/09/2026

AMODIÑO
Setembro remata e asemella que chegou hai dous días.
Ti estabas cheo de ilusións, cun novo curso, novos proxectos, mil ganas de facelo todo á vez...

este mensaxe é para lembrar que se non chegas... tranquilo, non fai falta correr. Amodiño tamén se chega — e adoita chegarse mellor.
Lembra que a calma tamén é un xeito de avanzar.

20/09/2026

😈FALSOS AMIGOS!!😇
Soa igual, pero non é o mesmo.

Os falsos amigos son esas palabras que se parecen en castelán e en galego, pero que significan cousas ben distintas. E claro, dis unha cousa e a persoa de en fronte entende outra. 😅

Aquí amosamos uns cantos destes "Falsos amigos"

En cal destas trampas caíches algunha vez? 👇
Coñeces algún outro exemplo de falsos amigos entre o galego e outras linguas?
Conta nos comentarios!

📌 Garda o post e compárteo con esa persoa que sempre chega nun "rato" 🐀

06/09/2026

⚠️NON! 🚨O galego NON é lingua oficial da Unión Europea. 🇪🇺

Aínda que ten máis falantes que outras que si que o son, como: o eslovaco, o esloveno, o maltés, o islandés, o gaélico irlandés.

A votación pola súa oficialidade xa leva 7 votacións aprazadas.

E aproveitando que este mes, concretamente o 26 de setembro, é o Día Europeo das Linguas, seguimos teimudos en falar a nosa lingua na rúa, no traballo, na casa e nas aulas ás que esta semana volven miles de nenos e nenas, e onde está unha das importantes sementes para a nosa cultura.

Porque aínda que a UE siga sen recoñecer o galego, nós seguimos trabalando e esixindo a súa oficialidade.

04/09/2026

😭Remata o verán.
Chega o frío, os días curtos...
e ese carácter que en agosto disimulamos mellor.

Agora non fai falla escondelo, pero mellor avisar... Este outono, sácao con orgullo.

Suadoiro "Son un toxo" — porque hai quen o di en catro idiomas, e nós dicímolo en galego.

30/08/2026

🚗Remata agosto. 🧳

Moitas e moitos pechan as maletas estes días para volver a onde a vida os levou.

Van cheas de lembranzas para recuperar nos días duros, e de provisións para non deixar de estar ben alimentados. Pero tamén van, moitas veces, cargadas de algo que non se ve: a certeza de que marchan porque aquí non atoparon como quedar dunha maneira digna.

Cando non coidamos o noso, veñen outros a ocupar eses espazos cos seus intereses. É lícito, cada quen mira polo seu.

Pero se dende aquí non coidamos o que é noso, iso acaba afectando a moito máis do que imaxinamos. Coida da túa cultura. Da túa lingua. Do teu medio ambiente e das cousas que nos fan ser nós.

Bo regreso a quen marcha, e 🍀 boa sorte a quen queda tentando que, cada vez, teñan que marchar menos.

28/08/2026

🚨veñen novidades!!⚠️

a partir de setembro teredes dispoñible na web e nas tendas as novas BOLSAS GRANDES de MORRIÑA e SON UN TOXO.

Se queredes reservar por se acaso podedes escribir por privado.

23/08/2026

❤️Facer as beiras❤️

Se es dos que aínda o dis, sabes perfectamente o que significa: galantear, ligar, namorar con paciencia.

Se es máis novo, seguramente xa dirías "meter ficha" — e é real, hai profesorado que o comprobou en clase.

E o dato bonus: antigamente, "facer o amor" en galego non era o que pensas. Era exactamente isto: cortexar.

Ti dis "facer as beiras" ou xa che soa a cousa de avós? Sede sinceros 👇

19/08/2026

Vai frío, chega sudadera nova.

Hai marcas que descobren o galego agora. Nós levamos tempo dicindo as cousas coma son.
Éche o que hai.
👉 Xa dispoñible en aifalaches.gal

15/08/2026

💦🐕💦San Roque: o santo do can e da auga

En Vigo dedícanlle un día enteiro ao can que o salvou da peste.
En Vilagarcía, unha broma cun cubo de auga en 1984 converteuse na maior guerra de auga de Galicia, con ata 30.000 persoas.

Celebrádelo onde vós estades? Contádenos como é o voso San Roque 😇

14/08/2026

Recopilando momentos!

Cousas moi simples: un baile no monte, unha andaina ata o faro, risas na verbena… Situacións que agora parecen do día a día, pero que en nada van ser lembranzas que nos tiren un pouco cara a casa. Aproveitade, que estes momentos son os que quedan.

Dirección

A Coruña
15006

Página web

http://www.aifalaches.gal/

Notificaciones

Sé el primero en enterarse y déjanos enviarle un correo electrónico cuando Aí Falaches publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.