Sahatsa Dantza Taldea

Casa
España
Azcoitia
Sahatsa Dantza Taldea

Urola bailarako gaztez osatua, euskal folklorea ezagutaraztea eta zabaltzea du helburu

09/05/2026

Atzo, ostirala, Urola Erdiko dantzatzeko modu zaharrei begiratzeko aukera izan genuen Dinamoa sormen gunean.

Mikel Sarriegik Gipuzkoako dantza maisuen sistema Urola Erdian izeneko mintegia eskaini zuen, gure dantza ondarearen inguruko hainbat azalpen eta gogoeta partekatuz.

Saioa Sahatsa dantza taldearen 50. urteurreneko ekitaldien barruan antolatu zen.

Mila esker gerturatu zineten guztioi!

.eus

05/05/2026

𝗚𝗜𝗣𝗨𝗭𝗞𝗢𝗔𝗞𝗢 𝗗𝗔𝗡𝗧𝗭𝗔-𝗠𝗔𝗜𝗦𝗨𝗘𝗡 𝗣𝗨𝗡𝗧𝗨𝗔𝗞 𝗘𝗧𝗔 𝗔𝗟𝗗𝗔𝗜𝗥𝗔𝗞

Mikel Sarriegik Urola Erdiko dantzaeraz mintegia eskainiko du, Gipuzkoako dantza-maisuaren figuraren bilakaera eta belaunaldiz belaunaldi jasotako oinordetza ezkutua ardatz hartuta. Saioan, azken hamarkadetako aldaketak aztertuko dira, ikuspegi historikoa eta gaur egungo praktikak uztartuz, eta parte-hartzaileek gogoetarako zein ikasteko aukera izango dute.

📅 Maiatzak 8
🕖 m19:00etan
📍 Dinamo Sormen Gunea (Azpeitia)

Saioa doakoa izango da, baina aurrez izena ematea beharrezkoa da.

05/05/2026

Sahatsako kideok Felix Azurmendi erretoreari egin zitzaion omenaldian parte hartu genuen; duela 50 urte, Urrestillan sortu ginen, eta haren bitartekaritzari esker eman genituen lehen urratsak, eta ordutik hona taldetik igaro diren belaunaldi ezberdinek bat egin genuen Ezpata-Dantza eskainiz gure esker ona adierazteko; hunkituta jaso zuen keinua.

2026.04.26

04/05/2026

Arabako Aurresku eta Dantza Suelto Txapelketaren ###III. edizioa 2026ko maiatzaren 1ean egin zen Estibalizen. Arabako, Bizkaiko eta Gipuzkoako dantzariak bildu ziren. Sahatsa dantza taldeko Iker Zabalak 2. postua lortu zuen. ZORIONAK! 👏

01/05/2026

Igandean une hunkigarria bizitzeko aukera izan genuen. Felix Azurmendi erretoreari bere apaizgoaren 50. urteurrenean egindako omenaldian parte hartu genuen, ezpata dantza eta aurreskuaren bidez gure esker ona eta aitortza adieraziz.

Sahatsarentzat oso berezia izan zen; egungo eta lehengo kideek elkarrekin parte hartu genuen, eta gure hastapenetan izan zuen gertutasuna eta babesa gogora ekarri genituen. Gainera, aurtengoa urte berezia da guretzat ere, taldearen 50. urteurrena ospatzen ari baikara.

Eskerrik asko, Felix, egindako lan guztiagatik!

30/04/2026

Maxixatzenen 30. urteurrenaren ospakizunean Sahatsako kideek parte hartu zuten aurresku bat eskainiz Azkoitiko euskaltzaleen komunitate osoari.

Aldi berean, aurtengo urtea berezia da, herriko bi taldeok urteurrenak ospatzen ari baikara: guk 50.ena eta Maxixatzenek 30.ena.

Euskaratik zein dantzatik, jarrai dezagun herria egiten.

2026/04/25

22/04/2026

Hemen dituzue Lesakan egindako saioaren beste argazki batzuk!

Eskerrik asko | -ri gonbidapenagatik!

20/04/2026

Sahatsa Dantza Taldea Lesakan - 18.04.2026

15/04/2026

Larunbatean Lesakan izango gara Tantiruimairu eta Ereintza dantza taldeekin batera!

📅 Apirilak 18, larunbata
🕠 17:30ean
📍 Plaza Zaharrean

Ez galdu aukera hau euskal dantzaz gozatzeko!

Eskerrik asko gonbidapenagatik!

26/01/2026

Sahatsa dantza taldeak 50. urteurreneko ekitaldien aurkezpena egin zuen Baztartxo Antzokian. Ekitaldi honek urte hauetan guztietan taldetik igaro diren hainbat kide elkartu zituen, une hunkigarri eta berezia sortuz.

Emanaldian, Iker eta June Zabalak Haize Hegoa (Pas de deux) – Filipe Oihanbururen lana dantzatu zuten, eta Caprice Basque (Zortzikoa) – Pablo Sarasateren obra, berriz, Ikerrek bakarka interpretatu zuen. Dantzek Txalkor txistulari taldearen laguntza izan zuten, musikak ekitaldiari giro ederra emanez.

Amaieran, entsegu gelan lunch-a eskaini zen, elkarrekin egoteko eta ospakizuna borobiltzeko. Sahatsarentzat urte berezia izango delakoan gaude, 50 urteko ibilbidea merezi bezala ospatzeko.

Dirección

Baztartxo Antzokia, Aingeru Kalea 0
Azcoitia
20720

Página web

https://www.youtube.com/@sahatsa, http://sahatsa.com/

Notificaciones

Sé el primero en enterarse y déjanos enviarle un correo electrónico cuando Sahatsa Dantza Taldea publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.