02/06/2026
आजको सत्य….
मानिसहरू भन्छन् —
“हामी तिमीलाई धेरै मान्छौं।”
तर त्यो सम्मान
तबसम्म मात्र हुन्छ,
जबसम्म तिमी उनीहरूको आवश्यकता हौ।
जस दिन तिमी आफ्नो मूल्य बुझ्न थाल्छौ,
त्यही दिन तिमी घमण्डी घोषित हुन्छौ।
यहाँ सच्चाइभन्दा अभिनय बिक्छ,
इमानदारीभन्दा चापलुसी चल्छ,
र चरित्रभन्दा स्वार्थको मूल्य बढी हुन्छ।
अचम्म त के छ भने,
झूट बोल्नेहरू विश्वासिला कहलिन्छन्,
अनि सत्य बोल्नेहरू
सम्बन्ध बिगार्ने ठहरिन्छन्।
त्यसैले आजकल
मानिसहरूलाई खुसी राख्नुभन्दा
आफ्नो आत्मसम्मान जोगाउन गाह्रो छ।
किनकि यो दुनियाँमा
गल्ती गर्नेभन्दा
गल्ती देखाइदिने मान्छे
बढी दोषी ठहरिन्छ।
सायद त्यसैले
आजकाल सच्चा मानिसभन्दा
राम्रो अभिनय गर्ने मानिसहरू
धेरै मन पराइन्छन्।
समयले अनुहार होईन,
चरित्र चिनाउँछ;
तर अफसोस,
धेरैलाई सत्यभन्दा
सुन्दर अभिनय नै प्रिय लाग्छ।
दुर्भाग्य, आज सत्य, इमान र इज्जतभन्दा
देखावटीपन र ड्रामाले
छिट्टै ताली पाउँछ।
शुभ दिन॥
