Nawai_Nowshera

Casa
España
Barcelona
Nawai_Nowshera

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Nawai_Nowshera, Creador digital, Calle pi i gibert 57 barcelona, Barcelona.

Nawai Nowshera News paper...... نوائے نوشہرہ پیج کو فالو کریں اور ڈیجیٹل نیوز نیٹ ورک لنکس کوشئیر کریں ہمارا نیٹ ورک علاقے کے مسائل کو اجاگر کرنے اور حل کرنے میں مصروف عمل ہے
https://www.youtube.com/?sub_confirmation=1

10/06/2026

نوشہرہ ورکاں گوجرانوالہ پنجاب پاکستان میں تیار کیا جانے والا معروف چاول گرین پرل جو ذائقہ اور خوشبو میں ایک مثال ہے

09/06/2026

محرم الحرام انتظامات کے سلسلے میں اسسٹنٹ کمشنر نوشہرہ ورکاں کا دورہ

ڈپٹی کمشنر گوجرانوالہ نوید احمد کی ہدایات پر اسسٹنٹ کمشنر نوشہرہ ورکاں سعدیہ جمال نے ایس ڈی پی او کے ہمراہ خان مسلمان اور نوشہرہ ورکاں میں اے کیٹیگری کے محرم الحرام جلوسوں کے روٹس کا دورہ کیا۔

دورے کے دوران سیکیورٹی، صفائی ستھرائی، لائٹنگ، تجاوزات اور دیگر انتظامات کا تفصیلی جائزہ لیا گیا۔ "ستھرا پنجاب" پروگرام کے تحت جلوسوں کے روٹس پر گہری صفائی (Deep Cleaning) کا عمل شروع کر دیا گیا ہے تاکہ عزاداروں کو صاف اور محفوظ ماحول فراہم کیا جا سکے۔

اس موقع پر روٹس کے معائنے کے دوران نشاندہی کیے گئے لٹکتے ہوئے بجلی کے تاروں کا ڈیٹا بھی مرتب کرکے ایکسین گیپکو کو ارسال کر دیا گیا ہے تاکہ محرم الحرام سے قبل ضروری مرمتی اور حفاظتی اقدامات بروقت مکمل کیے جا سکیں۔ انتظامیہ نے متعلقہ اداروں کو ہدایت کی ہے کہ تمام انتظامات کو جلد از جلد حتمی شکل دی جائے تاکہ مجالس اور جلوسوں کا انعقاد پرامن اور محفوظ ماحول میں یقینی بنایا جا سکے۔

09/06/2026

آل پرائیویٹ سکولز (APS) تحصیل نوشہرہ ورکاں کے وفد کی ڈسٹرکٹ ایجوکیشن آفیسر سے اہم ملاقات

آل پرائیویٹ سکولز (APS) تحصیل نوشہرہ ورکاں کے وفد نے ڈسٹرکٹ ایجوکیشن آفیسر جناب سید سبطین مظہر شاہ صاحب سے ایک نہایت اہم، خوشگوار اور تعمیری ملاقات کی۔ ملاقات کے دوران نجی تعلیمی اداروں کو درپیش مسائل، معیارِ تعلیم میں بہتری، اساتذہ کی پیشہ ورانہ ترقی، طلبہ کی فلاح و بہبود اور علاقے میں تعلیمی ترقی سے متعلق مختلف امور پر تفصیلی تبادلۂ خیال کیا گیا۔

وفد نے جناب سید سبطین مظہر شاہ صاحب کو آل پرائیویٹ سکولز (APS) تحصیل نوشہرہ ورکاں کے قیام، اغراض و مقاصد اور نجی تعلیمی اداروں کے مابین اتحاد، تعاون اور تعلیمی بہتری کے لیے جاری کاوشوں سے تفصیلی طور پر آگاہ کیا۔ اس موقع پر وفد نے نجی سکولوں کو درپیش مسائل کے حل، تعلیمی معیار کے فروغ اور محکمہ تعلیم کے ساتھ مؤثر روابط کے قیام کی ضرورت پر بھی زور دیا۔

جناب سید سبطین مظہر شاہ صاحب نے وفد کے خیالات کو نہایت توجہ اور دلچسپی سے سنا اور APS تحصیل نوشہرہ ورکاں کے قیام کو نجی تعلیمی اداروں کی مؤثر نمائندگی اور تعلیمی ترقی کے لیے ایک مثبت اور قابلِ ستائش اقدام قرار دیا۔ انہوں نے نجی تعلیمی اداروں کے کردار کو سراہتے ہوئے اپنی بھرپور رہنمائی، تعاون اور سرپرستی کی یقین دہانی کروائی اور اس عزم کا اظہار کیا کہ تعلیم کے فروغ، معیارِ تعلیم کی بہتری اور طلبہ کے روشن مستقبل کے لیے ہر ممکن تعاون جاری رکھا جائے گا۔

وفد نے جناب سید سبطین مظہر شاہ صاحب کی جانب سے دی گئی حوصلہ افزائی، قیمتی تجاویز اور بھرپور تعاون کی یقین دہانی پر ان کا تہہ دل سے شکریہ ادا کیا۔ وفد نے اس امید کا اظہار بھی کیا کہ ان کی سرپرستی اور رہنمائی سے نجی تعلیمی اداروں کو درپیش مسائل کے حل اور تعلیمی ترقی کے لیے مزید مؤثر پیش رفت ممکن ہوگی۔

یہ ملاقات سرکاری و نجی تعلیمی اداروں کے درمیان باہمی اعتماد، مؤثر رابطے اور مشترکہ تعلیمی ترقی کے فروغ کی جانب ایک اہم اور مثبت قدم ثابت ہوگی۔

آل پرائیویٹ سکولز (APS) تحصیل نوشہرہ ورکاں اس عزم کا اعادہ کرتی ہے کہ وہ علاقے میں معیاری تعلیم کے فروغ، اساتذہ کی پیشہ ورانہ ترقی اور طلبہ کے روشن مستقبل کے لیے اپنی کاوشیں جاری رکھے گی۔
#

08/06/2026

نوشہرہ ورکاں: تنگ کلاں میں موٹر سائیکل روڈ پہ کھڑے کیری ڈبے سے ٹکرا گئی، دو بچے زخمی
نوشہرہ ورکاں کے نواحی گاؤں تنگ کلاں میں ٹریفک حادثے کے نتیجے میں دو بچے زخمی ہوگئے۔ لواحقین کے مطابق موٹر سائیکل سڑک کنارے کھڑے کیری ڈبے سے جا ٹکرائی جس کے باعث حادثہ پیش آیا۔
ریسکیو 1122 کو اطلاع ملتے ہی امدادی ٹیم موقع پر پہنچ گئی اور زخمیوں کو ابتدائی طبی امداد فراہم کرنے کے بعد ڈی ایچ کیو ہسپتال گوجرانوالہ منتقل کر دیا۔
زخمیوں میں 16 سالہ غلام محی الدین ولد عبیداللہ شامل ہے جسے سر پر چوٹیں آئیں، جبکہ 12 سالہ صفی اللہ ولد اصغر کے چہرے پر گہرا زخم اور سر پر چوٹ آئی۔ دونوں زخمیوں کا تعلق گاؤں تنگ کلاں سے ہے۔

08/06/2026

نوشہرہ ورکاں میں آج 43 ٹمپریچر رہیگا
گرمی کی لہر اور ہیٹ ویو کا الرٹ! ☀️🚨
اپنے اور اپنے پیاروں کے تحفظ کے لیے احتیاطی تدابیر پر لازمی عمل کریں۔ زیادہ سے زیادہ پانی پییں، بلا ضرورت دھوپ میں نکلنے سے گریز کریں, بزرگوں اور بچوں کا خاص خیال رکھیں۔
محفوظ رہیں، باخبر رہیں!

08/06/2026

122نوشہرہ ورکاں: سکول جاتے 12 سالہ طالب علم ٹریفک حادثے میں زخمی
نوشہرہ ورکاں مٹو بھائیکے روڈ پر جنرل بس اسٹینڈ کے قریب ٹریفک حادثے میں 12 سالہ طالب علم زخمی ہوگیا۔عینی شاہدین کے مطابق ایان ولد شاہد، سکنہ ودھاون گاؤں، سکول یونیفارم میں اپنے بہن بھائیوں کے ہمراہ موٹر سائیکل پر سکول جا رہا تھا کہ راستے میں اس کی موٹر سائیکل دوسری موٹر سائیکل سے ٹکرا گئی۔
حادثے کے نتیجے میں ایان کی بائیں ٹانگ فریکچر ہوگئی، جبکہ خوش قسمتی سے اس کے بہن بھائیوں سمیت کسی اور شخص کو کوئی چوٹ نہیں آئی۔
اطلاع ملنے پر ریسکیو 1122 نوشہرہ ورکاں کی ٹیم فوری طور پر موقع پر پہنچی، ابتدائی طبی امداد فراہم کی اور زخمی بچے کو مزید علاج کے لیے THQ ہسپتال نوشہرہ ورکاں منتقل کر دیا۔
ریسکیو حکام نے والدین سے اپیل کی ہے کہ کم عمر بچوں کو موٹر سائیکل چلانے سے گریز کروائیں اور ٹریفک قوانین کی پابندی کو یقینی بنائیں تاکہ ایسے حادثات سے بچا جا سکے۔

06/06/2026

ڈپٹی کمشنر گوجرانوالہ کا تتلے عالی، نوشہرہ ورکاں نالے کا معائنہ

ڈپٹی کمشنر گوجرانوالہ، نوید احمد نے تتلے عالی، نوشہرہ ورکاں کا دورہ کیا اور نالے کی صفائی کی صورتحال کا جائزہ لیا۔

دورے کے دوران انہوں نے گوجرانوالہ ویسٹ مینجمنٹ کمپنی (GWMC) اور ستھرا پنجاب پروگرام کے کنٹریکٹر کو ہدایت کی کہ نالے کی مکمل صفائی اور ڈی سلٹنگ کو ترجیحی بنیادوں پر یقینی بنایا جائے۔ انہوں نے صفائی کی ناقص صورتحال پر سخت اظہار برہمی کیا اور کہا کہ ایسی صورتحال برداشت نہیں کی جائے گی۔

ڈپٹی کمشنر نے کہا کہ نکاسیٔ آب کے نظام کو مؤثر بنانا اور صفائی ستھرائی کے اعلیٰ معیار کو برقرار رکھنا انتہائی ضروری ہے تاکہ شہریوں کو بہتر سہولیات فراہم کی جا سکیں۔ انہوں نے متعلقہ اداروں کو ہدایت کی کہ صفائی کا کام جلد از جلد مکمل کرکے اس کی مسلسل نگرانی بھی یقینی بنائی جائے۔

06/06/2026

الرٹ : ڈیجیٹل دور میں سائبر کرائم سے بچیں کوئی چیز آپ نے شئیر کر دی ثابت کرنا بھی آپ کے ذمہ ہے اس لئے احتیاط لازم ہے ۔۔ !!

پی ٹی آئی ممبر پنجاب اسمبلی سلمان شاہد نے مبینہ ویڈیو لیک معاملے میں کاروائی کے لیے این سی سی آئی اے کو درخواست دے دی درخواست میں دو ملزمان کو نامزد جبکہ 25 کو نامعلوم رکھ کر ایم پی اے درخواست گزار کا کہنا ہے کہ یہ اے آئی سے فیک ویڈیو بنا کر وائرل کر دی گئی
این سی سی آئی اے نے درخواست میں نامزد دونوں ملزمان کو 8 جون کے لیے نوٹس جاری کر کے جواب کے لیے طلب کر لیا ہے

06/06/2026

نوشہرہ ورکاں میں سکیورٹی حوالہ سے اسسٹنٹ کمشنر آفس میں سرکل سطح پر میٹنگ کا انعقاد۔ اسسٹنٹ کمشنر نوشہرہ ورکاں سعدیہ جمال کی صدارت میں منعقدہ میٹنگ میں ڈی ایس پی سرکل انصر فاروق مان۔ ایس ایچ او تھانہ نوشہرہ ورکاں محمد ریاض گوندل ڈی ایس پی ٹریفک گوجرانوالہ اسسٹنٹ ڈائریکٹر لوکل گورنمنٹ اقصی امین ڈوگر ایکسین گیپکو ڈویزن نوشہرہ ورکاں سلیمان انصاری۔ چیف آفیسر میونسپل کمیٹی نوشہرہ ورکاں۔اور دیگر اداروں میں محکمہ صحت۔ریسکیو 1122۔ شہری دفاع ۔اور امن کمیٹی کے ممبران و دیگر نمائندگان نے شرکت اس موقع پر اسسٹنٹ کمشنر نوشہرہ ورکاں سعدیہ جمال نے تمام اداروں کو ھدائت کی ہے کہ عشرہ محرم کے دوران جلوس اور مجالس کے موقع پر سکیورٹی کے ساتھ دیگر انتظامات کا بروقت خیال رکھا جائے۔

Dirección

Calle Pi I Gibert 57 Barcelona
Barcelona
08918

Teléfono

+34612479468

Página web

https://www.nawainowshera.com/

Notificaciones

Sé el primero en enterarse y déjanos enviarle un correo electrónico cuando Nawai_Nowshera publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.