13/09/2025
دوك الرجال اللي كيكونو خدامين فلاصورانص و لا فبنكة و فسونطر دابيل...
كيعيط لمومو هيت راديو فالصباح و كيقول ليه : بغيت ندير مشموم تيست لخطيبتي شفتها معنقة واحد الراجل فبواط و بغيت نعرف واش غي بحال خوها ولا بيناتهوم شي حاجة
كتلقاه مخالطين معاه بزاف لبنات كيعرف يدوي معاهوم و عزيز عليهوم سميتو حمزة و كيقولو ليه غي : حميزو
عزيزة عليه ماكلة ديال النتوات بحال : البورڭر و ماكدو و بيتزا فروماج... و معندوش مع الشوا و البصلة و ماطيشة مشنشطين ..
كيلبس سراول سليم ضيقين عليه و مقزبين و كيلبس موكاسان بدوك التقاشر اللي كيغطيو غي الصبعان بحال ديال صحاب قوس قزح كيسحاب راه كيبان ولد الوقت
حميزو عندو كليو 5 كيطير بيها و كيتسخر بيها لمو و ختو كيجيب ليهوم تكشيطة من عند "افراح شهرزاد" حقاش ختها الصغيرة كان مصاحب معاها و تفارقو ولكن مزال ديزامي و كدير معاه اثمنة زوينة ..
حميزو جلدة و قرزاز و كيجمع واخا مابيناش فيه حقاش كيضربك على الشعا
ملي كاتمرض مو كيقولها لزينب معاه فالخدمة كيقول ليها الواليدة عيانة و كيبقا يعاود ليها على مو و كيفاش خرج ليها الطبيب واحد البوماضة ناضية ..
كيشكر هناء خدامة معاه شادة لاكيس كيقول ليها : جاتك الشوميز البيج واعرة كتحمق
كتقوليه : ياك ؟ راه قلتها للمياء قتليها انسولو حمزة يعطيني رأيو
كيجاوبها هو كيقول ليها : البارح قلتها مور ضهرك للمياء قتليها هناء كاتعرف تلبس و تنسق les couleurs ...
حميزو عزيز عليه لاصال و الحديد و صدر الدجاج و الخص و البروكلي ...
حميزو ماكيدابزش ، ماكيتقلقش ، حاجتو عزيزة عليه ، مستحيل يعطيك شارجور ديالو تشارجي بيه موستحيل يوقف معاك ..
عزيز عليه مجامع لعيالات ولكن كيطراسي اللحية و كيمشي عند الحلاق ديال الرجال واخا هو مافيهش خصايل الرجال...
مڭلضم و مبودر و قاطع السكر ولكن خواف ، بوڭوص و مطراسي اللحية و داير ليباڭ و ضايرين بيه بنات بزاف ولكن سيليباطير
حمزة كيدير مرطب الكاكاو لقنينفاتو حقاش كيتشقو بالبرد ... ڭطع الله ينزل عليه النعلة صبا صبا
