عادي مع بنات بلادي Dz

11/09/2024

منقولة
وحدة صحبتي تعرفت على واحد في الفيسبوك قداه وهي تحكي معاه في الفيسبوك والتيليفون ولاكام هو يحشم بزاف ووليد أصل يخاف ربي كي جاو يتلاقاو قاللها نروحو لدار تاع صاحبي نقعدو آلاز غير انا و نتي هي حكاتلي قولتلها لالا ماتروحيش اخطيك خافي شويا علي روحك ماخضاتش رأيي وراحت ركبت معاه في الطونوبيل وراحو لدار صاحبو ومنبعد غير لحقو نحا السبتة تاع سروالو ودخل عليها بطريحة قتلها قاللها هذي على جال ركبتي معايا وجيتي معايا لدار وماخفتيش على روحك قالتلي قوتلو بلي صاحبتي فدوى نصحتني قاتلي ماتروحيش خافي على روحك وماسمعتلهاش قالها عيطيلها في التيليفون درك عيطتلي هزيت هدر معايا هو قالي أنتي هيا فدوى قلتلو إيه قالينتي لي قلتيلها ماتروحيش خافي على روحك وماخضاتش رايك قوتلو إيه كوبا في وجهي ديراكت ومنبعد قولتلها كي كوبا عليا واش قالك قالتلي زادني طريحة أخرى تاع كلاااااب قالي في خاطر صاحبتك لي نصحتك وأنتي ماتاخذيش الرأي قاللها الخما....ج تاعك الكل نحيهولك اليوم زرقها كي شفت لحمها تشوكيت سمانة وهي راقدة في الفراش قالها غير انا لي نقضي على الخماج لي راه شايع في البلاد قالي نعلمكم كيفاش تخونو والديكم وتخرجو مع رجاجيل لا حشاشيم لا قدادير 😌

26/07/2024

من فضلك جوزيلي ميساج: سلام عليكم بارح كان عيد ميلاد راجلي. وانا ميخلينيش نخرج. مالا قلت نقول لكاش واحد يشريلي. قلت لجارتي بعثي وليدك يجيبلي وحدة شوكو. شرالي مسكين خبيتها عرضت ناس دار لواسي ونساهم ولوساتي والاطفال. قلت منها ندير معروف صدقة نخرجها غير ما. دار اكسيدو وجات مع العيد الميلاد قلت نفرحو يروحلو ستراس تع صدمة..مهم تعشينا نورمال وجدت مكسرات مايزز وسقايط وتحليات. وحطيت قاطو هو كلا مغيرفة نشوف وجهو مبدل. ممبعد حكم الطارطة كامل وظربني بيها قدامهم قالي انا من وقتاه كليت فراز يالحمارة يالبهلولة 3 سنين زواج معلبالكش منحبش فريزة . وهي جاية مغلفة كامل وداخل طبقة وردي فزار وطبقة شوكو ومشربينها بسيرو فراز وانا معلبليش مبانتليش. غاضتني عمري وذراري صغار ميعرفوش باقيين يضحكو. تمنيت لموت في ذيك اللحظة. كفاه تكون ردة فعل تاعكم راجلك يبهدلك هكا. والرجال لي راهم معانا هنا نقولكم متكسروش بخاطر نساكم قدام ناس كبرو بيها وقيموها. واذا معجبتكمش حاجة كي تكونو وحدكم وهدرو فالموضوع. حسبي الله ونعم الوكيل القهرة مزالت في قلبي حڨرني 🥹🥹😞

26/04/2024

انا محبسة في السيام تزوجت عمري 17سنة ضرك راه في عمري 26 سنة عندي3 اولاد نبان كبيرة على عمري حسيت كبرت قبل وقتي ومتزوجة بفاميلتي عندي 3 سلافي ناس طالعين خدامين في الدولة تزوجو بنسا خدامات والمشكل كامل اكثر مني في العمر راني مخلوعة كيفاش داوهم انا نبان يماهم .سلفي تزوج لعام لي فات بوحدة عمرها 29 وزوج سلافي تزوجو مع بعضاهم غير كيما جابو عرايس وحدة عمرها 31 وحدة 32 غير قدهم في العمر سلفاتي وحدة مشرفة تربية وحدة أستاذة وحدة انجنيور البارح كنا قاعدين في جماعة كنا نهدرو على الزواج انا من غيرتي قتلهم مكاش قد المرأ لي تتزوج صغيرا تكبر مع اولادها ماشي تقرا وتخدم باه تتزوج زيد المرا بويضاتها يضعفو كل ماتكبر حتى وتكون جامعية ماشي حاجة كبيرة لي قرا ولي ماقراش كيفكيف سلفاتي وحدة خزرت في وحدة وطرطقو عليا بالضحك وحدة فيهم قاتلي وانتي هاكي تزوجتي مولات 17 تمرمدتي غير مع الذر ومبعد حاجة كبيرة زيد العلم عندو دور كبير قاتلي اول كلمة نزلت هي اقرأ قاتلي وكاين آية تقول يرفع الله الذين أوتوا العلم درجات انتي حبستي في السيام نعذروك ربي يسهل عليك وسلفتي لخرى (الانجنيور)قاتلي حنا قرينا الحمد لله تمرمدنا ورانا خدامات قاتلي انا عندي خدامة تخدم الشغل تطبخ انا نروح غير نرقد سالي على عمرك وزدنا تزوجنا في 30 وغدوة نعمرو الدار بالاولاد الحمد لله الأرزاق بيد الله قاتلي وانتي تقارني روحك مع طبيبة وأستاذة قاتلي كل واحد في بلاصتو حنونة اني قيمتك وهدرت معاك منيش حابة نجرحك شفتو لبنات لفعات كيفاش دارو عليا كلبات قالولي ابقاي على خير يالبويضة ورجعو يعايروني البويضة

19/09/2023

صورة بالف معنى

12/09/2023

🔴🔴 #عـــــــاجل
📌الجزائر وبتوجيهات من رئيس الجمهورية تقرر إرسال مساعدات إنسانية هامة واستعجالية إلى #ليبيا الشقيقة

📌قرار الجزائر جاء إستجابة لطلب رئيس المجلس الرئاسي الليبي بتقديم الدعم والمساعدة للمناطق المنكوبة

📌المساعدات الإنسانية والإستعجالية تتكون من مواد غذائية وطبية وألبسة وخيم

📌تنقل المساعدات الإنسانية عن طريق جسر جوي مكون من 8 طائرات تابعة للقوات الجوية للجيش الوطني الشعبي

📌تعبر هذه المساعدات عن التزام الجزائر قيادة وشعبًا بالتضامن اللامشروط واللامحدود مع الشعب الليبي الشقيق لمساعدته على تجاوز الظروف الصعبة التي يمرّ بها

03/09/2023

تخيل ينحو طلب الصداقة ويبدلوه بطلب الزواج نأكدلكم واحد مايبعث 🤒😂

01/09/2023

قصة المثل الشعبي🇩🇿🇩🇿🇩🇿🇩🇿🇩🇿🇩🇿
🇩🇿🇩🇿🇩🇿🇩🇿بنت القاع و الباع و الخلخال مربع🇩🇿🇩🇿🇩🇿
زمان وحد العايلة من مدينة القصبة خطبوا لوليدهم بنت واحد مرفه من المتيجة من فحص " واد الرمان" من خارج أسوار القصبة .
تم الزواج و البنت كي تقعد مع ناس بيتها يبداو يتغامزوا عليها هي بنت الريف و هوما حضر يطيحوا بيها و يقلوا من قيمتها بعينهم
شافت فيهم و قاتلهم: أنا بنت القاع والباع والخلخال مربع، والخاتم فالصباع كي يطيح يقربع،
والتاج فوق الراس مصنع والهدرة والمشية بالطبع
بنت الحسب والنسب والشعر فالسما مقلب،
واليد معمرة بالفضة والذهب، بنت الشان والمرشان في لباسها يظهر البرهان، وفي كلامها تسمع اوزان، وزينها لجميع الناس يبان..
سكتوا كامل و بقاو يخزروا في بعضاهم..
عجوزتها فهمتها بلي :
:" بنت القاع معنتها باباها صاحب اراضي كبيرة و يغرسوا الياسمين و يصنعوا به الريحة.
و الباع معنتها يملك المواشي من البڨر و الغنم و المعز و الخلخال مربع كانت دايرا في كل رجل زويجة خلخال
و الخاتم في الصبع معنتها متزوجة و قايمة براجلها..
رجعتلها عجوزتها و جاوبتها
حنا بنات الضيق والترتيق والخير مرمي فالتريق، والقلب يتسع لحباب ومايضيق، واللي غرسلنا الخديوجة نغرسولوا الياسمينة، واللي رمانا بالسم يعيش ديما في غبينة بنات لسياد يبقاو لالات والباقي يبقاو تابعات، لوكان يلبسوهم فضة الأرض وذهب الزمان عمرهم ما يلحقوا بنات سيدي عبد الرحمان.
هادي هي حكاية الكنة الفحصية و العجوز الحضرية
القصة من التراث الجزائري 🇩🇿
#عادي مع بنات بلاديdz

01/09/2023

قشيحة و شيراز 200 مليون🤣

01/09/2023

لي راهي مدوختني علاه الفقراء أكثر إنجابا للأولاد ؟أما الأغنياء تلقا عندهم طفل واحد سمين و وجايح 🥴

26/08/2023

حفل ختانة محمد ابن هناء بيوتي Hana Beauty

04/01/2023

20/11/2022

هناء بيوتي راهي مغبونة مسكينه 😥😥😥