Loraldia, Bilboa (2025)

26/09/2025

✨ Zaratamo eta Arrigorriaga euskal kulturaren bihotz bilakatuko dira urriaren 17tik 26ra, Loraldia Plaza 4. edizioan!
Marea Gora da aurtengo leloa: tradizioa, berrikuntza eta artea, etxean bertan.

Bi herrietako plazak sormenaren eszenatoki bihurtuko dira, eta denontzako ekitaldi paregabeak izango ditugu.
Herriko kultur festibala zurea ere bada: hurbildu, bizi eta partekatu!
🎟️ Sarrerak salmentan!
Zatoz eta ospatu zure herrian!

https://loraldia.eus/plaza/arrigorriaga-zaratamo/

.eus .andraka .eus .txalaparta.flamenko

26/09/2025

Loraldia Eskolan ikasturte berria abian da! 🌼

Pozik gaude berriz ere martxan gaudelako: euskal kulturaren inguruan ikasteko, hausnartzeko eta sortzeko aukera izango dugu ikasleekin. 🎭

Bost ikastetxe ezberdinetan hasi gara lanean lehen lauhileko honetan:
➡️ Urretxindorra ikastolan LH6ko 3 geletan gaude, 77 ikasleekin.
➡️ Durangoko San Antonio ikastetxean bi egitasmo ezberdin lantzen gabiltza: 7 kantu proiektua LH5eko 41 ikasleekin; eta Lore jokoak egitasmoa DBH4ko 50 ikasleekin.
➡️ Igorreko eskolan 7 kantu egitasmoan lanean gabiltza, 80 ikasleekin.
➡️ Portugaleteko Astileku Ikastolan DBH3 mailako lau taldeekin Kamara sartu egitasmoa garatzen gabiltza, ia 100 ikasleekin.
➡️ Portugaleteko Maestro Zubeldia eskolako LH4. mailako 54 ikasleekin Airean egitasmoa lantzen gabiltza.
➡️ Eta Portugaleteko Antonio Trueba ikastetxean baita ere LH4ko 30 ikasle Airean egitasmoarekin dabiltza lanean.

Ikasturte amaieran gure ibilbidearen emaitzak partekatuko ditugu… adi egon!

24/09/2025

LORALDIA PLAZA ZARATAMO ARRIGORRIAGA ▶ El Mozo Wines, Morau & Beñardo Goietxe (Ardo dastaketa + kontzertua)
Musika eta ardoa, gure zentzumen eta kulturaren ospakizunean.
Edonork gozatu dezakeen esperientzia paregabea, herriko agertokian!
📆 Urriak 26
🕗 12:30
📍 Azokea
🎟️ 8 € (Lorazainak 6 €)
🎟️ Sarrerak salgai → https://loraldia.eus/egitaraua/el-mozo-wines-morau-eta-benardo-goietxe

El Mozo ardo dastaketa, Morau eta Beñardo Goietxeren musikarekin maridatua, euskal kulturaren uzta eta festa.

Ardo dastaketa eta kantuak uztartzen dituen ekitaldia da. El Mozo upeltegi arabarra, alde batetik; eta bestetik, Morau eta Beñardo Goietxe kantugileen ardoari gorazarre.

El Mozo Wines familia proiektu txiki bat da, Lantziego Arabako Errioxan kokaturik. Mahastizaintza tradizionala, jasangarria eta organikoa dute helburu eta ardogintza ahalik eta naturalenen sortzen ahalegintzen dira. Gurasoek eta aitona-amonek utzitako mahasti guzti-guztiak lantzen eta errespetatu dituzte. Mundu global honetan Lantziegoko mikroardo hauek ardogintzari begiratzeko beste modu bat da.

Morau, eta Beñardo Goietxe berriz, batu ziren “Ardo” izeneko proiektua burutzeko. Morau, Hernanin sortutako kantugilea dira. Andoni Tolosaren goitizen artistikoa da Morau. Folk-rock kantautore honek gizartearen kronistatzat hartzen du bere burua. Woody Guthriek eta Billy Braggek jorratutako ildo berean aritzen da ironiaz eta xamurtasunez beteriko kantuak plazaratzen. Beñardo Goietxe, berriz, gitarra jotzaile eta kantari beratar aparta da.

Kopa altxatu, ospatu eta gozatzeko unea izango da. Ardoaren inspirazio betierekoa eta artista talde honek eskaintzen digun kontakizun eta bizipen bilduma zoragarriekin t**a egingo dugu. T**a!

23/09/2025

LORALDIA PLAZA ZARATAMO ARRIGORRIAGA ▶ Ai Gure Juaneteak! (Antzerkia | Tartean konapinia: Patxo Telleria, Adrián García de los Ojos, Maider López)
Euskarazko antzerkia, umorea eta berrikuntza eskutik.
Mikel Laboaren unibertsoa gaur egunera ekarria, Patxo Telleriaren bertsioan.
📆 Urriak 25
🕗 20:00
📍 Lonbo Aretoa
🎟️ 10 € (Lorazainak 8 €)
🎟️ Sarrerak salgai → https://loraldia.eus/egitaraua/ai-gure-juaneteak-arrigorriaga

"Ai Gure Juaneteak!" antzerki lanak, Patxo Telleriaren zuzendaritzapean, Mikel Laboaren kantuak eta mezuak egungo ikuspegitik berregiten ditu.

Ai gure juaneteak! ikuskari eszeniko hibridoa da, hitzak eta musika uztartzen duena. Tauletan aktore-musikari bat eta bi musikari-aktore. Lanaren testua Mikel Laboaren zenbait kanten berrinterpretazio erabatekoa da. Gaur egungo begiradatik “Hegazki errariak”, “Izarren hautsa”, “Bedeikatua”, Negu hurbila”, “Lili bat”, “O Pello, Pello”, “Haika mutil”, “Baga b**a higa”, “Ihes betea”... kantuak izango dira aztergai.

Gure ondare emozionalaren ezinbesteko zatiak direlako, Patxo Telleriak, lan honen dramaturgoak eta aktoreak, berkodifikatzeko eta berregituratzeko ausardia hartu du. Hitzak eta melodiak ikuspuntu berrietara eramateko ahalegina egingo dute. Bide berrietatik abiatuko dira desegituratze eta desitxuratze erradikalarekin. Artze, Lete, Sarrionandiaren letrak piztuko dira fokopean eta euren melodiak ere ildo garaikidetatik abiatuko dira.

Zumeta ere ez da faltako estetika arloan. Horrela, orain dela 50 urteko sentikariaren aurkikuntza estetiko eta eszeniko batzuk (Baga, b**a, higa sentikaria, esate baterako) berrerabiliko dituzte.

22/09/2025

LORALDIA PLAZA ZARATAMO ARRIGORRIAGA ▶ Hitzaurrea (Esperientzia Digitala)
Kultura berritzailea zure herriko kaleetan, mugikorrarekin eta aurikularrekin!
Banakako esperientzia digitala, Arrigorriagan zehar.
📆 Urriak 25
🕗 18:00
📍 Arrigorriagako Udaletxe Plazan hasita
🎟️ Sarrera doan. https://loraldia.eus/egitaraua/hitzaurrea-arrigorriaga/
"Hitzaurrea" esperientzia digital interaktiboak, Piszifaktoria Ideien Laborategia eta Fikzio Fabrika lagunekin, etorkizuneko euskal kultura ibilbide bat eskaintzen du zure mugikorrarekin.

Inoiz pentsatu al duzu nolakoa izango den etorkizuna? Are etorkizunik izango ote den? Guk ere bai. Baina, zuk bezala, guk ere ez daukagu erantzun argirik.
Horregatik, soinu-esperientzia digital hau ez da etorkizunari buruzkoa. Edo, beharbada, bai. Gaurko urratsek sortuko dituztelako biharko bide berriak.

Egunero erabiltzen duzun mugikorra eta aurikularrak baino ez dituzu behar. Eta denbora, zure herritik paseatzeko. Esperientzia hau, funtsean, oinez gertatzen den jolas bat delako. Zure erabakien mende dagoen banakako ibilaldi bat.
Ongi etorri orainaldira. Ongi etorri etorkizunaren hitzaurrera.

Piszifaktoria ideien laborategiak eta Fikzio Fabrikak ibilbide erreal bat proposatzen digute kaleetan barna. Plazatik abiatuko gara eta norbera telefono mugikorra eta aurikularrak erabiliz, istorio baten barnean murgiduko da. Gure erabakien arabera, alde batetik edo bestera joango den istorioa.

*Emanaldi hau Loraldiaren Sormen Digitala Bekaren egitasmoaren emaitza da.

21/09/2025

LORALDIA PLAZA ZARATAMO ARRIGORRIAGA ▶ Arima. Flamenkoa – Txalaparta Berriketan (Ikuskizuna: La Pulga eta Lagunak)
Bi kultura, bi erritmo, emozio bakarrean!
Flamenkoaren indarra eta txalapartaren iturburua agertoki gainean.
📆 Urriak 24
🕗 20:00
📍 Lonbo Aretoa (Arrigorriaga)
🎟️ 10 € (Lorazainak 8 €)
🎟️ Sarrerak salgai → https://loraldia.eus/egitaraua/arima-flamenkoa-txalaparta-berriketan

"Arima" ikuskizunean, La Pulga (Askoa Etxebarrieta) buru, flamenkoa eta txalaparta, dantza eta musika elkartzen dira esperientzia bikain eta berritzailean.
La Pulga sortzaile nekaezina da. Flamenkoa eta euskal kultura uztartzen aritu da urte luzez. “Arima” ikuskizunean txalapartarekin esperimentatuko du. Bi kulturen bidegurutze zirraragarria.

Berriketan: hitzak elkarrekin hizketan aritzea esan nahi du, eta proiektu honek ere uztartze kulturala bilatzen du. Euskal Herriko sustraietan sortutako txalapartaren soinuak, bertso eta kantuak, eta flamenkoaren pasioa, dantza eta kantuek osatutako binomio orekatua.

“Arima”, Berriketan taldearen ikuskizun berrian, txalapartaren edo ttakunaren soinuekin osatutako buleria aurkitzen da; kantu herrikoi bati takoneoak alaitasunez laguntzen dio; gitarra eta kexu flamenkoek, zortzikoekin batera, xuxurlatu eta sentimenduak marrazten dituzte.

Hitzei dagokienez, honako sortzaileekin aritu dira elkarlanean: Miren Amuriza, Ruben Sánchez de Bakaikoa eta Aitziber Etxebarrieta.

20/09/2025

LORALDIA PLAZA ZARATAMO ARRIGORRIAGA ▶ Suak Su (Dantza Ikuskizuna, Meñakoz Dantza Taldea)
Dantza, kanta eta antzerkiaren arteko fusioa, sua izpirituarekin piztuta.
Sormen gaztearen energia eta tradizioa plazan bat eginda.
📆 Urriak 23
🕗 19:00
📍 Abusuko Kultur Zentroa (Arrigorriaga)
🎟️ Sarrera doan, baina hartu behar da
"Suak Su" ikuskizunak euskal dantzaren, kantuaren eta bertsolaritzaren bidez tradizioari berritasuna ematen dio, Meñakoz taldeko 8 dantzari, Iholdi Beristain abeslaria eta Peru Irastortza bertsolariarekin.

Dantzaz, musikaz, kantuaz eta antzerkiaz jositako ikuskizun
multidiziplinarra. Kantagintza tradizionala, euskal dantza eta ohiturak berrantolaketzeko asmoarekin sortutako ikuskari ikusgarria. Gazte sortzaile talde adoretsua eta ausarta dugu sorkuntza honen egileak eta protagonistak. Zortzi dantzari, Iholdi Beristain kantaria eta Peru Irastortza bertsolaria biltzen dira eszena gainean.

Gizakia aspaldian hasi zen eguzkia miresten nahiz bere nondik norakoak behatzen eta aztertzen. Historiaurretik, munduko herrialde askotako jendea ohartu zen udako solstizioan izaten zela egunik luzeena eta hortik aurrera eguzkiaren indarra gainbeheran joaten zela.

Suaren inguruan dantzan ezagutu izan ditugu sorginak, adibidez. Sua ere gure arbasoek erabili ohi zuten eskuak berotzeko. Sua erabiltzen dugu kozinatzeko. Edo erretzeko. Eta berotzeko. Baita bere inguruan dantzatzeko ere. Etxeko ikur eta etxeko jeinu. Eskaintzeko eta eskatzeko.

https://loraldia.eus/egitaraua/suak-su-menakoz-dantza-taldea/

19/09/2025

LORALDIA PLAZA ZARATAMO ARRIGORRIAGA ▶ Ruper Ordorika "Bakarka II" (Kontzertua)
Euskal musika garaikideko ahotsik esanguratsuenetako bat, bakarka eta hurbiletik.
Esperientzia intimoa, kantu mitikoak zuzen-zuzenean.
📆 Urriak 18
🕗 19:30
📍 Arkotxako eliza
🎟️ 8 € (Lorazainak 6 €)
🎟️ Sarrerak salgai → https://loraldia.eus/egitaraua/ruper-ordorika-bakarka/
"Bakarka II" saioan, Ruper Ordorikak bere abesti enblematikoen bertsio akustikoak eskainiko ditu, musika eta emozioaren gailurra zure herrian.
2018ko udazkenean, Ruper Ordorikak “Bakarka” izeneko lehen lana argitaratu zuen. Sei urte beranduago “Bakarka II” plazartu du. Bi musika lan hauekin bere ibilbideko kanta adierazgarrienetako batzuk errepesatu eta modu soilean moldatu ditu.

Arkotxara gerturako da b**arren alea aurkeztera. Ruperrek bere errepertoriotik 12 kanta aukeratu eta grabatu ditu artifiziorik gabeko formatu honetan, kantaren esentzia biluztea ahalbidetzen dion formatuan.

Kanten artean, “Erruduna”, “Zaindu maite duzun hori” eta “Zaldiak negarrez” aurkituko ditugu, Rupertorioan dirdira berezia izan duten sormen historikoak. Ruper Ordorikaren kontzertu guztiak ospakizun bilakatzen dira. Arkotxan ere zainduko dugu maite dugun hori.

18/09/2025

Loraldia Plaza Zaratamo Arrigorriaga ▶ “Itoiz Udako Sesioak” dokumentalaren proiekzioa eta solasaldia

🎬 “Itoiz Udako Sesioak” dokumentalak gure musika historiaren zirrikituak zabaltzen ditu.
Zatoz dokumentalaren proiekziora eta ondorengo solasaldira, Larraitz Zuazo zuzendariaren eskutik eta Juan Carlos Perez eta Foisien parte hartzearekin.
Ezinbestekoa musika zaleentzat eta musika euskaldunaren historian mugarri.
Ezagutu Itoiz taldearen ibilbidea eta ahozko lekukotasun berriak zuzenean.

📆 Urriak 17, ostirala
🕗 19:30
📍 Zaratamoko Kultur Aretoa
🎥 Zinema + solasaldia | 100 min
🎟️ 8 € (Lorazainak 6 €)
Ez galdu euskal musika mitikoaren lekukotasun berritzaile hau!

“Oroimena garela akordatzen naiz, oroimena ala ia ezer ez” idatzi zuen Joseba Sarrionandiak. Dokumental honen bidez gure akorduak biztuko dira eta garai hori bizi izan ez bazina transmisioaren magian murgilduko zara. Itoiz talde mitikoa izan da gure musikagintzan eta film honek oso modu originalean islatzen du gure musika historia.

Zineman bertan, Juan Carlos Pérez gogoeta sakon batean murgilduko da argitaratu gabeko zinta bilduma baten aurkikuntzaren ondorioz. Alde batera utzi nahi izan ditu taldeak momenturik gorenean pop estilora eman zuen aldaketa, eta ostean desegin izana.

Itoiz musika taldearen lider izandakoak bidaia katartiko bat hasiko du, iraganarekin adiskidetzeko balioko diona; taldeak 70. hamarkada hasieran rock progresiboan murgilduta igarotako urteak bergogoratuko ditu bertan. Filmaren protagonista eta egiletako batzuk izango dira gurean solasaldi batean.

https://loraldia.eus/egitaraua/itoiz-udako-sesioak-dokumentala

17/09/2025

🌊 MAREA GORA DATOR! AURKEZTU DUGU LORALDIA PLAZA ZARATAMO-ARRIGORRIAGA JAIALDIAREN 4. EDIZIOA! 🌊

Zaratamo eta Arrigorriagako Udalekin batera, Loraldia Plaza Zaratamo Arrigorriaga jaialdiaren laugarren edizioa aurkeztu dugu. Eta edizio hau berezia da. 'Marea Gora' lelopean, inoiz baino indartsuago aldarrikatzen dugu euskarazko kulturaren bizitasuna, aniztasuna eta etengabeko hazkundea.

Loraldia Plaza ez da soilik jaialdi bat. Gure balioak praktikan jartzea da:
✅ Kultura deszentralizatzea, Bilbotik harago eramanez.
✅ Transmisioa bermatzea, artista sagaratuak eta talentu berriak elkartuz.
✅ Sormena bultzatzea, diziplina ezberdinak fusionatuz eta esperientzia berriak proposatuz.

Ruper Ordorikatik hasi eta esperientzia digital interaktiboetaraino, dantza, musika eta ardo-dastaketak barne. Egitarau hau zuekin gozatzeko prestatu dugu.

Prest zaudete olatu honetan murgiltzeko? 👇 Begiratu egitarau osoa eta eskuratu zure sarrerak hemen! 👇 https://loraldia.eus/plaza/arrigorriaga-zaratamo/

Mila esker Arrigorriagako eta Zaratamoko Udalei, Bizkaiko Foru Aldundiari eta Laboral Kutxari zuen babesagatik. Goazen!
https://loraldia.eus/plaza/arrigorriaga-zaratamo/

Bizkaiko Foru Aldundia - Diputación Foral de Bizkaia Arrigorriagako Udala / Ayuntamiento de Arrigorriaga Ayuntamiento Zaratamo - Zaratamoko Udala LABORAL Kutxa NAIZ
Doxa producciones Atera Films Ruper Ordorika Berriketan Txalaparta Flamenko Tartean Teatroa LONBO Aretoa El Mozo Wines -Bodegas Compañon Arrieta-

08/09/2025

🚀 MARTXAN DA! Loraldia Sormen Digitaleko Bekaren 4. edizioa! ✨

Zure euskarazko proiektu digitala errealitate bihurtzeko aukera paregabea da hau! Berrikuntza, sormena eta etorkizunera begirako lanak bilatzen ditugu. 💡💻

10.000€ zure ideiarako! 💰

Ez galdu aukera paregabe hau! 📆 Proiektuak aurkezteko epea urriaren 19an amaituko da.

Bat egin euskal kulturaren etorkizun digitalarekin! 👇
https://loraldia.eus/digitala/beka-deialdia-laugarren-edizioa-2025

02/09/2025

✨ Zaratamo eta Arrigorriaga euskal kulturaren bihotz bilakatuko dira urriaren 17tik 26ra, Loraldia Plaza 4. edizioan!
Marea Gora da aurtengo leloa: tradizioa, berrikuntza eta artea, etxean bertan.

Bi herrietako plazak euskarazko sormenaren eszenatoki bihurtuko dira, eta denontzako ekitaldi paregabeak izango ditugu.
Herriko kultur festibala zurea ere bada: hurbildu, bizi eta partekatu!
🎟️ Sarrerak irailaren 17an izango dira salmentan.
Zatoz eta ospatu zure herrian!

https://loraldia.eus/plaza/arrigorriaga-zaratamo/

.eus .andraka .eus .txalaparta.flamenko

Loraldia

26/09/2025

26/09/2025

24/09/2025

23/09/2025

22/09/2025

21/09/2025

20/09/2025

19/09/2025

18/09/2025

17/09/2025

08/09/2025

02/09/2025

Dirección

Teléfono

Página web

Notificaciones

Contacto La Empresa

Atajos

Compartir