Xuntanza de Empresarios de Ames

Casa
España
Brion
Xuntanza de Empresarios de Ames

Xuntanza de empresarios de Ames, apoyemos al pequeño comercio.

09/12/2025

Temos novo socio! Benvido Javi Troitiño Fotógrafo! 📸

Únese á Xuntanza de Empresarios de Ames un profesional especializado en fotografía social e creación dixital con estudio en .

Con moitos anos de traxectoria, ofrece servizos personalizados, coidando cada detalle para captar momentos únicos 📸 Ademais, conta cunha proposta perfecta para estas datas: sesións de Nadal en familia 🎄📷 Reserva xa a túa!

📍 Avda da Maía, 45 – Local 3, Bertamiráns (Ames)
📞 654 434 646 – 951 891 318
🌐 www.jtfotografo.com
📸 IG .troiphoto

Grazas por formar parte de XEA!

e ti? 🫵🏼

04/12/2025

A nosa socia Lola de Mercería Marlo en Bertamiráns e o noso socio Jorge de Churrería Jorge no Milladoiro foron dous dos protas do acendido de Nadal en Ames ✨

Marlo prendeu o botón do alumeado e Jorge encargouse de encher de felicidade os asistentes cunha chocolatada con churros impresionante! Grazas por facer xuntanza, por facer comercio e hostalería local!

E parabéns ás dúas agraciadas que levaron cadanseu VALE XEA de 50€ para canxear nos comercios asociados polos seus looks de Nadal 🎄🎉

🩵 E ti?

$Atención! Gorros, xerseis, disfraces… Todo vale! Anímate a participar 𝐜𝐨 𝐭𝐞𝐮 𝐦𝐞𝐥𝐥𝐨𝐫 𝐥𝐨𝐨𝐤 𝐝𝐞 𝐍𝐚𝐝𝐚𝐥 no deste xoves 4 de ...$

03/12/2025

Atención! Gorros, xerseis, disfraces… Todo vale!

Anímate a participar 𝐜𝐨 𝐭𝐞𝐮 𝐦𝐞𝐥𝐥𝐨𝐫 𝐥𝐨𝐨𝐤 𝐝𝐞 𝐍𝐚𝐝𝐚𝐥 no deste xoves 4 de decembro ás 18:00 h na Praza do Concello de Ames!

😍 Os dous mellores disfraces levarán cadanseu VALE XEA de 50€ para canxear nos comercios asociados.

Sorpréndenos co teu espírito á vez que apoiamos o e a nosa 🙌🏻✨

🩵 E ti?

02/12/2025

📸 Este ano o certame fotográfico de “Ilumina o teu sorriso” chega cunha gran novidade: o !

Un novo recoñecemento pensado para destacar a creatividade dos comercios asociados e a súa implicación na ambientación de Nadal.

As persoas participantes poderán optar a este premio enviando unha fotografía dun escaparate ou interior decorado dun establecemento pertencente á XEA. 🙌🏻🙌🏻 O galardón estará dotado cun vale de 300 € para gastar no propio comercio fotografado.

ℹ️ Xunto a esta novidade, mantense o concurso fotográfico habitual, no que poderá participar calquera persoa que retrate a iluminación e decoración de Nadal nas localizacións indicadas en Ames: na praza do Concello ou Praza da Maía (Bertamiráns) e na praza da Madalena ou aparcamento do Supercor (O Milladoiro).

Os premios xerais serán de:

✨250 € para o primeiro número premiado
✨150 € para o segundo
✨ 100 € para o terceiro
(Vales para consumir nos nosos comercios asociados á XEA)

Agardámosvos co voso mellor sorriso en Ames este Nadal!

01/12/2025

Chegan os !

En marcha unha nova convocatoria da campaña Bonos Consuma Ames, unha iniciativa pensada para apoiar o comercio e a hostalería local durante a tempada de Nadal e comezos de ano levada a cabo polo Concello de Ames.

🛍️ Rexistro de establecementos:

Os negocios interesados en participar poden inscribirse na plataforma www.bonosconsuma.gal ata o 15 de decembro. A adhesión é imprescindible para poder ofrecer os descontos ás persoas consumidoras.

💳 Período de uso dos bonos:

Os bonos poderán empregarse desde o 19 de decembro ata o 19 de febreiro de 2026, permitindo así incentivar as compras tanto nas datas festivas como nos primeiros meses do ano.

As persoas usuarias poderán beneficiarse dos seguintes descontos directos ao realizar as súas compras:

• 5 € para compras iguais ou superiores a 10 € e inferiores a 30 €
• 10 € para compras iguais ou superiores a 30 € e inferiores a 50 €
• 15 € para compras iguais ou superiores a 50 €

30/11/2025

Dámoslle a benvida a ✨

É un pracer anunciar que Move-T Escola de Danza se incorpora á Xuntanza de Empresarios de Ames 🙌🏻💃

Move-T é un estudio e escola de danza que ofrece unha ampla variedade de disciplinas: salsa, bachata, baile urbano, moderno, sevillanas, tango, ballet, lírico… con clases adaptadas a diferentes niveis e idades.

Un espazo onde a paixón pola danza se converte en movemento, creatividade e comunidade.

📍 Xa podes seguilos e unirte
📞 Toma nota do seu contacto 624 354 127 e arranca decembro bailando!

e ti? 🫵🏼

29/11/2025

Pousada Láser creou os trofeos do Enfoca Ames! ✨

Os premiados desta edición levaron un agasallo artesanal único, feito con moito coidado e creatividade 📷

Podedes ver o seu traballo no Mercado de Nadal da Carreira do Conde, en Santiago de Compostela, onde estarán ata o 5 de decembro.

🌟 Pasade facerlles unha visita e aproveitade para mercar agasallos especiais nestas datas!

28/11/2025

🗣️Comunicado de XEA respecto da suba do imposto da recollida do lixo

O novo incremento do imposto de recollida do lixo preocupa especialmente ao pequeno e mediano comercio de Ames. Moitos dos nosos asociados, que apenas xeran residuos, verán como esta taxa se lles incrementa ata nun 300%, unha suba difícil de asumir na situación actual.

Entendemos que é unha medida europea e que o Concello traballou para aplicala do mellor xeito posible, pero pedimos alternativas máis xustas, baseadas noutros criterios que non castiguen a quen menos contamina e xa está a reciclar.

♻️ Queremos unha solución equilibrada, que cumpra os obxectivos europeos sen prexudicar o pequeno comercio local.

25/11/2025

Unímonos a este para dicir

Querémonos libres, seguras, respectadas ✊🏼

20/11/2025

XEA colaborou co Magosto de Bugallido con bonos! 🌰🍂

Desde Xuntanza de Empresarios de Ames (XEA) colaboramos coa organización do tradicional Magosto de Bugallido, apoiando unha celebración tan especial.

🎁 Cedemos dous bonos XEA que se sortearon entre as persoas asistentes:

• 1 bono de 100 €
• 1 bono de 50 €

Lembramos que estes bonos poden ser canxeados exclusivamente nos establecementos socios de XEA, apoiando así o comercio e a hostalería local de Ames.

Grazas a todas as persoas participantes por apoiar os negocios da nosa contorna.

🩵

16/11/2025

A Feira do Monte acolleu a entrega dos premios da V edición de Enfoca Ames 📸🏆

A Xuntanza de Empresarios de Ames (XEA) e o Concello de Ames fixeron entrega dos premios do concurso de fotografía Enfoca Ames, que chega xa á súa quinta edición consolidándose como un escaparate do talento creativo e da beleza do noso municipio.

Velaquí os premiados:

📷 Artística:

• 1º premio: Tambre Mágico, de David Hernando Castro
• 2º premio: Ames, de Alejandro Germán Jofre Sánchez
• 3º premio: Reflexo, de Amparo Portabales Dobaño

📷 Paisaxe:

• 1º premio: Solpor de Outono, de Nerea Gui Barbazán Suárez
• 2º premio: Néboa na Mahía, de Amparo Portabales Dobaño
• 3º premio: Aguas Fugaces, de Francisco Javier Díaz Gilmartin

📷 Patrimonio:

• 1º premio: Reflexos de cores outonais e néboas do río muíño de Tapia, de Vanessa Lamas Gesto
• 2º premio: Ponte, de Alejandro Germán Jofre Sánchez
• 3º premio: A Peregrina no Espello, de Amparo Portabales Dobaño

O acto de entrega celebrouse na Feira do Monte. Os premios son vales a canxear nos nosos socios e socias, polo que fomentamos así as compras no noso comercio e hostalería local! Así que parabéns a todas as persoas premiadas e grazas aos participantes!

A g***r do noso comercio 🩵

15/11/2025

A Xuntanza de Empresarios de Ames estivo presente nos Premios do Comercio Galego 2025, celebrados en Santiago de Compostela.

Unha edición que volveu recoñecer o traballo exemplar do comercio galego nas categorías de Comercio Galego, Comercio Traxectoria, Comercio Emprende, Comercio Dinamización e Comercio Sostible, así como os proxectos finalistas pola súa contribución á dinamización do sector.

Para nós foi un orgullo acompañar esta celebración que pon en valor o esforzo, a innovación e a competitividade do comercio no marco do Plan estratéxico do comercio de Galicia 2025-2030.

Seguimos apoiando e impulsando o comercio local!

🩵

Dirección

Brion

Teléfono

+34641116005

Página web

https://xuntanzadeempresariosdeames.gal/

Notificaciones

Sé el primero en enterarse y déjanos enviarle un correo electrónico cuando Xuntanza de Empresarios de Ames publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Empresa

Enviar un mensaje a Xuntanza de Empresarios de Ames:

Atajos

¿Quieres que tu empresa sea el Compañía De Medios mas cotizado en Brion?

Categoría

Sitio web de noticias y medios de comunicación