Rinoceronte Editora

02/12/2025

César Lorenzo Gil. Esta listaxe baséase unicamente no meu criterio, formulado a través da ficha explicativa de cada título. Avalíanse unicamente obras publicadas durante os últimos doce meses. A lista publicarase o primeiro luns de cada mes. Por razóns evidentes non se inclúen obras publicad...

26/11/2025

'A adultez é un mito', de Sarah Andersen

Estás por riba do ben e do mal?

Pásalo ben facendo contactos para avanzar na túa carreira?

A vida adulta é un reto emocionante para o que te sentes completamente preparada?

Agh. Lisca.

Este libro é para o resto de nós. Estes cómics documentan como estragar marabillosas fins de semanas en internet, a inaturable agonía de ir da man pola rúa con quen che gusta, o desexo de chegar á casa para poñer o pixama e a cuestión de cando comeza exactamente iso de facerse maior. Dito doutro xeito, os horrores e incomodidades da vida moderna para a xente nova.

Tradución do inglés de Clara Barcia
112 páxinas
ISBN 978-84-19795-88-5
12 €
Rústica con lapelas
170 x 240 mm
Cómic
https://rinoceronte.gal/produto/a-adultez-e-un-mito/

26/11/2025

Obras do século XIX en diante, sobre todo contemporáneas.

25/11/2025

Partimos da base de que todo o que se publique coa intención de erradicar a violencia exercida contra as mulleres ao longo dos séculos será insuficiente, pero isto non nos fai desistir.

Para mostra, un dos nosos últimos títulos: 'Da cor do leite', de Nell Leyshon, na que Mary atopa co***lo contando do seu puño e letra a súa propia historia, e o prezo que tivo que pagar por aprender a escribir.

Xa vos adiantamos que en 2026 seguiremos teimando, con títulos como 'Mulleres empilladas', de Patrícia Melo, que provocarán de todo agás indiferenza.

https://rinoceronte.gal/catalogo/?_sft_tematica=feminismo

20/11/2025

A piques de rematar o ano e a primeira centena de títulos da Colección Nova, a vindeira semana chegarán estas dúas novidades ás librarías e ás persoas subscritas:

🥛'Da cor do leite', de Nell Leyshon (trad. do inglés de Estela Villar Nogueira). Nunha localidade rural británica, Mary ten que abandonar a granxa familiar para coidar da muller do vigairo, gravemente enferma. Alí farase maior, experimentará moitas vivencias e aprenderá a ler e escribir, o que lle permitirá contar a súa historia para atopar sosego.

🦔 'Con e de curcuspín', de Mario Obrero (trad. do castelán de Moisés Barcia). Esta obra coouse 'in extremis' e por méritos propios no plan editorial deste ano. Está composta por varias cartas de amor á diversidade lingüística e recoñece a admirable tenacidade do galego, aragonés, catalán, aranés, asturiano, estremeño e éuscaro por existiren.

Se buscas unha derradeira lectura para que 2025 deixe bo pouso, acude a Mary e a Mario.

https://rinoceronte.gal/produto/da-cor-do-leite/
https://rinoceronte.gal/produto/con-e-de-curcuspin/

06/11/2025

O venres estrouse nos cines esta película baseada no libro de Max Porter 'O loito é esa cousa con plumas'. O difícil vai ser vela dobrada ou subtitulada en galego, pero sempre podedes ler a tradución de Moisés Barcia: https://rinoceronte.gal/produto/o-loito-e-esa-cousa-con-plumas/

06/11/2025

'A inquilina de Wildfell Hall', de Anne Brontë, no Faro da Cultura de hoxe: "unha das primeiras novelas feministas da literatura inglesa", con "enorme calidade literaria, o dominio do retrato dos personaxes e a crítica das estruturas socias que impedían a liberdade das mulleres."

A mansión de Wildfell Hall recibe unha nova inquilina, unha misteriosa muller chamada Helen Graham, acompañada polo seu fillo pequeno. A chegada desta habitante desata todo tipo de rumores entre a veciñanza. Grazas ás páxinas do seu diario, que chega ás mans do seu namorado, Gilbert Markham, c...

29/10/2025

As nosas novidades deste mes teñen unha sombra alongada. Dous clásicos imprescindibles que non podían faltar no catálogo de Rinoceronte:

🏛'Eneida', de Virxilio, con tradución do latín, introdución e notas de Alfonso Blanco, e
🧥'Contos de San Petersburgo', de Nikolai Vasílievich Gógol, traducido do ruso por Aleksandr Dziuba.

Podes atopar máis información na nosa web!
https://rinoceronte.gal/produto/eneida/
https://rinoceronte.gal/produto/contos-de-san-petersburgo/

29/10/2025

'Eneida', de Virxilio

A Eneida, unha das obras cumio da literatura universal, foi escrita orixinalmente en doce volumes de papiro, e contén un total de 9896 versos (unha media duns 824 versos por libro).

Para compoñer o seu poema épico, Virxilio inspirouse na Ilíada e mais na Odisea de Homero. A primeira metade da Eneida contén a viaxe dun heroe na procura dun destino; a segunda é o relato da guerra que o heroe debe librar para estabelecer unha nova comunidade. A primeira sección lembra a Odisea, pero diferénciase dela en que o heroe non sabe a onde vai (ao revés de Ulises, que persegue o regreso a Ítaca); a segunda está baseada na Ilíada, mais distínguese dela en que, se a guerra dos heroes homéricos gregos é destrutiva (a conquista e saqueo de T***a), Eneas loita por dar nacemento a unha nova patria.

Á súa vez, a nómina de obras influídas directamente pola Eneida é longuísima, e aquí conformarémonos con citar dende a Divina Comedia de Dante a The House Of Fame do inglés Geoffrey Chaucer (c. 1340-1400), Os Lusíadas, do portugués Luís Vaz de Camôes (c. 1524-1580), La Araucana, do castelán Alonso de Ercilla (1533-1594), os Paradise Lost e Paradise Regained do inglés John Milton (1608-1674), ou, entre nós, Os Eoas de Eduardo Pondal (1835-1917).

Esta tradución, que se presenta en versos non rimados, para non desvirtuar demasiado a forma orixinal, supuxo máis dunha década de traballo (en períodos descontinuos).

Tradución do latín, introdución e notas de Alfonso Blanco
376 páxinas
ISBN 979-13-87877-02-6
23 €
Rústica con lapelas
145 x 220 mm
Textos clásicos
https://rinoceronte.gal/produto/eneida/