Radio Carballiño

20/08/2025

20/08/2025

📢 O comercio local de O Carballiño dá un paso máis cara ao futuro!

Hoxe presentamos oficialmente na Casa do Concello a plataforma LoPróximo 👉 unha ferramenta dixital novidosa que permitirá a toda a veciñanza atopar de maneira rápida, cómoda e sen esforzo os mellores produtos e servizos do noso comercio local.

👥 No acto contamos coa presenza de:

Gabriel Alén, Director Xeral de Comercio e Consumo da Xunta de Galicia

Lorena Castro, Concelleira de Educación do Concello de O Carballiño

Noelia Mares, Xerente do CCA

Eduardo Rodríguez, socio fundador de LoPróximo

💬 Durante a súa intervención, Gabriel Alén destacou que o comercio de proximidade galego continúa dando pasos firmes na dixitalización, sen perder os seus valores tradicionais nin os beneficios únicos da compra de proximidade, e puxo como exemplo o esforzo do comercio local de Carballiño neste camiño.

🛍️ Con esta iniciativa, desde Carballiño CCA seguimos apostando por un comercio de proximidade moderno, innovador e dixital, pero sen perder a súa esencia: o trato persoal, a confianza e a calidade.

✨ E lembra: este fin de semana estaremos cun stand na Feira de Stock de Carballiño para amosarche como funciona LoPróximo. Se a probas, entrarás no sorteo dun paseo en ecobarco para 4 persoas polo corazón do Ribeiro + picnic con produtos da terra 🌿🚤

🔗 Descubre xa LoPróximo en 👉 https://loproximo.com

20/08/2025

19/08/2025

Hoxe visitou a SER o noso colaborador deportivo, Manuel Peña, para falarnos do Trofeo do Pulpo e dos ultimos movementos de fichaxes do CD Arenteiro

19/08/2025

Hoxe achegámonos á situación dos lumes forestais no Ribeiro falando coa colleiteira Xulia Bande, e da colaboración dos colleiteiros e agricultores que puxeron a disposición os seus tractores e de veciños e voluntarios que levan días atallando o lume

19/08/2025

📝 Oficial | Fichaxe Sergio Aguza

O C.D. Arenteiro reforza o seu centro do campo coa chegada de Sergio Aguza, mediocentro de 32 anos con ampla experiencia no fútbol profesional.
Natural de Sant Boi de Llobregat (Barcelona), Aguza formouse na canteira do Real Madrid, chegando a xogar no RM Castilla antes de iniciar unha longa traxectoria que o levou por equipos como Córdoba CF, AD Alcorcón, UD Almería, FC Cartagena, SD Ponferradina, Real Murcia, CD Lugo ou CF Fuenlabrada.
Con máis de 300 partidos en Primeira e Segunda División, destaca pola súa visión de xogo, capacidade de mando no medio campo e precisión no pase. Chega a Espiñedo para achegar experiencia, criterio e carácter competitivo.

💚 Benvido a casa, Sergio!

19/08/2025

𝗖𝗢𝗠𝗨𝗡𝗜𝗖𝗔𝗗𝗢

O Concello de Avión informa que os incendios rexistrados nas zonas de Barroso, Vilar e Cortegazas atópanse na actualidade baixo control, trala rápida e eficaz intervención dos distintos medios e efectivos que participaron nas labores de extinción.

O Concello quere trasladar o seu máis sinceiro agradecemento a:

*O Grupo de Emerxencias Supramunicipal (GES)
*Policía Local
*A Brigada Municipal e Brigadas Forestais
*Protección Civil
*Os voluntarios e voluntarias, así como á veciñanza
*O Concello da Lama, pola cesión dun vehículo nodriza que resultou de grande axuda nas tarefas de extinción.

Grazas ao esforzo conxunto e á exemplar coordinación de todos eles, a situación está na actualidade estabilizada e baixo seguemento, garantindo así a seguridade e tranquilidade da veciñanza.

Dende o Concello de Avión, continuaremos vixiantes e manteremos informada á poboación de calquera evolución relevante da situación.

19/08/2025

Actualizamos información sobre os incendios forestais na provincia de :

➡️ Nestes momentos, permanece cortada a N-525 entre os km. 133 e 137 (A Gudiña). O resto de vías principais están abertas á circulación.
➡️En Pentes (A Gudiña), parte da poboación decidiu irse de xeito preventivo polos seus medios e o resto confinouse nas súas vivendas durante as tarefas de extinción.
➡️Normalidade nas residencias de maiores.

📰🔗 Consulta a información nos nosos boletíns informativos: https://www.axega112.gal/gl/content/n-525-permanece-cortada-altura-da-gudina-debido-aos-incendios-forestais-que-afectan

18/08/2025

O tráfico ferroviario continúa interrompido e máis de 120 persoas permanecen confinadas preventivamente en residencias de Rubiá e Carballeda de Avia, segundo informa o 112.

As medidas de protección á cidadanía permanecen vixentes nas zonas afectadas polos incendios forestais na provincia de Ourense. Así, permanece activada a Situación 2.

Nestes momentos, ningunha vía de circulación principal se atopa cortada, aínda que si sigue interrompido o tráfico ferroviario.

Tampouco se rexistraron novas evacuacións, pero, en canto ás residencias, mantéñense confinadas de maneira preventiva 70 persoas na residencia de Rubiá e 56 en dous centros de Carballeda de Avia. Segundo confirmou a Consellería de Política Social, todas as persoas evacuadas nos últimos días están xa no seu centro de orixe.

18/08/2025

Hoxe falamos co alcalde de Carballeda de Avia, Luis Milia, sobre a sitaución do lume forestal que xa arrasou 3.000 hectáreas neste municipio