Lunes 10:30 - 14:00 Martes 10:30 - 14:00 Miércoles 10:30 - 14:00 Jueves 10:30 - 14:00 Viernes 10:30 - 14:00

RADIO NOVA

Casa
España
La Lama
RADIO NOVA

A nova radio do Verdugo-Oitavén. Sintonízanos no 107.2 FM

02/08/2026

O MULTIUSOS DA LAMA ACOLLE MAÑÁ LUNS 3 DE AGOSTO UNHA DIVERTIDA XINCANA PARA APRENDER SOBRE CONSUMO RESPONSABLE

O Concello da Lama convida os máis pequenos a participar na Xincana do Consumo Responsable, unha actividade educativa de verán pensada para aprender, xogar e descubrir a importancia de coidar o que realmente importa.

A través de diferentes probas e retos, os participantes poderán achegarse dun xeito ameno a hábitos de consumo máis responsables e sostibles.

📅 Luns, 3 de agosto.

🕔 Ás 17:00 horas.

📍 Multiusos da Lama.

Unha proposta para demostrar que os pequenos xestos poden construír un gran futuro. 🌱♻️

Organiza o Concello da Lama coa colaboración da Xunta de Galicia e do Instituto Galego do Consumo e da Competencia.

02/08/2026

CAMPALAMA MANTÉN ABERTO O PRAZO DAS INSCRICIÓNS PARA O MES DE AGOSTO

O campamento de verán Campalama 2026 mantén abertas as inscricións para o mes de agosto, cunha ampla programación de actividades dirixida a nenos e nenas de 3 a 14 anos.

⚽ Fútbol.

🐴 Montar a cabalo.

🏊 Parque acuático.

🚣 Pedaletas.

🏹 Tiro con arco.

🏸 Bádminton.

🏰 Inchables.

🏓 Ping-pong.

🎲 Xogos de mesa.

🎨 Manualidades e moito máis!

📅 Campamento dispoñible ata o 4 de setembro.

🕙 Horario: de 10:00 a 14:00 horas.

🌅 Posibilidade de Plan Madruga para facilitar a conciliación familiar.

💶 Prezos:

• Unha quenda: 70 euros.

• Mes completo: 110 euros.

• Desconto para irmáns.

☎️ Máis información e inscricións: 619 170 496.

Organiza A Lama SD, coa colaboración do Concello da Lama.

01/08/2026

"MALDITOS PENDEJOS" TRASLADOU AO PÚBLICO DA ALAMEDA Á ÉPOCA DA MOVIDA DOS ANOS 80

O público que se deu cita onte na Alameda da Lama para asistir á Festa Oitentera organizada polo Concello da Lama e protagonizada polo grupo ferrolán MALDITOS PENDEJOS disfrutou dunha noite chea de recordos musicais que serviron aos asistentes para botar uns bailes e lembrar outros tempos.

Polo escenario instalado na Alameda desfilaron as principais cancións dos anos 80 e do panorama español do Pop-Rock de aquel momento facendo que o público disfrutara a tope. Entre os asistentes tamén estivo o alcalde da Lama, David Carrera, que recibiu os parabéns de moitos dos alí concentrados pola idoneidade da festa e do grupo contratado para a ocasión.

Para rematar a velada, a DJ Noelia prolongou a festa ata ben entrada a noite repasando os éxitos de Alaska, Rosendo e moitos outros.

01/08/2026

O CONCELLO DA LAMA INFORMA DE QUE A EMPRESA ENCARGADA DAS OBRAS DA PO-235 ENTRE SEIXIDO E PORTELA DA CRUZ COMEZARÁ O LUNS 3 DE AGOSTO O ASFALTADO FINAL DO TREITO

A empresa encargada da execución das obras de mellora da estrada PO-235 comunicou ao Concello da Lama que, a partir da mañá do luns 3 de agosto, comezarán os traballos de estendido da capa final de asfaltado no treito comprendido entre Seixido e A Portela da Cruz.

A realización destes labores estará condicionada pola situación meteorolóxica. Durante o desenvolvemento dos traballos manteranse operativos os desvíos provisionais alternativos establecidos ao longo da execución da obra.

Desde o Concello da Lama prégase ás persoas usuarias desta vía que respecten a sinalización provisional, extremen a precaución e sigan en todo momento as indicacións do persoal encargado dos traballos.

O Concello e a empresa adxudicataria da obra lamentan as molestias que estas actuacións poidan ocasionar e agradecen a comprensión e colaboración da veciñanza, xa que esta intervención suporá unha importante mellora das condicións de circulación e da seguridade viaria na zona.

01/08/2026

🎉 A VECIÑANZA DO PESO E CARRIZÁNS CELEBRA AS FESTAS NA HONRA Á NOSA SEÑORA DOS ÁNXELES

O Peso e Carrizáns celebran esta fin de semana, os días 1 e 2 de agosto, as súas grandes festas na honra á Nosa Señora dos Ánxeles cun completo programa.

📅 SÁBADO 1 DE AGOSTO:

🔥 Ás 21:00 horas, gran churrascada de porco e polos picantóns.

🎶 A partir das 22:00 horas, verbena coa orquestra Azabache e a discoteca móbil Dolce Vita.

📅 DOMINGO 2 DE AGOSTO:

🎵 Pasarrúas a cargo do grupo de gaitas Nós Tamén Imos.

⛪ Ás 12:00 horas, misa solemne e procesión na honra á Nosa Señora dos Ánxeles.

🥂 Ao remate, sesión vermú coa actuación do mesmo grupo de gaitas.

As festas están organizadas pola Asociación Cultural Peso e Carrizáns e contan coa colaboración de entidades e establecementos da contorna, así como coa axuda da Comunidade de Montes da Escuadra e da Deputación de Pontevedra.

31/07/2026

GRAZAS Á COLABORACIÓN CIDADÁ APARECEN AS CHAVES QUE SE PERDERAN DURANTE AS FESTAS DE SANTA ANA E SAN XOAQUÍN NA LAMA

Esta mañá, hai escasos minutos, achegouse pola Biblioteca Municipal da Lama unha veciña para entregar unhas chaves que se atoparon durante a celebración das pasadas festas na honra de Santa Ana e San Xoaquín, na Lama, e que se anunciou en RADIO NOVA o seu extravío.

Postos en contacto coa propietaria das chaves, esta agradeceu o xesto cívico amosado por esta veciña da Lama que grazas a que recuperou as chaves fixo que ela tamén recuperar o sorriso e o seu agradecemento cara esta persoa que coñeceu a través de RADIO NOVA onde tiña que depositar as chaves.

Tamén agradeceu á Comisión de Festas a súa preocupación e as molestias tomadas para recuperar estas chaves. Finalmente, tamén agradeceu a RADIO NOVA que grazas á súa enorme difusión entre a veciñanza da comarca do Verdugo-Oitavén permitiu que se localizara á persoa que as atopara e tivera unha canle para a súa devolución.

30/07/2026

LEMBRA QUE MAÑÁ ACTÚAN "MALDITOS PENDEJOS" E HABERÁ FESTA OITENTERA NA ALAMEDA DA LAMA A PARTIR DAS 22:30 HORAS.

30/07/2026

OS PIRATAS DOS SETE MARES TOMAN POR ASALTO O MULTIUSOS DA LAMA

Os cativos da Lama protagonizaron esta tarde un divertido espectáculo familiar da man das Aventuras dos 7 mares onde fixeron o xuramento como piratas e se comprometeron a defender e coidar o medio mariño.

O grupo teatral Os Carballiños Os Carballiños foron os encargados de mergullar aos nosos cativos nunha serie de aventuras acompañados da música, a animación, a imaxinación e o bo humor.

Este espectáculo de animación á lectura chegou ata o Multiusos da Lama a través da Biblioteca Municipal do Concello da Lama e ao programa Ler conta moito da Xunta de Galicia.

30/07/2026

🎸 MAÑÁ VENRES 31 DE XULLO, ADOLFO FH LEVA O SEU DIRECTO Á TABERNA PUZA DA RAN (A LAMA)

A Taberna Puza da Ran, en Antas (A Lama), acolle este venres 31 de xullo a actuación en directo de Adolfo FH, vocalista e guitarrista da banda viguesa Stoned at Pompeii.

O músico, coñecido tamén por interpretar o Himno do Celta no estadio de Balaídos, ofrecerá un concerto cargado de rock, blues, funk e grandes clásicos, no que amosará o seu virtuosismo e a súa enerxía sobre o escenario.

📅 Venres, 31 de xullo.

🕙 22:00 horas.

📍 Taberna Puza da Ran — Antas, 26, A Lama.

Unha nova proposta de música en directo para g***r dunha cea, tomar algo e descubrir a un dos referentes da escena musical viguesa. 🎶🐸🍻

30/07/2026

ALICIA ARRUTI DENUNCIA O ACOSO NAS REDES SOCIAIS E REIVINDICA O SEU DEREITO Á LIBERDADE DE EXPRESIÓN

Esta mañá Alicia Arruti, dirixente estudiantil e veciña de Ponte Caldelas, pasou polos micrófonos de RADIO NOVA onde foi entrevistada por Antón Xil para coñecer de primeira man o episodio de acoso do que foi obxecto despois de publicar nas súas redes sociais un vídeo o 25 de Xullo sobre o Día da Patria Galega.

Arruti relatou o atropelo sofrido nos seus dereitos e reivindicou o seu dereito á liberdade de expresión.

Antón Xil, en nome de RADIO NOVA, manifestoulle a súa total sollidariedade e condea de feitos como os sofridos por Alicia Arruti e que, por desgraza, se están a converter cada vez en feitos máis comúns e totalmente reprobables.

ESCOITA AQUÍ A ENTREVISTA:

https://go.ivoox.com/rf/178167789

Dirección

Avenida Do Concello 3
La Lama
36830

Horario de Apertura

Lunes	10:30 - 14:00
Martes	10:30 - 14:00
Miércoles	10:30 - 14:00
Jueves	10:30 - 14:00
Viernes	10:30 - 14:00

Teléfono

+34633655233

Página web

http://streaming.radionova.gal:8000/stream

Notificaciones

Sé el primero en enterarse y déjanos enviarle un correo electrónico cuando RADIO NOVA publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.