AWR Llanera

14/08/2025

AGOSTO 15
Pang Araw-Araw na Debosyonal
Kasaysayang Adventista

"ANG PAMBANSANG PANUKALANG BATAS TUNGKOL SA LINGGO"

(Apocalipsis 13:12)
Ang halimaw na tulad ng kordero ay ginagamit ang buong kapangyarihan ng unang halimaw na nasa kanyang paningin, at pinasasamba niya ang lupa at ang mga naninirahan dito sa unang halimaw na ang sugat na ikamamatay ay gumaling na.

Dumating ang sukdulan sa usapin ng Linggo noong Mayo 21, 1888, kung kailan ang senador ng New Hampshire na si H. L. Blair ay nagpakilala ng isang panukalang batas sa Senado ng Estados Unidos para mapalaganap ang pag-iingat sa "Lord's day" "bilang araw ng pagsambang relihiyoso."

Ang pambansang panukalang batas ni Blair tungkol sa Linggo ay unang pagkakataon na ang ganitong pagsasabatas ay maharap sa Kongreso mula ng pagtatatag ng kilusang Adventista noong 1840s. Pagkatapos ng apat na araw nagpasa siya ng iminumungkahing pagbabago sa Saligang Batas ng Estados Unidos na gagawing Kristiyano ang sistema ng pampublikong edukasyon ng bansa.

Hindi nakaligtaan ng mga Seventh-day Adventist ang kahalagahan sa propesiya ng mga panukalang batas ni Blair. Naging isang salik ang kasabikang eskatolohikal sa kilusang Sunday law na nakadagdag sa maigting na mga tensyon sa panahong patungo sa 1888 General Conference session.

Nagdulot ng emosyonal na kaligiran ang krisis sa eskatolohiya na nakaugnay sa dalawa pang usapin na magbabangon sa mga pagpupulong sa Minneapolis. Ang una ay tungkol sa interpretasyon ng propesiya-lalo na sa aklat ng Daniel. Ang ikalawa'y kinasasangkutan ng uri ng katuwiran na kailangan para sa kaligtasan. Dadalhin sa pokus ng ikalawa ang papel na ginagampanan ng kautusan ng Diyos sa panukala ng kaligtasan habang nakikipagpunyagi ang mga Adventista sa papel na ito sa aklat ng Galacia.

Imposibleng maunawaan ang napakaigting na emosyon ng mga kasali sa mga pagpupulong noong 1888 nang hindi nahahagip ang katunayan na nararamdaman ng mga Adventista, dahil sa krisis tungkol sa Linggo, na nahaharap na sila sa wakas ng kapanahunan.

Sumulat si S. N. Haskell bago magsimula ang mga pagpupulong na ang kanilang kalayaan bilang tagapag-ingat ng Sabbath ay mabilis na kukunin, at marahil ay malapit na silang magbigay ng patotoo sa mga korte at bilangguan.

Sa gayong kaisipan, hindi mahirap na makita kung bakit ang ilang pinunong Adventista ay tumugon sa paraang napakarahas at emosyonal noong magsimula si Jones at Waggoner na pag-alinlanganan ang katotohanan ng ilang aspeto ng interpretasyon ng denominasyon sa propesiya at sa teolohiya nito sa kautusan. Ikinatuwiran nila na ang ganitong mga tanong ay nagbabanta sa pinakasentro ng pagkakakilanlang Adventista sa panahon ng pinakamatinding krisis.

Ang pagtugon at ang labis na pagtugon sa mga usapin ay malapit na magkapit-bahay. Nawa'y tulungan tayo ng Panginoon na hindi lamang malaman ang kaibahan kundi ang magsagawa ng mas mabuting hakbang kapwa sa ating buhay sa iglesya at sa ating pribadong buhay.

BAKA ATING MALIMUTAN
GRK PAGE 242
PAG-ASA AT INSPIRASYON SA
BUKANG LIWAYWAY
AWR LLANERA 89.1FM

14/08/2025

PANG ARAW-ARAW NA DEBOSYONAL/PAG-ASA SA BUKANG LIWAYWAY
AUGUST/15/2025/5:00-6:00AM

!
THEME:"BAKA ATING MALIMUTAN"
TOPIC: "Ang Pambansang Panukalang Batas Tungkol sa Linggo"

:{Apocalipsis 13:12}
Ang halimaw na tulad ng kordero ay ginagamit ang buong kapangyarihan ng unang halimaw na nasa kanyang paningin, at pinasasamba niya ang lupa at ang mga naninirahan dito sa unang halimaw na ang sugat na ikamamatay ay gumaling na.

:Pastor Rodel Gotos

:
No copyright infringement intended.The song used in this video is not ours and belongs to their rightful owner.

GOD FIRST MORNING and GOD LOVE'S YOU ALL!

� New to streaming or looking to level up? Check out StreamYard and get $10 discount! �

14/08/2025

ITANONG MO,BIBLIYA ANG SASAGOT!
LIVE! 89.1FM
AUGUST/14/2025

:"Ang Tunay na Iglesiya, Lalake Daw ang Dapat Mangunguna"

:Elder Johnny Capangpangan

:
No copyright infringement intended.The song used in this video is not ours and belongs to their rightful owner.

THANK YOU and GODBLESS YOU ALL!

13/08/2025

PANG ARAW-ARAW NA DEBOSYONAL/PAG-ASA SA BUKANG LIWAYWAY
AUGUST/2/2025/5:00-6:00AM

!
THEME:"BAKA ATING MALIMUTAN"
TOPIC: "Pang-uusig Tungkol sa Linggo sa Bawat Panig"

:{Mateo 5:10}
Mapapalad ang mga inuusig dahil sa katuwiran, sapagkat kanila ang kaharian ng langit.

:Sister Neth Lazaro

:
No copyright infringement intended.The song used in this video is not ours and belongs to their rightful owner.

GOD FIRST MORNING and GOD LOVE'S YOU ALL!

� New to streaming or looking to level up? Check out StreamYard and get $10 discount! �

13/08/2025

AGOSTO 14
Pang Araw-Araw na Debosyonal
Kasaysayang Adventista

"PANG-UUSIG TUNGKOL SA LINGGO SA BAWAT PANIG"

(Mateo 5:10)
Mapapalad ang mga inuusig dahil sa katuwiran, sapagkat kanila ang kaharian ng langit.

Sa buong mga 1880, lumakas ang pagsasabatas ng Linggo at ang pang-uusig kapwa sa lakas at sa sakop. Sumambulat ang suliranin sa California noong 1882, kung kailan ang katanungan tungkol sa Linggo ay naging pangunahing usapin sa halalan ng estado. Tinamaan ang mga Adventista noong hinuli ng mga lokal na awtoridad si W. C. White dahil sa pagpapatakbo sa Pacific Press kapag Linggo.

Bagama't hindi nagtagal ay pinawalang-bisa ng California ang batas nitong Linggo, ang banta ng katulad na batas sa buong bansa ay nag-udyok sa mga Seventh-day Adventist na kumilos. Marahil ang pinakamahalaga nilang pagkilos ay ang pagtatatag niyong naging American Sentinel of Religious Liberty (na ngayo'y Liberty) noong 1884 upang pangunahan ang pakikipagpunyagi laban sa pagsasabatas ng Linggo.

Lumipat ang eksena sa Arkansas noong 1885. Sa pagitan ng 1885 at 1887 may 21 kaso ang estado na may kinalaman sa paglapastangan sa Linggo. Lahat maliban sa dalawa ay may kinalaman sa mga tagapagtaguyod ng Sabbath, at ang mga awtoridad ay nagpalaya sa mga skusado sa dalawang pagkakataon na iyon nang walang beyl at tinanggihan ang kanilang mga kaso. Gayunman, para sa mga Adventista, ang kahilingan ay mula $110 hanggang $500 bawat isa-isang malaking multa noong panahon na ang isang lalaking nagtatrabaho ay kumikita lamang ng humigit-kumulang na $1 sa isang araw.

Nagpasya si A. T. Jones na "wala nang lilinaw pang pagpapakita na ginamit ang batas para lamang maghasik ng pagkamuhing relihiyoso laban sa mga mamamayang hindi gumawa ng anumang krimen, kundi nag-aangkin lamang ng relihiyong kakaiba sa nakararami."

Pagdating ng huling bahagi ng 1885, lilipat ang sentro ng pagsasabatas ng Linggo sa Tenessee, kung saan huhulihin ng mga awtoridad ang ilang Adventista noong huling bahagi ng 1880s at unang bahagi ng 1890s. Pinaglingkod ang ilan, kasama ang mga ministro, sa chain gang na parang pangkaraniwang kriminal.

Umigting ang kasabikan sa eskatolohiya ng mga Adventista noong 1888 kung kailan ang kardinal na Romano Katoliko ay nakiisang-palad sa mga Protestante sa pamamagitan ng pag-endorso ng petisyon sa Kongreso ng pambansang pagsasabatas ng Linggo. Nalulugod ang mga Protestante na tanggapin ang ganitong tulong. "Kailanman nakahanda sila (ang mga Romano Katoliko) na makipagtulungan sa paglaban ng pagsulong ng ateismong pulitikal," inihayag ng Christian Statesman, "malugod tayong makikiisa sa kanila."

Mahalagang regalo ang kalayaang relihiyoso. Kailangan natin itong pahalagahan at gamitin ito habang nasa atin pa.

BAKA ATING MALIMUTAN
GRK PAGE 240
PAG-ASA AT INSPIRASYON SA
BUKANG LIWAYWAY
AWR LLANERA 89.1FM

12/08/2025

AGOSTO 13

Pang Araw-Araw na Debosyonal
Kasaysayang Adventista

"PAGPASOK SA TAONG 1888"

(Apocalipsis 13:11)
At nakita ko ang isa pang halimaw na umaahon sa lupa; at ito ay may dalawang sungay na katulad ng sa isang kordero at siya'y nagsasalita na parang dragon.

Ibabaling natin ang ating mga paningin sa hinaharap," isinulat ni Uriah Smith sa kanyang pambungad na editoryal para sa 1888. "Ang hinaharap, sa bawat taon, ay nagiging lalong malinaw, higit na tiyak ang ebidensya, na hindi tayo sumunod sa mga kathang-isip na ginawang may katusuhan sa paglalahad ng malapit na pagdating ng Panginoon. Nagkakatagpo ang mga propesiya tungo sa kanilang katuparan. Kumikilos ang mga kaganapan nang napakabilis. Inihahayag ng salita ng Diyos ang pag-aangkin nito sa kanyang katotohanan, at inaaliw ang bawat mapagpakumbabang mananampalataya sa pamamagitan ng kaisipan na ang pag-asang naitayo sa katotohanang iyon ay hindi mabibigo."

May mga katulad na pananaw kay Smith ang pangulo ng General Conference na si G. I. Butler. "Marami tayong dapat ipagpasalamat sa Diyos at ikalakas ng ating kalooban habang pumapasok tayo sa taong 1888," isinulat niya noong Enero. Sa pagpuna na ang mga Seventh-day Adventist ay "hindi pa nanindigan sa pagpapaliwanag ng Biblia kung saan napilitan silang isuko ang paninindigang iyon," sinabi niya na "bawat taon mayroon tayong higit na ebidensya na tama tayo sa ating interpretasyon ng mga dakilang tema ng propesiya na nagtatangi sa atin."

Naganap din noong Enero 1888 ang pagkuha ni A. T. Jones, kasamang patnugot ng Signs of the Times, ng posisyon na ang mga kaganapang nangyayari sa pagkakaisa ng relihiyon at ng estado sa Amerika ay "deretsahang katuparan ng Apocalipsis 13:11-17" sa itinuturo nitong pagbuo ng larawan ng hayop.

Noong unang bahagi ng 1888, nasasabik ang mga Adventista saan mang lugar tungkol sa Ikalawang Pagdating dahil sa mga kaganapan sa bawat panig na nagpapakitang malapit na nilang makitang maging totoo ang matagal nang inihulang Sunday Law.

Inihuhula ng interpretasyon ng mga Seventh-day Adventist sa Apocalipsis 13 ang paghaharap sa huling araw sa pagitan nilang nagpaparangal sa tunay na Sabbath at sa kanilang sa simbolo ay sumusunod sa hayop. Bunga nito, inilalathala ng mga Adventista mula pa noong huling bahagi ng mga 1840 na hindi katagalan ay mararanasan nila ang pang-uusig dahil sa kanilang katapatan sa Sabbath ng Biblia.

Sa kontekstong iyon sa kasaysayan at teolohiya hindi mahirap na makita kung bakit Apocalipsis 14:12 ("Narito ang panawagan para sa pagtitiis ng mga banal, sa mga tumutupad sa mga utos ng Diyos, at humahawak ng matatag sa pananampalataya ni Jesus") ang kanilang pangunahing talata, na nakalagay nang buo sa ilalim ng masthead ng Review sa loob ng halos isang siglo. Dahil sa kanilang pagdidiin, madaling makita kung bakit sensitibo sila sa pagsasabatas ng Linggo.

Nagpapasalamat kami sa Iyo, Panginoon, para sa mga propesiya ng Daniel at Apocalipsis. Tulungan mo akong matapat na pag-aralan ang mga ito.

BAKA ATING MALIMUTAN
GRK PAGE 240
PAG-ASA AT INSPIRASYON SA
BUKANG LIWAYWAY
AWR LLANERA 89.1FM

12/08/2025

PANG ARAW-ARAW NA DEBOSYONAL/PAG-ASA SA BUKANG LIWAYWAY
AUGUST/13/2025/5:00-6:00AM

!
THEME:"BAKA ATING MALIMUTAN"
TOPIC: "Pagpasok sa Taong 1888"

:{Apocalipsis 13:11}
At nakita ko ang isa pang halimaw na umaahon sa lupa; at ito ay may dalawang sungay na katulad ng sa isang kordero at siya'y nagsasalita na parang dragon.

:Bro.Ding Laureta

:
No copyright infringement intended.The song used in this video is not ours and belongs to their rightful owner.

GOD FIRST MORNING and GOD LOVE'S YOU ALL!

� New to streaming or looking to level up? Check out StreamYard and get $10 discount! �

11/08/2025

11/08/2025

AGOSTO 12

Pang Araw-Araw na Debosyonal
Kasaysayang Adventista

"MGA DATING MUKHA: SI URIAH SMITH NA NAMAN"

(Mateo 11:29)
Pasanin ninyo ang Aking pamatok, at matuto kayo sa Akin; sapagkat Ako'y maamo at may mapagpakumbabang puso at makakatagpo kayo ng kapahingahan para sa inyong mga kaluluwa.

Pagdating ng 1888, si Uriah Smith, na kasamahan ni Butler sa awtoridad, ay naging kalihim na ng General Conference mula pa noong simula nito noong 1863 maliban lamang sa tatlong taon. Higit pa rito, naugnay si Smith sa semiofficial na peryodiko ng Adventismo (ang Review and Herald) mula pa noong mga 1850, at pagdating ng 1888 ay nakapaglingkod na siya nang halos 25 taon bilang punong patnugot nito.

Karagdagan pa, siya ang hindi mapaparisan na awtoridad ng denominasyon sa interpretasyon ng propesiya. Ang kanyang Thoughts on Daniel and Revelation ay best-seller sa mga kaanib ng iglesya at gayundin sa mga hindi kaanib. Sinabi ng isa sa mga pahayagan ng Minneapolis-St. Paul sa pag-anunsyo sa pagdating ng mga pagpupulong noong 1888 na "Si Elder Uriah Smith ay may reputasyon ng pagiging isa sa mga pinakamagaling na manunulat at tagapagsalita sa kumperensya at isang batikan na iskolar."

Katulad ni Butler, nakikita ni Smith ang kanyang sarili bilang bantay ng ortodoksiya ng denominasyon. Malinaw niyang inihayag ang kanyang polisiya sa pagiging patnugot tungkol sa ilan sa mga bagong kaisipan ni A. T. Jones noong 1892: "Sa pamamagitan ng matagal na pag-aaral at pagmamasid sa gawain ako'y nakakatiyak sa ilang prinsipyo at hindi nakahandang bumaliktad sa mungkahi ng bawat baguhan." Iyon ang kanyang naging posisyon sa harap ng "bagong teolohiya" nina Jones at Waggoner noong 1888. Walang pinakamaliit na inklinasyon si Smith ni si Butler na bumaliktad sa harap ng mga turo ng mga nakakabatang kalalakihan mula sa California. Sa katunayan, ang kabaliktaran nito ang nangyari.

Katulad ng nakita na natin, ang ilang katangian nina Jones at Waggoner ay hindi nakatulong sa kanila. Lumiham si Ellen White sa kanila noong unang bahagi ng 1887 na nagsisikap na pahinaan ang kanilang pagiging agresibo. "Si Elder (J. H.) Waggoner," sinabi niya, "ay mahilig sa diskusyon at pagtatalo. Nangangamba akong si E. J. (Waggoner) ay naglinang ng pagmamahal sa gayundin. Kailangan natin ngayon ng mabuti at mapagpakumbabang relihiyon. Kailangan ni E. J. W. ng pagpapakumbaba, kaamuhan, at si Brother Jones ay maaaring maging kapangyarihan para sa kabutihan kung palagi niyang pagbubutihin ang praktikal na pagiging maka-Diyos" (Lt 37, 1887).

Hindi ba't lahat tayo'y nangangailangan ng pagpapakumbaba? Isang bagay ang umawit na gawin tayong mapagpakumbaba at maamo ng Panginoon. Pero iba naman ang pagtanggap sa regalo. Panginoon, tulungan Mo kami.

BAKA ATING MALIMUTAN
PAGE 239
PAG-ASA AT INSPIRASYON SA BUKANG LIWAYWAY
AWR LLANERA 89.1 FM

11/08/2025

PANG ARAW-ARAW NA DEBOSYONAL/PAG-ASA SA BUKANG LIWAYWAY
AUGUST/12/2025/5:00-6:00AM

!
THEME:"BAKA ATING MALIMUTAN"
TOPIC: "Mga Dating Mukha: Si Uriah Smith na Naman"

:{Mateo 11:29}
Pasanin ninyo ang Aking pamatok, at matuto kayo sa Akin; sapagkat Ako'y maamo at may mapagpakumbabang puso at makakatagpo kayo ng kapahingahan para sa inyong mga kaluluwa.

:Sis Minda Arienda

:
No copyright infringement intended.The song used in this video is not ours and belongs to their rightful owner.

GOD FIRST MORNING and GOD LOVE'S YOU ALL!

� New to streaming or looking to level up? Check out StreamYard and get $10 discount! �

10/08/2025

AGOSTO 11

"Mga Dating Mukha: Si G. I. Butler"

(Kawikaan 24:16)
Sapagkat ang matuwid ay makapitong nabubuwal at bumabangon na naman, ngunit ang masama ay nabubuwal.

Sadyang mas matigas ang ilang tao kaysa iba. Gayon ang kaso ni G. I. Butler, pangulo ng General Conference noong 1888. Sa mga mas mabubuti niyang sandali, maaari siyang maging napakatapat tungkol sa kanyang sarili. Marahil ay nagawa niya ang pinakatumpak at pinakamalalim na may na pagsusuri sa kanyang sarili noong 1886 nang isinulat niya: "Ako'y... natural. labis na bakal sa aking likas" at hindi sapat para sa pagmamahal ni Jesus. "Ang paaralan kung saan ako'y kinailangang sanayin upang salubungin ang bawat uri ng impluwensya," idinagdag pa niya, "ay nakatulong na panatilihin ang bakal sa akin at gawin akong matigas."

BAng huling pananalita ay maaaring makatulong sa atin na maunawaan ang "katigasan" ng maraming mga tagapangunang Adventista noong ika-labing siyam na siglo. Hindi madaling pangunahan ang maliit at kinamumuhiang kilusan na hindi nagbibigay ng anumang katiyakang makalupa at walang mga institusyon na magbibigay ng karangalan sa panahon na ang kabiguan ng mga Millerite ay isa pang buhay na ala-ala sa pangkalahatang populasyon. Tanging mga indibidwal na may matibay na kalooban ang magtatagumpay noong simulan ni Butler ang kanyang paglilingkod sa administrasyon. Kailangan ang bakal na kalooban para sa karamihan ng mga tagapagtatag na Adventista bago naging mas "komportable" at respetadong relihiyon ang Adventismo.

Taglay ni Butler ang kinakailangan para mabuhay sa ganitong kapanahunan, ngunit ang halaga na kailangan niyang bayaran ay "bakal." Sa ganitong paraa'y inilarawan niya ang kanyang sarili noong 1886 na "medyo palaban." Maaga niyang nadama sa kanyang pakikipagtunggali kay Waggoner tungkol sa Galacia na labis siyang naging palaaway, kaya't sumulat siya kay Ellen White na "nais niyang maging katulad ni Jesus-matalino, matiyaga, mabuti, malumanay, (at) prangka," na may "pagmamahal sa katarungan at pagiging patas sa lahat." Nalungkot siya sa katunayan "na mayroon pang malaking bahagi ng likas ng tao na nalalabi sa akin" at "mayroon akong malaking pakikipagtunggali sa matandang katauhan." Nais ni Butler na ang kanyang matandang katauhan ay "mamatay, LUBOS NA MAMATAY"

Ngunit ang ganitong kahilingan ay naging mabagal sa katuparan. Sa kanya, na katulad din sa karamihan sa atin, ang proseso ng pagpapabanal ay tunay na gawain para sa buong buhay. Sa pagsulat kay J. H. Kellogg noong 1905, sinabi ng matandang Butler: "Ako'y talagang mahirap na masiyahan at nag-iisip para sa aking sarili. Tama ka nang minsang sinabi mo, 'Mas mabuti pang makipagkatuwiran sa isang poste kaysa makipagkatuwiran kay Elder Butler, kapag pinanindigan niya ang isang posisyon.

Ama, natatakot ako na may kaunti ni Butler sa akin. Tulungan mo ako ngayon na LUBOS NA MAMATAY.

BAKA ATING MALIMUTAN
PAGE 238
PAG-ASA AT INSPIRASYON SA
BUKANG LIWAYWAY
AWR LLANERA 89.1FM

10/08/2025

ITANONG MO,BIBLIYA ANG SASAGOT!
LIVE! 89.1FM
AUGUST/10/2025

:"Unity of Believers"

:Bro.Jaime Nocalan

:
No copyright infringement intended.The song used in this video is not ours and belongs to their rightful owner.

THANK YOU and GODBLESS YOU ALL!