A Hedreira

Casa
España
Lugo
A Hedreira

📍 Centro social autoxestionado en Lugo. Rúa Catasol, 17 baixo.
🕖 Aberto sempre: xoves e venres de 19:00 - 21:00 Que facemos? Como funcionamos?

A Hedreira é un centro social autoxestionado na cidade de Lugo. Nace do desexo de construírmos un espazo de confluencia social e da necesidade de ter un lugar de encontro, xa que consideramos que é mais doado materializar as ideas cando compartimos o espazo. Móvenos a solidariedade, o apoio mutuo, a xustiza social, a creación colectiva e a defensa do territorio. Buscamos un espazo autoxestionado o

nde a comunidade e a cooperación substitúan a visión atomista, heteropatriarcal, de competitividade e de progreso egoísta. Exploramos vías diversas de organización social, creando vínculos comunitarios e fins colectivos, promovendo o pensamento crítico, compartindo espazos, recursos, ferramentas ou saberes e xerando alternativas a un modelo de sociedade profundamente desigual que mantén a tantos millóns de persoas na pobreza e a dependencia. Reivindicamos tamén a posibilidade de acceder a unha cultura alternativa que non reduza a nosa vida social a unha versión estritamente mercantil, que nos obriga a vivir como meros poboadores dun espazo público limitado ao consumo e á circulación, facéndonos esquecer aquelas posibilidades que xorden cando se habita comunalmente. Buscamos a auto-organización como forma de relacionarnos, apartándonos das dinámicas que nos converten a todas en “usuarias ou clientes”. Por todo isto somos A Hedreira e como as hedras medramos, apoiándonos unhas nas outras, subimos muros e entretecémonos creando comunidade. Veciñas con miradas diversas pero conectadas, con ganas de sentarnos xuntas, recuperar debates, expresar inquietudes e crear tecido social dun xeito horizontal e aberto. Organizamos charlas e xornadas e temos actividades fixas como obradoiros de costura, teatro e danza en movemento, pole dance, capoeira, k-pop, cineforum, hai aulas de galego para inmigrantes, etc. Dispoñemos de biblioteca e somos un lugar de encontro e intercambio, entre outros do colectivo do Banco do Tempo de Lugo e Radio Fenda. Somos tamén un espazo para un lecer diferente. Como centro social autoxestionado funcionamos a través das asembleas, o consenso, a horizontalidade, libre de xerarquías e de subvencións. Todo isto constrúese mediante a implicación e o compromiso das diferentes persoas que habitamos o espazo, onde nos atopamos diversas personalidades e ideoloxías, desde abaixo e á esquerda, buscando construír colectivamente. É grazas as cotas dxs compañeirxs que podemos manter o local. Non funcionamos como unha asociación ao uso: todas contamos por igual e todas podemos gozar do centro social en base aos principios que imos acordando xuntas e o compromiso co espazo. Local social, cultural e político, pero apartidista (sen vinculación a ningún partido político). Aquelas actividades que se queiran levar a cabo na Hedreira pasan por asemblea para que entre todas debatamos a proposta. A data da asemblea anúnciase cada mes.

13/01/2026

E por aquí as últimas actividades do ano 2025. Foi un abo ben lindo e cheo de cousas e xente nova, esperamos que vos animades todas a seguir a participar connosco o 2026 💖

12/01/2026

👮🏼‍♂️ Xoves 15 ás 20:00. Presentación do "Manual para destapar a un policía infiltrado". Redactado por militantes que viviron de cerca infiltracións policiais destapadas entre os anos 2022 e 2024.

06/01/2026

O venres 9 reunirase o grupo de consumo, se queres formar parte del ou tes curiosidade, ánimate! 👩🏻‍🌾🌾

06/01/2026

Collemos ideas unhas doutras e saímos moi animadas do encontro de centros sociais galegos do 27 de decembro 😊

05/01/2026

Actividades para xaneiro!! 🌿🍀🌱❄️

05/01/2026

Actividades para xaneiro!! 🌿🍀🌱❄️

23/12/2025

🕺Convidámosvos a asistir ao encontro de centros sociais que terá lugar o próximo 27 de decembro, sábado.

No mes de marzo de 2025 celebrouse unha xuntanza aberta no CSOA Escárnio e Maldizer na que os centros sociais participantes fixemos un diagnóstico conxunto e coincidimos en que sería desexable dispoñer dunha maior coordinación entre centros sociais galegos. Desta volta, o obxectivo principal é definir os propósitos aos que podería servir esta coordinación e materializala en algo efectivo. No encontro participará un membro da Xarxa de Casals i Ateneus dels Països Catalans para trasladarnos a experiencia desta rede nos Países Cataláns.

🕒O programa será o seguinte:

· 11:30 - Recibimento
· 12:00 - [Exposición] A experiencia Xarxa de Casals i Ateneus dels Països Catalans: funcionamento e impacto.
· 13:30 - [Dinámica] Desafíos que atravesan os centros sociais galegos. Faremos unha chuvia de ideas conxunta, dividirémonos un grupos de traballo por temáticas e extraeremos conclusións en conxunto.
· 14:30 - Xantar vegano*
· 16:00 - Bingo musical
· 17:00 - [Mesa redonda] Que necesidades e propósitos podemos cubrir mediante unha coordinación de centros sociais a nivel galego?
· 18:30 - [Diálogo aberto] Como organizamos a coordinación?
· 19:30 - Concerto

*Para poder estimar a comida, agradecemos que nos avisedes de cantas persoas vides, e tamén se tedes algunha alerxia e demais casuísticas a ter en conta para o xantar. Prezo á vontade. Reserva: [email protected]

Vémonos!

17/12/2025

O 20 de decembro chega o Apalpador a Lugo! Cheo de actividades e sorpresas. Será na Praza de Abastos 🌰🌰

16/12/2025

Peli, estufa, manta e 🍿; o plan do xoves.

Dirección

Rua Catasol, 17
Lugo
27002

Página web

https://ahedreira.noblogs.org/, https://acortar.link/N3sagi

Notificaciones

Sé el primero en enterarse y déjanos enviarle un correo electrónico cuando A Hedreira publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.