07/08/2025
Bos días miñocas e miñocos!
Despois de escoitar as conversas de varios veciños, pensamos que cando o río sona, auga leva. Temos unha invasión de fodechinchos criminal, que ademáis de encher o pobo, teñen menos luces ca un candil apagado. Pero e que ademáis temos que sumarlle outra praga nova: as autocaravanas. Como di o refrán, eramos poucos e pariu a vella.
Os fodechinchos aínda van deixando algo de cartos no pobo, ben sexa en restauración ou en aloxamento pero e que agora está de moda ir ó Gadis ou ó Eroski, mercar catro cousas, meterse na autocaravana e a vivir. Iso non é bo turismo, é pseudoturismo. Se aturamos ós fodechinchos pois é o que hai, temos que ter paciencia e pensar que os nosos veciños tamén son hosteleiros e nesta época fan cartos. Ó que non debemos estar dispostos e a aturar turismo que non deixa beneficio e soamente incomoda.
Xa nin falemos dos incívicos que fan as súas necesidades ou guindan as augas porcas das autocaravanas en calquer cuneta do pobo. Para iso deberían estar os campings, non un aparcamento calquera. E xa nin falar dos que aparcan collendo dúas ou tres plazas de coche.
Xa hai Concellos poñendo medidas para estos aproveitados mais o noso, en vez de poñerlle un pouco de freo, ten proxectada unha área de autocaravanas na Galea. Manolo, hai que darlle unha voltiña a iso, eh? Os veciños non están moi de acordo con esa proposta.
Ánimo, que en pouco mais dun mes, voltamos á tranquilidade.
