De Zero - Periódico da Comarca de Ordes

Casa
España
Ordes
De Zero - Periódico da Comarca de Ordes

De Zero. O valor de informar. Mensual gratuíto. Comarca de Ordes. Cerceda, Frades, Mesía, Ordes, Oroso, Tordoia, Trazo.

04/10/2025

Os responsables do servizo de iluminación pública de Ordes explican que na área das rúas Rosalía de Castro e Galicia existe un diferencial eléctrico que "salta" a miúdo por razóns que non se puideron determinar con exactitude.

Segundo fontes municipais, para solventar esta avaría frecuente a intención é reemprazalo por un dispositivo de control con outra tecnoloxía que permita evitar incidencias como as sufridas nos últimos días na zona.

03/10/2025

Veciñanza das rúas Rosalía de Castro e Galicia, en Ordes, quéixase do mal funcionamento da iluminación pública en datas recentes, como a pasada tarde, o que lles xera unha sensación de inseguridade.

02/10/2025

Charla co doutor Ángel Carracedo.

02/10/2025

Necesitas unha clínica veterinaria para a túa mascota?

A túa mellor alternartiva é Concepción Berdomás, con novas instalacións na Rúa do Mercado de Ordes, servizo de urxencias e unha ampla experiencia.

Contido promocional.

30/09/2025

Varios lectores viron hai un anaco un avión sobrevoando a comarca cunha traxectoria que non lles pareceu a habitual e que incluso lles preocupou pola "baixa" altura que levaba e o escaso ruído que facía en comparación coa maioría de aeronaves.

Pois ben, segundo a aplicación Flight Radar, foi un voo entre A Coruña e Santiago dun avión semellante ao da imaxe, que aterrou a iso das nove e media en Lavacolla con normalidade.

Non era, efectivamente, un voo habitual, pero nada de que preocuparse.

30/09/2025

Se alguén está pensando en descansar, por exemplo como os da foto, debe saber que o martes de entroido será festivo local en toda a comarca o vindeiro 2026, a non ser en Trazo.

Hoxe publícase o calendario laboral do ano que vén e estas son as datas escollidas polos Concellos:

- Cerceda: 17 de febreiro, martes de entroido, e 23 de xuño, día da cachela.

- Frades: 17 de febreiro, martes de entroido, e 15 de maio, San Cidre.

- Mesía: 17 de febreiro, martes de entroido, e 15 de maio, San Cidre.

- Ordes: 17 de febreiro, martes de entroido, e 27 de abril.

- Oroso: 17 de febreiro, martes de entroido, e 16 de setembro, Santa Eufemia.

- Tordoia: 17 de febreiro, martes de entroido, e 15 de maio, San Cidre.

- Trazo: 16 de setembro, Santa Eufemia, e 21 de setembro, San Mateo.

29/09/2025

A partir de mañá comeza o prazo dun mes para solicitar axudas municipais á natalidade en Ordes.

28/09/2025

Quen non necesita a miúdo servizos de albanelería, carpintaría, electricidade, pintura, fontanaría...?

E o difícil que resulta case sempre atopar dispoñible alguén de confianza?

Agora vai ser máis doado, grazas á nova plataforma DeServicio, creada desde Ordes para toda Galicia.

DeServicio, fundada esta mesma semana, fai de ponte entre autónomos e pequenas e medianas empresas que traballan en servizos de fogar máis persoas que os demandan.

O funcionamento é sinxelo. Para o cliente todo é de balde e bástalle con rexistrar unha petición coa información elemental do traballo que necesita.

Os autónomos e empresas adscritos á plataforma poderán atender a solicitude e presentarlle orzamento á persoa demandante.

A aceptación do traballo abre despois unha comunicación entre as partes na plataforma. O pagamento do traballo efectúase entre as dúas partes, sen ningunha intervención de DeServicio nese aspecto.

A plataforma, que en breve estreará unha app, cobra unha cota de suscripción mensual a autónomos e empresas inscritas. Parte de 50 euros e varía en función de criterios como o radio de acción no que aspiren a aceptar traballos, o número de orzamentos diarios que poidan presentar ou os traballos simultáneos que poidan ter en progreso.

DeServicio, que a medio prazo aspira a ampliarse a toda España, é unha iniciativa emprendedora creada por Ángel Candal Casas e Ángel Rodríguez Noya, con tres colaboradores máis. Están abertos a sumar aliados estratéxicos nos seus plans de expansión.

www.deservicio.es

26/09/2025

Esta fin de semana, PsicoTroita 10.

26/09/2025

Rematada a posta ao día do local para a xente maior en Sigūeiro (Oroso). Foi equipado con novo mobiliario, nova iluminación, climatización, tarima e pintado interior.

Os traballos acometéronse con colaboración entre o Consorcio de Servizos de Igualdade e Benestar e o Concello de Oroso.

O alcalde, Alex Doval, destacou que a instalación gaña en comodidade de uso e responde mellor ás necesidades de quen acoden a cotío.

25/09/2025

Reportaxe na nova edición de De Zero sobre a entrega ás familias dos restos de José Galán e Manuel Ramiro, os dous demócratas atopados nunha foxa en San Martiño de Visantoña e que máis de setenta anos despois do seu asasinato puideron recibir digna sepultura en Almeiras (Culleredo).

24/09/2025

O Outono Cultural de Ordes, que comezou o pasado venres, ten aínda sete citas máis.

Dirección

Rúa Emilia Pardo Bazán, Nº 2
Ordes
15680

Teléfono

+34617917130

Página web

https://issuu.com/dezero_comarcadeordes

Notificaciones

Sé el primero en enterarse y déjanos enviarle un correo electrónico cuando De Zero - Periódico da Comarca de Ordes publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.