Kalandraka Galicia

10/12/2025

Seguimos acompañando o ilustrador Óscar Villán na súa visita ás escolas infantís municipais e aos centros coxestionados co Consorcio Galego de Servizos de Igualdade e Benestar, no marco da XX Campaña Municipal de Animación á Lectura do Concello de Santiago. Xa en vésperas do Nadal, as estrelas, as folerpas de neve e outros adobíos propios destas datas mestúranse xa co fermoso mural creado por Óscar Villán no obradoiro de formación e intervención plástica. "Lúa lúa lúa, lúa lúa sol..." poderán contar as nenas e os nenos coas súas mestras, entre panxoliña e panxoliña.
Nesta escola infantil de Trasparlamento descubrimos con admiración como atesouran algúns dos primeiros títulos da colección DO BERCE Á LÚA, ao que pertence "Lúa, dedicados polo autor e poeta Antonio Rubio nas súas visitas á cidade. Agora por fin, canda a súa dedicatoria, tamén a sinatura do ilustrador! Libros que xa son verdadeiras xoias!
🎨 https://santiagodecompostela.gal/gl/noticias/comezan-sesions-formativas-e-de-intervencion-plastica-co-ilustrador-oscar-villan-nas
Pazo de Raxoi

10/12/2025

Mestres de longa traxectoria docente, tradutores e autores de literatura infantil, Pilar Martínez e Chema Heras seguen desfrutando na compaña das nenas e dos nenos facendo outra actividade que lles encanta: contar contos e compartir a súa paixón pola lectura. O CEIP de Seixo, en Marín, recibiu o autor de CANDO MARTIÑO TIVO GANAS DE MEXAR NA NOITE DE REIS e de AVÓS, e A autora de a GALIÑA ROXA... A mascota do centro, Arnaldo, o lagarto máis lector do mundo, acompañounos neste encontro co alumnado.
📚 https://bit.ly/PilarMartinezKLK
📚 https://bit.ly/ChemaHerasKLK

10/12/2025

Moitas grazas, lectoras e lectores, por encher o salón de actos do Kiosco Alfonso da Coruña na presentación de SOÑO DUNHA SOMBRA, de Xosé Cobas. Tamén a quen se achegou pero non deu accedido á sala, ateigada. Moitas grazas a María Xosé Bravo, Miguelanxo Prado e Manuel Rivas por acompañar o autor con verbas sabias o afecto fraterno. E moitas grazas, especialmente, a Xosé Cobas, un dos grandes ilustradores deste país, por confiar en KALANDRAKA para este seu primeiro libro, enteiramente propio, que xa habita nas librarías e de aí chegará a máis fogares como o que protagoniza esta fermosa obra visual. En breve anunciaremos a data na que visitará a libraría Moito Conto para asinar exemplares.
📚 https://tinyurl.com/CobasKLK

09/12/2025

Hoxe ás 19:30 horas presentamos SOÑO DUNHA SOMBRA / SUEÑO DE UNA SOMBRA / DREAM OF A SHADOW no Kiosco Alfonso da Coruña. Trátase dun lugar moi especial para o autor deste libro, o ilustrador Xosé Cobas, onde hai case dez anos realizou unha gran exposición antolóxica das súas -daquela- tres décadas de traxectoria artística.
Ao longo de toda a súa carreira creativa, Xosé Cobas deulle forma e color aos textos de importantes escritores e escritoras; agora aborda o seu primeiro título en solitario, o seu proxecto máis persoal.
Estamos ante un libro cuxos orixinais -reproducidos con cámara fotográfica, de aí a complexidade do proceso de impresión- son auténticas obras de arte nas que demorar a lectura, a contemplación, volvendo a elas para apreciar o seu ambiente nebuloso envolto no misterio, para explorar a escuridade dulcificada polas sombras…
Unha alfaia, un agasallo para o catálogo dos 'Libros para soñar'!
🗓️ https://kalandraka.com/event-calendar/presentaci-n-de-so-o-dunha-sombra-na-coru-a/
📚 https://tinyurl.com/CobasKLK

08/12/2025

"SOÑO DUNHA SOMBRA é un dos mellores filmes de 2025, só que está feito sobre papel, igual que se imprimiron en papel moitas películas dos inicios do cinema (...) Cobas non practica o plano secuencia en movemento (...), o seu é un cinema en encadramento fixo e rigorosa posta en escena, onde o que se move entre plano e plano (entre páxina e páxina) é o noso cerebro".
: : A completa e xenerosa lectura de Martin Pawley nas páxinas de Sermos Galiza (Nós Diario) arredor do novo libro de Xosé Cobas. Mañá, martes 9, preséntase no Kiosco Afonso da Coruña a partir das 19:30 horas, co autor acompañado polo escritor Manuel Rivas, que asina o epílogo, a docente María Xosé Bravo e o ilustrador Miguelanxo Prado.
🗓️ https://kalandraka.com/event-calendar/presentaci-n-de-so-o-dunha-sombra-na-coru-a/
📚 https://tinyurl.com/CobasKLK

06/12/2025

Dentro dun mes estaremos abrindo os agasallos que nos traian os Magos de Oriente. Que ilusión! Pois non demoremos nin un día máis a carta que lles enviaremos cos nosos desexos...
E como cada Nadal, volve CANDO MARTIÑO TIVO GANAS DE MEXAR NA NOITE DE REIS, de Chema Heras e Kiko da Silva. Nesta ocasión incorpora como novidade un diorama que poderemos recortar para xogar co protagonista deste libro tan emblemático e recrear as aventuras que transcorren no seu fogar mentres cantamos: "O tren de Martiño, chu chu chu... vai polo camiño, chucu chucu chu..."
🚂 https://tinyurl.com/CandoMartinoTivoGanasKLKg
🎥 https://kalandraka.tv/gl/videos/conto-contado-cando-martino-tivo-ganas-de-mexar-na-noite-de-reis/
📺 https://kalandraka.tv/gl/videos/cando-martino-tivo-ganas-de-mexar-na-noite-de-reis/

05/12/2025

Ata catro edicións distintas podemos escoller para g***r de O COELLIÑO BRANCO, un dos títulos esenciais no catálogo dos 'Libros para soñar'. Ademais da edición convencional en cartoné, a adaptación da Asociación BATAenRED con pictogramas e o pequeno formato na colección Minilibros Imperdibles, agora tamén temos a historia deste entrañable personaxe a tamaño grande e con páxinas acartonadas. Ideal para ler e compartir tanto no fogar como nas aulas! Para que esta obra de Xosé Ballesteros e Óscar Villán -que recibiu por este libro o Premio Nacional de Ilustración 1999- siga medrando e chegando a máis lectoras e lectores.
🐰 https://tinyurl.com/OCoellinoBrancoXLgKLK

05/12/2025

A Escola Infantil O Castiñeiriño, que forma parte do Consorcio Galego de Servizos de Igualdade e Benestar, participou tamén nos obradoiros de formación e intervención plástica que está realizando o ilustrador Óscar Villán no marco ca XX Campaña Municipal de Animación á Lectura do Concello de Santiago. As nenas e os nenos de 0 a 3 anos que asisten a este centro xa poden g***r dun fermoso mural de "Lúa" para ler visualmente e cantar coas súas mestras e as súas familias seguindo a orde dos elementos representados por Óscar Villán, acompañando os versos de Antonio Rubio neste célebre 'poegrama' da colección DO BERCE Á LÚA.
Versos e imaxes cos que "educar o ollo e adozar o oído" dos prelectores, como explica o poeta sobre esta serie de libros acartonados. Imaxes e cores coas que "Ler para crecer", como indica o lema desta nova edición da Campaña que temos a ledicia de recuperar.
🎨 https://santiagodecompostela.gal/gl/noticias/comezan-sesions-formativas-e-de-intervencion-plastica-co-ilustrador-oscar-villan-nas
Pazo de Raxoi

05/12/2025

"Despois dunha longa e vizosa traxectoria como ilustrador, boa parte dela asociada á obra literaria de Xabier P. DoCampo, Xosé Cobas atrévese cun libro en solitario, SOÑO DUNHA SOMBRA, álbum de abraiante fermosura e coidada edición, a cargo de KALANDRAKA, que explora o paso e o peso do tempo. Logo do debut no Culturgal Feira das Culturas Galegas, o libro será presentado no Kiosko Afonso da Coruña o próximo 9 de decembro, terza feira, nun acto no que o autor estará acompañado por María Xosé Bravo, Miguelanxo Prado e Manuel Rivas.
: : Non perdades a entrevista que lle fixo Martin Pawley ao autor. Mañá no suplemento Sermos Galiza de Nós Diario!
📚 https://tinyurl.com/CobasKLK
🗓️ https://www.nosdiario.gal/articulo/cultura/novo-xose-cobas-viaxe-da-noite-ao-dia/20251205093115241428.html

Despois dunha longa e vizosa traxectoria como ilustrador, boa parte dela asociada á obra literaria de Xabier P. DoCampo, Xosé Cobas (Logrosa, Negreira, 1953) atrévese cun libro en solitario, Soño dunha sombra, álbum de abraiante fermosura e coidada edición, a cargo de Kalandraka, que explora o...

04/12/2025

A escola infantil do Tambre xa ten o seu mural de "Lúa"! A partir da creación previa das nenas e dos nenos, pintando grandes láminas de papel, o ilustrador Óscar Villán trazou os elementos deste título da colección de prelecturas DO BERCE Á LÚA. Coas figuras xa recortadas, o seguinte paso consistiu en trasladar á parece as ilustracións que acompañan os versos melódicos de Antonio Rubio.
"Lúa lúa lúa... lúa lúa sol..."
Un mural para admirar, ler e cantar!
Velaquí a rolda de obradoiros de formación e intervención plástica que anteceden o inicio da XX Campaña Municipal de Animación á Lectura do Concello de Santiago, co lema "Ler para crecer".
🎨 https://santiagodecompostela.gal/gl/noticias/comezan-sesions-formativas-e-de-intervencion-plastica-co-ilustrador-oscar-villan-nas
Pazo de Raxoi

04/12/2025

Tras case catro décadas poñendo imaxes e cores aos textos de grandes escritores e escritoras, o ilustrador Xosé Cobas presenta este próximo martes, 9 de decembro, o seu primeiro libro en solitario: unha obra visual titulada SOÑO DUNHA SOMBRA. No encontro, no Kiosco Alfonso (Xardíns de Méndez Núñez, 3) da Coruña a partir das 19:30 horas, o autor estará acompañado pola docente María Xosé Bravo, o ilustrador Miguelanxo Prado e o escritor Manuel Rivas, que asina un epílogo a modo de reflexión entre a filosofía existencial, a análise pictórica e a inspiración literaria.
🗓️ https://kalandraka.com/event-calendar/presentaci-n-de-so-o-dunha-sombra-na-coru-a/
📚 https://tinyurl.com/CobasKLK

04/12/2025

Ogallá cando saudemos o novo día sexamos coma os protagonistas desta historia visual de Giuliano Ferri. O gato, o porquiño, o coello... non só non dubidan en axudar o rato a retirar os bloques do muro, senón que, ao descubrir que detrás desa parede hai outra orela dende os observan outras criaturas salvaxes -o mono, o león, o elefante...- ambos os grupos únense para tender, PEDRA A PEDRA, unha ponte de irmandade.
Ogallá!
🐭 https://tinyurl.com/PedraAPedraKLKg