Lunes 09:00 - 14:00 16:00 - 18:00 Martes 09:00 - 14:00 16:00 - 18:00 Miércoles 09:00 - 14:00 16:00 - 18:00 Jueves 09:00 - 14:00 16:00 - 18:00 Viernes 08:00 - 15:00

Kalandraka Galicia

Casa
España
Pontevedra
Kalandraka Galicia

KALANDRAKA é unha editorial galega especializada en álbum ilustrado para público infantil-xuvenil. Premio Nacional ao Mellor Labor Editorial Cultural 2012.

20/08/2026

Son astutos e traizoeiros, uns estrategas do aguillón. Prometíalas moi felices con ese novo e eficaz repelente, con avanzados protectores para portas e fiestras... Pero acordaches da sesta e aí está, no brazo, na perna, o rastro encarnado e picoso de que fuches vítima, unha vez máis, do seu molesto pinchazo. E nin sequera chegaras a oír o zunido que anunciaba a súa presenza! Pero non hai problema, SE CHE PICA UN MOSQUITO segue ao pé da letra as intrucións deste divertido libro de Jordi Gastó e Christian Inaraja.
No Día Mundial do Mosquito, non pode faltar esta lectura tan propia do tempo estival. Non a perdas nos Contos Contados de Kalandraka TV!
🦟 https://kalandraka.com/se-che-pica-un-mosquito-galego.html
🎥 https://kalandraka.tv/gl/videos/recomendacion-si-te-pica-un-mosquito/

19/08/2026

A Galería Tangram de Pontevedra dedica o proxecto semanal do seu Art Camp para nenas e nenos á construción dunha cidade a partir dos libros da autora Antoinette Portis, NON É UNHA CAIXA e NON É UNHA CAIXA, É UNHA CIDADE.
Así de animado está o atelier, reciclando envoltorios e paquetes, coloreando, decorando con materiais diversos, dándolle plena liberdade á cativada para que desenvolva a súa creatividade.
📚 https://tinyurl.com/PortisKLK

17/08/2026

"Agosto era o mes das vacacións. Antes de irse á praia cos seus pais, os xemelgos foron despedirse da árbore. Flora durmía profundamente.
–Non a espertemos –murmurou Lolo–. Daquela, deixáronlle unha nota no tronco:..."
: : UN AÑO ENTEIRO, de Leo Lionni. Unha viaxe no tempo a través dos meses do ano e das estacións, coa natureza -a súa beleza, a súa fraxilidade, a xenerosidade da Terra Nai- no foco de atención.
📚 https://www.kalandraka.com/autores/lionni-leo

16/08/2026

Ylla naceu en Viena o 16 de agosto de 1911 e a súa vida estivo condicionada polas dúas guerras mundiais: fuxiu da primeira coa súa nai, cruzando a pé varios países; a segunda truncou a súa fulgurante carreira como fotógrafa de animais, que continuou desenvolvendo con éxito nos Estados Unidos. En 1952 viaxou a África, unha experiencia que marcoua súa su vida e o seu traballo que, dende entón, centrouse na natureza como escenario principal dos seus retratos da fauna. A súa prematura morte na India privounos dun maior caudal de obras desta muller pioneira; para daquela, as súas fotografías publicáranse en numerosas revistas, libros e mesmo estudios científicos. O biólogo evolutivo Julian Huxley destacou a súa capacidade para transmitir "a esencia" das criaturas que captaba coa súa cámara.
DOUS OSIÑOS, TODOS O VIRON e O PEQUENO, estes últimos con textos de Margaret Wise Brown e Jacques Prévert, respectivamente, brillan no catálogo dos 'Libros para soñar'.
📚 https://bit.ly/YllaKLK

12/08/2026

Remata a conta atrás para asistirmos a un momento único na vida! Preparade os vosos lentes especiais ou a cámara estenopeica, se tedes a oportunidade de achegarvos a algún punto de observación. Ou seguide o despregue informativo que retransmitirá este histórico fenómeno astronómico... Anticipámonos a este grande acontecemento cun feixe de "lecturas lunáticas" para celebrar esta eclipse solar na que poderemos sentir a sombra da Lúa sobre nós.
A QUE SABE A LÚA? de Michael Grejniec
PACO de Paula Carballeira e Blanca Barrio
PAPÁ, POR FAVOR, ACHÉGAME A LÚA de Eric Carle
AXENTE X.99 de Gianni Rodari e Federico Delicado, na tradución de Isabel Soto
A ESFERA CELESTE de OIli Jalonen, na tradución de Tuula Ahola e Tomás González Ahola
LÚA de Antonio Rubio e Óscar Villán
www.kalandraka.com

12/08/2026

A poucas horas de termos a sorte de presenciar un acontecemento astronómico histórico, detémonos nas páxinas de varios 'Libros para soñar' que transcorren durante a noite, a penumbra, a escuridade...
🌔 Unha prelectura: POLO MAR SALGADO de Nieves García e Marina Gibert.
🌔 Un álbum distinguido co Premio Compostela: DESPOIS DA CHUVIA de Miguel Cerro.
🌔 Un libro informativo: O SONO ANIMAL de Silvia Lazzarino e María José Arce.
🌔 E un clásico da literatura infantil: NA COCIÑA DE NOITE de Maurice Sendak.
Con toda a precaución para observala cos instrumentos de seguridade axeitados, feliz eclipse!
www.kalandraka.com

10/08/2026

Últimas horas da 55ª Feira do Libro da Coruña! Xa van aló dez días, impregnando de palabras, colorido e historias os Xardíns de Méndez Núñez... Entre as visitas máis recentes, tivemos a fortuna de recibir os ilustradores Xosé Cobas e Óscar Villán, que asinaron as súas obras nas casetas das librarías Lume e Santos Ochoa, respectivamente. E tamén puidemos g***r da música de Paco Nogueiras Nodar, cantando e bailando as cancións do seu primeiro libro-disco BR**CA VAI!
Se aínda non tivestes o ocasión de achegarvos ata a Feira ou se queredes volver antes de que as persianas se baixen definitivamente, agardámosvos entre 'Libros para soñar'!
Librarías de Galicia

06/08/2026

En setembro chegará ás librarías -en galego, castelán, catalán e portugués- FERRAMENTAS BÁSICAS PARA SER ARTISTA, unha obra de Blanca Millán distinguida co I Premio ao Libro Informativo para a Rapazada 2025, convocado pola Asociación Galega do Libro Infantil e Xuvenil (Galix). Trátase dunha guía visual que, combinando textos breves e ilustracións de gran colorido, potencia a curiosidade e o coñecemento da infancia sobre a historia da arte, os estilos, os materiais e os principais referentes creativos en cada etapa. Acompañamos a autora durante o proceso de impresión en Gráficas Anduriña; a primera vez, na súa extensa traxectoria, que asiste a un momento tan especial.
GÁLIX - Asociación Galega do Libro Infantil e Xuvenil

06/08/2026

Acompañamos a Chisco Fernández Naval na súa visita á Feira do Libro da Coruña, onde asinou exemplares das súas obras no catálogo de KALANDRAKA: o poemario VAL TAN DOCE E SOMBRÍO publicado na colección Tambo, e OS CONTOS DA AVOA PEPA ilustrados por Manolo Figueiras na colección Seteleguas.
E atención, familias! Mañá venres, concerto de Paco Nogueiras Nodar na carpa das actividades infantís, a partir das 17:30h. E unha hora despois, sinatura dos seus libro-discos na caseta da secretaría.
E o sábado, a partir das 19:00h, non perdades a presenza do ilustrador Óscar Villán na caseta da libraría Santos Ochoa, onde dedicará exemplares da súa ampla bibliografía no catálogo dos 'Libros para soñar'!
🗓️ https://kalandraka.com/event-calendar/feira-do-libro-da-coru-a-paco-nogueiras-asina-os-seus-libro-discos/
🗓️ https://kalandraka.com/event-calendar/feira-do-libro-da-coru-a-scar-vill-n-asina-as-s-as-obras/

05/08/2026

"Evita nos seus versos falar da morte, da ausencia, para centrar a poética do irreversible no acompañamento e nos coidados e en entretecer os fíos das lembranzas en loita desigual contra a perda cognitiva".
: : Na bitácora Que pasa na Costa a lectura do profesor e crítico literario Miro Villar arredor de VAL TAN DOCE E SOMBRÍO, o novo poemario de Francisco X. Fernández Naval na colección Tambo. O autor asinará exemplares hoxe, mércores 5, a partir das 19:30h, na caseta de KALANDRAKA na Feira do Libro da Coruña.
🗓️ https://kalandraka.com/event-calendar/feira-do-libro-da-coru-a-chisco-fern-ndez-naval-asina-as-s-as-obras/
📝 https://www.quepasanacosta.gal/opinion/miro-villar/val-tan-doce-sombrio-francisco-x-fernandez-naval/20260630071312175039.html
Librarías de Galicia Axenda Cultural das Librarías

Dirección

Pastor Díaz, Nº1. 4º
Pontevedra
36001

Horario de Apertura

Lunes	09:00 - 14:00
	16:00 - 18:00
Martes	09:00 - 14:00
	16:00 - 18:00
Miércoles	09:00 - 14:00
	16:00 - 18:00
Jueves	09:00 - 14:00
	16:00 - 18:00
Viernes	08:00 - 15:00

Teléfono

+34986860276

Página web

https://www.kalandraka.com/

Notificaciones

Sé el primero en enterarse y déjanos enviarle un correo electrónico cuando Kalandraka Galicia publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.