Eth Ligam Occitan

22/09/2021

SE TRASPASSE!
Eth Refugi Ròsta de Salardú qu'ei era prumèra ostalaria d’Aran, dempús deth segle XIX, quan ja ère lòc de referencia e punt de partença des exploradors pireneïstes. Husta anciana, istòria e sobrietat. Actualaments tanben ei on se devane eth Festivau Pyrenades.

En 1979 eth Ròsta ei reformat pes sòns naui propretaris, que son a retirarse lèu-lèu en tot traspassar era pretzada casa-musèu.

08/09/2021

Er ostiu ei passat, e ben encara podem profitar eth bon clima entà hèr es darrères passejades...

https://fb.watch/7UB6e48Zj7/

04/09/2021

Eth torisme de passejada s’impòse ena Val d’Aran, a on d’aute caire eth torisme de nhèu patís pera pandemia, pòbles e ostalèrs an desvolupat tota sòrta de rotes, jòcs, panèus entà apropar-mos ath patrimòni arquitectonic.

Eth fenomèn ei fòrça mès curiós quan ena Val a arribat era mòda des jòcs de pistes, mos explique eth funcionament d’un d’aqueri jòcs eth Baile de Bossòst, Amador Marqués

26/07/2021

21/07/2021

Er Institut d'Estudis Aranesi - Acadèmia Aranesa dera Lengua Occitana ven de presentar eth diccionari catalan-aranés. Jusèp Lois Sans Socasau, eth president, mos explique era volentat dera acadèmia de compéner e integrar era lenga qu’a apareishut enes darrèrs ans de progrés en encastre educatiu, en jornalistic, en administratiu... Tot un desvolopament qu’ara cau méter en comun damb er estandard occitan.

14/07/2021

Seguim de dò.

07/07/2021

Aué èm de dò pr'amor que junhsèga serà eth darrèr mes d'emission d' Er informatiu en occitan de betevé. , coma desvelhaue un email manat peth director dera cadea barcelonesa betevé as responsables der espaci. Ferriòl Macip que mos conde se com ei passat.

Èm a temps d'includir er aranés ena television, d'ua manèra digna? Liegetz era opinion der editor d' Eth Ligam Occitan, ena letra dubèrta en Jornalet:
➡️ shorturl.at/puGS5

06/05/2021

Auem visitat era exposicion ena bastissa Istorica dera UB! Eth CRAI (Centre de Recursos per a l'Aprenentatge i l'Investigació) ei fièr d'auer aguest percors pera lenga que se complète a trauès de 140 libres sus er occitan. Se passèc pendent es mesi d'abriu e mai de 2021.

22/07/2020

En Occitania eth Haro a diuersi noms. En 2015 era UNÈSCO qu'arreconeishec es hèstes deth huec des Pirenèus coma halhes, hars, haros e halhars coma patrimòni culturau inmateriau.

Eth Musèu Prometheus amasse automaticament es publicacions des gents des pòbles enes hilats sociaus que se mèrquen coma entà divulgar e restituïr es tradicions en temps dera Covid-19.

11/07/2020

VOTZES DE HEMNES [15 MIN]

Que l'auem ja rescontrada en Ligam Occitan. Era musiciana Pascala Respaud que protagonize aguest esplendit documentari qu'explique se com arrecuperèc era lengua des pairs-sénher e bastic 'Revelhet', en tot amiar ua naua vida ath cançoner popular d'Arièja arremassat per etnograf Jean Pueigh.

Eric FRAJ sur 6 juillet 2020 à 17 h 13 min Formidable ! Podèm pas que felicitar Pascala e Le Revelhet per tot aquel trabalh formidable, la fe qu’es la lora e tot le plaser que nos balhan ! Bravo doncas ! Réponse

13/06/2020

11/06/2020

Eth pòble d’Ostana qu’ei ua sòrta de refugi dera diversitat lingüistica. Eth “Prèmi Ostana, escrituras en lenga maire” ven d’acuélher ua quarantea de lengües en un eveniment en linha entara sua visibilizacion. Que i an participat diuerses associacions occitanistes coordinades pera Chambra D'òc. Tot s’ei passat en linha, en ua emission de quinze ores qu’encara se pòt veir.
A causa dera crisi sanitària, era edicion d’enguan non a estat presenciau. Mès aqueth pòble dera Val Pò a decidit de hèr ua edicion especiau der eveniment en linha damb era participacion des laureadi des onze edicions anteriores.
Segons quin sigue eth bilanç, era organizacion poderie pensar ena escadença de migrar er eveniment tostemp tà Internet e hèr-lo atau mès accessible.