15/09/2026
Xa estamos a mércores e con moitas ganas de pasar a madrugada na vosa compaña!
Pepe Capelan RadioGalega, Noemí Martínez e Marita Martínez van falar hoxe de viaxes! Por qué? Diredes vós...
Pois porque vén de abrirse o prazo para solicitar praza nas viaxes do IMSERSO para esta temporada!
E falando de viaxar… cal foi a vosa primeira viaxe? E a que máis vos gustou?
Quédavos algunha viaxe por facer? Cal é o voso destino soñado? Ou tedes algunha viaxe que repetides tódolos anos?
Tedes algunha anécdota divertida relacionada coas viaxes? Confundístesvos de data, de destino… ou ata de aeroporto!
Hai moitas viaxes que marcaron as nosas vidas: a viaxe de recén casados, ou as viaxes de fin de estudos!
Mellor viaxar en familia, sós, en parella ou en grupo? Que tipo de viaxeiros sodes?
Gústanvos as viaxes longas, ou preferides estas cortiñas de un día en autobús?
E como cada mércores... queremos que nos deixedes as vosas preguntas para o noso "experto" de tres neuronas! Que queredes saber que nunca vos atrevestes a preguntar? Hoxe é a noite para que poidades sabelo! Contádenos por teléfono, ou deixádenos un comentario no whatsapp ou nas nosas redes!
Tamén repasaremos momentos virais desta semana nas redes galegas! Coches nas praias, xabaríns nos campos de golf... o mundo está tolo!
E por suposto, un día máis volve o noso CONCURSO! Queredes gañar un bono dobre para o spa "Spasinho" de Outes? Pois tedes que dicirnos... CAL É O DESTINO DO IMSERSO PREFERIDO POLOS GALEGOS?
Pois pola nosa parte, xa está todo! Só nos faltades vós, así que xa sabedes! Chamade! Contádenos!
Para falar: 981540956 / 981540966
Para whatsapps: 687967147
Para o contestador: 981540997
