Vigosónico

Vigosónico VIGOSÓNICO I DISTRITO CREATIVO I CONCELLO DE VIGO

Vigosónico é un gran espazo adicado á música: locais de ensaio, estudio de gravación, sala de concertos...e estará destinado á mocidade viguesa en xeral pero sobre todo a mocidade que se relaciona dalgun xeito coa música: compoñendo, tocando, ensaiando, escoitando...

🎸 Continuamos prendendo lume 🔥 ao estudio nesta edición de Demosónico: Presentamos a Chatinís, unha banda de punk-rock n...
12/06/2026

🎸 Continuamos prendendo lume 🔥 ao estudio nesta edición de Demosónico: 

Presentamos a Chatinís, unha banda de punk-rock nacida entre os barrios do Calvario e a Praza de España.

En 2020, Javier e Agustín, amigos desde cativos, comezan xuntos este proxecto. Sempre se chamaban chatiño un ao outro e ambos eran os chatiños ou chatinís, de ahí o nome da agrupación. Non se limitan a compoñer música e letras en galego, senón que tamén debuxan e deseñan a imaxe da banda, demostrando o seu talento creativo. 

Co paso do tempo a formación completouse con Juan ao baixo e Cris dándolle voz á banda e completando a personalidade tan definida de Chatinís.

Boa proba diso é Pozo Negro, unha das cancións gravadas que narra unha historia moi peculiar: A partir dunha lenda de mouras e encantamentos, a letra convértese nun inventario da pegada humana sobre un pozo: residuos, contaminación e unha serie de inesperados achados. Un relato tan orixinal e evocador como crítico, contado coa enerxía e a contundencia do punk.

🎧 Desexando escoitar o resultado!

Vigo PozoNegro BandasEmerxentes

📚✨ 𝐋𝐢𝐛𝐫𝐨𝐬 𝐩𝐚𝐫𝐚 𝐞𝐬𝐜𝐨𝐢𝐭𝐚𝐫 𝐆𝐚𝐥𝐢𝐜𝐢𝐚Vigosónico, espazo público dependente da Concellería de Xuventude do Concello de Vigo, vé...
10/06/2026

📚✨ 𝐋𝐢𝐛𝐫𝐨𝐬 𝐩𝐚𝐫𝐚 𝐞𝐬𝐜𝐨𝐢𝐭𝐚𝐫 𝐆𝐚𝐥𝐢𝐜𝐢𝐚

Vigosónico, espazo público dependente da Concellería de Xuventude do Concello de Vigo, vén de incorporar á súa sala de espera unha selección de libros de Editorial Galaxia, adquiridos para ampliar o fondo de lectura dispoñible para as persoas usuarias do centro.

Esta semana recibimos a visita de María Pereira, directora de Editorial Galaxia, que se achegou a Vigosónico con motivo da chegada desta nova colección, formada por títulos que nos conectan coa música, coa cultura galega, coa memoria popular e coa creación contemporánea.

Dentro desta selección atopamos un bo número de libros vinculados coa música galega, a escena local, o pop, o rock, a canción de autor, a tradición oral, a gaita, os movementos culturais, as voces fundamentais da nosa historia e tamén coa necesaria recuperación do papel das mulleres na cultura. LUXO!!!

Entre os títulos que xa podedes atopar están:

1. Bibiano. Cambiar para ser un mesmo
2. Anos 80. Movida, atlantismo, vangardismo e underground
3. Unha historia da música en Galicia (1952-2018)
4. Aires do barro. A xénese do pop en galego
5. Suso Vaamonde. A canción libre e comprometida dun pobo
6. O son da cidade. O libro da música viguesa do noso século
7. Do baile da gaita á muiñeira
8. Berrogüetto. O pulso da terra
9. As cantigas populares vellas de mens
10. Poesía e sociedade no cancioneiro popular galego
11. Leccións de gaita
12. Contáme un conto mal contado…
13. Onde estaban as mulleres na historia?

A idea é sinxela: que poidades botarlles unha ollada cando veñades ao centro, levalos prestados se vos apetecen e, se vos gustan, mercalos ou regalalos para seguir apoiando a edición galega, a cultura do país e ás autoras e autores que a fan posible.

Grazas a María Pereira e a Editorial Galaxia por acompañar esta incorporación e por seguir facendo dos libros unha forma imprescindible de conservar, contar e compartir a nosa cultura.

📖🎶 Vémonos entre libros, cancións e ensaios.

02/06/2026

𝗜𝗜 𝗟𝗔𝗕𝗢𝗥𝗔𝗧𝗢𝗥𝗜𝗢 𝗗𝗘 𝗖𝗥𝗘𝗔𝗖𝗜𝗢́𝗡 𝗠𝗨𝗦𝗜𝗖𝗔𝗟 𝗣𝗔𝗥𝗔 𝗔 𝗠𝗢𝗖𝗜𝗗𝗔𝗗𝗘

𝗔𝗯𝗲𝗿𝘁𝗼 𝗼 𝗽𝗿𝗮𝘇𝗼 𝗱𝗲 𝗶𝗻𝘀𝗰𝗿𝗶𝗰𝗶𝗼́𝗻. 𝗣𝗿𝗮𝘇𝗮𝘀 𝗹𝗶𝗺𝗶𝘁𝗮𝗱𝗮𝘀.

Do 𝟮𝟵 𝗱𝗲 𝘅𝘂𝗻̃𝗼 𝗮𝗼 𝟭𝟬 𝗱𝗲 𝘅𝘂𝗹𝗹𝗼, Vigosónico acolle unha nova edición do 𝗟𝗮𝗯𝗼𝗿𝗮𝘁𝗼𝗿𝗶𝗼 𝗱𝗲 𝗖𝗿𝗲𝗮𝗰𝗶𝗼́𝗻 𝗠𝘂𝘀𝗶𝗰𝗮𝗹 𝗽𝗮𝗿𝗮 𝗮 𝗠𝗼𝗰𝗶𝗱𝗮𝗱𝗲, unha experiencia pensada para mozas e mozos que queren vivir a música desde dentro: 𝘁𝗼𝗰𝗮𝗿, 𝗲𝗻𝘀𝗮𝗶𝗮𝗿, 𝗰𝗿𝗲𝗮𝗿, 𝗽𝗿𝗼𝗱𝘂𝗰𝗶𝗿, 𝗰𝗼𝗺𝗽𝗮𝗿𝘁𝗶𝗿 𝗲 𝗱𝗲𝘀𝗰𝘂𝗯𝗿𝗶𝗿 novas ferramentas para desenvolver o seu talento.

Durante dúas semanas, Vigosónico convértese nun espazo de 𝗽𝗿𝗮́𝗰𝘁𝗶𝗰𝗮, 𝗮𝗽𝗿𝗲𝗻𝗱𝗶𝘇𝗮𝘅𝗲 𝗲 𝗰𝗼𝗻𝗲𝘅𝗶𝗼́𝗻 arredor da música, con formación, acompañamento, traballo en grupo e contacto real co proceso creativo.

Un laboratorio para descubrir que a música non é só unha canción: tamén é 𝗲𝗾𝘂𝗶𝗽𝗼, 𝗲𝘀𝗰𝗼𝗶𝘁𝗮, 𝘁𝗲́𝗰𝗻𝗶𝗰𝗮, 𝗲𝘀𝗰𝗲𝗻𝗮, 𝗶𝗱𝗲𝗻𝘁𝗶𝗱𝗮𝗱𝗲 𝗲 𝗳𝘂𝘁𝘂𝗿𝗼.

𝗨𝗻 𝗲𝘀𝗽𝗮𝘇𝗼 𝗽𝘂́𝗯𝗹𝗶𝗰𝗼 𝗽𝗮𝗿𝗮 𝗰𝗿𝗲𝗮𝗿, 𝗲𝗻𝘀𝗮𝗶𝗮𝗿, 𝗽𝗿𝗼𝗱𝘂𝗰𝗶𝗿 𝗲 𝗰𝗼𝗻𝗲𝗰𝘁𝗮𝗿 𝘁𝗮𝗹𝗲𝗻𝘁𝗼.

📍 Vigosónico · Parque Tecnolóxico de Valadares
📅 Do 29 de xuño ao 10 de xullo
🕘 De 9:00 a 14:00 h
📝 Inscrición aberta
⚠️ Prazas limitadas
🔗 vigosonico.com | xuventudevigo.org

𝗩𝗶𝗴𝗼𝘀𝗼́𝗻𝗶𝗰𝗼 𝟮𝟬𝟮𝟲
𝗗𝗶𝘀𝘁𝗿𝗶𝘁𝗼 𝗖𝗿𝗲𝗮𝘁𝗶𝘃𝗼 𝗱𝗼 𝗦𝗼𝗻

Desde Vigo e recén chegada a Vigosónico neste 2026, MUERTE EN EL CONVITE é unha banda de rock alternativo psicodélico fo...
27/05/2026

Desde Vigo e recén chegada a Vigosónico neste 2026, MUERTE EN EL CONVITE é unha banda de rock alternativo psicodélico formada por Jorge e Uxía, de 22 e 23 anos e veciños de Lavadores e Camelias 🌸

O nome da banda nace dun poema do pai de Jorge, un apaixonado da poesía, e define o universo emocional do proxecto: sensibilidade, emoción e unha maneira de escapar do samsara a través da música.

Coñecéronse por redes sociais en 2022, buscando amizades. Comezaron tocando xuntos sen máis pretensións, pero non foi ata 2025 cando decidiron dar forma definitiva á banda. Polo de agora, ambos cantan e tocan varios instrumentos, mentres buscan algún compoñente máis para completar a formación.

Os dous escriben e compoñen os temas, construíndo cancións honestas sobre promesas rotas, amizades que decepcionan e emocións humanas das que custa escapar. Os temas elixidos para gravar no estudio falan desas persoas que nunca cumpren o que prometen e de volver á casa da nai para deixarse caer na tristeza e sentir sen filtros: ese lugar onde buscas refuxio e podes ser sen tapuxos.

Agora, tras ser seleccionados en Demosónico, MUERTE EN EL CONVITE dá un paso máis gravando as súas dúas primeiras demos💽.

E ti... Botas Unha Partida? ♠️🃏📢 Último Encontro Lúdico da primavera 🌸 Lembrade, o domingo 24 de maio de 17h a 20:30h, t...
23/05/2026

E ti... Botas Unha Partida? ♠️🃏

📢 Último Encontro Lúdico da primavera 🌸

Lembrade, o domingo 24 de maio de 17h a 20:30h, temos unha cita cos dados 🎲e as cartas para pechar a tempada de xogos deste curso 2025-2026





🤘🤘 Estas semanas, o estudio de gravación de Vigosónico volve estar cheo de vida: cables, amplificadores, voces, guitarra...
22/05/2026

🤘🤘 Estas semanas, o estudio de gravación de Vigosónico volve estar cheo de vida: cables, amplificadores, voces, guitarras e moita emoción.

🎙️🎸 Estamos a gravar ata 8 bandas seleccionadas no concurso Demosónico 2026, unha iniciativa que permite a grupos e artistas locais acceder a un estudio profesional e transformar as súas cancións nunha primeira demo de calidade.

Unha das bandas que pasou estes días polo estudo foi Breathen, (formación inscrita no concurso como Razor Noise). Trátase dunha banda viguesa de rock alternativo con influencias do shoegaze, o grunge e o nu metal, integrada por Javi, Adri, Iván e Enzo, mozos de Vigo de entre 22 e 29 anos procedentes das Travesas, Santiago de Vigo e Beade.

Breathen naceu a principios de 2026. O nome do proxecto xoga coa palabra galega “brétema” e co termo inglés “breath”, creando unha identidade sonora etérea, nebulosa e emocional, moi conectada coa súa proposta musical.

No marco de Demosónico gravaron “Undone” 🎧, unha canción que a banda sente como unha das pezas que mellor representa o camiño que queren seguir: capas de guitarras flotantes, contrastes entre calma e intensidade, e unha letra aberta á interpretación que fala do bloqueo emocional, da presión interna e desa loita entre o afundimento e a vontade de erguerse.

Demosónico é precisamente iso: unha oportunidade para que o talento emerxente de Vigo entre no estudo, experimente, aprenda e dea un paso máis no seu desenvolvemento artístico. 🚀

𝗘𝗦𝗧𝗔𝗠𝗢𝗦 𝗖𝗛𝗘𝗚𝗔𝗡𝗗𝗢 𝗢́ 𝗠𝗔𝗥No 𝗗𝗶́𝗮 𝗱𝗮𝘀 𝗟𝗲𝘁𝗿𝗮𝘀 𝗚𝗮𝗹𝗲𝗴𝗮𝘀 queremos celebrar a lingua desde a música, desde Vigo e desde esa imax...
17/05/2026

𝗘𝗦𝗧𝗔𝗠𝗢𝗦 𝗖𝗛𝗘𝗚𝗔𝗡𝗗𝗢 𝗢́ 𝗠𝗔𝗥

No 𝗗𝗶́𝗮 𝗱𝗮𝘀 𝗟𝗲𝘁𝗿𝗮𝘀 𝗚𝗮𝗹𝗲𝗴𝗮𝘀 queremos celebrar a lingua desde a música, desde Vigo e desde esa imaxe poderosa que Bibiano deixou escrita e cantada en 1976:

“𝗗𝗶𝗮𝗻𝘁𝗲 𝗱𝗲 𝗻𝗼́𝘀 𝘂𝗻𝗵𝗮 𝘃𝗶𝗱𝗮 𝗲𝗻𝘁𝗲𝗶𝗿𝗮 𝗽𝗿𝗮 𝗿𝗲𝗺𝗮𝗿”

Estamos chegando ó mar fala do noso mar, das mareas, das chalanas, dos mariñeiros, da ría e dos compañeiros que fan barcos nos estaleiros “pró novo día”.

Unha canción que soa a horizonte, a oficio, a comunidade e a futuro.

Desde 𝗩𝗶𝗴𝗼𝘀𝗼́𝗻𝗶𝗰𝗼 sumámonos a este día lembrando que a lingua galega tamén se ensaia, se canta, se grava, se comparte e se transforma en creación viva.

Porque crear en galego tamén é remar.

Cara ao mar. Cara ao novo día.

👩🏼‍💻 CAMPUS VIGOSÓNICO 25-26 🚀Máis que música en Vigosónico ⏬💽 Cursos de produción de música urbana e gravación en Home ...
11/05/2026

👩🏼‍💻 CAMPUS VIGOSÓNICO 25-26 🚀

Máis que música en Vigosónico ⏬

💽 Cursos de produción de música urbana e gravación en Home Studio, Protools Intro, Gravar batería cun Micro, Síntese de son, Homenaxe aos Beatles e anécdotas da súa historia, Coral Equivibrarte, Introdución a Deejay, Promoción musical sen mánager nin discográfica... Un sinfín de posibilidades para formarse na industria musical.

🤓 E a ti qué che interesa?

🫂 Grazas a todos e todas os poñentes que visitaron Vigosónico para compartir o seu coñecemento: Yolanda Rodríguez, Francisco Castro, Isa Balado, Rafa Freijanes, Ibán Marciano, Miguel Areán e DJ Llxnto.

Estaremos de regreso con novos cursos en setembro, permanece de atent@s! 🗓️


balado

🎚️Quentando motores no Estudio Vigosónico 💥Os alumnos e alumnas de canto desde curso xa pasaron polo estudio nos meses d...
30/04/2026

🎚️Quentando motores no Estudio Vigosónico 💥

Os alumnos e alumnas de canto desde curso xa pasaron polo estudio nos meses de decembro e abril.

A experiencia no estudio foi moi emocionante!!!

Agora toca ás bandas gañadoras do programa Demosónico ⏬

🎧A primeira en dar o paso foi .balado (Lady Nada), acompañada da pianista

💽 3 cancións melódicas e máis un poema recitado, co seu estilo lírico, místico e introspectivo que pronto estará listo para que poidases desfrutar ▶️

En MAIO ... ESTUDIO ABERTO!

Dirección

EStrada Do Portal S/n
Vigo
36313

Horario de Apertura

Martes 16:30 - 21:00
Miércoles 16:30 - 21:00
Jueves 16:30 - 21:00
Viernes 16:30 - 21:00
Sábado 16:30 - 21:00
Domingo 16:30 - 21:00

Teléfono

+34986616388

Página web

Notificaciones

Sé el primero en enterarse y déjanos enviarle un correo electrónico cuando Vigosónico publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Empresa

Enviar un mensaje a Vigosónico:

Atajos

Compartir