04/01/2026
🔴 𝐎 𝐆𝐎𝐁𝐄𝐑𝐍𝐎 𝐃𝐄 𝐕𝐈𝐋𝐀𝐆𝐀𝐑𝐂𝐈́𝐀 𝐂𝐇𝐀𝐌𝐀 𝐀𝐎 𝐂𝐈𝐕𝐈𝐒𝐌𝐎 𝐓𝐑𝐀𝐒 𝐎𝐒 𝐍𝐎𝐕𝐎𝐒 𝐀𝐂𝐓𝐎𝐒 𝐕𝐀𝐍𝐃𝐀́𝐋𝐈𝐂𝐎𝐒 𝐍𝐀 𝐃𝐄𝐂𝐎𝐑𝐀𝐂𝐈𝐎́𝐍 𝐃𝐄 𝐍𝐀𝐃𝐀𝐋 🎄🚨
🔴 O goberno local vén de facer un chamamento ao civismo despois de que se producira o enésimo acto vandálico na decoración de Nadal, nesta ocasión na bola que adorna o cruce da rúa do Río con Valentín Viqueira. Utilizando material combustible, alguén fixo tres buracos na capa de plástico, producindo importantes danos. ❌🔥
🔴 Nos últimos días detectáronse outros actos similares que afectaron ao mobiliario urbano, a elementos ornamentais e tamén ás plantas que forman parte dos xardíns efémeros e da decoración de Nadal. 🌿🛑
🔴 Dende o Concello sublíñase que o comportamento duns poucos non pode danar “o esforzo económico e a dedicación do persoal municipal que a inmensa maioría da cidadanía e das persoas que nos visitan si respecta e valora”. 💪✨
🔴 Ademais das luces de Nadal adxudicadas a unha empresa, o Concello realiza un notable investimento nos xardíns efémeros, na Aldea de Nadal e nun amplo programa de actividades, froito do traballo e talento do persoal municipal, veciños e veciñas implicados directamente. 👷♂️👩🌾
🔴 A combinación de decoración e programación converteu a Vilagarcía nun referente do Nadal en Galicia, cun impacto positivo no comercio, a hostalaría e a dinamización da economía local. 🛍️🍽️
🔴 “Sempre haberá unha minoría que actúe á contra, pero iso non nos debe afastar do fundamental: existe unha inmensa maioría que celebra, coida e respecta o que se fai, demostrando que o civismo é unha peza clave do modelo de cidade que defendemos”, conclúe o goberno local. ✔️🏙️
