21/06/2025
Nagaatti 😔
Lammata nan waamiin
Hin dhufu deemeera
Waa'ee keef dhiphachuun
Anaan nagaheeraa
Yeroo meeqa deemee
Meeqas deebi'eera
Ni jijjiiramta jedhee
Hedduu sii obseera
Yeroo dheeraadhaaf
Si faana cinqamee
Firaaf alii kootiin
Siif jecha jibbamee
Ati
Ofirraa na dhiibdus
An si faanan ture
Jaalala kankeerraa
Takka garaa murree
Amma garuu
Jiraachuudhaan qabaa
Baqqaa nagaheeraa
Bubbulee ta'ullee
Dhugaan naaf ba'eera
Garaakoo muradhee
Imaleetiin jira
Atis nan eegini
Barbaadi kan biraa
Onneen koo si dagatee
Kan biraa bareeraa
Jaalalaaf onnee koo
Qopheessee baneeraa
Sababa keef jechaa
Jaalala hin lagadhu
Lamuun jaaluu jedhee
Abdii hin kutadhuu
Ani si dagadhee
Atis na dagadhuu
Kana booda
Karaa koorra dhaabbatee
Anatti hin ta'in gufuu
An imaleetiin jiraa
Lamuu deebi'een dhufuu.
Miltoo jaalala
