OBN Afaan Oromoo Plus

12/08/2026

Namoonni Meeshaalee Konkolaataa birrii miliyoona 6 caalu hatan to'atamuu Poolisiin Finfinnee ibse.

'OBN Cyber Media' Hagayya 06,2018

Hordoffii ji'a tokkoofi Walakkaa fudhateen namoota meeshaalee konkolaataa birrii miliyoona 6 caalu hatan 5 fi namoota meeshaalee hataman irraa bita 2 to'achuun qorataa jiraachuu Poolisiin Magaalaa Finfinnee ibse.

Poolisii Finfinneerraa Odeeffanne

12/08/2026

Qonnaan Bultoonni Godina Iluu Abbaa Boor Aanaalee garaagaraa ‘Avokaadoo Sanyii Filatamaa Haas’ marsaa 3ffaaf gabaa biyya alaaf dhiyyeessuun fayyadamoo ta’uu himan.

‘OBN Cyber Media’ Hagayya 06,2018

Misoomni Ashaaraa Magariisaa diinagdee isaanii utubaa jiraachuu qonnaan bultoonni Godina Iluu Abbaa Boor ibsan.
‎
‎Qonnaan bultonni Aanaalee Yaayyoo,Hurrumuu,Bachoo, Mattuu, Biloo Nophaafi Buree marsaa 3ffaaf Avokaadoo Sanyii Filatamaa ‘Has’ jedhamu Gabaa biyya alaaf dhiyyeessuu himan.
‎
‎ Biqiltuun sagantaa misooma ashaaraa magariisaan dhaaban madaala naannoo eeguun oomishaafi omish*tummaa isaanii dabaluun bu'aa dachaa argaamsiisaa jiraachuus himan.
‎
‎Biqiltuu avokaadoo Misooma Ashaaraa Magariisaan dhaabanirraa marsaa 3ffaaf Oomishanii gabaa biyya alaatti gurgurachuun fayyadamaa ta'uus ibsuun,fuuldurattis caalmaatti misoomsuuf kaka'umsa itti horuu dubbatan.
‎
‎ Avokaadoo lafa hektaara kuma 7 olirratti misoomaa jirurraa waliigalaan firiinsaa Kuntaala Kuma 700 argamaa jira kan jedhan Itti Gaafatamaan Waajjira Qonnaa Godina Iluu Abbaa Boor Obbo Addaamuu Taakkalaa, marsaa kanaan Avokaadoo kilograamnii kuma 60 gabaa alaatti ergamuu himan.
‎
‎Bulchaan Godina Iluu Abbaa Boor Obbo Indaalkaachoo Tafarii Qonnaan bulaan oomisha alergiirratti xiyyeeffatee akka hojjetuuf hojiin bal'aan hojjetamaa jiraachuu ibsuuun, Misoomni Ashaaraa Magariisaa qabatamaan alargiif galtee ta’uun diinagdee hawaasaafi biyyaa utubaa jiraachuu himan.

‎Bafiqaaduu Mokonnitu Gabaase

12/08/2026

Murni TPLF qabeenya lammilee Itiyoophiyaarra saameen biyya jeeqaa jira jedhan, hayyoonni Yuunivarsiitii saayiinsiifi Teeknoloojii Adaamaa.

'OBN Cyber Media' Hagayya 06,2018

Murni TPLF siyaasa dulloomaa keessaa bahuu dadhabuun waan isa miidheef Itiyoophiyaa diiguuf sochiin gochaa jirus hin milka'u jedhan, hayyoonni Yuunivarsiitii Saayiinsiifi Teeknoloojii Adaamaa Taddasaa Girmaa(PhD)fii Fallaqaa Yohaalaasheet(PhD).

TPLF Wayta aangoorra ture sabaafi sablammoota qooqqoduun qabeenya biyyaattiis saamuuf kaayyeffatee hojjechaa turuus ibsan.


Hojiin misoomaa jijjiiramaa as hojjetames hojiiwwan bara aangoo TPLF waggoota 27 aangoorra turetti hin hojjetiintu xiyyeeffannoo argachuun hojjetamee diinagdeen Itiyoophiyaa foyyessaa jiras jedhan.

Gocha murni TPLF lammiilee Itiyoophiyaarratti raawwachaa ture jalaa hir'annaan ammas waraanaan naaf milka'aa jechuun sochiin gochaa jiru hin milkaa'u, sochiin yeroo amma gochaa jirus abjuudha jedhan.

Okaashaa Aadamtu gabaase.

12/08/2026

𝗤𝘂𝗯𝗲𝗲 !

12/08/2026

Aanaa Yaayyootti hojii kenna tajaajila lammummaan harka qalleeyyii dhibba 3 oliif deggarsi meeshaalee adda addaa kenname.

‘OBN Cyber Media’ Hagayya 06,2018

‎Deeggarsi harka qalleeyyiif kennames meeshaalee manaa, midhaan nyaataa, zayita nyaataa meeshaalee barnootaa,Hoolotaa fi raaddeen faí .
‎
‎Namonni deeggaramanis tajaajilli lammummaa rakkoo hawaas-diinagdee qaban furaa jiraachuu himauun, deeggaramuu keessaa bahuuf cimanii kan hojjetan ta'uus dubbatan.
‎
‎Deggarsii kennames harka qalleeyyii 300 oliif ta’uu kan himan Bulchaa Aanaa Yaayyoo Obbo Fiqaaduu Oljirraa, kennaan kun Birrii miiliyoona 18 olitti tilmaamama jedhan.
‎
‎ Bulchaan Godina Iluu Abbaa Boor Obbo Indaalkaachoo Tafarii hojiin kenna tajaajila lammummaa hojjetamaa jiru lammileen deggeraman hiyyummaa keessaa akka bahaanuf bu'uura ta’aa jira jedhan.

‎Salamoon Mulugeetaatu gabaase

12/08/2026

"Lammiileen Itiyoophiyaa akkuma atileetiksiin addunyaarratti beekamne duudhaa waliin mari'achuu cimsuun biyya waliigaltee biyyaaleessaa qabdu uumuun seenaa hojjechuu qabna. " Atleet Balaayinah Dinsaamoo
‎
‎'OBN Cyber Media' Hagayya 06, 2018
‎
‎
‎Ajajaan dhibbaa Atleet Balaayinah Dinsaamoo atileetota bakka bu'uun marii Biyyaaleessaarratti hirmaachuun seenaan waliigaltee Atileetota Itiyoophiyaa marii wal hubannoon dabaalamuu qaba jedhan.

‎
‎Riikardii Maraatoonii gooticha atileetiksiis kumaala Abbabaa Biqilaan qabamee turuun boodarra atileetii biyya biraatiin fooyya'e waggoota 23 booda harka Itiyoophiyaatti akka deebi'u kan gumaache Ajajaan dhibbaa Atileet Balaayinah Dinsaamoo marii biyyaalessaarratti hirmaachuun hubannoo waloo uumuuf gumaachaa jira jedhan.

‎
‎Lammiileen Itiyoophiyaa akkuma atileetiksiin addunyaarratti beekamne duudhaa waliin mari'achuu cimsuun biyya waliigaltee biyyaaleessaa qabdu uumuun seenaa hojjechuu qabnas jedhan, Atleet Balaayinah Dinsaamoo.

‎Kana booda nageenyaafi tokkummaa cimsuun kan danda'amu marii qofaan akka ta'ees OBN'tti himan.
‎
‎Duudhaawwan waloo cimsanii ittifufsiisuun guddina Itiyoophiyaa waaressuun akka barbaachisuufi kanaafis mariin amma gaggeeffamaa jiru abdii kan namatti horu ta'uu ibsan.
‎

‎Girmaa Hundeen

12/08/2026

‘’Deggersi tajaajila lammummaan arganne hamilee keenya jabeessee.’’ Deeggaramtoota

‘OBN Cyber Media’ Hagayya 06, 2018

Aanaa Gobbuu Sayyootti hojii tajaajila lammummaan Gannaan deeggarsi garagaraa hawaasa harka qalleeyyiif taasifamaa jiraachuun ibsame.

Jiraattonni hojii tajaajila lammummaarratti hirmaachaa jiranis deeggarsa harka qalleeyyiif taasisnu itti fufna jedhan.

Hawaasa harka qalleeyyii utubuuf raaddeen, bushaayee, uffata, midhaan nyaataa kennuu dabalatee, mana harka qalleeyyii ijaaruu, dhiiga arjoomuufi dabtara barattootaa qopheessuurratti hojjechaa jiraachuu himan, Bulchaan Aanaa Gobbuu Sayyoo Obbo Bayyanaa Morodaa.

Namoonni gargaaramanis hojjetanii of jijjiiruuf qophii ta’uu himuun, deeggarsa isaaniif taasifameefis hamileesaanii jabeessuu himan.

Warraaqaa Yooseeftu gabaase

12/08/2026

12/08/2026

Biyyootni Awurooppaa daqiiqaa muraasaan booda gaaddiddeessuu Ji'aaf saaxilamuuf jiru.

OBN Cyber Media' Hagayya 06, 2018

Har'aa sa'aatii 7:30 irraa eegalee biyyootni Awurooppaa gariin guyyaa walakkaaf dukkanaa'u.

Yeroo sana ji'atu fuuldura aduu darba. Ifni aduu yeroo sana lafa hin gahu.

Gaddiddaa'uun Aduu kun biyyoota Awurooppaa tokko tokkotti walakkaan yoo ta'u, kaan kaan ammoo guutummaatti gaaddiddaa'a.

Gaaddiddaa'uu Aduu kanaaf UK'n harka 96 ni dukkanoofti jedhameera. Iskootilaandfi fi Iyarlaandi ammoo harka 92-94tti akka gaaddiddaa'uu malan himameera.

Gaaddiddaa'uun aduu taatee wayita Addeessi Aduufi Lafa gidduu ooltu uumamudha.

Haaluma kanaan Addeessi ifti aduu lafa akka hingeenye guutummaatti yookiin gartokkeen ittisti.

Yero kanatti bifa obboroo yookiin waarii fakkaatuun samiin ni dukkanaa'a.
Kana arguu kan danda'amus yoo naannoo walakkeessi gaaddidduu Addeessaa itti qubatetti argamtanidha.
BBC, Aljazeeraafi CNN


Tamasgeen Hundarraa

12/08/2026

Ministeerri Jallisiifi Naanawaa Gammoojjii Doqdoqqeewwan 232 naannoleef kenne.

‘OBN Cyber Media’ Hagayya 06,2018

Minstirri Jallisiifi Naannawa Gammoojjii Pirojektii Fooyya'iinsa Jireenya Naannawa Gammoojjiitiif gumaachan utubuuf Doqdoqeewwan 232 naannooleef kennuu beeksise.

Doqdoqqeewwan kunneen naannoolee torba keessatti kan argaman Aanaalee 116 `f kan raabsaman yoo ta'u tokkoo tokkoo Aanaaleef doqdoqqee lama lamatu kennama jedhame.

Deeggarsi kun hojiiwwan misoomaa naannawa gammoojjiitti raawwataman ariifachiisuuf yaadameeti jedhan, Ministir Deetaan Ministeera Jallisiifi Naannawaa Gammoojjii Obbo Tasfaayee Yiggazuu.

Ministeera Jallisiifi Naannawaa Gammoojjiirraa odeeffanne