Murtii Jaalalaa

22/09/2025

𝙢𝙖𝙡𝙡𝙖𝙩𝙩𝙤𝙤𝙡𝙚𝙚 𝙙𝙝𝙞𝙞𝙧𝙧𝙞 𝙩𝙤𝙠𝙠𝙤 𝙪𝙢u𝙧𝙞𝙞𝙣 𝙞𝙨𝙖𝙖 𝙙𝙚𝙚𝙢𝙪𝙪 mul'isan
****
1 .Kiisii Shamizii keessa qarshii, qalama, yaadannoo fi kkf kaa'achuu yoo eegale.

2 .kaalsii dhedheeraa dirachuu yoo eegale.

3 .Qarshii 5 fi 10 Waaleetii keessa kaawwachuu yoo eegalee.

4 .Kophee Gogaa irraa hojjatame qofa kaawwachuu yoo
eegale.

5 .Konkolaataa keessatti fooddaa cuftan malee jedhee yoo rakkise.

6 . T.shirt harka gabaabaa jalatti Shamizii harka dheeraa yoo uffate.

7 .Miseensa Afooshaa(iddirii)yoo ta'uu eegale!

8 .Areedni osoo hin guddatiin ofirraa haaduu yoo eegale.

9 ."Mee nan jeeqinaa" jechuu yoo baay'ise.

10 .Jaakkeeta uffatee mana booyichaa deemuu yoo eegale

11 .Galgala sa'aatii 2:00 dura irbaata nyaachuu yoo
eegale.

12.Funyaan keessaa rifeensa biqile muruuf yaalii yoo taasise.

13 .Kaalaandarii mana keessatti fannisuu yoo eegale.

14.Koofiyaa fi T.shirt walgayii irraa fudhate mana keessa uffachuu yoo eegale.

15.Bara keessa jiru kana abaaruu yoo eegale.

16. Barreeffama kana dubbisee yoo xumuru comment jalatti yoo na arrabsuu eegale. dhiirri sun gara dullumaa deemaa jira jechuudha.

Nan Sobee?

Kan dubaraammoo isin Comment jalatti barreessaa!😀😃

Nagaan bulaa!

Maxxansikoo biroon akka si qaqqabuuf pagekoo Sisey T. Merdasa follow godhii darbi.

17/09/2025

jaalalaa...................................
Abidda jaalalaa narratti qabsiiftee
Qaama koo guggubde summii natti biiftee
Sin jaaladhe jennaan ittan yaada jette
Osoon siif maraadhu calliftee na Laaltee
~~~~~~
Jaalala kee titu onnee koo tarsaasee
Hiddoota dhiiga koo garagar mancaase
Boombii niwukileeraa narraatti harcaase
Dhiigakot makamee summitti facaase
~~~~~~~~
Halkan abjuu keessa yaadanan watwaadha
Si qofan jaaladhe kanaafan maraadha
Halkanii fi guyyaa yoom aaran galfadha
Ta'uus,deemuus,ciisus eessaa nan boqodha
~~~~~~~~~
Imimmaan lolaase boo'eesoo naa game
Keessi koo gubatee ciinca'ee waadame
Sammuu fi qaamnikoo jaalalaan nyaatame
Mee warrii waa beektan itti naaf yaadaamee
~~~~~~~~~
Harka bitaaf mirgaa garaakeet olkaasee
Harka sit kennadhe imimmaan lolaasee
Jilbeeffadheen jira garaakoo rooraasee
Furmaata naaf laadhuu sit onneekoo raasee
____***____
♥️♥️🔥🔥♥️

29/08/2025

"Yoon Hime Aayyotu du'a,Yoon cal'ise Aabbotu du'a"
Jaartitu jaarsan wal dhabee ,Waan akka malee itti aartef Ofirraa ajjeesun qaba jettee murteessite.
Suuta jettee akka inni hin shakkinetti jaalala dur hin qabneef itti agarsiistee ,Karaa buufatte.
Marqaa Dhadhaan Urgeessitee,Summiin macheessitee qopheessitee eegdi.
Yeroo isheen gocha kana raawwattu intalli isaanii xiqqoon takka suuta jettee dhokattee ilaalaa turte.
Argitee jirti jechuudha.
Abbaan manaas akkuma duraanii se'ee nyaachuuf yoo jedhu, Mucayyoon Qorii marqaa harkumatti qabdee iyyite.
Qondaallis rifate,Jaartin silaa bakkuma seentu dhabde .
Maaltu akka ta'es hin galleef.
Ollaan birmatee "Mucayyoo maaliif iyyite"Jedhaniin.
Mucayyoonis "Yoon Hime Aayyotu du'a,Yoon cal'ise Aabbotu du'aa
Isin Qorii tana fuudhaa Bool'an nuuf gahaa"Jetteen jedhama.

Baga Intala sanuu qabaatan,Jara lachuu du'arraa oolchite.

24/07/2025

Qilleensatu na hanqata
Akka dhukkuba laphee
Onnee kiyya keessatti
Maxxanteetta akka haphee

Jaalalani siif qabu
Situ dhabsiise gatii
Qarshiidhaan na jijjiirtee
Na dhiiftee deemte atii

Kan koo qofaa si godhee
Nikaadhaan si dhuunfadhe
Si waliin bultii ijaaree
Ilmaan horee dhuungadhe

Kana ture abjuun koo
Dur yaroon si jaalladhu
Imimmaantu na hudha
Har'a yoon si yaadadhu

Gitintireen kufee
Garaan na gubatee
Guyyaa hamtuu dhufee
Narraa si fudhatee

Maaf na gattee deemtee
Onnee Koo tarsaaftee
Utuun si abdadhuu
Jiruu Koo mancaaftee

Bareedduu Koo jedhee
Utuun si waammadhuu
Hundarra caalchisee
Utuun si jaalladhuu
Hangan lubbuun jiru
An sin irraanfadhuu

Humaa nattin himne
Wanta si mudate
Waanan jedhun dhabe
Garaan na gubatee
Jaalala horiitu
Narraa si fudhatee

Jaalala Koo dhugaa
Kan jijjiirte Qarshiini
Beeki gaafa duutullee
Sin simattu dachiini

Utuun dhadhaa eegu
Narraa keesse dhakaa
Hojii Koo maleetti
Natti baaste maqaa

Jechashee fudhatee
Hunduu natti ka'e
Rakkina koof jecha
Maqaan natti ba'e

Nagaatti siin jedheera
An sin miine jechaani
Bu'aa dhamaati keeti
Ni argatta dachaani

Aareen Yoon gubadhes
Ani humaa sin goonee
Gaafas callisu koof
Ofii koottan boonee

Harka jabeefattee
Na kabalte maddii
Dirmammuun harka Kees
Gaafasuma baddii
Har'a yoo yaadattu
Sidhuunfata gaddii
Mirqaanaan argattu
Yoo aarsite Naddii

Jaalala koo dhugaa
Har'a reef hubatta
Namattin himattu
Qofaa kee gubatta

Dur afaan keetiin bu'u
Yoomiyyuu sin jibbuuni
Har'as maqaa ko dhooftee
Naaf gamsiifta hirqinfuuni

18/06/2025

🦋Dubartiin Waan afur dhiira caalaa dandeessi!
••••••••••••••••••••••••••••••••••••••••••••
☞ Jaalala mi'eessu.
☞ Jireenya bareechuu.
☞ Aarii qabbaneessuu.
☞ Soba dhugaa fakkeessuu.

🦋Dubartiin, Waan afuriin dhiira caalti!
☞ Amalaan.
☞ Malaan.
☞ Garraamummaan.
☞ Sodaan.

🦋 Dubartiin Waan afuriin jiraatti!
☞ Amanttiin.
☞ Obsaan.
☞ Abdiin.
☞ Jaalalaan.

🦋 Dubartiin, Waan afur hawwiti!
☞ Gaa'ila godhachuu.
☞ Qabeenya horachuu.
☞ Ijoollee horachuu.
☞ Gammachuun jiraachuu.

🦋 Dubartiin, Waan afur namaa taati!
☞ Haadha.
☞ Obboleettii.
☞ Haadha manaa.
☞ Hojjettu mana keessa.

🦋 Dubartiin Waan afur himachuu salfatti!
☞ Jaalalli yoo qabe.
☞ Laguun yoo itti dhufu.
☞ Gafii jaalalaaf tole jedhuu.
☞ Fedhii saalqunnamtii.
!
🦋 Dubartiin dhiira akkami jaalatti?
☞ Kan isheef amanamu.
☞ Kan Amala gaari qabu.
☞ Kan jaalala isheef qabu.
☞ Kan Kaayyoo qabu.

🦋 Dubartiin dhiira akkamii jibbitti?
☞ Kan sobu.
☞ Kan machaa'u.
☞ Kan irratti jaalatu.
☞ Dhiira yartuu.!

🦋 Dubartiin Waan afur ifa baastee dubbatti!
☞ Dhugaan yoo jal'ate.
☞ Waa'ee nama rakkatee.
☞ Waan hawwite yo argatte.
☞ Dhibeen yoo qisheef.

🦋 Dubartiin, Waan afuriif jiraatti!
☞ Abba manaa isheef.
☞ Ijoollee isheef.
☞ Kaayyoo isheef.
☞ Uuumaa isheef.!

19/03/2025