Jaalalaa fi Gammachuu

08/05/2025

~~~~○•○●Coccoba Sammuu●○•●~~
√√√√√√√ √√√√√√√
√1) Humnaan nyaataniif Humna hin ta'u,
(Oromo people,Ummata Oromoo)
√2) Namoonni waan tokko hojjechuuf yaalanii
kufan, warra utuu homaa hin hojjetin milkaa'an
irra ni caalu!"
(Looyid Joons)
√3) "Yoo dandeesse barrisi,yoo barrisuu
dadhabde fiigi,yoo fiiguu dadhabde daddafii
deemi,yoo daddaftee deemuu dadhabde
tiradhu,yoo tirachuu dadhabde daa'imi,yoo
daa'imuu dadhabde foqoqi. Akkam yoo ta'ellee
socho'uu hin dhaabiin" ( Maartiin Luuter Kiing)
√4) " Hiyyumnis ta'u soorumni bu'aa ilaalcha
keenyaati!" (Naappooliyoon Hill)
√5) Daandii bosona keessaa jaldeessa dulloomaa
gaafadhu,(Congulese people)
√6) Addunyaa kanarraa wanti baay'ee nama
gaddisiisu, utuu ija qabanii mul'ata
dhabuudha!" ( Helen keeler)
√7) Aangoon Naachaa bishaan keessatti,(South
African)
√ "Muka ija qabdutti dhagaan baay'ata!" (Shiiv
Keeraa)
√9) "Namoonni 'ni danda'ama' jedhanii yaadan,
murtoon kamiyyuu hamma ta'e rakkina akka qabu
ni beeku!"
(Roobert H.Chuuler)
√10) "Maatii irraa dhalatte filachuu hin
dandeessu, Ijoollee sirraa dhalataniif garuu haala
mijeessuu nidandeessa!"
(Biilii Girahaam)
√11) ''Kirriin daandii lilmoo hordofti''(Kenyan)
√12) "Kufaatiif ragaan hin
barbaachisu!" (Naappooliyoon Hiil)
√13) Ooyiruu keessa hojjechuun ni
cima,beela'uun immoo caalaatti cima,(Niolotic)
√14) Mukni si caalaa hin dheeranne gaaddisa siif
hin ta'u, (Mozambique)
√15) " Karaa milkaa'inatti geessu hin beeku yoon
ta'ellee, karaa kufaatiitti geessu garuu nan
beeka. Innis namoota hundumaa gammachiisuuf
dhama'uudha!" ( Biil Koosbii)
√ 16)"Karaa siif danda'ame hundumaan,bakka siif
danda'ame hundumaatti,namoota dandeessu
hundumaaf, hamma siif danda'ame
hundumaan,waan gaarii siif danda'amu
hundumaa hojjedhuuf!" (Joon Weslii)
Coccoba Sammuu coccobsaa,walis barsiisaa!
√√√√√√ J Jaalalaa√√√√√

25/04/2025

06/04/2025

Barr.
Dursa kutaa 1ffaa haga 9ffatti koo jalaa dubbisaa!!
❤ !!❤
🌳❤❤❤❤🌳❤❤❤❤❤🌳
Anis haasa ishee kana baay'een tilmaame dubbanna daqiiqa muraasaan ergaa dabarfatte anumti kun iyyuu baay'een of taajjabe. Ayii Shaash*tuu ati maraatu miti natu maraate malee jedhee yeroon gara manatti ol galuuf jedhu Aayyoon koo kuftee jirti anis lafaa jaasen teessise.

Halkan gurraacha bari'uu didee kan daa'imu. Sagaleen dhagahamu tokko hin jiruu, duukkana cillimii. Darbee darbee sagalee saree duttu qofatu laga gamaa gara gurra kiyyaa seena. Gara daanditti deemuuf ka'een muraa (bo'oo) lolaaf hojjetame jiru keessattin kufe.

Umuriin jiraadhe keessatti qormaata akka galgala harra kana qoramee hin beeku. Tilmaama kiyyaan saa'itin halkan keessa 9 nii ta'a. Uumamni hunduu calleesaan guutameera. Sagaleen namaa dhagahamu hin jiru.

Garan itti goru wallaleera, furmaata kan jedhan waantin yaadus naaf dhufuu didee Aayyoo koo Ciniisuun qabeera. Du'aaf jireenya gidduu jirti. Ani mukan qabadhu dhabeera Akka durii Baarichoon hin jiru. Arfaaseenis hin jirtu. Osooma jiraatanis nurraa fagoodha.

Ciniisuu uumamni haaraan gara dacheetti dhufuuf; uumama dachee irra jiru dhiphisa. Kan dachee irra jiru uumama haaraa gara dacheetti fiduuf ciniinsifata. Uumamni haaraan dhalachuuf uumamni durii dhaluuf kokkee Wal qabuutti jiru. Uumamatu uumamaan waldhaansoo wal qaba.

Aayyoon koo Ciniisuun dhiphataa jirti. Ani furmaata koon wallale mana yaalatti geessuuf halkan gurraacha; sanuu qarshiin hin jiru. Firatti iyyuuf firri hin jiru. Naannootti himuuf macci rafeera. Silaas maqaa nuti qabnu gad aantummadha waan ta'eef namni nuuf owwaatu hin jiru.

Wayi Meetoo...
Fira hin qabdu, Abbaa hin qabdu. Ayii yaa uumaa Maalif na uumte na gidirsita? haadhi kiyya ija jaamaa kanaan ulfa eenyummaan isaa hin beekamne ji'a sagaleefi walakka baatte gidiraa hedduu argitee de'umsaaf Ciniisuun qabee dhiphattee watwaata jirti. Ani waanin godhu dhabeen dhiphinni natti wal furaa jira.

Furmaata koos wallaleen Akkuman ta'e taa'een Halkan duukkana sanaan Aayyoon koo Dugda kootti baadheen gara mana yaalatti geessuuf fuudhe ka'e. Duukkanni humnaan olii waan jiruuf Daandiin hin mullatu. Haalumaan osoon deemaa jiru miilla kiyyaan dhagaa gudda dhiite Aayyoon koo Dugda koo irra waan turteef akkuman baadhee jiruttin kufe. Sana booda ofin wallale.

Turtii Daqiiqa kudha shanii boodan of bare yeroo naannoo kiyya asiif achi ilaalu hoomtu hin jiru, Sagaleenis hin jiru naasuu wayitu natti namme qaamni koo hunduu nii hollatan. Akkuma Isaatti of jabeessen harkuma kiyyaan qaqabaan miilla Aayyoo kootti bu'e. Suutuma jedheen ofitti yeroon qabu hin sochootu. Aayyoo, Aayyoo jedheen waame hin jirtu. Gurra kiyyaan itti gadi jedheen dhaggeeffadhe Afuura baafata hin jirtu. Ammas Aayyoo Aayyoo jedheen waame naaf hin deebisne. Aayyoo koo maaliga atis akkuma abba kooti na dhiiste godaante😭😭😭 Aayyoo maalif duute? uuuuu eenyuutti na laate?, Anoo yoom deesse na gammachiistan eege wayyoo Aayyoo..... ufffee

Naannoon akkuma isaatti ganama dhufanii reeffa haadha koo ishee Ciniisuu irratti duute kafananii waldaa warra Wangeela Mulu Wangeelitti Awwaalan....Anis peennaa kiyya butadheen jedheen katabe ✍️.

!
Asoosama biraan haga walitti deebinutti nagaan naaf turaa. Warreen kutaa 1ffaati Haga dhumaatti na faana turtaniif heedduu galatoomaan jedha.🙏
Yaadaa fi qeeqa yoo qabasttan comment jala nuuf kaa'aa.yaadaa fi qeeqni keessan cimina qophii keenyaaf utubaadha.
❤YEROO JAALALAA GAARII QABAADHAA❤
❤❤❤HORAA BULAA❤❤❤

20/03/2025

Barr.
Dursa kutaa 1ffaa haga 8ffatti koo jalaa dubbisaa!
!!
❤❤❤❤❤🌳🇪🇹🇪🇹🇪🇹🇪🇹
Arfaasee isheen akka hiriyaa haadho kootti na deggertu sun immoo harra yeroo rakkinni natti wal furee waanin qabadhu dhabee Addunyaa kana irraa of dhabamsiisuuf jedhutti na cinaagara magaala aggaaroo deemuuf jetti.

Taatee halkan gurraacha sana Aayyoo koo irratti ta'e isheen na dhoksuu yaaltus Amma ofiima isaan of mullisuu gaheera. Qaro dhabummaan ishee halkan sana akka baqatte jalaa miliquu hin dandeenye ishee saaxileera. Hireen ishee taate sana akkuma jirtutti fudhachuu malee hooma fala hin qabdu.

Amma garaan ishee baay'ee guddateera. Ulfa ta'uu isheeti, ulfa eenyummaan isaa hin beekamneedha. Sanuu ulfa qaro dhabeessi baatu rakkina irratti ulfa ayii Aayyoo koo jedheen taa'een hiq, hiq jedheen bo'ee.

Namni jereenya isaa yeroo dargaggummaa yeroo human qabu, yeroo bifa miidhagaa qabu. Kana yoo dalagaa bor isa hin fayyanetti dabarse bor akka gaabbu osoo hubate gaariidha. ‘Marcumni Bara dullumaa irra teessu bara dargaggummaa kee agarsiisa’ jedhama. Dhugaadha waanti nuun bara dargaggumma keenya hojjennu bara dulluma keenyaaf gala akka ta’u osoo beekne dammaqnee hojjenne gaariidha.

Erga Arfaaseen deemtee kaase jireenyi koo hunduu natti duukkana'e. Waa'een ulfa Aayyoo kooti daran na dhiphise mana barnoota kiyya illee ergan addan kutee tureera. Arfaasenis akkuma kaardii fudhatteen kan gara Aggaaroo Eessuma ishee bira deemte.

Baarichoonis gara magaala finfinnee mana Adaada isaa bira deeme ani hooma naman beeku hin qabu, naman rakkoo kiyya itti himadhu hin qabu qophaa kiyyattin hafe dhiphinni natti wal yaame.

Manni keenya Daandii cina waan ta'eef namoota bifa adda addaa fi Amala gara garaa qaban daawwatta. Maaltu akka natti ishee erge hin beeku Shaash*tu gara kiyya dhufte. Ishee namni wallale hin jiru ykn sammuu nama dhukkubuudha.

Ani maraatu miti. Namatu maraatu naan jedha malee ani miti. Ani Shaash*tuu Kumsaa obboleetti Ejereeti Malee ani maraatu miti. Uuuuu maalif qullaa deemta naan jettu ? Began qullaa deeme qullaa deemuu kootti wal waamtani ilaa jettani natti kolfitu miti. Ani immoo isa isin qalbii qullaa deemtantu na kolfisiisa!
Ani Shaasheen Qullaa deemti
Isinis immoo itti kolfitu
Ani immoo isinittin kolfa
Ana maraatuu gootani isa isin fayyaa of fakkeessitanii deemtantu na kolfisiisa. Uuuuu Kt, kt, kt, kt.

Afachumee aniif ati eenyu obbolaamo alagaadha kan mudaa Kenya ilaallee walitti kolfinu. Amma ilkaan walitti yaasnu maal ta'a yoo waliif yaanne? Yoo wal gorsine? Ati maraatuudha kanaaf gorsi siin sin barbaachisu jetta miti. Began maraadhe marratu ta'i yoon siin jedhe ani dhuguma maraatudha amma , garuu ana miti maraatuun si'i isa maraatu naan jedheedha.

Yeroon daandii gubbaa deemu fooricuun Siissuun nan waamina maali isin hojii hin qabdani? Shaasheen akka isheen maraatuu hin taane maalif dagattani? Eeyyeen maalif dagattan? Uuuuuuu yaa dachee, yaa samii, yookan ol na fuudhi ykn gadi na liqimsi jettee na cina darbite.

Anis haasa ishee kana baay'een tilmaame dubbanna daqiiqa muraasaan ergaa dabarfatte anumti kun iyyuu baay'een of taajjabe. Ayii Shaash*tuu ati maraatu miti natu maraate malee jedhee yeroon gara manatti ol galuuf jedhu Aayyoon koo kuftee itti fufa......

17/03/2025

Barreessaan
Jalqabarratti kutaa 1ffaa haga 7ffatti koo jalaa dubbisi!! Akka dafee isin qaqabuuf immoo page kana gochuu hin dagatin.
!!
❤❤❤❤❤🌳❤❤❤❤
Mucaa koo ani sichi hooma gochu hin danda'u jireenyi koo gara boollatti adeemera adaraa kee amma dafii jalaa miliquuf yaali, siin ganaa waan baay'eetu si eeggataa kichuu koo dafii miliqi naan jette anis deebiseen Aayyoo koo anoo si dhiise hin deemu jedheen itti maxxaneen bo'ee 😭 imimmaan kiyya lolaasuu malee hooma gochuu hin dandeenye. Aayyoon koo dhala koo ani jaamaadha akkasumas immoo jireenyi koo sichi gara boollatti.. siin immoo waan baay'eetu si eeggata, ati kichuudha jireenya kee gara fuulduraaf yeroon kun siif murteessadha. Maaloo dhala koo amma dafii miliqi ilaa karaa boroo kana suuta jedhii deemi naan jette.

Anis imaanaa haadha kooti kanaaf jedheen suuta jedheen karaa boroo mana keenyan gadi ba'een mana obbo Dhugumaa jala lixeen taa'ee afuura koo dhokfadheen bo'uutti ka'e. Aayyoo kooti akka isaan roorrisan nan beeka garuu humna koo oli waan ta'eef jedheen dhiise miliqe.

Addunya kana irraa namni jaalala dhugaa akka haadha nama jaallatu hin jiru . Egeree kootiif jettee haati koo alagaa hin eenyummaan isaa hin beekamneen gudeedamte. Miirri Aayyoon koo anaaf qabdu addunyaa ani gara fuulduraa irra jiraadhuuf dacheedha!

Arfaaseen hiriyaan koo uffata yeroo warri isaani bitaniif isheen immoo kan kanaan dura uffata turte hunda naaf kenniti. Anis uffata isheen maatii ishee dhoksite naaf kennitu kanan uffadha! Arfuun koo anaaf hiriyaa dhugaadha. Garuu......

Osoo abban keenya jira ta'e harra roorroon haga kanaa nutti hin deddebi'u ture. Ekeraan abbaa kooti yeroon mana Dhugumaa jala taa'e bo'aa bule sanatu natti dhagahame. Jireenyi koo rakkinaan xaxame egereen ani gara fuulduraf qabu dukkanaan golgame! umurii daa'imummaan jireenyi koo dhaaname.

Addunyaa kana irra yakka gootee qaama seeraa jalaa miliquu dandeessa. Garuu sammuu kee jalaa miliquu hin dandeessu. Waanti ati dalgdu gaarii yoo ta'e itti boqotta , gaarii ta'uu yoo baate immoo dhukkuba xiin- sammuu sitti ta'a.
Dhukkubni akkasif yeroo baay'ee qorsi hin argamuuf. kanaaf waanta tokko dalaguun dura duuba isaan maaltu dhufuu danda'a jedhanii xiinxaluun dubbii filannoo hin qabneedha. Kana yoo hin gootu ta'e ati nama gaabbin jiraatu taate argamuu keeti. Gaabbin immoo ulee ati bara jiraattu hunda ittin dhaanamtuudha. Kun gora Aayyoo koo yeroo hundaati akkan borii hin gabbineef gorsa isheen yeroo mara na gorsituudha!

Arfaasee isheen akka hiriyaa haadho kootti na deggertu sun immoo harra yeroo rakkinni natti wal furee waanin qabadhu dhabee Addunyaa kana irraa of dhabamsiisuuf jedhutti na cinaa. itti fufa......

04/03/2025

Barr.
Dursa kutaa 1ffaa haga 6ffatti !! Akka dafee isin qaqabuuf immoo Page koo kana follow gochuu hin dagatinaa.
!!
❤❤❤❤❤🌳❤❤❤❤❤
Nuti lameen Wal hin qaanfanne, akkuma gaafa dhalanneetti jirra Baarichoon koo miirri isaa danfeera fuula isaa irraa dafqi tinfuutti ka'eera. uggum maal jaalalli maraachaan akkasii nama jechisiisa! Guyyichi anaaf adda, guyyaa Baarichoon hidhii kiyya dhungateedha! Anaaf Kun yaadannoo jaalalaa Koo isa angafaati.

Yoomiyyuu isa of-cinaa dhabuu hin fedhu baay'een isa jaalladha liphsuu ijaafillee of-cinaa isa dhabuu hin fedhu anaaf inni nama addaati.

Uumaan gaafa uumama uume uumama waliif uume qaba. Anaafis akka dhirsaatti kan naaf uume Baarichoodha jedheen yaada. Guyyoottan ani isa waliin dabarsu hunduu anaaf guyyoota jiran keessa adda.

Ilaalcha nuti naannoo keenyatti qabnu adda. Hunduu nu tuffatu kaan immoo nutti cirreenfatu; machooftuun galgala, galgala dhugdee galtu immoo qormaata natti taate jirti.

Namni hunduu bifa kee ilaalee oduu adda addaa sitti dhooba oola. Dhalli namaa garuu bifaaf, gogaan hin madaalamu. Akkuma kitaabni qolaan hin madaalamne jechuu kooti. akka ilaalcha naannoo keenyaatti yoo sooressa taate maqaa adda sitti maxxansu, yoo hiyyeessa taates sanuma. Kanaaf namni waan jedhu hin Dhabu. Ati kanaaf hin yaadda'in inni guddaan ati gochuu qabdu Jecha isaaniif iddoo kennu dhiisuudha. Naan jedhe na gorsa Baarichoon.

Osooma jireenya daandii gubbaa jiraannu guyyaa tokko halkan keessa naannoo sa'aa jahaa nii ta'a namoonni daandii irraa nii guungumu anis hooma hin shakkine akkuma durii machooftudha jedheen dullaa koo qopheeffadheen taa'ee.

Waanti ani shakkee garuu adda Nammoota loqoda gara garaa odeessaniidha Afaan isaan dubbatan naaf galuu dide Naasuun na weerare jarri nutti dhiyaacha deeman anis suuta jedheen Ayyoo, Aayyoo jedheen waame. Isheenis osoo hin dabarfatin maal jette dhala koo naan jette? Anis Namoonni gara keenyatti dhufaa jiru haasaan haasa'an immoo afaan oromoo miti Loltuu Katamaa kana keessa natti fakkatun jedhee osoo Afaani hin fixin cufaan mana keenya dhiitame.

Yeroo kana kanin naasuun guddaan weerarame. Waan jarri deemaniif kan naaf gales yeroo kana ture. Isaan nutti taphachuuf dhufan. Aayoo kootiifis Kun ifa ta'eeraf Ollaa itti iyyinu dhabne. Ammas manni keenya dabale dadabale rukutamee kana Ayyoon yeroo kana mucaa koo ani sichi hooma gochu hin danda'u jireenyi koo gara boollatti adeemera adaraa kee amma dafii jalaa miliquuf yaali, siin ganaa waan baay'eetu si eeggataa kichuu koo dafii miliqi naan jette anis deebiseen Aayyoo koo anoo si dhiise hin deemu jedheen. itti fufa........

28/02/2025

Barr.
Duursa kutaa 1ffaa haga 5ffatti dubbisi!!
❤Dubbisa gaarii!!❤❤❤
Baarichoo koo jiraachuu kee Fi jiraachuu dhabuu kee adda baafachuu dhabuun koo immoo muka cabee rara'ee hafe na taasise. Kun immoo jireenya kiyya balaa guddaa irra na buusee hiriyaa Siree na taasise, dur hiriyaan waan garaa kiyyaa itti himadhu siinin of cinaa qaban ture. amma garuu hiriyaan Koo siree qofa ta'eera. Si dhabee hiriyaa biraattin baruu dadhabe. Nama keessa namni jira akkuma jedhamu ati anaaf nama gaariidha. Safuudha badii tokko malee gidirfamuun baay'ee na Gaddisiisa! Ayii Baarichoo koo jabaadhu "Mana fincaaniif mana hidhaatti hin afan jedhama".


Uffee Cophxoo irratti fanxoo akkuma jedhamu sana ta'e jireenyi keenya. Adde Alamituun Aangoo isaanii dahoo godhatanii mana gandaa keessa nu baasani. Bakka qubannaa osoo nuuf hin kennin nu ari'an. Aniif Aayyoon koo isheen qaro dhabeettii Amma manni keenya daandii gubbaa taateera.

Roobaa fi Aduun dhaanamaa jiruu daandii irraa eegalle. Uff Dhalli namaa mana keessa yeroo gara alaatti darbamtu xiin-sammuun keenya hedduu miidhame. Sharaa xinnoo dirirfanne akkuma isaatti keessa jiraachuutti kaane. Haa ta'u malee akka koo durii Shuburaa gurguree Haadha kootif ofii kiyya jiraachisuun baay'ee natti ulfaata jira.

Harri guyyaa gammachuudha! guyya Baarichoon mana hidhaatti ba'eedha! Jireenya nuti keessa jiru dhufee ilaalee baay'ee gadde Haga ubannoo isaa nu jabeesse guyyaa biraa akka deebine wal arginu natti himee deeme.

Amma akka koo durii mana barnoota ordofuun waan natti ulfaatef keessa hafuu eegalera Kun immoo Baarichoo baay'ee dhiphisa. innis guyya tokko akka wal arginee haasofnu erga na afeere. Anis baay'ee waanin Isa amanuuf Afeerra isaa tole jedheen fudhe. akka carra yeroon gara mana isaani deemu isa malee hoomtu mana hin turre. Innis Akka boo'icha gara deeman natti hime.

Baarichoon guyyaa gaaffii jaalalaa naaf dhiyeesse kaase onnee isaa guutuu akka na jaallattu yeroo natti himu anillee miira koo dhokfachuuf yaalus akkan sirritti Isa jaalladhun itti hime. Osooma teenye odeessinuu Iji koof iji isaa jette dharraa jaalalaan wal ilaaluutti kaane.

Afuurri ko oliif gadi deebi'uu dadhabeera
Qaamni koo hunduu of dadhabaniiru.
Harki isaa na susukkuumuun na butucheera, yeroo inni natti jedhee dhungoon na haleelu anis miiraa koon to'achuu dadhabe. Dabaree koon isa gangalchuutti ka'e.

Waanan injifadhe natti fakkate! Akkuma fedhii koottiin isa susukkume. Hidhii isaa walakkaan dhungoon isa haleele, gorora isaa damma, damma jedhu sanan dhandhamadhe.

Nuti lameen Wal hin qaanfanne, akkuma gaafa dhalanneetti jirra Baarichoon koo miirri isaa danfeera. itti fufa....

27/02/2025

Beuty

31/01/2025

Barreessaan
Dursa kutaa 1ffaa haga 4ffatti koo jalaa dubbisi!!
!!
❣️❣️❣️❣️🌳❣️❣️❣️❣️
Addee Mamituun Itti gaafatamtuu Ganda keenya waan taatef manichi mana gandaa waan ta'eef akka keessa baane ijaarsi wajjira akka irratti eegaluuf karoorfame Akka jiru yeroo nutti himan immo ciruma isaa jireenyi koo natti duukkana'e. Maal ta'a qooda Abbaan koo du'ee osoo Ani du'eera ta'ee jedheen
bo'uutti ka'e.

Hiree ani jireenyaaf qabu hunduu natti duukkanoofte. Hiyyummaan madhee nu godhate. Hiriyyootan koo hunda keessa Baarichoo inni gaaffii jaalalaa naaf dhiyeesse ani jalaa callise ture baay'ee na gorsuu eegale. Dhugaa dubbachuuf Barchoon nama gaarii ta'uu isaa reefuun hubadhe ta'us garuu miirri koo jaalalaf dammaqaa miti innis irra deebi'ee gaaffi akkasii naaf dhiyeesse hin beeku.

Anis galgala, galgala Shuburaa affeeleen lafa namoonni baayyatanii ta'aan iddoo akka mana dhugaatii Fi Mana tapha adda addaa irra deemeen gurguradheen galii achirraa argamuun Haadha kootif ofii kiyya jiraachisa. Barnoota kootifis waantota na barbaachisan ittumaanin guuttadha!

Mala hojii kana ittin hojjedhu kan na gorse Baarichoo ture. Nama oogummaan guute akka mucaa sanaa arguun namatti ulfaata. Illinaan isaa baay'ee ajab nama jechisiisa! Yeroo daree keessa taa'uu illee nama naamusaan beekamuuf barnootattis cimaadha.

Arfaaseen hiriyaa koo ishee dubaraa keessa ishee tokko baay'een ishee jaalladha. maatiin ishee sooreyyii waan ta'aniif waa'een jireenya ishee hin dhiphisu. Garramii akka gugeeti.

Halkan Abaarama sana guyyaa hiriyaa koo qaalii, gati jabeessa Baarichoon qabmuu isaa dhagaheedha.Sadaasa 12/ 2002 maaliin Akka siif bar'e hin beeku! Poolisota federaalaatin Akka ati qabamte qofan dhaga'e. Isa booda garam Akka jirtu hoomaa adda baafachuuf yaalus naaf hin milkoofne.
Baarichoo koo jiraachuu kee Fi jiraachuu dhabuu kee adda baafachuu dhabuun koo immoo muka cabee rara'ee hafe na taasise. Kun immoo jireenya kiyya balaa guddaa irra na buusee hiriyaa Siree na taasise, dur hiriyaan waan garaa kiyyaa itti himadhu siinin of cinaa qaban ture. amma garuu hiriyaan Koo siree qofa ta'eera. Si dhabee.itti fufa......

16/01/2025

Barreessaan.
Dursa kutaa 1ffaa haga 3ffatti koo jalaa dubbisaa
!!
🌺🌺🌺🌺🌺🌳🌺🌺🌺❤❤
Afachu gara hojii koottin deebi'a! Maaloo barsiistu koo maaltu ta'ee maalif na dhoksitu natti himaa? jedheen miila isheetti kufeen qabadhe. Isheenis Meetoo koo ol-ka'i jette gadi jette ol-na qabdee! Abbaan kee Rasaasan rukutamee mana yaala galee achitti osoo yaalii taasisaafi jiranii Lubbuun darbite. 😭 Meetoo koo naan jette.

Erga sirni awwaalchaa abbaa koo xumuramee hunduu gara manatti deebi'een akkan mana yaala keessa jirun of-arge qaamni koo hunduu of na jibbisiiseera. Fooliin abbaa koo de debi'ee natti dhagahama. Iji koo adaamii ollaa agamsaa ta'e. 😂 Abbaa koo osoon baradhee iddoo guddaa gahee seenaa keenya hin jijjirin ana cinaa godaante! Abba eenyuutti nu laatte? gaaddisa keenya yeroo maraa maalif bakkee onaa irratti nu gatte deemte?

Abbaa koo kan hojjete nu jiraachisu si'i Imamaan koo erga addunyaan itti duukkana'e waggoonni darbaniiru; Abba koo maaliga maalif osoo nagatti nuun hin jedhin deemte? yaa abbaa firaa, yaa abbaa garramii maalo maalitti nu laatte 😭😭.
jedheen mankaraare.

Maatii tokko keessa gaafa namni tokko du'aan sirraa godaanu kan miidhamu dursa nama Isa waliin jiraatudha! Akkuma biqilaa tokko irraa gaaddisi gaafa muramu kan baay'ee miidhamu biqiltuu kichuu ishee lafaa ol-guddattudha!


Amma abdiin qabu natti duukkana'era. barnoota kootti deebi'uuf hojjete kan Haadha kootif ana jiraachisu hin jiru. barnoota kootti addaan ba'uuf daandii ani ittin haadha koo jijjiru sanaadha. Ufff Jireenya ani amma keessa jiru kun mataa kiyya na xaxee jira. Arfaasee hiriyaan koo na jabeessuf yaaltus anaan kan na yaaddessu haala haati kiyya irra jirtuudha.

Jireenya hadhooftu kan waan nyaatan hin jirre, kan waan uffatan hin jirre. Mana onaa kan waan namni keessa hin jirre fakkatu keessa jiraanna. Sanuu yeroo roobni roobu kan lolaan keessa yaa'uudha.Egaa tuffiidhaaf osoo hin taane dhalli namaaf kan mijate miti jechuu kooti.


Addee Mamituun Itti gaafatamtuu Ganda keenya waan taatef manichi mana gandaa waan ta'eef akka keessa baane ijaarsi wajjira akka irratti eegaluuf karoorfame Akka jiru yeroo nutti himan immo ciruma isaa jireenyi koo natti duukkana'e. Maal ta'a qooda Abbaan koo du'ee osoo Ani du'eera ta'ee jedheen..... Itti fufa....

14/01/2025

Barreessaan
Dursa kutaa 1ffaa haga 2ffatti koo jalaa dubbisi!! Yaada keessaniif guddaa galatoomaa
❤❤❤❤❤🌳❤❤❤❤❤
!!
Waanti isaan odeessan ifa tahuu haa dhiisuyyu malee Ani miira koo to'achuun dadhabe qaamni koo hunduu naasuun weerarame. Osoon hin beekin ija koo keessa imimmaan jedhee barruu koo irratti cophe.

Kana gidduutti Meeto, meeto sagalee jedhun dhagahee yeroo ofirra ilaalu barsiistu Tsadaaleedha kan na waame. Amma naasuu guddaan weerarame waanti tokko akka ta'etu natti dhaga'ame. Miiraa koo to'achuun dadhabe imimmaanin hudhamaa maal jette barsiistu koo jedheen gaafadhe.

Barsiistu Tsadaaleen hooma osoo hin dubbatin imimmaan ija ishee keessan guguute jedhe. Callisteema dhabbatte miira gaddaan qaarite! Amma kan duraa irra ciniisuun koo natti caale. Maalo barsiistu koo natti himaa haadha kootu waa ta'e jedheen obsuu dadhabe gadi taa'een hirqinfadheen bo'ee.

Tsadaaleenis miira keessa as deebite hireen dhala namaa walii adda kan qabuuf nii dabalama kan hin qabne immoo waanuma inni uumamaan qabullee yeroo uumaan irra fuudhatamutu jira. Jettee ammas dubbachuuf kaate uuuufff jette afuura dheera baafatti..

Yeroo tokko, tokko dhalli namaa maalif akka uumame dagatee yoroo walii isaatti diinomu nii mullata. Uumaan uumama gaafa uume wal danda'ee; dadhabina isaa waliif suphee akka waliin jiraatuufidha. Amma garuu seerri uumamaan uumaman cabee faalla kanaa ta'ee jira. Qooda dadhabina isaa waliif suphuu, wal qeequu, qooda wal jabeessu amilee wal buusuun aadaa ta'eera. Darajjeen kan dhalate Godina Wallagga lixaa magaala Mandiitti. Barnootas akkuma baratee xumureen hojjeta mootumma ta'e achumatti qacarame hojjeta jira. Garuu dabni inni uummata magaalichaf naannoo sanaa irratti dalagu waan suukannessadha.

Adde Guddattuun sababa Darajjeetin ilmoo lama qabdu du'aan of cinaa dhabde. Gara jabummaan Darajjee daangaa kan darbeedha! Ayii kan ajjeesu namuma keenya kan du'uus namuma keenya alagaan numaan nu nyaachise!

Afachu gara hojii koottin deebi'a! Maaloo barsiistu koo maaltu ta'ee maalif na dhoksitu natti himaa? jedheen miila isheetti kufeen qabadhe. Isheenis Meetoo koo ol-ka'i jette gadi jette ol-na qabdee! Abbaan kee Rasaasan rukutamee mana yaala galee achitti... itti fufa....