Zebidar Media/ ዘቢዳር ሚዲያ

Zebidar Media/ ዘቢዳር ሚዲያ እንኳን ወደ ዘቢዳር ሚዲያ በሰላም መጡ! ስለተወዳጁን ምስጋናችን የላቀ ነው። ዘቢዳር ሀገራዊ እና አካባቢያዊ የኢኮኖሚ፣ የፖለቲካ፣ እንዲሁም ማህበራዊ ጉዳዮች በዜና እና በትንታኔ የሚቀርቡበት ገጽ ነው። አብረውን ስለሆኑ ክብር ይሰማናል!
(1)

#እንወያይ!ቀጣይ በተከታታይ ባለፉት 5 ዓመታት በጉራጌ ዞኖች ቃል የተገቡ፣ የተጠናቀቁ/የተገነቦ እንዲሁም ቃል ተገብቶ የተተዉ/ ያልተከናወኑ የልማትና የመሰረተ ልማት ስራዎች (Projects...
21/11/2025

#እንወያይ!

ቀጣይ በተከታታይ ባለፉት 5 ዓመታት በጉራጌ ዞኖች ቃል የተገቡ፣ የተጠናቀቁ/የተገነቦ እንዲሁም ቃል ተገብቶ የተተዉ/ ያልተከናወኑ የልማትና የመሰረተ ልማት ስራዎች (Projects) ተራ በተራ እያነሳን እንወያይባቸዋለን። በዚሁ መሰረት በዚህ 5 ዓመታት በየአካባቢያችሁ ሙሉ ለሙሉ በመንግስት በጀት ብቻ (ያለ ማህበረሰብና ባለሃብት ተሳትፎ) የተሰሩ ፕሮጀክቶችን እያነሳቹ እንወያይ። (በማህበረሰብና በባለሃብት ትብብር የተሰሩትን ለብቻቸው እንወያይባቸዋለን።)

ማሳሰቢያ:- በዚህ የውይይት ልጥፍ በመንግስት ብቻ የተሰሩ ስራዎች ላይ እንወያያለን። በማህበረሰብ ተሳትፎ በተሰሩ ስራዎች፤ በእንጥልጥል በቀሩ ስራዎችና ሙሉ በሙሉ በተዘነጉ ስራዎች ላይ ለብቻቸው ቀጠሮ ስለያዝንላቸው አጀንዳ መደባለቅ፣ እንዲሁም ተጨባጭ ያልሆኑ ሃሳቦች ተቀባይነት የላቸውም።

Zebidar Media/ ዘቢዳር ሚዲያ

ከ8 የአንድ ቤተሰብ አባላት ዉስጥ የ7ቱ ህይወት አለፈ።።።።።።።።።።፣።።።።።።።።።።።።።።።።።።።።።።።።በምስራቅ ጉራጌ ዞን መስቃን ወረዳ በአብሮነት እራት ተመግበዉ በጠና ከታመሙ ...
21/11/2025

ከ8 የአንድ ቤተሰብ አባላት ዉስጥ የ7ቱ ህይወት አለፈ
።።።።።።።።።።፣።።።።።።።።።።።።።።።።።።።።።።።።

በምስራቅ ጉራጌ ዞን መስቃን ወረዳ በአብሮነት እራት ተመግበዉ በጠና ከታመሙ ስምንት የአንድ ቤተሰብ አባላት ዉስጥ አባወራዉ ከስድስት ልጆቹ ጋር በድምሩ ሰባት የአንድ ቤተሰብ አባላት ህይወታቸዉ ማለፉን የማዕከላዊ ኢትዮዽያ ክልል ፖሊስ ገልፀ።

በወረዳዉ መሰረተ ወገራም ቀበሌ ዳሾ ቆቶ ተብሎ በሚጠራዉ መንደር ህዳር 6 ቀን 2018 ዓ.ም ምሽት 1:00 ሰዓት ስምንቱ የቤተሰብ አባላት አብረዉ እራት ከተመገቡ በኋላ በድንገት መታመማቸዉ መረጃ የደረሳቸዉ የአካባቢዉ ነዋሪዎች የተጎጂዎችን ህይወት ለማትረፍ ተረባርበዉ ወደ ሆስፒታል ቢያደርሷቸውም ከቤተሰቡ አባላት የ5 ዓመቱ መንግስቱ ኃይሌ ፣የ7 ዓመቱ መክብነ ኃይሌ እና የ17 ዓመቱ ተክሉ ኃይሌ በዕለቱ ሆስፒታል እንደደረሱ ህይወታቸዉ ማለፉን ነዉ የተገለፀዉ።

የ14 ዓመቷ መቅደስ ኃይሌ እና የ15 ዓመቱ ገብሬ ኃይሌ የሁለቱ እህትና ወንድም ህይወት ህዳር 7 ቀን 2018 ዓ.ም ምሽት 11:00 ሰዓት ሲያልፍ የ1ዓመት ከ7 ወሩ ህፃን ሲሳይ ኃይሌ ህዳር 9 ቀን 2018 ዓ.ም ጥዋት 2:00 ሰዓት ላይ ህይወቱ ሲያልፍ የስድስቱ ሟች ልጆች አባት የሆነዉ አቶ ኃይሌ አበራ ህዳር 10 ቀን 2018 ዓ.ም ለሊት አርፏል።

የባለቤቷንና የስድስት ልጆችዋን ህልፈት ለማወቅ ያልታደለችዉ ወይዘሮ ዳመነች ደንበል ሆስፒታል በከፍተኛ የጥንቃቄ ክፍል ዉስጥ ሆና በህክምና እየተረዳች መሆኑን ፖሊስ ገልጿል። የሟቾችን አስክሬን ለምርመራ ወደ ሆስፒታል ተልኳል ያለዉ ፖሊስ ተጠርጣሪ ያላቸውን ሰዎችም መያዙ ገልጿል።

ከማዕከላዊ ኢትዮዽያ ክልል ፖሊስ ዘገባ የተቀነጨበ

Zebidar Media/ ዘቢዳር ሚዲያ

የዋስ መብታቸው ተጠብቆ ከእስር እንዲወጡ ፍርድ ቤቱ ወስኗል። :- ህዳር 11/2018 ዓ.ምዛሬ ሆሳዕና ከተማ ችሎት ቀርበው የነበሩት የጉራጌ ዞን ሰላምና ጸጥታ መምሪያ ኃላፊ አቶ ነጋ አስፋው...
20/11/2025

የዋስ መብታቸው ተጠብቆ ከእስር እንዲወጡ ፍርድ ቤቱ ወስኗል።

:- ህዳር 11/2018 ዓ.ም

ዛሬ ሆሳዕና ከተማ ችሎት ቀርበው የነበሩት የጉራጌ ዞን ሰላምና ጸጥታ መምሪያ ኃላፊ አቶ ነጋ አስፋው፤ የዞኑ ፖሊስ መምሪያ አዛዥ ኮማንደር ሰለሞን መርሻ እና የወልቂጤ ከተማ ሰላምና ጸጥታ መምሪያ ኃላፊ አቶ አስቻለው ገብሬ ፍርድ ቤቱ የዋስትና መብታቸውን አስጠብቆላቸው ከእስር እንዲለቀቁ ወስኗል።

Zebidar Media/ ዘቢዳር ሚዲያ

!?የዞኑና የከተማ መስተዳድሩ የጸጥታ መዋቅር አመራሮች ሃሙስ አመሻሽ ትፈለጋለቹ ተብለው #ሆሳዕና ተጠሩና አርብ ጠዋት እስር ቤት ገቡ። ቅዳሜ ምችት ሽፍታው ቡድን መሃል #ወልቂጤ ከተማ ...
20/11/2025

!?

የዞኑና የከተማ መስተዳድሩ የጸጥታ መዋቅር አመራሮች ሃሙስ አመሻሽ ትፈለጋለቹ ተብለው #ሆሳዕና ተጠሩና አርብ ጠዋት እስር ቤት ገቡ። ቅዳሜ ምችት ሽፍታው ቡድን መሃል #ወልቂጤ ከተማ ላይ ከንቲባ ጽ/ቤት ላይ በተቀናጀ መልኩ ታጥቆ በመምጣት እንደለመደው ዘረፋና ጥቃት ለመፈጸም ሞከረ። ሆኖም የጽ/ቤቱ ጥበቃዎች የአጸፋ ተኩስ ከፍተውበት ወደ መጣበት እንዲፈረጥጥ አደረጉት። እግረ መንገዱን ተረኛ ሮንዶችን እያሰማራ የነበረው የመናኸሪያ ቀበሌ ሊቀ-መንበርን አቆሰሉ።

#ታዲያ የአመራርሮች እስርና የሽፍታው ቡድን የከሸፈ ሙከራ #ግጥምጥሞሽ ነው ወይስ በመናበብ የተተገበረ #ዕቅድ?

Zebidar Media/ ዘቢዳር ሚዲያ

ለ10 ቀን ተሰጥቶ የነበረው የጊዜ ቀጠሮ ነገ ተሰብሮ እንዲታይ ተቀጥሯል። :- ህዳር 10/2018 ዓ.ምሃሙስ አመሻሽ ታስረው ሰኞ ከሰዓት ለመጀመሪያ ጊዜ ፍርድ ቤት ቀርበው የ10 ቀን የጊዜ ...
19/11/2025

ለ10 ቀን ተሰጥቶ የነበረው የጊዜ ቀጠሮ ነገ ተሰብሮ እንዲታይ ተቀጥሯል።

:- ህዳር 10/2018 ዓ.ም

ሃሙስ አመሻሽ ታስረው ሰኞ ከሰዓት ለመጀመሪያ ጊዜ ፍርድ ቤት ቀርበው የ10 ቀን የጊዜ ቀጠሮ ተሰጥቶባቸው የነበረው የጉራጌ ዞንና የወልቂጤ ከተማ አመራርሮችና የፖሊስ አዛዥ የቀጠሮ ቀኑ ተሰብሮ በነገው ዕለት መዝገባቸው እንደሚታይ የደረሰን መረጃ ያሳያል።

ነገ ጠዋት በሆሳዕና ከተማ በሚሰየመው ችሎት የሚቀርቡት የጉራጌ ዞን ሰላምና ጸጥታ መምሪያ ኃላፊ አቶ ነጋ አስፋው፤ የዞኑ ፖሊስ መምሪያ አዛዥ ኮማንደር ሰለሞን መርሻ እና የወልቂጤ ከተማ ሰላምና ጸጥታ መምሪያ ኃላፊ አቶ አስቻለው ገብሬ መሆናቸው ታውቋል።

የዞንና የከተማ የጸጥታ መዋቅሩ አመራርሮች ለእስር ከተዳረጉ በኃላ ባሳለፍነው ቅዳሜ ከምሽቱ 4:30 አካባቢ የታጠቁ ኃይሎች የከተማው ከንቲባ ጽ/ቤት ላይ ጥቃት ለመፈጸም ሙከራ አድርገው በጽ/ቤቱ ጠባቂዎች በተከፈተባቸው የአጸፋ ምላሽ ያሰቡትን ሳያሳኩ ለማፈግፈግ ተገደዋል።

በወቅቱም የመናኸሪያ አካባቢ ቀበሌ ሊቀ-መንበር ተኩሰው በማቁሰላቸው ሊቀ-መንበሩ ለህክምና ወደ ሆስፒታል መወሰዱን ምንጮቻችን በዕለቱ ገልፀውልን ነበር።

Zebidar Media/ ዘቢዳር ሚዲያ

በዞንና በከተማ አስተዳደሩ አመራሮች ላይ ፍርድ ቤቱ የ10 ቀን የጊዜ ቀጠሮ ሰጠ። :- ህዳር 09/2018 ዓ.ልያሳለፍነው ሳምንት ሃሙስ ለእስር የተዳረጉት የጉራጌ ዞን ሰላምና ጸጥታ ኃላፊ አ...
18/11/2025

በዞንና በከተማ አስተዳደሩ አመራሮች ላይ ፍርድ ቤቱ የ10 ቀን የጊዜ ቀጠሮ ሰጠ።

:- ህዳር 09/2018 ዓ.ል

ያሳለፍነው ሳምንት ሃሙስ ለእስር የተዳረጉት የጉራጌ ዞን ሰላምና ጸጥታ ኃላፊ አቶ ነጋ አስፋው፣ የከተማው ሰላምና ጸጥታ ጽ/ቤት ኃላፊ አቶ አስቻለው ገብሬና የጉራጌ ዞን ፖሊስ አዛዥ ኮማንደር ሰለሞን መርሻ ትላንት ሰኞ ከሰዓት ፍርድ ቤት ቀርበው ፍርድ ቤቱ ተጨማሪ የ10 ቀን የጊዜ ቀጠሮ ሰጥቶባቸዋል።

Zebidar Media/ ዘቢዳር ሚዲያ

የወባ ወረርሽኝ በጉራጌ ዞን :- ህዳር 08/2018በጉራጌ ዞን ቆላማ አካባቢዎች ከፍተኛ የወባ ወረርሽኝ መከሰቱ ተሰምቷል። በርካታ ነዋሪዎች በተለያዩ ጤና ተቋማት ተኝተው እየታከሙ ሲሆን ...
17/11/2025

የወባ ወረርሽኝ በጉራጌ ዞን

:- ህዳር 08/2018

በጉራጌ ዞን ቆላማ አካባቢዎች ከፍተኛ የወባ ወረርሽኝ መከሰቱ ተሰምቷል። በርካታ ነዋሪዎች በተለያዩ ጤና ተቋማት ተኝተው እየታከሙ ሲሆን የጤና ተቋማት የመድሃኒት ችግር እንደገጠማቸው የዘቢዳር ምንጮች ገልፀዋል።

በሽታው የሰው ህይወት እየቀጠፈ በመሆኑ መንግስትና ሌሎች የሚመለከታቸው አካላት ፈጣን እርምጃ ሊወስዱ ይገባል ሲሉ ለዘቢዳር ሚዲያ መረጃ ጥቆማ የሰጡ ተወላጆች ገልፀዋል።

Zebidar Media/ ዘቢዳር ሚዲያ

16/11/2025

# ጉራጌ እና ብልሃቱ በየፈርጁ

ይህ ፅሁፍ የተወሰደው የቀቤና ልማት ማህበር (ቀልማ) በ1988 ካሳተመው መጽሐፍ ነው። የቀቤናና የሰባት ቤት ጉራጌ ግንኙነቶች::ክፍል 1★ ቀቤኖች #ከሲዳማ አካባቢ መጥተው በሰባት ቤት ጉራ...
15/11/2025

ይህ ፅሁፍ የተወሰደው የቀቤና ልማት ማህበር (ቀልማ) በ1988 ካሳተመው መጽሐፍ ነው።

የቀቤናና የሰባት ቤት ጉራጌ ግንኙነቶች::

ክፍል 1

★ ቀቤኖች #ከሲዳማ አካባቢ መጥተው በሰባት ቤት ጉራጌ አካባቢ #ከሠፈሩበት ጊዜ ጀምሮ በልዩ ልዩ መንገድ ይገለጽ የነበሩ ግንኙነቶች በቀቤናና በሰባት ቤት ጉራጌ መካከል ተፈጥረው እንደነበር የሚታወቅ ነው::

ቀቤኖች በሕዝባዊ የፍለሳ እንቅስቃሴ ሲዘዋወሩ ከቆዩ በኋላ። በመጨረሻም #ዘናበነርና በወልቂጤ አካባቢዎች በተደራጀና በተጠናከረ ሁኔታ ኑሮአቸውን መምራት የጀመሩ ቢሆንም ሙሉ በሙሉ ሰላማዊ ኑሮ መመስረት ችለዋል ለማለት አያስደፍርም በመሆኑም በተለያዩ ጊዜያት ከአካባቢ የሰባት ቤት ጉራጌዎች ጋር ጦርነቶች ማድረጋቸውን የአካባቢው አፈታሪክ ያረጋግጣል::

በዚያን ጊዜ በአካባቢው የነበሩ የሰባት ቤት ጉራጌዎች የቀቤኖችን መምጣት በዝምታ አልተመለከቱም በተለያዩ ጊዜያትም ጉራጌዎች በቀቤኖች ላይ ባደረጉት ጥቃት የሰፈሩባቸውን ቀበሌዎች ለመልቀቅ ተገደው እንደነበር ይታወቃል::

በቀቤናና በሰባት ቤት ጉራጌዎች ስለተከሰተው አለመግባባትና ስለግንኙነታቸው #መሻከር በሚመለከት በቀቤና የትውፊት መረጃ ውስጥ ይገኛል:: አፈታሪኩም እንደሚከተለው ያብራራዋል::

በሁለቱ ሕዝቦች መካከል የተደረገው ጦርነት በአንድ የመስቀል በዓል ላይ በተጫረ ጠብ እንደነበር አፈታሪኩ ይገልጻል:: በዓሉን ለማድመቅ የቀቤናና የሰባት ቤት ጉራጌ ወጣቶች በምሽት ጭፈራ ላይ እያሉ የጉራጌ ወጣቶችን በማጥቃታቸው ጠቡ እየሰፋ መጥቶ በሁለቱ ሕዝቦች መካከል ለተከሰተው ጦርነት በምክንያትነት ይጠቀሳል :: በጦርነቱም ጉራጌዎች ቀቤኖችን ከይዞታቸው እንዳስለቀቁዋቸው ይነገራል:: በዚያን ጊዜ የቀቤኖች መሪ ኬሮ ማጋናሴ እንደነበር ይነገራል::

ይህም መሪ ቀቤኖችን ማፌድ ድረስ መርቶ የመጣ ነው:: ቀቤኖች በይዞተቸው ላይ ለመቆየት ሲሉ ልዩ ልዩ ዘዴዎችን ለመጠቀም ቢሞክሩም ጥረታቸው ባለመሳካቱ ክልላቸውን ለመልቀቅ ተገድደዋል:: በዚያን ወቅት የሰባት ቤት ጉራጌዎች ምሁርን፣ አክሊልንና ሶዶን ይዞ እስከ አይመለል ድረስ ያሉትን መሬቶች በይዞታቸው ሥር አድርገው ይኖሩ ነበር::

ቀቤኖች በይዞታቸው ሥር ያደረጉትን አካባቢ ከሰባት ቤት ጉራጌዎች በተደረገባቸው ግፊት ለቅቀው ከመሄዳቸው በፊት መሪያቸው አንድ ዕቅድ ወጥኖ እንደነበር አፈታሪኩ ያመለክታል:: ቀቤኖች አህዮቻቸውንና ዶሮዎቻቸውን ቤታቸው ውስጥ አስረው በሌሊት እንዲለቁ መሪያቸው ኬሮ መጋናሴ መመሪያ አስተላለፈ በተላለፈላቸው መመሪያ መሠረት ቀቤኖች አህዮቻቸውና ዶሮዎቻቸውን ቤታቸው ውስጥ አስረው ማፌድን በሌሊት ለቀቁ:: ሰባት ቤት ጉራጌዎች በቀቤኖች ላይ ጥቃት ለማድረስ በማለዳ ወደ ማፌድ ሲንቀሳቀሱ አንድም ሰው በመንደሩ ውስጥ ሊያገኙ አልቻሉም:: ያገኙት ነገር ቢኖር በየቤቱ ውስጥ የታሠሩትን አህዮችንና ዶሮዎችን ብቻ ነበር:: በመሆኑም ቀቤኖች ማፌድን መልቀቃቸውን ሲያረጋግጡ ወደ ክልላቸው ወደ ሰባት ቤት ጉራጌ ተመለሱ:: በአፈታሪኩ እንደተገለጸው ከሆነ ይህ ሁኔታ የተከሰተው ቀቤኖች ማፌድ ላይ ሠፍረው ኑሮአቸውን በሚገባ መመስረት ከጀመሩ በኋላ ነበር::

የሰባት ቤት ጉራጌዎች ወደ ክልላቸው ከተመለሱ በኋላ ኬሮ መገናሴ ዘናበነር ድረስ ሄዶ በአካባቢው ላይ ቅኝትና ስለላ ካከናወነ በኋላ ክልሉ ለሕዝቡ ኑሮና ለከብቶች አመቺነቱን አረጋገጠ:: በመጨረሻም ሕዝቡ ወደዚህ ሥፍራ ተንቀሳቅሶ እንዲሠፍርበት አደረገ ኬሮ መገናሴ ሕዝቡን መርቶ ዘናበነር ከመጣ ከጥቂት ዓመታት በኋላ እንደሞተ ይነገራል::

ይህ ፅሁፍ የቀቤና ልማት ማህበር (ቀልማ) 1988 ዓ.ል ወማ የቀቤና ብሔረሰብ ባህልና ታሪክ በሚል ካሳተመው መጽሃፍ የተወሰደ ነው።
ገጽ 28-31

Zebidar Media/ ዘቢዳር ሚዲያ

እንደ እስፖንጅ የማንም አጀንዳ መጣጭ አንሁን። መጥቶ የለበስከውን ጃኬት የእኔ ነው ላለ ሁሉ ጃኬቱ የአንተ ስለመሆኑ ማስረጃ ስታሰባስብ አትውልም። ይልቁንም አንተ ስራህን እየሰራህ የእኔ ነ...
15/11/2025

እንደ እስፖንጅ የማንም አጀንዳ መጣጭ አንሁን። መጥቶ የለበስከውን ጃኬት የእኔ ነው ላለ ሁሉ ጃኬቱ የአንተ ስለመሆኑ ማስረጃ ስታሰባስብ አትውልም። ይልቁንም አንተ ስራህን እየሰራህ የእኔ ነው ለማለቱ ማስረጃ የማሰባሰቡን ስራ (Burden) ጫንቃው ላይ ጭነህ ትሸኘዋለህ።

ከእንሰት አጀንዳ እንውጣ! በርካታ የእኛን ትኩረት የሚሹ አንገብጋቢ የቤት ስራዎች አሉብን።

Zebidar Media/ ዘቢዳር ሚዲያ

በምስጋና የበጎ አድራጎት ድርጅት ከ26 ሚሊዮን ብር በላይ የተገነባው የዶክተር አብይ አህመድ 1ኛና መካከለኛ ደረጃ ትምህርት ቤት የምረቃ ስነስርዓት በጉራጌ ዞን ምሁር አክሊል ወረዳ በሀዋሪያ...
15/11/2025

በምስጋና የበጎ አድራጎት ድርጅት ከ26 ሚሊዮን ብር በላይ የተገነባው የዶክተር አብይ አህመድ 1ኛና መካከለኛ ደረጃ ትምህርት ቤት የምረቃ ስነስርዓት በጉራጌ ዞን ምሁር አክሊል ወረዳ በሀዋሪያት ከተማ እየተካሄደ ይገኛል።

የዞኑ መንግስት እንደ ሀገር የገጠመው የትምህርት ጥራት ችግር ለመቅረፍ በሚደረገው ጥረት የተማሪዎች ውጤትና ስነምግባር ለማሻሻል ማህበረሰቡ፣ ተወላጅ ባለሀብቶችና አጋሮችን በማስተባበር በርካታ የትምህርት መሰረተ ልማት የማሻሻል ስራ እየሰራ ይገኛል።

የትምህርት ቤቱ ግንባታም 8 የመማሪያ ክፍሎች፣ ዘመናዊ ቤተመጽሀፍት፣ የአስተዳደር ቢሮ፣ የመምህራን ስታፍና ሌሎችም ያካተተ ነው።

በተጨማሪም በወረዳው የሀዋሪያት ፖሊ-ቴክኒክ ኮሌጅ የዌልዲንግ የስልጠና ወርክ ሾፕ ግንባታ ምርቃትና የስልጠና ማዕከል ማስጀመሪያ ፕሮግራም ተካሂዷል።


በምረቃ ፕሮግራሙም የኢትዮጵያ ብሔራዊ ባንክ ዋና ገዥ ዶክተር እዮብ ተካልኝ፣ የጉራጌ ዞን ዋና አስተዳዳሪ አቶ ላጫ ጋሩማ፣ የዞኑ የመንግስት ዋና ተጠሪ አቶ አለማየሁ ገብረመስቀል፣ የክልሉ ቴክኒክና ሙያ ትምህርት ስልጠና ቢሮ ኃላፊ አቶ አሰፋ ደቼ፣ የምስጋናው የበጎ አድራጎት መስራችና የበላይ ጠባቂ አምባሳደር ምስጋናው አርጋው፣ የእምድብር ሀገረ ስብከት ሊቀ ጳጳስ ብጹዕ አቡነ ሉቃስ ፍቅሬ፣ የወረዳው ዋና አስተዳዳሪ አቶ ብስራት ገብሩ፣ የፌደራል፣ የክልል፣ የዞንና የወረዳው የመንግስት የስራ ኃላፊዎችና ሌሎችም ተገኝተዋል።

ዘገባው የዞኑ መንግስት ኮሚኒኬሽን ነው

Zebidar Media/ ዘቢዳር ሚዲያ

Address

Bole Road, Wereda 17
Addis Ababa

Telephone

+251977961254

Website

Alerts

Be the first to know and let us send you an email when Zebidar Media/ ዘቢዳር ሚዲያ posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Zebidar Media/ ዘቢዳር ሚዲያ:

Shortcuts

Share

Category