Tirita Sport / ትርታ ስፖርት

13/09/2025

Enjoy the videos and music you love, upload original content, and share it all with friends, family, and the world on YouTube.

13/09/2025

ለጥረትሽ ለውጤትሽም ትልቅ ክብር አለን ሳተናዋ ጉዳፍ ፀጋይ

13/09/2025

Enjoy the videos and music you love, upload original content, and share it all with friends, family, and the world on YouTube.

13/09/2025

አርሰናል ከኖቲንግሃም ፎረስት
✍በጋዜጠኛ ብሩክ ተስፋዬ

በእንግሊዝ ፕሪሚየር ሊግ መድፈኞቹ አርሰናሎች ኖቲንግሃም ፎረስትን ያስተናግዳሉ።አሰልጣኙን ኑኖ ኢስፒሪቶ ሳንቶን በማሰናበት ቶተንሃም ሆትስፐርስን የዩሮፓ ሊግ አሸናፊ ያደረጉትን አሰልጣኝ አንጄ ፖሶቴኮግሉን የቀጠሩት ፎረስቶች ከብሔራዊ ቡድኖች የአለም ዋንጫ ማጣሪያ መልስ በአዲሱ አሰልጣኝ የመጀመሪያው ፈተና በሰሜን ለንደን ይጠብቃቸዋል። ከሳምንት በፊት በሊቨርፑል የአንድ ለዜሮ ሽንፈት ያስተናገዱት መድፈኞቹ ወደድል ለመመለስና ከሊቨርፑል የሚኖራቸውን የነጥብ ልዩነት ለማጥበብ ተዘጋጅተዋል።

ትላንት በቅድመ ጨዋታ ቃለመጠይቅ ላይ አሰልጣኝ ሚኬል አርቴታ በርካታ ጉዳዮች ላይ ሃሳቡን ሰጥቷል።

✅ ስለቡካዮ ሳካና ዊሊያም ሳሊባ የውል ማራዘሚያን በተመለከተ ሲናገር የኮንትራት ንግግሮቹ በጥሩ ሁኔታ እየሄዱ መሆናውንና ተጫዋቾቹ በአርሰናል መቆየት መፈለጋቸውን ተናግሯል፡፡ ሚኬል አርቴታ አክሎም በክለቡ እና አንድሪያ ቤርታ እንዲሁም ከወኪሎቹ እየሰሩ ያለው ስራ በጣም እና በጣም ጥሩ መሆኑንም በመናገር ተጫዋቾቹ በአርሰናል ቤት መቆየት በመቆየት የክለቡ ታሪክ ትልቅ አካል መሆን ይፈልጋሉ ብሏል።

✅ ሚኬል አርቴታ ከባየር ሌቨርኩሰን አርሰናልን ስለተቀላቀለው ኢኳዶራዊ ተከላካይ ፒየሮ ሂንካፔም ሃሳቡን የሰጠ ሲሆን "ለዓመታት ስንከታተለው ቆይተናል ።ጃኩብ ኪቪዮር ሲለቅ ልምድ ያለው፤ ቡድኑን የሚያሻሽል እንዲሁም ሁለገብ የሆነ ሚና መጫወት የሚችል ተጫዋች እንፈልግ ነበር በማለት የሂንካፒዬን ዝውውር አንስቷል ።

✅ በአለም ዋንጫ ማጣሪያ ለሀገሩ ስፔን ቱርክ ላይ ሶስት ጎሎችን ስላስቆጠረው ሚኬል ሜሬኖ ሲናገር በአማካይ ስፍራ በመሰለፍ 3 ጎል ያስቆጠረው የመጨረሻው ተጫዎች ማን እንደሆነ እራሱ አላውቅም።ሲል አድናቆን ገልጹዋል፡፡

✅ አዲሱ የኖቲነግሃም ፎረስት አሰልጣኝ አንጄ ፖስቴኮግሉ በበኩላቸው ከዚህ ቀደም ፎሬስትን ላሰለጠኑት ስቲቭ ኩፐርና ኢስፕሪቶ ሳንቶ ስራ ያላቸውን አድናቆት ገልጸው ወደ ፕሪሚየር ሊጉ በሌላ ክብ በመመለሳቸው ደስተኛ መሆናቸውን ተናግረዋል፡፡

✅ አንጄ ፖስቴኮግሉ የተረከቡትን ስብስብ እንደወደዱትና ሚዛናዊ ተፎካካሪ ሊሆን የሚችል ስብስብ እንዳላቸው ተናግረዋል፡፡ አንጄ በተጨማሪም ሲናገ ምንም ማረጋገጥ የሚፈልጉት ነገር እንደሌለና ቡድናቸው አስደሳች አግር ኳስ በመጫወትና ጎሎችን በማስቆጠር ደጋፊዎችን እንዲያስደስቱ መሆኑን ተናግረዋል።

✅ በሁሉም ውድድሮች አርሰናል ከኖቲንግሃም ፎረስት ጋር ባደረጋቸው ያለፉት 6 ጨዋታዎች በድምሩ 19-2 በሆነ ውጤት አሸንፏል። መድፈኞቹ በሜዳቸው ለመጨረሻ ግዜ በመጋቢት 1989 3-1 ከተሸነፉ በኋላ ከፎሬስት ጋር ባደረጓቸው 14 ጨዋታዎች አልተሸነፉም (10 አሸንፈው 4 አቻ ወጥተዋል)

✅ ኖቲንግሃም ፎረስቶች ካለፉት 11 የፕሪሚየር ሊግ ጨዋታዎች 5ቱን ተሸንፈዋል ( 3 አቻ 3) ሲሆን ይህም ከዚያ ቀደም በነበሩ 24 ጫወታዎች ከተሸነፉት በአንዱ ያነሰ ነው (15 አሸንፈው 3 አቻ እንዲሁም 6 ተሸንፈዋል )

✅ የአርሰናሉ የፊት መስመር ተጫዋች ቪክቶር ጂዮኬሬስ በሜዳው ባደረጋቸው ያለፉት ሰባት የሊግ ጨዋታዎች በስፖርቲንግ እና በመድፈኞቹ 10 ጎሎችን በማስቆጠር አንዲሁም በኤምሬትስ ሊድስ ላይ ሁለት ጎሎችን አስቆጥሯል። በሊጉ በሜዳቸው ባደረጓቸው ሁለት የመጀመሪያ የፕሪሚየር ሊግ ጨዋታዎች ሁለት እና ከዚያ በላይ ግቦችን ያስቆጠሩት ሁለቱ ተጫዋቾች ብቻ ሲሁኑ የቀድሞው የሣውዝሀምፕተን አጥቂ ዴቪድ ሂርስት 1992 እና የሲቲው ሰርጂዮ አጉዬሮ በ2011 ናቸው።

ማን ያሸንፋል ግምታችሁን አስቀምጡልኝ

13/09/2025

ጉዳፍ ፀጋይ ከቢያትሪስ ቼቤት በ10000 ሜትር ፍፃሜ ትንቅንቅ
✍በጋዜጠኛ ብሩክ ተስፋዬ ጃፓን ቶኪዮ

ኢትዮጵያ እና ኬንያ በአለም አቀፍ የአትሌቲክስ ውድድሮች ለበርካታ አመታት በታላቅ ፉክክር ላይ በመሆን በመካከለኛ እና ረጅም ርቀት ውድድሮች የተመልካችን ልብ በተመስጦ በመውሰድ የሚያዝናኑ ውድድሮችን አካሄደዋል ። ከ25 አመት በፊት በሲድኒ ኦሎምፒክ 10,000 ሜትር ውድድር በኃይሌ ገብረሥላሴና ፓልቴርጋት ፤ ቀነኒሳ በቀለ ከኤሊዩድ ኪፕቾጌ በ5000 ሜትር፤ መሰረት ደፋርና ጥሩነሽ ዲባባ በተለያየ ጊዜ ከሌኒት ማሳይ፤ ሄለን ኦቢሪ እንዲሁም ቪቪያን ቼርዮት ጋር፤ ገንዘቤ ዲባባ ከፌይዝ ኪፕየጎን ጋር ያደርጉት የነበረው ትንቅንቅ ቀልብ ሳቢ ነበር።

ከቅርብ ግዜ ወዲህ ደግሞ በውጤታማዋ አትሌታችን ጉዳፍ ፀጋይና በቢያትሪስ ቼቤት መሀከል በ1500፤ 5000 ሜትርና በ10000 ሜትር እየተደረጉ ያሉ ፉክክሮች ለተመልካች መስህብ ናቸው።

ለአብነት ያህል ከሚያዝያ ወር አንስቶ በተለያዩ አጋጣሚዎች አትሌቶቹ በተገናኙባቸው ውድድሮች እርስ በርስ ተሸናንፈዋል።
በቻይናው ዢያመን በተካሄደው በዳይመንድ ሊግ በሴቶች የ5 ሺህ ሜትር ውድድር ኬንያዊቷ አትሌት ቢያትሪስ ቺቤት በ14:27.12 የቦታውን ክብረ ወሰን በማሻሻል አሸንፋ አጠናቃለች ።

በሰኔ ወር መጨረሻ በአሜሪካ ኢዩጅን በተካሄደው የፍሪፎንቴይን ዳይመንድ ሊግ ውድድር ቢያትሪስ ቺቤት 5000 ሜትር ውድድርን ያጠናቀቀችው ከ14 ደቂቃ በታች ነበር ይህም ርቀቱን ከ14 ደቂቃ በታይ በማጠናቀቅ የመጀመሪያዋ አትሌት ያደረጋት ሲሆን በመሆን ውድድሩን በ13፡58፡06 በማሸነፍ በጉዳፍ ፀጋይ ተይዞ የነበረውን 14:00.21 ክብረወሰን ማሻሻል ችላለች።

በነሐሴ ወር አጋማሽ ደግሞ በፖላንድ ሴሊሲያ ዳይመንድ ሊግ በ1500 ሜትር ጉዳፍ ፀጋይ ከድንቅ ብቃት ጋር ቀዳሚ ሆና በመግባት አሸንፋለች። ጀግናዋ አትሌት የገባችበት 3:50.62 የውድድሩ አዲስ ሪከርድ ሆኖ ተመዝግቦላታል። 5,000 እና 10,000 ሜትር የኦሎምፒክ የወርቅ ሜዳሊያ አሸናፊት አንዲሁም የሪከርድ ባለቤት ኬንያዊቷ ቢያትሪስ ቺቤት ደግሞ 3:54.73 በ2ተኛነት ጨርሳለች።

እነዚህ እንቁ አፍሪካውያን ዛሬ በ1000ዐሜትር ፍፃሜ ሀገራቸውን ለማክበር ይፋለማሉ። በነገራችን ላይ ብዙም ያልተወራላቸው መዲና ኢሳና ፎቴን ተስፋይ በኢትዮጵያ በኩልም ድንገቴ ድል ሊያስመዘግቡ ይችላሉ ተብሎ ይጠበቃል።

ድል ለሀገራችን ብሩክ ተስፋዬ ነኝ ከጃፓን ቶኪዮ

10/09/2025

ጉዞ ወደ ዓለም አትሌቲክስ ሻምፒዮና ጃፓን ቶኪዮ

ከአንጋፋ የሙያ አጋሮች ከትሪቡን ስፖርት አዘጋጅ ጋዜጠኛ ፍቅር ይልቃል እና ከሀትሪክ ስፖርት አዘጋጅ ጋዜጠኛ ይሳቅ በላይ ጋር ሰፊ ጥልቅ መረጃዎች ከስፍራው ጠብቁን መልካም አዲስ አመት

09/09/2025

06/09/2025

የአሌክሲስ ሳንቼዟ የደቡብ አሜሪካ ንግስት ሀገረ ቺሊ ምን ነካት
✍በጋዜጠኛ ብሩክ ተስፋዬ

በአንድ ወቅት በአርጀንቲናውያኑ ሆርሄ ሳን ፓውሊ(በ2015) እና ሁዋን አንቶኒዮ ፒዚ (በ2016) መሪነት የኮፓ አሜሪካ አሸናፊ በመሆን በደቡብ አሜሪካ እግርኳስ ከመንገስ አለፈው ኮከቦቻቸው አሌክሲስ ሳንቼዝ በአርሰናልና በኢንተር ፤ አርቱሮ ቪዳል በጁቬንቱስ፤ ባርሴሎናና ኢንተር፤ ጋሪ ሜዴል በሲቪያ፤ ክላውዲዮ ብራቮ በማንችስተር ሲቲ፤ እንዲሁም ሌሎች ኮከቦቻቸው የአውሮፓ ኃያላን ቡድኖች ስኬት መሰረትና ኩራት የነበሩባቸው ቺሊዎች ሐሙስ ሌሊት በብራዚል ሶስት ለዜሮ ተሸንፈው የዞኑ መጨረሻ ሆነዋል።

ቺሊ የደቡብ አሜሪካ ሀገራት ኩራት እንዳልነበረች ዛሬ ላይ አውሮፓ ላይ ቀርቶ ደቡብ አሜሪካ ላይ የበላይ መሆን ተስኗት ማራቶን እየተባለ በሚጠራው የደቡብ አሜሪካ ሀገራት የአለም ዋንጫ ማጣሪያ ላይ ከ17 ጨዋታ ሁለቱን ብቻ በማሸነፍ በ11 ተሸንፈው የምድባቸው መጨረሻ ሆነው የአሜሪካው የአለም ዋንጫ ህልም ሊሆንባቸው ደርሷል።

ከዚህ ቀደም በብዛት እና በጥራት እየወጡ ለስኬት ያበቋት ወጣቶች ቁጥር በመቀነሱና በእግር ኳሳቸው ላይ የታየው የአስተዳደር ጉድለት ለረጅም ጊዜ ትችት ሲሰነዘርበት ቆይቷል። የብሔራዊ ቡድኑን የሻወር ክፍሎች በቆሻሻ ተሞልተው የሚያሳዩ ፎቶዎችን ጨምሮ ደካማ የመሰረተ ልማት የሚያሳዩ ምስሎች ወጥተው ነበር። ይህ አስደንጋጭ ክስተት በቺሊ እግር ኳስ ውስጥ ከብሔራዊ ፌዴሬሽኑ ጀምሮ እስከ ታችኛው ክፍል ድረስ ያለውን ጥልቅ ችግር የሚያሳይ ምልክት ነው። በወጣቶች ልማትና መሠረተ ልማት ላይ ኢንቨስት አለመደረጉ ቡድኑ የዘመናዊውን እግር ኳስ ተግዳሮቶች ለመጋፈጥ በቂ ዝግጅት እንዳያደርግ አድርጎታል።

ማሽቆልቆሉ በብሔራዊ ቡድኑ ላይ ብቻ የተወሰነ አይደለም። በደቡብ አሜሪካ በአንድ ወቅት የሀይል ምንጭ የነበረው የቺሊ የክለብ እግር ኳስም ውድቀት ላይ ነው። በኮፓ ሊበርታዶሬስ ከብራዚል እና ከአርጀንቲና ኃያል ክለብ ጋር ሲፎካከሩ የቆዩት የቺሊ ክለቦች አሁን በጣም ትናንሽ ቡድኖችን እንኳን ለማሸነፍ በመቸገር ላይ ናቸው። የክለቦች እግር ኳስ የጥራት ማሽቆልቆል የብሄራዊ ቡድኑን ውድቀት ያሳያል።

ይህ በእንዲህ እንዳለ፣ እንደ ፓራጓይ እና ኢኳዶር ያሉ ሀገራት በወጣትነት ዘመናቸው ኢንቨስት በማድረግ አዲስ ተሰጥኦ በማዳበር ለወደፊት መገንባት ሲችሉ፣ ቺሊ ግን ወደኃላ የቀረች ትመስላለች፣ ያረጀውን ወርቃማ ትውልዷን ከሸኘች በኃላ "የትውልድ ያለህ" እያለች ነው።

ይህ ሁሉ ቢሆንም አሁንም የአገሪቱን እግር ኳስ በሚከታተሉት ዘንድ ግን ተስፋ አለ። ብዙ የእግር ኳስ ባለሙያዎች ቺሊ ከፍተኛ ደረጃ ያላቸው ተጫዋቾችን የማፍራት ችሎታ ያለው “የተሰጥኦ ባለቤት” እንደሆነች ያምናሉ። በደቡብ አሜሪካ ሀገራት የአለም ዋንጫ ማጣሪያ ከ17 ጨዋታዎች ሁለቱን ብቻ ማሸነፍ የቻለችውና እንደኢቫን ዛሞራኖ፤ ማርሴሎ ሳላስ፤ ኤድዋርዶ ቫራጋስ፤ አሌክሲ ሳንቼዝ አይነት ታላላቅና አስደናቂ ተጫዋቾችን ያሳችን ቺሊን ማን ወደቀደመ ክብሯ ይመልሳት ይሆን???
Biruk Tesfaye