Ethiopian Truth

28/09/2026

የኢትዮጲያ እና ሴኔጋል ጨዋታ ነገ ማክሰኞ 10 ሰአት በባህርዳር እስቴዲየም ይካሄዳል ድል ለብሄራዊ ቡድናችን። ግን ስት ለስንት የሚጠናቀቅ ይመስላችዃል?

28/09/2026

የጥበብ ሰው፣ የፍልስፍና ባለቤት ወይስ የተለየ ማንነት?

ስለ ጃሉድ አወል ጥበብና ህይወት የእናንተ እይታ ምንድነው? ብዙዎች ይወዱታል፣ አንዳንዶች ግን ጥበቡና ፍልስፍናው አይገባቸውም።

ለመሆኑ ለእርስዎ ጃሉድ ማን ነው? ከታች በኮሜንት ሃሳባችሁን አጋሩኝ👇

27/09/2026

ፍቺ ጠየቀች!
..እወደዋለሁ....እሳሳለታለሁ...ልክ እንደ እናት እቅፌ ውስጥ አስገብቼ ፀጉሩን እየደባበስኩ..

"ዛሬ ቀንህ እንዴት ነበር አባቴ?"
"ባክሽ ብዙ ደስ አይልም ወይ ላንለወጥ ነገር እየደከምን ነው ሌላ አማራጮችን መፈለግ አለብን...መጀመሪያ ቃል እንደገባሁልሽ ቃሌን ማክበር አልቻልኩም...አንደላቅቄ ማኖር አልቻልኩም...ከጓደኞችሽ አሳነስኩሽ...አታይም ፀጉርሽን" ይለኛል የተበጣጠሰ ፀጉሬን ቀና ብሎ በእጁ እየነካካ....

"እኔኮ አፈቅርሀለው ነገ የተሻለ ቀን እንደሚመጣ አውቃለሁ ባይመጣም አፈቅርሀለው ኪስህን አይቼ አይደለም የወደድኩህ ...አንተ ብቻ በርታልኝ አንተ ብቻ ጠንክርልኝ ቢኖርህ እንዴት እንደምታኖረኝ አውቃለሁ"

"ብቻ ነገ ቀን ይውጣልን የኔ እናት" ብሎ ግንባሬን ስሞኝ ከስሬ ይሸጎጣል...ይለፋል ይሰራል እኔም እሰራለሁ ግን ትዳር እንዳሰብነው አልሆነልንም ነበር ከባድ ጊዜ ነበር ....ከጊዜያት በኋላ ሁሉም ነገር መስመር ያዘልን ...ሱቅ ከፈትን...ሀብት አፈራን...ብዙ ነገሮችን ቀየርን....

"ከጓደኞቼ ጋ ራት ፕሮግራም አለብኝ ካመሸሁ አታስቢ አትጠብቂኝ"

"እሺ ራሳችሁን ጠብቁ"
..ከጊዜያት በኋላ ያመጣው ባህሪ ግራ ያጋባል...ያኔ በባዶ ኪስ የነበረን ፍቅር አሁን ገንዘብ ቀይሮታል...ቤቱ ከሚያድርበት ውጪ የሚያድርበት ጊዜ ይበልጣል...እንደበፊቱ መታቀፍን አይፈልግም ...ከእኔጋ ጊዜ ማሳለፍ አይፈልግም...እንደውም ከእኔጋ መታየትንም አይፈልግም...ብዙ ጊዜ ችግሩ ከእኔ ነው ብዬ ራሴን ለመለወጥ ታገልኩ...ኋላ ላይ የገባኝ ችግሩ የኔ እንዳልሆነ ነው ያኔ ዝምታን መረጥኩ....

"መፋታት አለብን በእርግጥ የተፈራረምነው ነገር የለም እንለያይ.."
አለኝ....ለካ አልተፈራረምንም...ያኔ እንፈራረም ስለው" ከወረቀትኮ ልብ ይበልጣል" ነበር ያለኝ የትም አይሄድም ብዬ ስላሰብኩ ከዛ በኋላ ደግሜ አልጠየቅኩትም.....

"ያሁሉ ጊዜስ? ያ ሁሉ ፍቅራችንስ? የኔስ እድሜ? በቃ? በቀላሉ እንለያይ አልከኝ? "
"አዎ በቃ እኔም ላንቺ ያለኝ ስሜት ቀንሷል...አንቺም በጊዜ ወደሚወድሽ ሂጂ" ..ለካ ነይልኝ ባሉ ማግስት ሂጂም ይባላል...ለእሱ ብዬ ነበር ከቤተሰቦቼ የተለየሁት...አይሆንሽም ሲሉኝ ይወደኛል ይሆነኛል ብዬ ነበር በባዶ ቤቱ የገባሁት....

"አስብበት ግድ የለህም"
"አስቤበታለሁ ውሳኔዬን ነው የነገርኩሽ...ቤተሰቦችሽ ጋ ምትሄጂበትን ቀን ሰአት አሳውቂኝ መኪና እልክልሻለሁ..." ጥሎኝ ወጣ....

ግራ ገባኝ...ከሱጋ ያሳለፍኩት ጊዜ
በሰከንዶች ውስጥ እንደ ትውስታ ታዩኝ...በባዶ ቤት የነበረን ፍቅር ታየኝ...ልቤ ተሰበረ ድምፁ ለእራሴ እስኪሰማኝ ድረስ ከሽ...ከሽ...ይለፍልኝ እንጂ አንቺን እንዴት እንደማኖርሽ አቃለው ብሎኝ አልነበር? ገንዘብ ሲመጣ ፀባይም አብሮ ይቀየራል? ፍቅርም ይጠፋል? ምኔ አስጠልቶት ነው? እንደ እናት ስፍስፍ አልኩበት? የትም እያደረ ሲመጣ ስለማልጠረጥረው ነው? ወይስ ጨቅጫቃ ሚስት መሆን ነበረብኝ? እኔ የችግሩ መወጣጫ ነበርኩ? ብዙ መልስ የሌላቸው ጥያቄዎች..... አብረን የተነሳነው አንድ ፎቶ እንኳን አልነበረንም....ፍቅር አውሮኝ ነበር....እኔ ከዛ ቤት በወጣሁ ማግስት...የምታምር የምታሳሳ ቆንጅዬ ኮረዳ አስገባ...ቅር አላለኝም ...ውበቴ ደብዝዞበት ነው ካለበት ደረጃ ጋ አልመጥነውም ነበር....ቅር አላለኝም....ማፍቀር የራስ ማድረግ ብቻ አይደለም የሚያፈቅሩትን ሰው ምርጫም ማክበር ፍቅር ነው።

27/09/2026

ለወሬም አይመች /ማዲንጎ አፈወርቅ
**************

ለወሬም አይመች የእኔውስ መናፈቅ
ለካ እንዲህ ይረዝማል ቀኑም እንደ መንፈቅ
ሌቱም እንደመንፈቅ
ዘንድሮ እማ ልቤ መላው ቸገረው
ግራ ይገባው ጀመር ይደናገረው(1)

ይህ ሙዚቃ የሶስት 3:00 ደቂቃ ግጥም እና ዜማ ብቻ አይደለም ። ኖሮ ላሳለፈው ታሪክም ነው። የመናፈቅን ህመም ለታመመ ግልፅ ነው።

አንዲት የምትወዳት የምትቀርብህ የልቧን የትነግርህ የሆድህን ምታወራት ጓደኛ ትሁን ፍቅረኛ ውሉ ባይለይም ርቃህ ስትናፍቅህ ግራ የተጋባ ስሜት የሚገልፅ ሙዚቃ።

ድባቴና ናፍቆት የሆነ ጫፍ ላይ ያለን ሰው በወዲህ በኩል ሆኖ በማሰብ ውስጥ የነበረን ለመናገር የቸገረ ቃላት የማይገልፁት ጥልቅ ስሜት ልገልፀው ቃላት ባጣሁ ግዜ ፣ ማዲንጎ በዚህ ዘፈን ለወሬም አይመች የእኔውስ መናፈቅ እያለ የእኔን መናፈቅ በእሱ ዘፈን አገኘሁት።

አንድ ስሜት ነበረ ብቻዬን ከመናፈቅ ጋር ታግዬ እንድኖር ያደረገኝ ናፋቂ ነኝ በህይወቴ እንድናፍቅ የሆንኩበት ከሚገርም ገነት ከመሰለ አለም የህይወት ጉዳይ ሆኖ የመራራቅ መራር ፅዋ ሲገጥመኝ ነበር አይኖቼን ጨፍኜ በመኖር እና ባለ መኖር ስናፍቅ የኖርኩበት ያ! ጊዜ

ይህን ሙዚቃ ለዘመናት ቆዝሜበታለሁ ተክዤበታለሁ የማላውቀው ናፍቆት ዙሪዬን ከቦኝ በመናፈቅ ታምሜበታለሁ።ሙዚቃው ከግጥም እና ዜማ ባሻገር ዜማው ላይ የመናፈቅን ህመሙን ማዲ በደንብ ያወሳዋል።

በወቅቱ ይህችን ግጥም ፅፌ ነበር

©ናፋቂ©
(ታሪኩ ከበደ)
*
በሞላ አውቶብስ ውስጥ ናፍቆት ነው ጠረኑ
በሞላ ታክሲ ውስጥ ናፍቆት ነው ዘፈኑ
ፌርታማው በሙሉ ናፍቂ ይገባል
በምላ ባቡር ውስጥ ናፋቂ ይጓዛል
ቃላት ሳያወጣ በናፍቅት ይፈዛል
።።።።።።።።።።።።።።።።።።።።።።።።።።።።
ሁሉም በልቦናው~ ናፍቆቱን አርግዞ
ደመ ነፍሱ ብቻ~ በድን አካል ይዞ
ሁሉም ከናፈቀው ~ይጓዛል ተክዞ
።።።።።።።።።።።።።።።።።።።።።።።።።
ለመድረስ አልቻልኩም~ ከቀጠርሽኝ ስፍራ
ሁሉም ከናፈቀው ~ከሀሳቡ እያመራ
"ትመጪ እንደው" ብሎ~ብትቀር እየፈራ
ሁሉም ተጓዥ ሆነ ~ህመም አዝሎ ረመጥ
ናፍቆት የሚወስደው አርፎ እማይቀመጥ
።።።።።።።።።።።።።።።።።።።።።።።።።።።
በቃ በየት ልምጣ መንገዱ ተዘጋ
የቀጠርሽኝ እለት ቀኑ መሽቶ ነጋ
ይልቅ ደርሻለው በሌላኛው እለት
የናፈቀ ሁሉ የሀሳቡ ሞልቶለት
ሲመለስ ላገኝሽ በቀጠሮ ማግስት

© © © © || © © © ©

ታሪኩ ከበደ

27/09/2026

ጎንደር በክብር ድምቀት! የመስቀል በዓል እና የዓለም የቱሪዝም ቀን በታሪካዊቷ ከተማ በጋራ ተከበሩ ✨

ታሪካዊቷ የጎንደር ከተማ እጅግ ደማቅ እና ማራኪ በሆነ መልኩ የማንነታችን መገለጫ የሆነውንና በዓለም ቅርስነት የተመዘገበውን የመስቀል በዓል እንዲሁም የዓለም የቱሪዝም ቀንን በጋራ አስተናግዳለች።

በበዓሉ ስነ-ስርዓት ላይ የተገኙት የቱሪዝም ሚኒስትር ሰላማዊት ካሳ ባስተላለፉት መልዕክት፤ በኢትዮጵያ የሚከበሩ ህዝባዊና ሃይማኖታዊ በዓላት የውጭ ጎብኚዎችን በመሳብ ረገድ ያላቸውን ትልቅ አቅም ገልጸው፣ ዘርፉ የሀገር ኢኮኖሚን ለመገንባት፣ ማህበራዊ ትስስርን ለማጥበቅና ቅርሶችን ለቀጣዩ ትውልድ ለማስተላለፍ የሚጫወተው ሚና ላቅ ያለ መሆኑን አስገንዝበዋል።

የበዓሉ ተሳታፊዎችና የዘርፉ ተወካዮች በከተማዋ በቅርቡ የተከናወኑትን ውብ የኮሪደር ልማት ሥራዎች ተዘዋውረው የተመለከቱ ሲሆን፣ በታሪካዊው የፋሲል ግቢ የተዘጋጀውን ድንቅ ትዕይንትም በደስታ ታድመዋል።

የዝግጅቱ አስተባባሪዎችም ለበዓሉ መሳካት የጎንደር ከተማ ነዋሪዎችና አመራሮች ላሳዩት ሞቅ ያለ አቀባበልና ፍቅር የተሞላበት መስተንግዶ የላቀ ምስጋናቸውን አቅርበዋል።

የኢትዮጵያን ውበትና ባህል በጋራ እናልማ! 🇪🇹

27/09/2026

ከተፈጥሮ እና ከባህል ጋር ፍጹም ስምምነት። መልካም በዓል ይሁንላችሁ!

27/09/2026

27/09/2026

🇪🇹 የአንበሶቹ ፍልሚያ በባህር ዳር!

ማክሰኞ መስከረም 19 ቀን ከቀኑ 10፡00 ሰዓት ጀምሮ ባህር ዳር ስታዲየም ላይ ዋልያዎቹ የአፍሪካን ጥቁር አንበሶች ሴኔጋልን ያስተናግዳሉ።

ይህንን ትልቅ ጨዋታ ስንት ለስንት ያልቃል ብላችሁ ትገምታላችሁ?

የኢትዮጵያ ጎል አግቢዎችስ እነማን ይሆናሉ?

የእናንተን ግምት በኮሜንት አጋሩኝ! ድል ለሀገራችን! 🇪🇹⚽️

27/09/2026

ትውልድን በዜማዎቹ ያናወጠው፣ የሙዚቃው ንጉስና የወርቅ ድምፅ ባለቤቱ ማዲንጎ አፈወርቅ ከእኛ ከተለየ እነሆ 4 ዓመታት ተቆጠሩ።

ዛሬም ድረስ ግን ድምፁ በየቤታችን፣ ስራዎቹ በየልባችን ህያው ናቸው። ማዲንጎ ማለት ለእኛ ከድምፃዊነት በላይ የትዝታዎቻችን ማህደር ነው።

ለመሆኑ ዛሬ ፎቶውን ስታዩት ወደ አእምሯችሁ ቀድሞ የመጣው የትኛው ስራው ነው?

👇 እናንተስ ከማዲንጎ አፈወርቅ ዘፈኖች ሁሉ በላይ የምትወዱት እና የማይሰለቻችሁ የትኛውን ዘፈን ነው? በኮሜንት አጋሩን! ❤️🎙️