29/08/2025
Magaalaan Dambi Doolloo Beekamtii qaama seerummaa argachuufi imala jijjiiramaa isheen yeroo ammaa irra jirtu
Magaalattiin bara 1998 magaalaa guddittii Godina Qellem Wallaggaa taatee kan beekamtii argatte. Magaalaa kana kan adda ishee taasisu bakka Gootichi Oliiqaa Dingil itti weerartoota Xaaliyaanii itti injifate ta’uu fi hundeeffama magaalattii irraa eegalee qooda fudhannaan lammiilee biyyoota alaa keessa jiraachuu isaaniiti.
Barreeffanoonnii fi Qorattootni garaagaraa akka ibsanitti Magaalaan Dambii Dolloo bara 1933 bulchiinsa magaalaan hundeeffamte. bara 1941 jalqabee beekamtii qaama seerummaa argattee mana qopheessaan hundeeffamte.
Magaalattiin kutaa magaalaa Afuritti kan qoodamtee jirtu taatee isaanis: 1) Kutaa magaalaa Dolloo, 2) kutaa magaalaa Yabaloo, 3) Kutaa magaalaa Laaftoo, 4) Kutaa magaalaa Biiftuu jedhamu.
Babal’ina bu’uura misoomaa akka bishaan dhugaatii qulqulluu jiraattonni argatan %47 yoo ta’u, daandii keessoo magaalaa Asfaaltii 19 km, daandii dhagaa bocamaa 4.074km, daandii cirrachaa ykn haramaa bonaa 20.9km, daandii Asfaaltii riqichaan wal-qaxxaamuran tokko, dirree xiyyaaraa 1, Hospitaala Olaanaa tokko, buufata fayyaa 1, M/barumsaa sad 1ffaa kutaa 1 hanga kutaa 4 miti-mootummaa 5, mana barumsaa sad.1ffaa kutaa 1 hanga 8 kan mootummaa 6 fi kan miti-mootummaa 4 qabdi.
Mana barumsaa Sad.2ffaa kutaa 9 hanga 10 kan mootummaa 2, kan miti-mootummaa tokko fi mana barumsaa qophaa’inaa kutaa 11 hanga 12 kan mootummaa 2, kan miti-mootummaa tokko qabdi. Kolleejjii mootummaa 1 fi kolleejjii mootummaa kan teekinikaa tokko, Yuunivarsitii mootummaa tokko, Yuunivarsitii miti- mootummaa tokko, dirree xiyyaaraa ammayyaa 1, Baankii mootummaa fi miti-mootummaa 10 qabdi. Haalli amantaa uummatichaa hordoftoota amantaa Kiristiyaanaa, musliimaa, waaqeffataa fi kan biroo qabdi.
