Arho Media

Arho Media ማህበረሰብችን ከዘመናዊ የመረጃ ፍሰት ጋር በማስተሳሰር እሴቶችን ማስተዋወቅ ግባችን ነው።

12/03/2025

ማስታወቂያ

12/03/2025

ማስታውቂያ

20/02/2025

Baad Xaagitte
*****
🔴Camaas gaadilek baxaabaxsa le exxaaxi edde angaluk Falastiin gaadileela Israa-ilik abbixuk sugteh tan Seewak 4 yakke raysa Qasa qambilet ibal eglal tabissem qaddoosen.

🔴 Camaas gaadile elle qaddoosennal Tabisseh tan 4 takke raysitte qiddem Israa-il qande abtah tan qaran maysattaka kinnih tanim kee Camaas gaadile tabisseh tan Tama 4 takke raysitte Israa-il ken qiddak afal hanaawisak meqennal ken abbixuk sugtem tiysixxigem kee Camaas gaadileh gabat raqteh tan Israa-il xaylo rooci luk tawqem duddam dubuh Walal kee sittin g*y gita kinnim qaddoosse.

🔴 Israa-ilik Prezidantih yan iyyeemih Camaas gaadile Israa-ilik 4 takke raysitte tabisseh tan udduur kaxxam rookinneeh toh akah tekkem nanu nek faxximtam abe wayneemi iyye.

🔴 Ameerikak fantí maacak baxsa le farmoyti iyyeemih Israa-il garil kaxxaam waaso lem Camaas gaadile gazzah xiinissot gaba culussaamaay toh tekkek inkinnah Gazzal hebeltô calli mag*yrima iyye.

🔴 Ameerikah Prezidantih yan Donald Trumpi gazza wagsiisak yeyyeeqeh yan ikraarol gazzah xaylok tawqem Faxxam yayyaaqeenim akke waytek dirkih gazzak ken ayyaaqenno iyyaanam hinnam qaddoosen.

🔴 Israa-ilik kee Camaas gaadileh fanat akkuk g*ytimah yan girâ soolok 3 haytoh exxah walal meqe gurral gexsitak g*ytimaanam kee walal kaxxam meqe xalu baahak g*ytimam qaddoosen.

🔴 Israa-ilik 12haytô chaanaal elle qaddoosennal Israa-il faxxam gazzal gira le gaadule ane waytam kee Camaas gaadileh xinto taggilem faxxam qaddoosse.



🔴Germanak Saqalah yan Shultes iyyeemih " Ameerikah Prezidantih yan Donald Trumpi Ukreen Prezidantih yan Zilaneskik Waraakit qidne sinnim yemeete Diktaateeri axcuk abeh yan qayto yessecekkem qaddoosen.
Ukreen Prezidantih yan Zilaneskik Ameerikak baxsale farmoytâ luk Ukreenil girâ soolo elle takkemna wagsiisak walal gexiseh yanim qaddoose.

Yaman

🔴Yamanak Cuutî gaadile kee Ameerikah doolat sirrih girâ maysaada wagittaamal walal gexseenimit yaaban
Ameerika too sittin g*ysiisak inteemih Cuutî gaadile maysattaka net abtam qimbissek nanu edde maysattaka abenno axcuk qaddoose.

17/02/2025

Baad Xaagitte
**

Gazza

🔴 Ordonuk Malikih yan malik qabdalla Gazzah xaylo le baaxok diiriyaanam inkinnah oggol lem hinnaay ,Falastiin xayloh milaaguh baaxo manaaxiga.

🔴 Israa-ilik maqaarif diqsitta xaagih warkat asaaku teyyeeqeh tan xaagul inteemih Gazzah carbil Israa-il qandek muddumteh raqtem 16 alfih qaskariita kinnim qaddoosse.

🔴Israa-ilik Gaabine Gazzah girâ maysaadak 2haytoh exxa wagittaamal walal gexisse.

🔴 Israa-ilik maloktî malah buxa abteh tan Walalal Yamaate sabtih Camaas gaadile tabbixeh tan marak 3 tekkem dubuh rubtam hinnay 6 yakke mara rubtam esserra axcuk esseroora kee Israa-il is le kabuk Falastiin xayloh irol bicseenih yanin qarwa cultaamal sitta geenim warsen.



🔴 Israa-ilik qaran qande a carra lubnaanak diqsitta magaalat abteh tan ganô maysattakat Camaasak Saqalak teenah suge Macammad Shaahiin qiddeeh tanim qaddoosenim kee Israa-ilik qande kaa qiddeh tanim qaddoosen
Camaas gaadile aham fanah Macammad Shaahiin raba wagittaamal edde Yabtem mali.



🔴Israa-ilik naharsí malaakah yan Benjamin natinyaaho asaaku Israa-ilik fayyo le Cokmi buxal xayyoowak baxaabaxsa le waytoota kaal xayyoowak assem
Kee beera kaadu kaa xayyoosoonuh xagana kaah heenih sugeenim takkay immay Camaasak qaskariyyoh saqalah suge Macammad Shaahiin qiduh luk sugeh yan agxeek gexxaamah wakti kaah milaageenih yaniinim qaddoosen.



🔴 Ukreen kee Ruusiyah fanal walal yakkuh Ruusiyah doolat Fayya Le caddoh Dipilomaatitte Saquudiya Fan Rubte.

Ruusiyah doolat Ukreen girâ soolo wagittaamal Ameerikah miraaciinû luk Suquudiyak inaytâ magaalal Walalu waytah Tan Fayya Le Dippilomaatitte Saquudí Qarabiya Fan Rubteh tanim Tiysixxige.

Tama Erga Rusiyak irô Caagiidah Malak Seeg*y Lavrov Kee Kiremleemik Fayya Le Qakkaloyseh(malloyseh) Yan Yuri Ushikov kinnih tanim Warsen.

Sissik Xaagu!Gifta Macmuud Qali Yuusuf Afrikah Inkittiinoh Komeshiinih Miraac akkuk doorime!
15/02/2025

Sissik Xaagu!

Gifta Macmuud Qali Yuusuf Afrikah Inkittiinoh Komeshiinih Miraac akkuk doorime!

14/02/2025

Baad Xaagitte
***
Gazza

🔴 Camaas gaadilek maxacò gabbaaqeh yan Abuu Qubeyda elle yiysixxigennal beerî sabtih Camaas gaadile seewah tabbixe Israa-il xaylok 3 tekkem qabeloonum qaddoosem kee Baak qasa qambilet ibah eglal tabiseloonum
1- Shaasa Eleksender
2- Torobinuf Wasqhii kee
3- Diikel Can wayaa-ir kinnih tanim warseenim kee tama sidoocuk Tiyskteeni Israa-il kee Ameerikah baaxô baxiinu lem kee gersitti kaaduk Israa-il kee Ruusiyah baaxô baxiinu lem qaddoosen.

🔴 Israa-ilik Naharsi Malaakah yan maktab Tama 3 sudoocih tabsa oggoleh sugem takkay immay bar Qusbaddah Ahaay duma oggolak kee cinam itta baxseh maana inta farmo tatruseh g*ytima.Toh akah iyyoonu duudeenim Ameerikak Prezidantih yan Donald Trumpi beerî sabtih 12 saaqatah Camaas gaadile tabbixeh tan Israa-il xaylo inkih cabe waytek Jaciim teetil fakeyyooh gazzal abneh sugne girâ soolok raaqenno axcuk yaabeh sugem kee Israa-il isle kabuk Camaas gaadile Sabtí ayro Seewah tabbixeh tan Israa-il xaylo inki kabuuk cabe waytek Carbi qimbiseyyo axcuk meysissô farmooma tatrusak g*ytimta.

🔴 Israa-il kee Camaas gaadileh fanat yekkeh yan girâ soolô sittin g*yiik gexaak Israa-il doolat beera Falastiin xaylo 336 takkem cabele axcuk qambaalan
Tama marak 36 Israa-il qumri casbi elle madaqteh sugte Falastiin xaylo kinnim kee 300 tekkem October alsak 7 gazzal carbi qimbse saaku yibbixen mara kinnim qaddoosen.

🔴 Qarab doolatitte Gazza qusbuddah xisaanamih caddol yeyyeeqeenih yaniin ikraaro Ameerikal xayyoose loonu axcuk qambaalaanam kee Tohum kaadu gazzah xaylo le guubuk diiriyekkal xisne elle takkennih ikraaro kinnim qaddoosen.

🔴 Turkiyah Prezidanti Rajab Tayyib Ordugaan iyyeemih Gazzah xaylo le dabqak diiriyuh Ameerikah Prezidantih yan Donald Trumpi yeyyeeqeh yan ikraaro Turkiyah doolatih garii kee Amo gexaak islaam doolatitteh garil oggol malim qaddoose, Islaam ittin qokolih missoyna Donald Trumpi ikraaroh saduh qusba maraga daffeeselem yescessem kee Benjamin natinyaaho Maafiyaytu Israa-il addaa kee baadak qadlí mackamatal baatileena axcuk wayto akak xayyoowte kinnim qaddoose.

🔴Ameerikak irô caagiidah malaak abeh yan yaabal iyyeemih Ameerika leh tan baxsa le dooritih Gazzah xaylo gazzak yayyaaqeenim kinnim takkay immay qarab doolatitte gersí dooritittee kee tayse ikraaro teellek kaxxam meqeemiiy keenik oggolenno axcuk yaabe.

🔴 Ameerikak irô caagiidah malaak Qagitak iyyeemih Qarab doolatitte Gazzah xaylo gazzak ayyaaqekkah qagisaak elle xisna gititte neh yescesseenik kaxxaam meqeemi axcuk yaabe.

🔴 Ameerikak irô caagiidah malaak Qagitak iyyeemih Camaas gaadile gabat gira leemih taagah Carbi teetit abtu waytam Ameerikah qaskar hinnay Israa-il qaskaraay ken nammay Qagitaak carbit cultam dariifal yan taqabik calli mabahtaamih taagah Qarab baaxooxa faxximta ikraaro nel tabissuh xiqqa haa wakti keenih aceenno axcuk yaabe.

🔴 Israa-ilik yadqoot acranoot xaagih raceena elle qaddoosennal 140 takke Ameerikah Kongeresih adoytiit Gazza xaylo gazzak yayyaaqeenim banaadamiinok iroh tan taama kinnim kee tonnaa gazzal tekkeh tan girâ soolo qawwalaylat culuselem qaddoosen.

🔴 Ameerikah Yahuuduk diiní abbobtik 350 takke abbobti Ameerikah Prezidantih yan Donald Trumpi Gazzah xaylo dirkih gazzak yayyaaqeenimih ikraaro maqar luk kaak sadeenim qaddoosen.



Donald Trumpik ciggiila Prezidantih yan Jii Di fans Ruusiyah Prezidantih yan Buutin Ukreenil gexisak g*ytimah yan carbi sissikuk soolise week Ameerikah qande carbit culele axcuk yaabem kee tonnaah ruusiyal kaxxam gibdih yan katlâ xibix margaqa tatruselem qaddoose.

12/02/2025

Baad xaagitte

Gazza

🔴 Qatar 🇶🇦 doolat gazzah xayloh qokoluh Siragleleek 30 milyoonih litre gazzah akah cultannah madaqteh tanim qaddoosen.

🔴 Camaasak saqalah yan Khaliil al- Cayya miraacisah yan Camaasak fayyo le mirooctih erga Masrik inaytâ magaala Al -Qhaahira culteh tanim kee tama erga Girâ maysaadak 2 haytoh exxah walal gexsoonu kinnih tanim qaddoosen.

📌 Masrik fayyo le caddoh miraaciini elle yiysixxigennal Masriiy, Suquudiyaay, Qataraay, Imaarat kee Ordon masril qarab liig kobox gexsaanak afal daffeeyna gexseloonum yiysixxigen.

📌tama daffeenal Masrí doolat Gazzah xaylo le dabqak diiriyekkah 3 ssnataak ilaa 5 yakkeh yan wagtih addat qagitaak elle xisaanah yanin ikraaro xayyooselem warsan.

📌 Masrí xayyoossam faxxah tan ikraarol (Proposalal ) qimboh Tiddigille qarwa ugsaanam kee ciggiilak qusba qarwa xisaanamih taama akah gexsittâ nah Proposal xayyoosele axcuk qambaalan.

📌 Gazzah xisne wagsiisak Masrí doolat xayyoossah tan Proposaalal Gabbí qaxih gazzak rafacaak qimbisak ilaa kilbattí gazza fanah akah xisan innah ikraaro daffeesseh tanim qaddoosen.

🔴 Donald Trumpi Gazzah xaylo dirkih gazzak ayyaaqenno axcul abeh yan yaab Chaynaay, Faransaa kee Jarman doolat kaxxam saddeh tanim yescessen.

🔴 Qarab inkittiinoh eglak saqalah yan Acmad Abu Al- Qheet iyyeemih Away Israa-il kee Ameerika abak g*ytimtam baaxol xer aydaadu leeh sugeetih tan Falastiin xaylo diiriyak Falastiin baaxol Israa-il caggaloysaanamih taama kinnih tanim qaddoose.

🔴 Masrik tawqeh tan oytitte Elle qaddoosennal Masrik Prezidantih yan yan Qabdulfattaac Al- Siisi Ameerika fanah abak sugeh yan safarak raaqeh yanim yescessen.

🔴 Saraaya Al Qusdsih gaadile elle qaddoosennal Israa-il doolat Gazzal seewah tan Israa-il xaylo muquuk gacsittam faxxek girâ soolo wagsiisak yekkeh yan sittin tassakaxxem faxximtam kee casbit tan Israa-il xaylok awqeek kee awqe wee elle yakkeenim Benjamin natinyaahoh abtook ugut abak akkelem qaddoosen

🔴 Imaarat abbaa kee Ameerikak irô caagiidah malaakâ luk walal gexsem warsan.

🔴 Ordonuk malikih yan malik qabdalla Ameerikak Washingtonut abeh yan gufnel iyyeemih Qarab abbobti inkih Akke(Ameerika) amaatuk Donald Trumpih ikraarol walaleloon axcuk yaabeh yanim warsan.

🔴 Kilbatti kuuriyah abba Donald Trumpi Gazzah ummatta wagsiisak edde yaabeh yan yaab kaxxam saddem kee Ameerikah miroocti inkih garaaqa axcuk yaabeh yanim qaddoosen.

🔴 Israa-il qandek mango exxa gazzah carbih lakal misenkicâ taqabi luk raqteh tanim yescesse.

Afarikah inkittiinoh egla

🔴 Afrikah inkittiinoh Eglak malaakwâ majliisih daffeeyna asaaku Addis ababah Magaalal qimbisseh g*ytimta.

Afrikah inkittiinoh eglah taama selta makaadoh daffeyna asaaku asaaku akah qimbissem Yamaate sabtii kee Caadah 49 takke doolatittek irô caagiudah malookti gexissu waytah tan daffeeynah gulgulusso kinnih tanim qaddoosen.

Gexsittu waytah tan Afrikah inkittiinoh Egla daffeyna "Afrikah xalo cadaalata" inta itrol akkelem qaddoosen.

Baadak Maali Missoynah saqalah tan Kiristiliina Jorjoyoova Taamâ gufneh addiis ababa culte.
08/02/2025

Baadak Maali Missoynah saqalah tan Kiristiliina Jorjoyoova Taamâ gufneh addiis ababa culte.

07/02/2025

Baad xaagitte
Gazza

⭕️ Camaas gaadilek maxco gabbaaqeh yan Abuu Qubeyda elle yiysixxigennal beerî sabtih 5haytô gexah Camaas gaadileh gabat tan Israa-il xaylok 3 takke cabeloonum yiysixxigem Tohum
1_Ilyaaho dastoon 2- Yusuf Shuraabii kee 3 Awro Abraham kinnih tanim qaddoose.

⭕️ Jurdaanak malikih yan Qandalla elle qaddoosennal Jurdan doolat Falastiin xaylo le guubuk yaysarreenim oggol malim qaddoosem kee Gazzal sarrimaane le girâ soolo takkem faxximta yescesse.

⭕️ Israa-ilik Naharsi malaakah yan iyyeemih gazzal xiinisso camas le fanah fantí maacal Salaam yanim maduudumtam qaddoose.

⭕️Israa-il xaagih warkatay Ha-aretis diqsitta elle qaddoosennal Falastiin xaylo gazzak yayyaaquh Donald Trumpi yeyyeeqeh yan ikraaro ardi baguk takkeeh bictam hinnam qaddoose.

⭕️ Ameerikah abbah yan Donald Tirampi iyyeemih Israa-il xaylok tiya takkeemih Camaas gaadileh gabat yanim fan xiin yot marada axcuk yaabeh yanim warsan.

⭕️ Ameerikah Prezidantih yan Donald Trumpi Gallí marok Qadli Cokmih Buxa Israa-ilik Naharsi malaakah yan baaheh yan samad bsysaak gexxaamah mabbuux madqa kaal tatruseemih saduh asaaku teetil katlâ xibix margaqa tatruse.

⭕️ Falastiin xaylo le guubuk yaysarroonuh yeyyeeqeenih yanin ikraarol baxaabaxsa le doorititte keenih xayyoose loonum kee Israa-ilik kalalí qandeh malaak Gazzah xaylo gazzak elle yayyaaqen gurra wagittaamal Israa-il qande ikraaro tayyaaqem faxximta axcuk isí qandeh amri tatrusem warsan.

⭕️ Israa-ilik Naharsi malaakah yan iyyeemih Qusba fanti maaci ginniimuh Qatar 🇶🇦 doolat ma saffit gactam faxximta a waqdiik doortam faxximta iyye.

06/02/2025

Baad xaagitte


✅ Gazzah magaalah cuduudul sugteh tan Israa-il qande elle sugteh tan aracal silayti qideh kaxxa birti Israa-il qaskarak 2 takkem edde rabtem kee 8 takkem edde biyaakitteh raqtem qaddoosen.

✅ Camaas gaadile teyyeeqeh tan maybalaalaqal Ameerikah Prezidantih yan Donald Trumpi gazzah xaylo gazzak yayyaaqeenimih mabla wagittaamal mala takkuh Qarab doolatitte amok radâ daffeeyna takkem faxximta axcuk seeco xayyoosse.

✅ Donald Trumpi Gazzah magaala Israa-ilik Ameerika tabsele iyyaanam qaduuk Kaamol ayyo kinnim kee Gazzah magaala tet xaylo akke wayteh hebeltô doolatitteh oggol Aalle waytam kee gazzah xaylo gazzak iroh hebeltô doorit oggole waytam qandoosse.

✅ Kuweetik irô caagiidah malaak Israa-il Falastiin xayloh baaxot abtah tan bukkoo kee Falastiin xaylo gazzak yayyaaqeenimih gexsit kuweet doolatih garil oggol Aalle waam qaddoosse.

✅ Maaleeziyak irô caagiidah malaak Gazzah xaylo gazzah magaalak dirkih yayyaaqeenim Maleeziyah doolat maqar luk saddam qaddoosse.

✅ Chaynah doolatak irô caagiidah malaak iyyeemih Falastiin xaylo isí baaxol mannowtaamih cakki(gaar) taallem faxximta axcuk qaddoossem kee gazzah xaylo le guubuk dirkih yayyaaqeenim maqar luk saddam qaddoosse.

✅ Israa-il xaylok 74% Gazzah magaala Ameerikah lowsiisih gubat gactam qokoltam qaddoosen.

✅ Associated Press Xaagih raceena elle qaddoosennal Asaaku Masri Doolat Ameerikak Donald Trumpih Xiinisso kee Israa-il doolat elle Tiysixxigennal Masrí doolat Falastiin Xaylo Masri Fanah diiriyaanam kee le guubuk ken yayyaaqeenim digga luk saddah tanim Tiysixxigem Kee Falastiin Xaylo masrik Siina fanah Guuraanaah ken Gazzah magaalak yayyaaqeenim dariifal xakak way ginelem Kee Masri Kee Israa-il Fanal Yekkeh sugeh Yan Salaam Sittin Geyil taqabi kataaselem Qaddosse.

Associated Press Xaagih raceena elle Tescessê nal Masri doolat tama Farmo Ameerikak Kalali Qandeh Malakaay(Pentagon) Ameerikak Irô Caagiidah Malaak kee Ameerikak Kongeres Adoytiitih akah guftannah abteh tanim Tiysixxige.

05/02/2025

Ameerikah Prezidantih yan Donald Trump Gaaza Ameerikah lowsiisih gubat gacelem kee Gazzah Ayyunta gazzak diiriyuh Ikraaro axcuk abeh yan maxcô maafo Baad Caddol kaxxa Naqabuu kee uguugus ginteh tanim qaddoosen.



Falastiin xaylo ken guubuk dirkih ken yayyaaqeenim kee Ken baaxol caylah buxaaxi xissitaaan Falastiin ummattah cakkit boodaanam kinniimih taagah Toh nanu moggollam hinna axcuk Masri doolat maqar luk sadde.



Suquudiyah doolat Falastiin doolat xissintam faxximta axcuk maqar le millat kee afkan lem diggoossem kee Ken dufusak ken baaxol caylah gacaanam Falastiin xayloh cakkit (gaarat) booddam kinniimih taagah Suquudiyah garil Tannah tanim oggol malim maqar luk diggoosse.


Gazah xaylo Gazzak dirkih yayyaaqeenim Turkiyah doolat kee dariifal tan doolatitteh garil oggol Aalle waytam kinnim taagah tannah tan Ikraaro Falastiin xaylo le baaxok yayyaaqeenim Fantí maacal kookaxaw kee kaxxa taqabii kee gibdaabinat culuselem qaddoosse .

Ordon (Jurdaan) doolat ordaanos

Falastiin caagidih fidga(calli) Falastiin xayloh gabat yanim kinnim kee Ordon Ordon xayloh Imiiy, Falastiin kaadu Falastiin xayloh ikoyta kinnuuk Ordon millat Falastiin xaylo le baaxol daabisaanam faxximtam kee Falastiin xaylo le baaxok (Falastiinik) diiriyaanam Jurdaan mamlakatih garil oggol malim Digga luk qaddoosse.



Nanu Donald Trump Gaazah Magaalah ummatta gersí baaxol Daffeysaanaah nookisaanam Wagittaamal Abeh Yan Yaabal nobbeh Laakin Qarab Baaxooxah garil Ta Mabla Ogol mataalla Ruusiya Galli Maroh Eglak akah intennah Namma Doolatih xisak taqabih Calli acayuk Fanti Macal sabhalal g*ysiisaanam faxximtaamal naamine inte.



Nanu Falastiinik Gazzah xaylo le baaxok yayyaaqeenim maqokolla Gazzah magaalal tan Falastiin xaylo le baaxol ken daffeesak ken buxaaxi qagisaak keenih bicisaanam faxximta inte.


Masri kee Jurdaan Gazzah xaylo yaysaarreenimih caddol abeenih yanin cinal loonuh yanin diggile margaqak kate weenik Yaman ken xaqut soolak faxxima koosit keenillih Abele inte.

Israail Gaazah Girâ sooloh caagidil walaloonuh Qhatar fanah Mablô butta ruubelem tiysixxige. Tirampii kee netnyaaho Waas...
05/02/2025

Israail Gaazah Girâ sooloh caagidil walaloonuh Qhatar fanah Mablô butta ruubelem tiysixxige.

Tirampii kee netnyaaho Waashingitenel walal edde gexissem israail kee camaas fanat goloq mablo akkele edde iyyan widdir kinnim kee too walalak naharat Netenyaahoh ku/buxa nammey heele mafdagah walal kee mablo abtu wayta butta qhatar fanah ruube loonum kee safartu wayta butta bicak gaba kalteh tanim tiysixxige.

Gexxu wayta butta "Mablot bisoh innuh mettaabanni addatinoonal" walale loonu axcuk maybalaalaqal qaddoosen.

Tirampi adda akak fake kal Fanti maacih caalatal yecee maybalaalaqal Israail kee gersi baaxooxâ lih abna angaarawittel "meqe caalat yambulle" yaanam iyye. Takkay ikkal adda akak mafakinna.

Netnyaaho is le katuk walal kee girâ soolol asmatiino/digga aalle waah yaniimit yaabe.

Address

Kalifa Business Center
Addis Ababa

Telephone

+251917670000

Website

Alerts

Be the first to know and let us send you an email when Arho Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Arho Media:

Shortcuts

Share

Category