07/08/2023
Qafar Rakaakayih Doolat wakti Caalat wagsiisak yeyyeeqe Maybalaalaqa.
Inticaanitteh addah axce wayta Baaxo Itiyoppiya !
Xaàgú Media Network XMN
Ni Baaxo Ethiopia Mango Alaafatal Loowima Aydaadu Leeh Issi Konnabna Dacrissu Xiqteh Tan Baaxo Kinni, Aydaadi Naqboytit Kinni Way Adda Salaam Teetik Darraqossuh Baaxoh Adda Kee Iroh Caylitte Mango Macal Abte.
Takkay Ikkal Ethiopiah Ummatta Elle Kaxxiinittah Tan Agatak Kalali Qande Ken Fayxi Kee Hadaf Arac Keenik Xage Kalenim Tamixxige.
Ni Baaxok Kalali Qande Baaxoh Adda Kee Baad Caddol Saay Kee Salaam Taqbi Yaafeh Yan Uddur Keenil Yeceen Salaam Dacrisaanamih Hadaf Dudda Kee Agiirannal Abbinoysaanamih Mamaaxaga G*yteh Tan Qande Kinni.
Kimal Ni Baaxok Baxaa Baxsa Le Dariifal Saay Kee Salaam Darraqoysaanamih Abto Taafeh Tan Uddur Sissikuk Matarak Baaxo Xayloh Rooci Cattiimu Xiqe. Issi Roocik Dagal Baaxo Kee Ayyuntah Qembo Taceeh Tan Ethiopiak Kalali Qande Riformil Qusba Gurral Akah Xissiiman Innah Tekke.
Seehadayti Caylaay, Lojistik Kee Qasri Waktih Teknolojil Tittikiyyeh Tan Agatak Kalali Qande Xissimteeh, Kalali Qande Baaxok Mogoyuy Ni Inkittiinoh Asta Kinni, Kalali Qande Xagaanam Baaxok Moddaqiino Xagaanam Kinni, Ni Inkittiinoh Astah Tan Kalali Qandeh Migaq Baysaanam Faxe Xagarak Elle Sabrime Wayna Abto Kinnim Qaddosna.
Amaarah Ayyunti Tatre Namma Sanootah Ethiopiak Kilbatti Katul Suge Carbil Keenit Yoofeh Yan Gibdaabinak Awqe Kal Salaam Kee Saay Taqbi Ken Yoofemih Nuczunem Kassiisak Awayyih Ethiopiah Leeda Miraacisa Doolat Birti Gaadul Taduure Essero Matan. Qado Gita Kee Walalal Akke Waytek, Umabto Leela Butta Amaarah Ayyuntal Baahak G*ytiman Gibdaabina Kee Xixxiibanet Qafar Rakaakayih Doolat Kee Ummatta Kaxxam Rookitte.
Amaarah Ayyuntih Ceelo Kee Tuxxiq Gersi Ethiopiah Tuxxiiqit Axawah Tanim Yaaxigeenim Faxximta. Caylat Yantifiqimeenim Dibuk Doolat Abto Kinnim Habbalte Silac Haysitte Butta Hadaf Keenik Ni Baaxo Carbi Kee Wadir Raaqak Akah Awqe Waytannih Fayxi Loonum Kinnuk Ni Baaxo Kee Amaarah Ayyuntak Waar Le Salaamih Taagah Ta Buttal Doolat Beyah Yan Maaqattal Qafar Ummatta Kee Doolat Keenik Qambalsimtam Abele.
Ta Butta Amaarah Rakaakay Kee Ayyunta Biyaakoonuh Ginnimte Butta Ikkal Amaarah Rakaakayih Awlaytit Hinnon. Qafar Ummatta Kee Doolat Nek Amaarah Tooboko Kee Doolatah Tohuk Kalah Kaadu Gersi Agat Kee Agattiinah Ayyunta Lih Gacak Ta Ni Baaxo Bayisaanamih Hadaf Leh Tan Caylal Angicilleloonum Qaddoysak Yoofeh Yan Saay Darraqoysaanamih Caalat Doolat Daffesseh Tan Waktih Addat Gita Abbaxuk Amaarah Ayyunti Sabhalal Le Mano Yaqiishoonu Kee Duma Elle Sugen Salaam Kee Saay Fan Yadaaroonuh Qafar Ummatta Kee Doolat Faxxiima Macal Abele.
Qafar Rakaakayih Doolata
Ximolik 1 Sanat 2015 I.L.L
Samara
