25/02/2026
SIRNA BULCHINSA PIRAGMATISIM
Sirna siyaasaa pragmatic jechuun sirna siyaasa bu’aa irratti xiyyeeffatu(Result Oroented) kan ta’e jechuu dha; Kana yeroo jennu sirna bulchiinsa haala qabatama(practical) ta’an ragaa qabatamaa jiruun dabaluun kan gaggeeffamu malee ideology(yaadama) tokko irratti kan cichu miti. Sirni kun haala qabatamaa keessatti “maaltu hojjetama ?” kan jedhu irratti xiyyeeffata; yeroo baay’ee gareewwan siyaasaa garagaraa/morkattota/ gidduutti waliigaltee uumuun tasgabbii, gahumsaa fi bu’aa hawaasummaa cimsuuf yaala.
Amaloota ijoo sirna siyaasaa pragmatic:
1. Yaadama irra Bu’aa filata:
Murtiin kan kennamu waan bu’aa fidu irratti hundaa’a malee yaadama sagantaa paartii tokkoo qofaa waliin kan walsimu ta’uu isaa irratti miti.
2. Madaquu fi amala Jijjijjiramu:
Imaammanni akka haalli jijjiiramuun yookaan ragaan haaraan argamuun ni fooyya’a; haala yeroo irratti hundaa’uun ni haaromfama.
3. Haalota tokko tokko irra darbun tumsa godha:
Giddugalessumma irratti walii galuun hojii itti fufsiisuuf dursa kenna; akka jecha, “Walakkaan buddeenaa buddeena dhabuu irra wayyaa”jechama jedhamu sana.
4. Murteewwan Ragaa irratti Hundaa’an: Imaammanni ragaa qabatamaa fi bu’aa hojii irra oole irratti hundaa’a malee yaadama qofa irratti miti jedhee amana.
5. Rakkoo hiikuu irrattii xiyyeffata:
Kaayyoon guddaan rakkoolee qabatamaa (fakkeenyaaf dinagdee, bu’uuraalee misoomaa fi kkf) karaa bu’a qabeessa ta’een furuudha jedhe amana.
Fakkeenyonni sirna akkasii yeroo baay’ee ilaalcha “one-nation” conservatism jedhamuun beekamu yookaan mootummaa imaammata garee faallaa irraa fudhatee yoo bu’aa qabeessa ta’e hojii irra oolchu of keessatti hammata. Sirni kun amantaa ummataa ijaaruufi tumsaa gareewwan siyaasaa garaagaraa gidduutti cimsuuf karaa ta’ee ilaalama.
