05/03/2026
🛑ODUU AMME
🇮🇷 🇮🇱
🇺🇲 irratti
Iraan Raashiyaa fi Chaayinaan biyyoota michummaa qaban akka tahe ni beekkama. Duuba eega dubbiin akkana tahe Raashiyaa fi Chaayinaan Maaliif Iraan Cinaa Dhaabbatanii Gara Waraana Kanatti Seenuu Dhaban?
Jecha “Hiriyaa” ykn “Michuu” jedhu yeroo dhageenyu yeroo baay’ee akka michuu dhiyootti wal yaadna, yeroo rakkisaa keessattis battaluma sanatti akka michuutti wal yaadna. Garuu ji’oopoolitikaa( Geopolitics) keessatti “Michummaan” baay’ee adda.
Hariiroon Raashiyaa fi Chaayinaa fi Iraan gidduu jiru “Tumsa Tarsiimoo” (Strategic Partnership) malee akka NATO “Waliigaltee Wal Ittisa” miti. Kanaafuu, maaliif gara waraanaatti akka hin seenne yeroo ilaallu qabxiilee ijoo muraasa hubachuun barbaachisaadha:
Hariiroon Raashiyaa, Chaayinaa fi Iraan gidduu jiru siyaasa addunyaa keessatti “Mijataa Tarsiimoo” ykn “Tumsa Tarsiimoo” (Strategic Convenience) malee akka warra dhihaa (fkn, NATO) “Waliigaltee Wal Ittisa” (Mutual Defense Pact) miti.
Salphaatti yoo ilaalle, biyyoonni sadan kun akka “michoota gaarii” ta’anii osoo hin taane, akka “michuu daldalaa fi siyaasaa diina waloo ykn kaayyoo waloo qabanitti” wal ilaalu.
Biyyoonni sadanuu olaantummaa addunyaa Ameerikaa(Hegemony) hin jaallatan. Addunyaa Ameerikaan ol’aantummaa qabdu osoo hin taane addunyaa multipolar akka taatu barbaadu. Kanaaf Ameerikaa mormuuf gamtaa tarsiimoo ijaaraa jiru.
Hariiroon biyyoota sadan gidduu jiru bakka hedduutti qoodama:
• Raashiyaa fi Iraan (gamtaa ittisaa): Waraana Yukireen fi dhimma Baha Giddu Galeessaa irratti walitti dhiyeenyaan hojjetu. Meeshaa waraanaa (diroonii, misaa'ela) fi odeeffannoo ni qooddatu. Kun walitti dhufeenya walitti dhiyeenyaati.
• Chaayinaa fi Iraan (walta’iinsa dinagdee): Chaayinaan boba’aa Iraan bituu guddaadha. Iraaniif deeggarsa dinagdee fi bu’uuraalee misoomaa yeroo dheeraa (Belt and Road Initiative) waadaa galeera. Chaayinaan Iraan akka michuu tarsiimoo Baha Giddu Galeessaatti ilaalti.
• Raashiyaa fi Chaayinaa (power alliance): Lamaanuu humnoota addunyaati. Dhimmoota hedduu irratti walii galu, garuu yeroo tokko tokko dhiibbaa dinagdee (keessattuu Giddugaleessa Eeshiyaa keessatti) dorgomu.Gabaabumatti sababoonni gurguddoon akka armaan gadiitti gabaabsinee ibsuun ni danda’ama:
👉Rashiyaas ta'e Chaayinaan Ameerikaa waliin waldhabdee waraanaa kallattiin seenuu hin barbaadan. Biyyoonni lamaan humnoota niwukilaraa ti. Waraanni kallattiin biyyoota dhihaa waliin godhamu waraana niwukilaraa addunyaa irratti fiduu waan danda’uuf, kun isaaniifis ta’e addunyaaf balaa guddaa ta’a. Kanaaf, loltoota ofii waliin loluu irra, michoota isaanii (kan akka Iraan) dhoksaadhaan ykn karaa dippilomaasii deggeruu filatu.
👉Tasgabbiin daandii boba'aa fi daldalaa addunyaa Chaayinaa fi Raashiyaaf murteessaadha.
🇨🇳Chaayinaan:
Diinagdeen Chaayinaa daldala idil-addunyaa irratti kan hundaa’edha. Waraanni naannoo guutuu ta’e daandii daldalaa fi gatii boba’aa addaan kuta, kunis dinagdee Chaayinaa irratti miidhaa guddaa geessisa.
Chaayinaan yeroo ammaa dinagdee ishee cimsuu fi ejjennoo tarsiimoo Taayiwaan irratti qabdu eeguu irratti xiyyeeffattee hojjechaa jirti. Waraana Baha Afrikaa ykn Baha Giddu Galeessaatti lola erguun isaaniif dursa tarsiimoo miti.
🇸🇮 Raashiyaa:
Iraan waliin walitti dhufeenya cimaa qabaatus, dinagdeen Raashiyaas boba’aa fi gaazii irratti hirkata. Waraana osoo hin taane gabaa tasgabbaa'aa barbaadu.
Ammallee waraana Yukireen keessatti hirmaattee jirti. Waraana biraa fuula biraatiin jalqabuun qabeenyaafi humna waraanaa ishee waan danda’u caalaa ni dhangalaasa.
Raashiyaa fi Chaayinaan Ameerikaa fi Israa’el waldhabdee Iraan keessatti qabamanii akka dadhaban barbaadu turan. US osoo isaan keessa hin seenin qabeenya fi humna waraanaa ishee Baha Giddu Galeessaa irratti akka baastu gochuun dantaa tarsiimoo isaaniif ta’a. Kun ammoo US yaada ishee ni jeeqa.
Biyyoonni kun waraana keessa seenuu mannaa, waltajjii dippilomaasii addunyaa irratti (kan akka Dhaabbata Mootummoota Gamtoomanii) ejjennoo isaanii akka “giddu-galeessitoota” ykn “filannoo nagaa dhiyeessanitti” pirojekteessuudhaan kabaja idil-addunyaa isaanii ijaaruuf yaalu. Yoo waraana seenan garuu carraa kana dhabu.
Walumaagalatti Raashiyaa fi Chaayinaan “obsa tarsiimoo "Of eeggannoo dantaa ofii dursa kennu” (Strategic Patience) shaakalaa jiru. Iraaniif meeshaa waraanaa ykn deeggarsa siyaasaa kennuu danda'us, loltoota ofii kallattiin gara lolaatti hin ergan.
Odeeffannoo waqtaawaa fii dhugaa argachuu yoo barbaaddan Peejii kana godhuu hin Dagatinaa.
Madda Oduu Keessanii Godhadhaa!!
