All Ethiopian Tube

15/09/2025

ይሄን ፖስት ለ ኢትዮጲያ ኤሌትሪክ መስሪያ ቤት አድርሱልኝ

እንደት ነገሩ. ዋና ከተማ ላይ ያውም አድስ አበባ ውስጥ በሳምንት ውስጥ አምስት ቀን መብራት የሚጠፋው ከ አምስቱ ቀን ውስጥ ሁለት ቀኑ ሙሉ ቀኑ የሚጠፋው

እንደት ነው ዋና ከተማ ላይ ፣ የአፍሪካ መድና ላይ ፣ መንገዱን በሙሉ እያበራን በምናድርበት ዋና ከተማ ላይ ይሄ ግፍ የሚፈጸመው

የኢትዮጲያ መብራት ሀይል ግን ስራችሁ ምንድን ገንዘብ መሰብሰብ ብቻ ነው ሰው ያልተጠቀመበትን መብራት ጉሮሮውን እያነቃችሁ ማስከፈል ብቻ ካልሆነ እንቆርጠዋለን እያላችሁ ማስፈራራት ብቻ

ግን ስራችሁ ምንድን ነው 905 ቁጥራችሁ የማይነሳውስ ለምንድን ነው ለነገሩ ሙሉ መስሪያ ቤቱ ስራውን በማያውቅበት ድርጅት አንድ አጭር ስልክ ቁጥር አልተነሳም ብሎ መውቀስ ተገቢ አይደለም

ለመሆኑ ሰሞኑን አይደል እንደ አባይን እንኳን ያስመረቅነው ግን እንደ አንድ መስሪያ ቤት ቁጥትር ሊደረግበት የሚገባ ድርጅት ሆኖ ሳለ

መብራትን የሚያህል ነገር ጠፍቶ ሁለት ቀን ፣ ሶስት ቀን ሲያድር ዝም ስትባሉ ግዜ ነው በእርግጥ እናንተ ምን ታደርጉ

12/01/2025

የቢቸግር "ነገር"!!

(🙉🤪🤓)

የቴዎድሮስ ፀጋዬ (ርዕዮት ሚዲያ) ፖለቲካል ኢጎ በጣም ይሸክካል። ያስጠላልም። ሰው-ይታዘበኛልም የለም?🤓🤔 ቴዎድሮስ የሚባለው በሚያሰራጨው ፕሮግራም ላይ ጃዋርን አቅርቦ ቃለመጠይቅ አደረገለት።

ጥሩ ሊባል የሚችል ክሪቲካል ነጥቦች የተነሱበት ቃለመጠይቅ ነው።

ከዚያ ጃዋር በመጨረሻዋ የባከነች ሰዓት ጠብቆ ነጥብ በቴዎድሮስ የቀደሙ አቋሞች ላይ ያደረበትን ቅሬታና ወደፊት እንዲታረም ተስፋ አንደሚያደርግ ገለፀ። ማለትም በፔናሊቲ መለያያ ምት ላይ በቴዲ ላይ ነጥብ አስቆጠረበት🤓🤩!

ጃዋር ያንን ሲለው ቴዎድሮስን አንዘረዘረው። ያለምንም ማስተባበያ በቀጥታ "አንተም እኮ እንዲህ እንዲህ ነህ፣ አታቅርበው ስባል ነው ያቀረብኩህ፣ ምናምን ..." ወደማለት ገባ።

በሎጂክ ይሄን ዓይነቱን የቴዎድሮስን የመሠለ ምላሽ "ፋላሲ" እንለዋለን። - ሃሳብን ባልተገባ መልኩ አንተምኮ እንዲህ ነህ ብሎ ማንሸዋረር (Ad-hominem fallacy ወይም Tu-quoqui ይባላል)።

እሺ ይሁን ሰው ነው። ሰዎች ናቸው። ሁሌ ከኢጎአችን ጋር ነው የምንዞረው። በራሱ ቤት መጥቶ ሲነድፈው፣ ዘራፍ ብሎ ተነሳ። ነገሩ በጣም አስቂኝ ቢሆንም፣ ok ይሁንለት። ይሁንላቸው። ፕሮፌሽናል ኔትወርኮች አይደሉም። የመሠላቸውን ቢሉስ ቢዘባርቁስ ማን ጠያቂ አላቸው? በገዛ ራሳቸው ሱቅ?.. ብዬ ትዝብቴንና ገረሜታዬን ከድኜ ዩትዩቤን ዘጋሁ።

ያ ሲገርመኝ፣ እና በመጨረሻው የቃለመጠይቅ ሰዓት ያየሁት አንካ ሠላንቲያ ያደነቅኩትን የጠያቂ ብስለት ወደ ህፃንነት ተርታ ላወርደው ሲዳዳኝ፣ ዛሬ ደሞ ዩትዩብ ጎትቶ አመጣልኝ።

ዩትዩቡ ደሞ ካለበት ዓመሉ፣ አንዴ ተሳስተህ እንኳ የሆነ ቻናል ከከፈትክ፣ በማግስቱ፣ ወሩን ሙሉ ያንኑ እየደጋገመ ያመጣብሃል። መልሶ አመጣብኝ የቴዎድሮስን "ርዕዮት"።

"የጃዋርን ቃለመጠይቅ አስመልክቶ በተመልካቾች የተሰጠ ግብረመልስ" የሚል ርዕስ ሳይ አሳቀኝ። ወይ ጃዋር? ትናንት ምግብ ሆኖ ተበልቶ፣ ዛሬ ደሞ መረቅ ሆኖ መጣ? አሳቀኝ።

በዛሬው ስነ ጃዋር ዝግጅት ላይ፣ ቴዎድሮስ ፀጋዬ አሉላ ሠለሞን ከሚባለው ሰው ጋር ስለ ጃዋር ቃለመጠይቅ ማውራት ጀመረ። አሉላም ስለ ጃዋር ኢንተርቪው የተባሉ ነጥቦችን እያነሳ፣ ከህወኀታዊ ሊባል ከሚችል አንግል እየተቸና አያደነቀ ሃሳቡንና አቋሙን ገለፀ።

ቴዎድሮስ ፀጋዬ ግን አሁንም በጃዋር ነገር አልረካም። በመጨረሻ ሰዓት ላይ ጃዋር የነከሰው እሰካሁን እየለበለበው ይመስላል።

ደሞ ጃዋር የህወኀቶቹን እነ ጌታቸው አሰፋንም "አውሬ" እያለ ሲገልፃቸው ነበር በቃለመጠይቁ። እና ይሄ ሁሉ ቁጭት ተጠራቅሞ፣ ገና በጃዋር ላይ ነጥብ ማስቆጠር አለብኝ ብሎ ወስኗል መሠለኝ ቴዎድሮስ ፀጋዬ🤪😀😃።

እና የአሉላን ቃለመጠይቅ ሲጨርስ ቴዎድሮስ ምን ቢል ጥሩ ነው? "እኔ ጃዋርን በራሴ ሚዲያ ጠያቂ ሆኜ ጋብዤ፣ ይሉኝታና ስነምግባር ይዞኝ በግልፅ ያላወጣሁት ስለጃዋር ያለኝ የግሌ አቋምና አስተያየት ስላለኝ፣ በሌላ አውራምባ ታይምስ በተባለ ሚዲያ በተጠያቂነት ቀርቤ ስለጃዋር ልክልኩን እናገራለሁ፣ እና ታዳሚዎቼ ነገ በዚያ ሚዲያ ላይ ስለጃዋር ስናገር አዳምጡኝ፣ ጠብቁኝ!" 😃😃😀🤪🤪!

አስበኸዋል? የሲኤንኤን የዜና አንከር ትራምፕን አቅርቦት ትራምፕ ነጥብ አስቆጥሮ ከተለየው በኋላ፣ "ነጥብ ተቆጥሮብኛልና ነገ ከጠያቂነት ወደ ተጠያቂነት ራሴን ለውጬ፣ በኤቢሲ ኒውስ ላይ ትራምፕን ሳብጠለጥለው ኑና ስሙኝ"😀 ሲል?

ወይ የቪኦኤ ጋዜጠኛ ተነስቶ፣ ትናንት የጋበዝኩት እንግዳ አቋም ቪኦኤ ከሚያንፀባርቀው የአሜሪካ መንግሥት አቋም ጋር ስለተጋጨብኝ፣ ነገ በዶቸቨለ ራዲዮ ላይ ተጋባዥ ሆኜ ቀርቤ የእንግዳዬን ጉድ ሳፍረጠርጥ ኑ ስሙኝ🤪😀 ሲል አስበው እስቲ??

እነዚህ የግለሰብ ሚዲያዎች (ማለትም የፓርቲ ዝንባሌ ያላቸው ግለሰባዊ ልሳኖች) ግን አንዳንዴ እንዲህ ውርድድድድድድ ይሉብኛል!

ከሙያው ጋር አይተዋወቁም። ግን ሙያተኛ ሆነው ጉብ ብለው ታገኛቸዋለህ። አሉ ብለህ ስታደንቃቸው፣ ተመልሰው ተራ መንደርተኛ ሆነው ታገኛቸዋለህ። የአህያ ሥጋ ይሆኑብሃል። አልጋ ሲሉት አመድ!😃🤪 (ደንበኛ አመዳሞች!😀🤩🤩)

ድሮስ ጆሮ ሰጥተህ አዳምጥ ብሎ ማን አስገደደኝ? ባላለፉበት ባላልፍስ? እንዲህ ዓይነቱን የወረደ የመንደርተኛ ነገር መች እሰማ ነበር? ማን አዳምጥስ አለኝ? በገዛ ጆሮዬ!🤪🙄 ይበለኝ!!😀🤩😳😳 እንድትል ያደርጉሃል።

የቢቸግር ነገር! የቢቸግር ነው ብዙው ነገራችን! We are far behind! እና ይሄን ማሰብ ራሱ ይሸክካል! አንዱ ካንዱ የሚሻልበትን ነገር ያሳጡሃል! አንዱ ከሚኮንነው ሌላው የተሻለ የሞራል ልዕልና የለውም! ይሄም ያው፣ ያም ያው! አሊታ ኪሊታ😀😃!!

አይለምደኝም!

(ግን አያርመኝም!😳😀🤪🤓)

አላህ ይሁነኝ!🙏🏿

🌿❤️

04/01/2025

በመሬት መንቀጥቀጥ ጊዜ መደረግ ያለባቸው ጥንቃቄዎች ..

በአዋሽ ፈንታሌ በሬክተር ስኬል የተለያየ መጠን ያለው የመሬት መንቀጥቀጥ በተደጋጋሚ እየተከሰተ መሆኑ ይታወቃል፡፡

የመሬት መንቀጥቀጥ ሲከሰት ከታች የተዘረዘሩትን ጥንቃቄዎች መተግበር እንደሚገባ የኢትዮጵያ ጂኦሎጂካል ኢንስቲትዩት በማኅበራዊ ትስስር ገጹ አጋርቷል፡፡

👉 በተለያየ ምክንያት ከቤት ውጭ ከሆኑ፦ ከዛፎች፣ ከሕንጻዎች፣ ከኤሌክትሪክ ምሦሶዎች እና ሌሎች ወድቀው ጉዳት ሊያደርሱ ከሚችሉ ነገሮች መራቅ እና ገላጣ ሜዳ አካባቢ መሆን ይመከራል፡፡

👉 በቤት ውስጥ ከሆኑ፦ በበር መቃኖች፣ ኮርነሮች እና ኮሪደሮች ተጠግቶ ማሳለፍ እንዲሁም ከእሳት ምድጃዎች፣ ከተሰቀሉ ፍሬሞች እና የግድግዳ ጌጦች፣ ከመጽሐፍ መደርደሪያዎች ፣ ከመስኮት አካባቢ መራቅ እና የጋዝ ምድጃዎችን በተቻለ ፍጥነት ማጥፋት ካልሆነም ከአካባቢው መራቅ።

👉 በትልልቅ ሕንጻዎች ውስጥ ከሆኑ፦ ከሕንጻዎቹ ለመውጣት አለመሞከር፣ አሳንሰር (ሊፍት) በፍፁም አለመጠቀም። ከደረጃዎች አካባቢ መራቅ።

👉 መኪና እያሽከረከሩ ከሆኑ፦ የኤሌክትሪክ መተላለፊያ ምሦሶዎች፣ ዛፎችና ሽቦዎች አካባቢ አለመቆም፣ የኤሌክትሪክ መስመር ምሦሶዎች እና ሽቦዎች ተሽርካሪው ላይ ከወደቁ ከመኪናው ለመውጣት አለመሞከር፣ በተቻለ ፍጥነት ገላጣ ወደሆነ አካባቢ መኪናን ማቆም እና መሰል የጥንቃቄ መንገዶችን መከተል እንደሚገባ ኢንስቲትዩቱ መክሯል፡፡

ከምንም ነገር በላይ ደግሞ ሁላችንም በየእምነታችን ወደ ፈጣሪ እንፀልይ።

ፈጣሪ ህዝባችን እና አገራችንን ይጠብቅልን!!

04/01/2025

የዚህ የመሬት መንቀጥቀጥ ጉዳይ እጅግ አሳሳቢ እየሆነ መጥቷል፣ ዛሬ ለሊት በሬክተር ስኬል የተመዘገበው 5.8 ደርሷል

መንግስት አሁን ላይ ከምንም በላይ ከፍተኛ ትኩረት ሊሰጠው ይገባል፣ ሚድያው እና የሚመለከታቸው አካላት በአደጋ ወቅት ሊወሰዱ ስለሚገባቸው ጥንቃቄዎች እና ዝግጅቶች ሊያስቡበት ይገባል።

ለረጅም ሳምንታት እየተከሰተ ስለቆየ ህዝቡ የተላመደው ይመስላል፣ ይህ አደገኛ ነው። ጥንቃቄ፣ ጥንቃቄ፣ ጥንቃቄ በዚህ ዙርያ መሠረት ሚድያ ከአሜሪካ ጂኦሎጂካል ሰርቬይ አንድ ባለሙያ ጋር ቃለመጠይቅ አድርጎ ያቀርባል።።

ፈጣሪ ሀገራችንን እና ህዝባችንን ይጠብቅ!

04/01/2025

==መሬት ለምን ይንቀጠቀጣል?==

(ክፍል አንድ)
ሁኔታው በኢትዮጵያ ውስጥ በማንኛውም ሰዓት ሊፈጠር ይችላል፤ በተለይ የስምጥ ሸለቆን ታከው የሚገኙ ከተሞች፤ ይህ መረጃ አስፈላጊ በመሆኑ ለሌሎችም ያካፍሉ፤ ያዳርሱ፡፡

==የመሬት ውስጣዊ አወቃቀር==
መሬት ሙሉ በሙሉ በጠጣር ቁስ የተሞላች አይደለችም፡፡ መሬት የተዋቀረችው ከሦሥት ዋና ዋና ንብርብር ንጣፎች ነው፡፡ እነርሱም፡- ቅርፊተ አካል(Crust)፣ የምድር ማዕከል ንጣፍ(Mantle) እና ውስጠ እምብርት(Core) ናቸው፡፡ (አወቃቀሩ በስዕላቂ መግለጫ ውስጥ ይገኛል ተመልከቱት፡፡)

• ቅርፊተ አካል(Crust)፡- ይህ ስስ የሆነ የመሬት የላይኛው ንጣፍ ነው፡፡ እኛ የምንንቀሳቀስበትን የመሬት ወለል ይወክላል፡፡

• የቀለጠ አለት(Mantle)፡- ይህ በመሬት ቅርፊተ አካል እና በመሬት ውስጠ እምብረት መከካከል ቀልጦ የሚዋልል የቀለጠ አለት ነው፡፡

• ውስጠ እምብርት(Core)፡- ይህ የመሬት ውስጠ እምብርት ክፍል ሲሆን ስሪቱም ብረት ነው፡፡

==የመሬት ውስጠ እምብርት ምን ያክል ሞቃት ነው?==
የዚህን ጥያቄ መልስ ማንኛውም ተመራማሪ በእርግጠኝነት ይህን ያክል ነው ብሎ አይናገርም፤ ነገር ግን የውስጡ ክፍሎች በጣም ሞቃት እንደሆኑ የሚመሰክሩ ማስረጃዎች በመሬት ገፅታዎች ላይ ይገኛሉ፡፡ ይህንን ሁኔታም በእሳተ ገሞራዎች ፍንዳታ እና ቀልጠው በሚፈሱ አለቶች መልክ ማየት ይቻላል፡፡

==መሬት መንቀጥቀጥ==
የመሬት ዉጫዊው ክፍል በተለያዩ ቅርፊት መሰል አካላት(plates) የተሸፈነ ነዉ፡፡ የነዚህ ቅርፊት መሰል አካላት ዉፍረት በአማካይ ከ(20-60) ኪ.ሜትር ወደ መሬት ስር ይዘልቃል፡፡ እነዚህ ቅርፊት መሰል አካላት በመካከላቸዉ የሚያደርጉት እንቅስቃሴ የኃይል መጠራቀም ይፈጥራል፡፡ የኃይል መጠራቀሙም እየጨመረ ይሄድና የአለቱ አካል ሊሸከመዉ ከሚችለዉ አቅም በላይ ሲሆን ይደረመሳል፡፡ ይህ በከፍተኛ ጫና ታፍኖ የነበረ ኃይል በድንገት ሲያፈነግጥ የሚወጣዉ ከፍተኛ ኃይል በመሬት የላይኛዉ ቅርፊት አካል ላይ በሞገድ መልክ በፍጥነት ይሰራጫል፡፡ የዚህን ጊዜ የመሬት መንቀጥቀጥ ተፈጠረ ወይም ተከሰተ እንላለን፡፡ የነዚህ ቅርፊት መሰል አካላት እንቅስቃሴ ሁኔታ እና መጠን እንደየአካባቢዉ ይለያያል፡፡ የመሬት መንቀጥቀጥ ጥናት ሴስሞሎጂ (Seismology) ይባላል፡፡ ቃሉም የግሪክ (Seismos) ሲሆን ትርጉሙም መንቀጥቀጥ ማለት ነዉ፡፡

እነዚህ ቅርፊት አካሎች(Plates) አንዱ ከሌላዉ የሚለይበት እጅግ በጣም ረዥም የሆነ ስንጥቅ ይገኛል፡፡ ይህ ስንጥቅ የተለያዩ መዛነፎችን ይፈጥራል፡፡ ይህ አጠቃላይ ስንጥቅም የዝንፈት መስመር(fault line) ይባላል፡፡ በዝንፈት መስመር የሚለያዩ ቅርፊተ አካሎች(Plates) እጅግ ግዙፍ እንደመሆናቸዉ መጠን አንደኛዉ በሌላኛዉ ላይ ተፅዕኖ ማድረሳቸው የማይቀር ነዉ፡፡ በመሆኑም እነኚህ የተለያዩ ቅርፊተ አካሎች እርስ በርሳቸዉ በተቃራኒ አቅጣጫ አንዱ ከሌላኛዉ ሊሸሽ ይችላል፡፡ ይህ ሁኔታ ቅርፊተ አካሎቹ እርስ በርሳቸዉ ተደጋግፈዉ የሚኖሩበትን መንገድ ስለሚያመክን በከፍተኛ ጫና ምክንያት አለቶቹ ተያይዘዉ እንዲደረመሱ ሲያደረግ ታምቆ የቆየዉ ኃይል በማፈንገጥ የሚለቀዉ ኃይል ከፍተኛ የመሬት መንቀጥቀጥ ይፈጥራል፡፡ ከዚህ ማዕከላዊ ቦታ የሚነሳዉ ከፍተኛ ሞገድ በሁሉም አቅጣጫ በመሰራጨት እረጃጅም ስንጥቅ መስመሮችን እየሠራ በመቀጠል የላይኛዉን የመሬት ንጣፍ ገፅታ ያመሰቃቅላል፡፡

ከተፈጥሮአዊ ምክንያቶች በተለየ ሁኔታ የሰዉ ልጅ አንዳንድ እቅስቃሴዎችም የመሬት መንቀጥቀጥ ሊፈጥሩ ይችላሉ፡፡ ለምሳሌ፡- የተለያዩ መርዛማ ዝቃጮችን ለማስወገድ ተብለዉ የሚቆፈሩ ጥልቅ ጉድጓዶች፣ ዉሃ ለማከማቸት ተብለዉ የሚቆፈሩ ጥልቅ ጉድጓዶች፣ በመሬት ዉስጥ ለዉስጥ ለኒዩክለር ጦር መሳሪያ ሙከራዎች የሚቆፈሩ መተላለፊያዎች፤ ሰዉ ሰራሽ የሆነ የመሬት መንቀጥቀጥ ሊፈጥሩ ይችላሉ፡፡ የእነዚህ ድርጊቶች መስፋፋት ከተፈጥሮአዊዉ የመሬት መንቀጥቀጥ ጋር ተመሳሳይ የሆነ ተፅእኖ በመፍጠር የመሬት መንቀጥቀጥ ሊያስከትል ይችላል፡፡
የመሬት መንቀጥቀጥ የሚያስከትለዉ ዉድመት አደጋዉ የደረሰበት አካባቢ ያለዉ የመሬት አቀማመጥ፣ መንቀጥቀጡ የሚቆይበት ጊዜ እና መንቀጥቀጡ የሸፈነዉ ክልል ይወስነዋል፡፡ ህንፃዎች የተሠሩበት የንድፍ ዓይነት እና ለግንባታ ጥቅም ላይ የዋለዉ የቁስ ዓይነትም የአደጋዉን አስከፊነት ሊጨምርም ሆነ ሊቀንስ ይችላል፡፡

የመሬት መንቀጥቀጥ ማስተዋል ከምንችለዉ በጣም ዝቅተኛ የንዝረት መጠን አንስቶ እስከ ብዙ ሺህ ኪ.ሜትሮች የሚደርስ የሞገድ ነዉጥ ሊፈጥር የሚችል ነዉ፡፡ የመሬት መንቀጥቀጥ በመሬት ላይኛዉ ቅርፊተ አካል ላይ የሚገኙትን ህንፃዎች ፣ድልድዮች እና ግድቦች እንዲፈርሱ በማድረግ በአጭር ጊዜ ዉስጥ እጅግ በጣም ከባድ የሆነ ጥፋት ሊያደርስ ይችላል፡፡ በተጨማሪም ከባህር ወይም ከዉቂያኖስ ከፍተኛ የሆነ የዉሃ ሞገድ ሱናሚ(Tsunami) በማስነሳት እና ወደ የብስ በማምጣት ለመገመት የሚያዳግት ጥፋትን ያደርሳል፡፡ በተለያዩ የዓለማችን ክፍሎች ተተክለዉ የሚገኙ መሳሪያዎችም የመሬት መንቀጥቀጦችን ከተለያዩ ቦታዎች ላይ በየቀኑ ሪፖርት ያደርጋሉ፡፡ በእርግጥ ከእነዚህ ዉስጥ አደጋ የመፍጠር አቅም ያላቸዉ በጣም ጥቂቶች ናቸዉ፡፡

ባለፉት 500 ዓመታት በዓለማችን ላይ ብዙ ሚሊዮን ሰዎች ሕይወታቸዉን በመሬት መንቀጥቀጥ ምክንያት አጥተዋል፡፡ የብዙ አገራት የመሠረተ ልማት አዉታሮች እና ንብረቶች እንዳልነበር ሆነዉ አልፈዋል፡፡ የመሬት መንቀጥቀጥን ቀድሞ መተንበይ በጣም አዳጋች ቢሆንም በቂ የሆኑ ቅድመ ዝግጅቶችን በማድረግ፡-ለምሳሌ ስለ አደጋዉ ትምህርት በመስጠት፣ የአደጋ ጊዜ እቅዶችን በማዉጣት እና በማሰልጠን ፣ጠንካራ እና ተጣጣፊ(ከሁኔታዉ ጋር የሚስማማ) ንድፍ ለህንፃዎችም ሆነ ለሌሎች መሠረተ ልማቶች በመጠቀም ሊደርስ የሚችለዉን አደጋ በከፍተኛ ሁኔታ መቀነስ ይቻላል፡፡

==ዝርግ ንጣፎች እንዴት ይንቀሳቀሳሉ?==
ዝርግ ንጣፎች የጎንዮሽ በተቃራኒ አቅጣጫ ሊፋጩ ወይም በተቃራኒ አቅጣጫ ተቀራርበው ሊገፋፉ ወይም በተቃራኒ አቅጣጫ ሊራራቁ ወይም በተቃራኒ አቅጣጫ በቁመታቸው ሊፋጩ ይችላሉ፡፡ ይህ ማለት ደግሞ እነኝህ ንጣፎች የሚገናኙበት ቦታ መረጋጋት የተሳነው እና ብዙ ክንውኖች ያሉበት ቦታ ነው፡፡ ለምሳሌ በስዕል እንደምትመለከቱት ሁለት የተለያዩ ዝርግ ንጣፎች በተቃራኒ አቅጣጫ ቢራራቁ በሁለቱ ዝርግ ንጣፎች ታፍኖ የነበረው የቀለጠ አለት በከፍተኛ ኃይል መገንፈሉ የማይቀር ነው፡፡ ያም ካልሆነ ደግሞ በሁለቱ ዝርግ ንጣፎች በተቃራኒ አቅጣጫ መራራቅ ምክንያት(የአብዛኞቹ ስምጥ ሸለቆዎች የተፈጠሩበት መንገድ) የሚፈጠረው የአለቶች መናድ ከፍተኛ ንዝረቶች በመፍጠር መሬትን ማንቀጥቀጡ የማይቀር ነው፡፡(ስዕላዊ መግለጫዎችን ይመልከቱ)

በዝንፈት መስመር(የቅርፊተ አካሎች መዋሰኛ) ላይ በእንቅስቃሴዎቹ ምክንያት የሚፈጠረው ከፍተኛ ጫና የሚፈጥረው የኃይል መጠራቀም አለቱ መሸከም ከሚችለው አቅም በላይ ሲሆን የሚከሰተው የአለቶች መሰባበር እና መደርመስ በሁሉም አቅጣጫ ሞገዱ በመሰራጨት እና ከፍተኛ ንዝረት በመፍጠር የመሬት መንቀጥቀጥን ያስከትላል፣ የመሬት ገፅታም ምስቅልቅሉ ይወጣል፡፡

==የመሬት መንቀጥቀጥ ልኬት==
የመሬት መንቀጥቀጥ ልኬት የሬክተር ስኬልን(Recter scale) በመጠቀም ይከናወናል፡፡ ዘዴው የሚጠቀመው የሂሳብ ቀመሮችን በመሆኑ በጣም ልከኛ ነው፡፡ ትልቅ ቁጥር ያለው የመሬት መንቀጥቀጥ የሚያመለክተው ትልቅ ጥፋትን ነው፡፡ በስዕል ውስጥ ያለውን ሰንጠረዥ ይመልከቱ፡፡

አንድ የሬክተር ስኬል ቁጥር ከቀዳሚው ቁጥር በአስር እጥፍ ኃያል ነው፡፡ ይህንን የመሬት መንቀጥቀጥ የሚለካው መሳሪያ ሳይስሞግራፍ(Seismograph) ይባላል፡፡ ከተለያዩ ቦታዎች የሚወሰዱትን የሬክተር ስኬል(Recter scale) መረጃዎች በንፅፅር በማየት የመሬት መንቀጥቀጡ ከየት አካባቢ እንደጀመረ ለመለየት ይረዳል፡፡

በክፍል ሁለት የመሬት መንቀጥቀጥ በምስራቅ አፍሪካ እንዲሁም በኢትዮጵያ ምን ይመስላል? ሁኔታው ያሰጋናል ወይ? የሚለውን እንመለከታለን፡፡ ወደፊት በክፍል ሦሥት ደግሞ ሁኔታው ሲፈጠር ምን አይነት ፈጣን እንርምጃ እንውሰድ የሚለውን እናያለን፡፡
http://survival101.info/2017/03/10/%E1%89%A0%E1%88%98%E1%88%AC%E1%89%B5-%E1%88%98%E1%8A%95%E1%89%80%E1%8C%A5%E1%89%80%E1%8C%A5-%E1%8B%88%E1%89%85%E1%89%B5-%E1%88%9D%E1%8A%95-%E1%8A%A5%E1%8A%93%E1%8B%B5%E1%88%AD%E1%8C%8D-%E1%89%A0/

07/10/2024

የመሬት መንቀጥቀጥ በሚያጋጥም ጊዜ መደረግ የሚገባቸዉ የጥንቃቄ እርምጃዎች

👉 ከቤት ውጭ ከሆኑ - ከዛፎች፣ ከሕንፃዎች፣ ከኤሌትሪክ ምሶሶዎች እና ሌሎች ወድቀው ጉዳት ሊያደርሱ ከሚችሉ ነገሮች መራቅ እና ገላጣ ሜዳ አካባቢ መቆየት።

👉በቤት ውስጥ ከሆኑ - በበር መቃኖች፣ በኮርነሮች እና ኮሪደሮች ተጠግቶ ማሳለፍ። ከእሳት ምድጃዎች፣ ከተሰቀሉ ፍሬሞች እና የግድግዳ ጌጦች፣ ከመጽሐፍ መደርደሪያዎች እንዲሁም ከመስኮት አካባቢ መራቅ። የጋዝ ምድጃዎችን በተቻለ ፍጥነት ማጥፋት ካልሆነም ከአካባቢው መራቅ።

👉 በትልልቅ ሕንጻዎች ውስጥ ከሆኑ- ከሕንጻዎቹ ለመውጣት አለመሞከር፣ አሳንሰር (ሊፍት) በፍፁም አለመጠቀም። ከደረጃዎች አካባቢ መራቅ።

👉መኪና እያሽከረከሩ ከሆኑ- የኤሌክትሪክ መተላለፊያ ምሶሶዎችን፣ ዛፎችና ሽቦዎች አካባቢ አለመቆም፣ የኤሌትሪክ መስመር ምሶሶዎች እና ሽቦዎች ተሽርካሪው ላይ ከወደቁ ከመኪናው ለመውጣት አለመሞከር፣ በተቻለ ፍጥነት ገላጣ ወደሆነ አካባቢ መኪናን ማቆም ከጥንቃቄ እርምጃዎች መካከል መሆናቸውን ከእሳትና አደጋ ስጋት ስራ አመራር ኮሚሽን ያገኘነው መረጃ ያመላክታል።

29/06/2024

Check out City Gebeya’s video.

29/06/2024

https://vm.tiktok.com/ZMrrseVJm/

Check out City Gebeya’s video.

25/06/2024

Follow on ticktock and telegram

25/06/2024

tiktok.com/

03/05/2024

Jobs

Afar Language Speaker
አፋረኛ ቋንቋ ተናጋሪ

እንግሊዘኛ የሚችል

ስራው
ከእንግሊዘኛ ወደ አፋረኛ መተርጎም የሚችል
ለአጭር ግዜ
ኮምፒዩተር ያለው
ኢንተርኔት ያለው

ስራውን በግዜ ማድረስ የሚችል
እስከ ሰኞ ያናግረን

21/04/2024

ሀይሌ በ አንድ ወቅት
ለ ኢትዮጲያ ዲሞክራሴ ቅንጦት ነው አለ
እውነቱን ነው ሌላው የዚች ሀገር ፖለቲካ ከድጡ ወደ ማጡ እየሄደ እየለየለት ነው