AGMAS MEDIA

AGMAS MEDIA Art, Information & Entertainment

25/08/2026

የ2018 ትምህርት ዘመን የኢትዮጵያ ሁለተኛ ደረጃ ትምህርት ማጠናቀቂያ ፈተና ውጤት ከምሽት 1፡00 ጀመሮ ማየት ይቻላል።

የሀገረ አቀፍ የትምህርት ምዘናና ፈተናዎች አገልግሎት የ2018 የትምህርት ዘመን የ12ኛ ክፍል ሀገር አቀፍ ፈተና ውጤት የሚታይባቸውን አድራሻዎች ይፋ አድርጓል።

አገልግሎቱ የ2018 ትምህርት ዘመን የኢትዮጵያ ሁለተኛ ደረጃ ትምህርት ማጠናቀቂያ ፈተና ውጤትን ተፈታኞች ዛሬ ነሐሴ 19 ቀን 2018 ዓ/ም ከምሽቱ 1፡00 ሰዓት ጀምረው ማየት እንደሚችሉም አሳውቋል።

ተፈታኝ ተማሪዎችም ውጤታቸውን የሚከተሉትን አማራጭ ማስፈንጠሪያዎችን (Link) በመጠቀም ማየት የሚችሉ መሆኑን አገልግሎቱ ገልጿል።

አያይዞም ተፈታኞች ቅሬታ ሲኖራቸው በአካል መምጣት ሳያስፈልግ https://result.eaes.et/complaint የሚለውን ማስፈንጠሪያ በመጠቀም ቅሬታቸውን ከነሐሴ 19 እስከ 26/2018 ዓ/ም ከቀኑ 10፡00 ሰዓት ድረስ በማቅረብ ምላሹንም በተመሳሳይ ማስፈንጠሪያ በኩል መከታተል የሚችሉ መሆኑን ምአገልግሎቱ ያሳውቃል።

ውጤት የሚገለጽባቸው ማስፈንጠሪያዎች፡-
በድረ ገጽ ፡ https://result.eaes.et
ቴሌግራም፡ https://result.eaes.et/telegram
አጭር የጽሑፍ መልዕክት፡ https://result.eaes.et/sms

ዶናልድ ትራምፕ በፍኖተ ሆርሙዝ የመርከቦች ጉዞን ከኢራን ጋር መቆጣጠር ይሻሉ።ዩናይትድ ስቴትስ በኢራን የፍኖተ ሆርሙዝ ለመርከቦች ክፍት መሆን የተኩስ አቁሙ ስምምነት ቁልፍ ቅድመ ሁኔታ እንደ...
08/04/2026

ዶናልድ ትራምፕ በፍኖተ ሆርሙዝ የመርከቦች ጉዞን ከኢራን ጋር መቆጣጠር ይሻሉ።

ዩናይትድ ስቴትስ በኢራን የፍኖተ ሆርሙዝ ለመርከቦች ክፍት መሆን የተኩስ አቁሙ ስምምነት ቁልፍ ቅድመ ሁኔታ እንደነበር ገለጠች ። እንደ ፕሬዚደንት ዶናልድ ትራምፕ ገለጻ፦ ዩናይትድ ስቴትስ እና ኢራን የሆርሙዝ ወሽመጥን ደሕንነት በማስጠበቅ አብረው ሊሠሩ ይችላሉ ። ይህን በተመለከተም ፕሬዝዳንት ዶናልድ ትራምፕ ሲናገሩ፦ በባሕረ ሆርሙዝ የሚያልፉ መርከቦች ደሕንነት በኢራን እና በአሜሪካ ጥበቃ እንደሚደረግላቸው ተናግረዋል ። ፕሬዚደንቱ ለኤቢሲ ኒውስ እንደተናገሩት ከሆነ፦ የመርከቦች ደሕንነትን ለማስጠበቅ በዩናይትድ ስቴትስ እና ኢራን መካከል የጋራ ፕሮጄክትን ለመተግበር እያሰቡበት መሆኑንም ገልጠዋል ።

ፕሬዚደንት ዶናልድ ትራምፕ ቀደም ሲል ኢራን ለዓለም አቀፉ ማኅበረሰብ የነዳጅ እና የጋዝ ንግድ ወሳኝ መተላለፊያ የሆነውን ፍኖተ ሆርሙዝ ከከፈተች ለሁለት ሳምንታት የቦምብ ድብደባ እና ጥቃት ከመሰንዘር እንደሚቆጠቡ ገልጠው ነበር ። ይህ በእንዲህ እንዳለ ግን ኢራን አሁንም በሆርሙዝ ወሽመጥ የሚያልፉ የመርከብ ጭነቶችን መቆጣጠርዋን እንደቀጠለች መሆኑ ተዘግቧል ። የኢራን የውጭ ጉዳይ ሚኒስትር አባስ አራግቺ በሰጡት መግለጫ መሠረት፣ የመርከቦች ትራፊክ ፍሰት እንደቀድሞው ሁሉ "በኢራን የጦር ኃይሎች ፈቃድ" ተገዢ ሆኖ ይቀጥላል ብለዋል ።
እንደ የባህር ትራንስፖርት አገልግሎት ገለጻ ደግሞ በሆርሙዝ ወሽመጥ ውስጥ የሚተላለፉ መርከቦች የትራፊክ ፍሰት ዳግም እየጨመረ ነው ።

Via

18/03/2026

የአፍሪካ ዋንጫን ከሴኔጋል የነጠቀው የካፍ ውሳኔ ጉዳይ አወዛጋቢ ሆኗል።

የአፍሪካ እግር ኳስ ኮንፌዴሬሽን (ካፍ) ከወራት በፊት ሴኔጋል አሸንፋው የነበረውን የአፍሪካ ዋንጫ ለሞሮኮ እንዲመለስ ውሳኔ አሳልፏል፡፡

በቅርቡ በሰሜን አፍሪካዊቷ ሀገር በተደረገው 2025 የቶታል ኢነርጂ የአፍሪካ ዋንጫ ፍጻሜ ሴኔጋል ሞሮኮን አሸንፋ ዋንጫውን ማንሳቷ ይታወሳል፡፡

ይሁን እንጂ በፍጻሜው ጨዋታ በተፈጠረው ውዝግብ የሴኔጋል ብሔራዊ ቡድን የዳኛውን ውሳኔ በመቃወም ሜዳውን ጥለው በመውጣታቸው ጨዋታው ለደቂቃዎች ተቋርጦ እንደነበር የሚታወስ ነው፡፡

ከተቋረጠበት በቀጠለው የአፍሪካ ዋንጫ የፍጻሜ ጨዋታም ሴኔጋል 1 ለ 0 በሆነ ውጤት በማሸነፍ ሻምፒዮን መሆኗ አይዘነጋም፡፡

ይህን ተከትሎም የሞሮኮ እግር ኳስ ፌደሬሽን የተፈጠረውን ውዝግብ መነሻ በማድረግ ለካፍ ይግባኝ ሰሚ ኮሚቴ ቅሬታ አስገብቶ ነበር፡፡

ጉዳዩን ሲመረምር የቆየው የአፍሪካ እግር ኳስ ኮንፌደሬሽን ይግባኝ ሰሚ ኮሚቴም የደረሰበትን ውሳኔ ይፋ አድርጓል፡፡

በዚህም መሰረት ቦርዱ በአፍሪካ ዋንጫ ደንብ ቁጥር አንቀጽ 84 መሰረት በሞሮኮ የአፍሪካ ዋንጫ የፍጻሜ ጨዋታ ላይ የሴኔጋል ብሔራዊ ቡድን ተሸናፊ ሆኖ እንዲመዘገብ ወስኗል።

ዘገባው የስካይ ስፖርት ነው።
"Africa Cup of Nations: Morocco crowned AFCON champions after CAF strips Senegal of title for penalty protest | Football News | Sky Sports" https://www.skysports.com/football/news/11095/13521080/africa-cup-of-nations-morocco-crowned-afcon-champions-after-caf-strips-senegal-of-title-for-penalty-protest

#አግማስ ሚዲያ

01/03/2026

እስራኤል እና ዩናይትድ ስቴትስ በኢራን ላይ ጥቃት ከጀመሩ በኋላ፤ ሦስት የአሜሪካ ወታደሮች መገደላቸውን እና አምስት በጽኑ መጎዳታቸውን ፔንታጎን አስታወቀ። አሜሪካ ትላንት ቅዳሜ በተጀመረው ጦርነት ወታደሮቿ መገደላቸውን እና መቁሰላቸውን ይፋ ስታደርግ የመጀመሪያው ነው።
ፔንታጎን ተብሎ የሚታወቀው የአሜሪካ መከላከያ ሚኒስቴር ወታደሮቹ የተገደሉት እና የተጎዱት “በዘመቻ ኤፒክ ፉሪ” በመሳተፍ ላይ ሳሉ እንደሆነ ዛሬ እሁድ ገልጿል። ሌሎች በርካታ ወታደሮች አነስተኛ ጉዳት እንደደረሰባቸው ያስታወቀው የአሜሪካ መከላከያ ሚኒስቴር ከፍተኛ ውጊያ እንደቀጠለ መሆኑን ገልጿል።
ይሁንና የአሜሪካ ወታደሮች የተገደሉበትን እና የተጎዱበትን ሁኔታ በዝርዝር ከመግለጽ ተቆጥቧል። የኢራን አብዮታዊ ዘብ “ከፍተኛ” ጥቃት እንደሚፈጽም ያሳወቀ ሲሆን በሪያድ፣ ዱባይ፣ አቡ ዳቢ፣ ዶሐ፣ ማናማ እና እየሩሳሌም ፍንዳታዎች ተሰምተዋል።

የአሜሪካው ፕሬዝደንት ዶናልድ ትራምፕ ሀገራቸው ከእስራኤል ጋር በጥምረት በምታካሒደው ድብደባ 48 የኢራን አመራሮች መገደላቸውን አስታውቀዋል። “እያገኘን ያለውን ስኬት ማንም ማመን አይችልም” ሲሉ ትራምፕ ፎክስ የተባለው የአሜሪካ መገናኛ ብዙኃን ዘግቧል።

https://www.reuters.com/world/us/trump-says-48-leaders-killed-strikes-iran-fox-news-interview-2026-03-01/
via

ዘጋቢ - #ንጉሤ የኔአባት

Address

Asmara Road
Addis Ababa
1000

Website

Alerts

Be the first to know and let us send you an email when AGMAS MEDIA posts news and promotions. Your email address will not be used for any other purpose, and you can unsubscribe at any time.

Contact The Business

Send a message to AGMAS MEDIA:

Shortcuts

Share

Category