28/08/2025
‼️
1- ኣብ ከባቢ እንትጮ ካብ ዝፀደፈት መኪና ዝሃለቑ 14 ወገናት፡ እቲ ምኽንያት ሓደጋ ካብ ሸፋቱ ዝተተኮሰ ጥይት እዩ።
2- ኣብ ኣኽሱም ብገመድ ተጠቕሊሎም ኣብ ቃላይ ሞይቶም ዝተረኽቡ ሰብኣይን ሰበይትን ብሰንኪ ሰብ ምዃኑ ርዱእ እዩ።
3- ኣብ መቐለ ከባቢ ዓይደር፡ ዘጋጠመ ጉድኣት ኣካል ብሰንኪ "ሃንጊ" ምዃኑ ተፈሊጡ ኣሎ።
4- ኣብ መቐለ ብባጃጅ ናይ ዝተጨወየ በዓል ሞያ ካሜራ ድሃይ ምጥፍኡ የመና ከቢድ ሻቕሎት ፈጢሩ ኣሎ።
እዚኦም ብመዳይ ማሕበራዊ ሚድያ ኣቢሎም ኣብ እዝኒ ሓፋሽ ዝበፅሑ ሓበሬታታት እዮም።
5- ኣብ ሽረ፡ ኣብ ኣኽሱም፡ ኣብ መቐለ ኢድ ብኢድ ኣብ ክትራንን ስርቅን ዝተረኸቡ ጉሒላታት፡ ህዝቢ ኣብ ቁፅፅር ኣውዒሉ ዝመሰሎ ስጉምቲ ክወስድ ተራእዩ እዩ።
6- ኣብ መብዛሕቲኡ ከተማታት ትግራይ ብሰንኪ ዘሎ ከቢድ ስግኣት ፀጥታ፡ ዋላ "ዕላዊ ሰዓት እቶ እቶ" ኣይተኣወጅ ነበርቲ ብኣጋ እዮም ናብ ገዝኦም ዝሰፍሩ።
መንግስቲ ኣብ መሬት የለን‼️ ህዝቢ እውን ከድሕነኒ ዝኽእል ኣካል ኣሎ እዩ ኢሉ ኣይኣምንን። ተስፋ ዝቖረፀ ህዝቢ እዩ ዘሎ። ብመረረትን ጓህን እህህህ ዝብል ጥራይ ትሰምዕ።
ብሓቂ የሕን፡ ትግራይ ዓደይ ምሕረት የውርደልኪ ‼️
Tewelde Legesse
