23/11/2022
የአሜሪካን ተጫዋቾች ያረፉበት የ16 ቢሊየን ዶላር ሆቴል ።...............
በፊፋ ህግ መሰረት ፡ የአለም ዋንጫ ላይ ለመሳተፍ አልፎ ፡ ወደ አዘጋጇ ሀገር የሚሄደው የእግር ኳስ ቡድን ፡ ጠቅላላ የሆቴልና የኢንሹራንስ ወጭ የሚሸፈነው ፡ በየተሳታፊው ሀገር የእግር ኳስ ፌዴሬሽን አማካኝነት ነው ። እናም ተሳታፊው ሀገር ፡ አቅሙ የሚችለውን ሆቴል መርጦ ፡ መያዝ ይችላል ። ስለ
ሆነም የዚህ አይነት ውድድሮች ሲካሄዱ ተሳታፊ ሀገራት ያላቸውን የኢኮኖሚ አቅም ያሳዩበታል ። በኢኮኖሚ ያልዳብረው ሀገር ቡድን ይዟት የመጣውን ዶላር ለማብቃቃት ፡ ዋጋው ውድ ያልሆነ ሆቴል ሲመርጥ ፡ እንደ አሜሪካን ያሉ ሀብታም ሀገራት ደግሞ ፡ እጅግ ውድ የተባለውን ሆቴል መርጠው ተጫዋቾቻቸው በምቾት እንዲያሳልፉ ያደርጋሉ ።.................
በኳታር የአለም ዋንጫም የተከሰተው ይኼው ነው ። ሀብታም ሀገራት ትላልቅና ፡ ለአንድ ሌሊት በሺህ የሚቆጠር ዶላር የሚያስወጣ ሆቴል ይይዛሉ ፡ እንደካሜሩን አይነት ኢኮኖሚያቸው ያልዳበረ ሀገራት ደግሞ ፡ በአንድ ለሊት ከሰባት መቶ ዶላር በላይ በማይጠይቁ እንደ Banyan Tree አይነት መለስተኛ ሆቴሎች ላይ አርፈው ፡ በውድድሩ እስከሚቆዩበት ቀን ድረስ በዛ ያሳልፋሉ ።......................
ሀገር በኢኮኖሚ ልቃ ፡ ሀብታም እስካልሆነች ፡ ለአለም ዋንጫም ሄድክ ለስብሰባ ፡ ሁሌም ቅናሽ ያለበትን ትፈልጋለህ ። ምክንያቱም አላደክማ ።
የአሜሪካ ብሄራዊ ቡድን ፡ ወደኳታር የገባው ፡ ውድድሩ ከመጀመሩ ከአስር ቀናት በፊት ነበር ። እናም ኳታር ኣንደደረሰ ፡ በቀጥታ ያመራው ፡ ሰው ሰራሽ ደሴት ላይ በተሰራው ፡ ለመገንባት 15 ቢሊየን በፈጀው The Pearl Doha ወይም Marsa Malaz Kempinski Hotel በሚባለው እጅግ የተቀናጣ ሆቴል ነበር ።.....................
ልክ በሆቴሉ ሲደርሱ ለአሜሪካኖች እንኳን አስደናቂ የሆነውን ስለዚህ ሆቴል ፡ የመሃል ተከላካዩ ብሬንደን አሮንሰን ሲናገር ፡ ይህ የማይታመን ነው ። በዚህ ሆቴል የማየው ሁሉ አለም አቀፍ ደረጃውን የጠበቀ መስተንጎዶና አገልግሎት ነው ። በማለት ያረፉበትን ሆቴን አድንቋል ።
ሌላው የቡድኑ አባል የሆነው የጆርጅ ዊሀ ልጅ ቲሞቲ ዊሃ ፡ በየክፍላችን ትላልቅ የቲቪ ስክሪኖች ያሉበት ፡ ትላልቅ አልጋዎችና ፡ የሚታየው ነገር ሁሉ በሚያስደንቅ በቃላት ለመግለፅ የሚያስቸግር የቅንጦት ሆቴል ውስጥ አርፈናል ፡ ሲል ተናግሯል ።
የቡድኑ አሰልጣኝም ፡ በዚህ የአለም ዋንጫ ቶሎ መሰናበት አንፈልግም ፡ መቆየት እንዳለብን ወስነን ነው የመጣነው እናም ይህን ለማድረግ ከሚያስፈልጉት ነገሮች አንዱ የተጫዋቾቻችንን ምቾት መጠበቅ ነው ። ለዚህም ነው እዚህ ያረፍነው በማለት ከተናገረ በኋላ ለተጫዋቾቹ ባስተላለፈው መልእክት ሻንጣችሁን ክፈቱ ፡ መፅሃፎቻችሁን ሼልፎች ላይ ደርድሩ ፡ ልብሳችሁን በቁምሳጥኑ ውስጥ አኑሩና ፈታ በሉ ፡ ሲል ተናግሯል ።.......................................
እናም የአሜሪካ ተጫዋቾች ፡ በያዙት ሁሉም ክፍሎች ውስጥ ሆነው ሰው ሰራሹን ደሴት ማየት ይችላሉ ፡ በያንዳንዱ ክፍል በተገጠመው ልዩ የቡና ማሽን ውድ ቡናቸውን በትልቅ ማግ ይይዙና ፡ ግድግዳው ላይ በተለጠፈው ግዙፍ የቴሌቪዥን ስክሪን ስፖርታዊ ክንውኖችን ወይም አስገራሚ ፍጥነት ባለው ኢንተርኔት የኔትፍሌክስ ፊልሞችን ማየት ። ወይም በሆቴሉ ውስጥ ባሉት ሰባት የተለያዩ ትላልቅ ሬስቶራንቶች በመሄድ ፡ ከአለም ዙሪያ የተሰበሰቡትን የምግብ ሜኑዎች ላይ የፈለጉትን ሀገር ምግብ መርጠው በአለም አቀፍ ደረጃ ውድ ተከፋይ በሆኑ ሼፎች የሚዘጋጀውን ምግብ ማጣጣም ይችላሉ ።
በሆቴሉ ውስጥ ባለው ትልቅ ሀይቅ በዘመናዊ የቅንጦት ጀልባ እየተንሸራሸሩ ይህን ካልፈለጉም በመዋኘትና የሜዳ ቴኒስ በመጫወት ጊዜያቸውን ማሳለፍ ይችላሉ ።.................
በመጨረሻም የአሜሪካን የእግር ኳስ ቡድን. ..በዚህ እጅግ ግዙፍና የራሱ የሆነ ሰው ሰራሽ ደሴት ባለው ሆቴል ፡ ከውድድድሩ እስከቆየበት ጊዜ ለያንዳንዳንዱ ተጫዋች ለአንድ ለሊት 16,500 ዶላር ይከፍላል ።
Wasihune Tesfaye
