21/11/2025
Computer Network
Neetworkiin kompiiwutaraa (Computer Network) jechuun neetworkii telekoomii kan meeshaalee fi odeeffannoo wal qooduuf dandeessisuudha. Noodonni (meeshaaleen) neetworkii keessa jiran, keebiliidhaan ykn karaa shiboo-maleessaan (wireless) wal qabatanii, seera dijitaalaa fayyadamuun deetaa wal jijjiiru. Deetaan bifa "paakeetiitiin" (yuunitii deetaa qindaa'aa ta'een) daddabarfama.
1. Neetworkii (Network):
Fakkeenyaaf, kompiiwutara tokkoo fi pirintara tokko keebiliin wal qabsiiftee yoo pirinti goote, sun 'Neetworkii' dha. Kaayyoon isaa inni guddaan Wal-qooduu (Sharing) dha.
Resource Sharing: Pirintara tokko namni 10 waliin fayyadamuu.
Information Sharing: Faayila tokko kompiiwutara biraatti ergachuu.
2. Noodii (Node):
Jechi kun IT keessatti baay'ee baramaadha. Node jechuun meeshaa kamiyyuu kan neetworkii irra jiru jechuudha.
Fkn: Kompiiwutara, Bilbila, Pirintara, CCTV Camera, ykn Raawutarii. Isaan kun hundi "Nodes" jedhamu.
3. Keebilii fi Wireless (Media):
Neetworkiin karaa lamaan wal qunnama:
Wired (Keebiliin): Fkn, keebilii "Ethernet" kan CCTV fi PC itti fayyadamnu.
Wireless (Shiboo-maleessa): Wi-Fi ykn 4G/5G fayyadamuun.
4. Paakeetii (Packet):
Yeroo ati suuraa guddaa tokko intarneetiin ergitu, suuraan sun akkuma jirutti takkaan hin deemu. Kompiiwutarri kee suuraa sana cicciree kutaalee xixiqqoo kumaatama ta'u. Kutaaleen xixiqqoon kun Packets jedhamu. Bakka ga'anitti paakeetiin sun deebi'ee walitti qabamuun suuraa guutuu ta'a.
5. LAN (Local Area Network):
LAN jechuun neetworkii bakka xiqqoo (murtaa'aa) keessatti argamuudha.
Fakkeenya: Wi-Fi manaa, neetworkii Biiroo tokkoo, ykn Interneetii Kaaffee.
6. Internet:
Intarneetiin "Neetworkii Neetworkootaa" (Network of Networks) dha. LAN manaa keetii, LAN biiroofi LAN biyyoota biraa biliyoonan lakkaa'aman walitti qabamee Internet uuma.
