https://www.facebook.com/106868498976183/

Waliif TV, Addis Abeba Lideta Street, Addis Ababa (2025)

16/09/2025

Iraan Badhaadhina niwukilaraa akkan itti fufu addunyaan haa beeytu jetee

Oduu Waliif TV ( Fulbaana 16/2025) Finfinnee

Iraan haleellaa dhaabbilee niwukilaraa isii irratti raawwatamu dhoorguuf murtee Ejensii Annisaa Atoomikii Idil Addunyaa (IAEA) Viyeenaatti dhiheessuuf akka jirtu Aljaziiraan gabaaseera.

Tarkaanfiin kun kan fudhatame erga US fi Israa’el ji'a Waxabajjii keessa waldhabdee guyyoota 12f Iraan irratti haleellaa raawwataniin booda.

Hogganaan Dhaabbata Annisaa Atoomikaa Iraan Mohammad Eslami dabalatee qondaaltonni ol'aanoo niwukilaraa Iraan yaa’ii waliigalaa IAEA 69ffaa Wiixataa hanga Jimaataatti gaggeeffamuuf Viyeenaatti argamu.

Tehran murtee kana dhiyeessuuf akka yaadde mirkaneessitee jirti, garuu hanga ammaatti barreeffama isa dhumaa hin baafne.

Islaamiin miidiyaalee mootummaa Iraanitti akka himanitti, konfiraansiin kun yaaddoo gocha IAEA, keessumaa daayreektarri isaa Raafaa’eel Giroosii irratti mul’atu ibsuuf carraa ta’uu ibsaniiru.

"Ejensichi haleellaa Iraan irratti raawwatame irratti ejjennoo fudhachuu dhiisuudhaan, kanaa mannaa haala baay'ee jiddu galeessa ta'een socho'uudhaan ogummaa dhabuu isaa argineerra - sadarkaa dachaa hanga muudaa hin qabnetti hojiirra oolcheera," jedhan.

''Murteen kun yoo fudhatamuu baatellee, Chaartariin Dhaabbata Mootummoota Gamtoomanii hiika dhugaa jechaatiin sarbamuu isaa agarsiisa,'' jedhan.

Al Jazeera akka gabaasetti Iraan walgahii kana irratti biyyoota miseensa ta’an lobbiin gochuuf karoorfattee jirti, qondaaltonni wixineen kun sagalee kennuu illee hin danda’u jedhu.

Itti aanaan hogganaa niwukilaraa Iraan Behruz Kamalvandi akka jedhanitti, Waashingitan biyyoonni tarkaanfii kana akka morman dhiibbaa godhaa jirti.

''Ameerikaan biyyoonni miseensa ta'an murtee kana akka ugguran dhiibbaa godhaa jirti, maallaqa ejensichaaf kennitu akka addaan kutu doorsifteetti,'' jedhan.

Kamalvandi haleellaan Israa’el Iraaq keessatti riyaaktarii Osirak irratti raawwatte murtee Mana Maree Nageennaa Dhaabbata Mootummoota Gamtoomanii 487 bara 1981 dabalatee Chaartara Dhaabbata Mootummoota Gamtoomanii cabsuu jechuun kaasaniiru.

Murteewwan UN bara 1985 fi 1990 kaasuun dhaabbilee niwukilaraa eeguun barbaachisaa ta’uu cimsanii dubbataniiru.

Boordiin Bulchitoota IAEA erga Ameerikaan waliigaltee niwukilaraa Iraan bara 2015 Doonaald Tiraampiin raawwatame keessaa baatee as qoqqobbii afur Tehran irratti kaa’eera.

Iraan sagantaan isii kan siiviilii akka ta’e kan himtu yoo ta’u, jalqaba bara kanaa hawaasni basaasaa Ameerikaas ta’e IAEAn Tehran meeshaa niwukilaraa hordofaa akka jirtu ragaa hin arganne jechuun Aljaziiraan gabaaseera.

Iraan IAEA erga Waxabajjii 13 Tehran eegumsa akka hin kabajne beeysiftee as teessoo duubaa ta’uu himatteetti.

Ministirri Dhimma Alaa Abbaa Araaghchi akka jedhanitti, sakatta’iinsa boombii booda addaan cite deebisee jalqabuuf torbee darbe Kaayirootti IAEA waliin waliigaltee irra ga’amee, waliigalteen kun kanneen haleellaa irra ga’e dabalatee dhaabbilee hunda kan hammate Mana Maree Nageenna Biyyaalessaa Ol’aanaatiin raggaasifamuu ibsaniiru.

Manni marichaa muudamtoota Hogganaa Ol’aanaa Ayaatollah Ali Khamenei, hoggantoota biyyootaa fi ajajoota waraanaa of keessaa qabu kun ibsa Wiixata darbe kenneen deeggarsa isaa mirkaneessee jira.

“Murteewwan Mana Maree Nageennaa kanaan dura addaan citan irra deebi’anii kaa’uu dabalatee, tarkaanfiin diinummaa Rippabiliika Islaamaa Iraanii fi dhaabbilee niwukilaraa isii irratti fudhatamu kamiyyuu, qophiiwwan kana hojiirra oolchuu ni morma,” jedheera.

Odeeffannoowwan dabalataa kanneen biroo argachuuf
Youtube-https://www.youtube.com/
https://www.youtube.com/
WhatsApp-https://whatsapp.com/channel/0029Vb2IYuXE50UolYA1Up3j Tiktok:https://www.tiktok.com/?_t=ZM-8z0I5wTEScq&_r=1

16/09/2025

Gamtaan Mootummootaa gochaan Israa’el Gaazaarratti raawwatte “duguuggaa sanyiiti” jedhe

Oduu Waliif TV ( Fulbaana 16/2025) Finfinnee

Gamtaan Mootummootaa (UN) qorannoo gaggeesseen waraanni Israa’el Gaazaa irratti yakka duguuggaa sanyii raawwachuu isaa ibse. Kunis yeroo waraanni geggefamee waggaa lamaa olii tureen boodadha.

Dura taa’aa Dhaabbata Mootummoota Gamtoomanii Naavi Pillaan qorannoo Walaba Naannoo daangaa Paalestaayin dhuunfatame keessatti gaggefameen, bu’aa qorannoo irraa gahe, Kibxata kaleessaa miidiyaa Qaataar Aljaziiraa irratti beeksisaniru. Naavi Pillaan akka jedhanitti, hogantonni Israa’el Pireezidaantii Isaaki Herzog, Ministira Muummee Benjamiin Neetanyahu fi ministeera ittisaa duraanii Yooav Gallaant, ibsaa fi ajaja isaan kennan irratti hundaa’uun adda baasneerra,” jechuun aaf gaaffii kanarratti dubbataniiru.

Namoonni sadeen kun qondaaltota mootummaa waan turaniif, mootummaan seeraan itti gaafatamu qaba. Kanaaf gocha duguuggaa sanyii kan raawwate Israa’el jenna,” jechuun itti dabalanii himan. Akka gabaasichi argsisutti, Komishinichi ibsa qondaaltonni Israa’el kennan cinaatti, ragaa duguuggaa sanyii akka argate ibse.

“Prizdaantii, muummicha ministeeraa fi ministeera ittisaa duraanii ibsa isaanii fi ajaja isaan kennan irratti hundaa’uun adda baasneerra,” jechuun Pilay gaaffii fi deebii Aljaziiraa wajiin taasisaniin dubbatanii jiru. Komishinichi ibsa isaatiin akka ibsetti aangawoonni Israa’elii fi humnoonni nageenyaa Israa’el guutummaatti ykn gartokkoon isaanii Paalestaayinota Gaazaa keessa jiran balleessuuf yaada duguuggaa sanyii qaban jedha,” gabaasni kuni

Haa ta’u malee, Ministeerri Dhimma Alaa Israa’el qorannoo kuni “soba” jechuun fuula X irratti maxxasan. “Dubbiftonnis gabaasa kana “akka bakka bu’aa Hamaasitti tajaajilaa jiru” jechuun hime. Itti dabaluunis, ''Gabaasni kun guutummaatti soba, akkasumallee Hamaas irratti kan hirkate yoo ta'u, namoota birootiin fi irra deddeebi'amee kan dubbatamudha,'' jedha ministeerichi. “Israa’el gabaasa sirrii hin taaneef fi sobaa kana cimsitee balaalefatti jechuun himee, komishiniichi qorannoo kans hatattamaan akka haquus gaafatti,” jechuun itti ibseera.
Maddi AS
Odeeffannoowwan dabalataa kanneen biroo argachuuf
Youtube-https://www.youtube.com/
https://www.youtube.com/
WhatsApp-https://whatsapp.com/channel/0029Vb2IYuXE50UolYA1Up3j Tiktok:https://www.tiktok.com/?_t=ZM-8z0I5wTEScq&_r=1

16/09/2025

Ministirri Dhimma Alaa Yunaayitid Isteets Maarkoo Ruubiyoon Kaataar galaniiru.

Oduu Waliif TV ( Fulbaana 16/2025) Finfinnee

Ministirri Dhimma Alaa Ruubiyoon Israa’el irraa erga deebi’anii booda gara Kaataar Dohaatti imalan.

Ministirri kun Kaataar waraana Israa’elii fi Hamaas gidduu jiru xumuruuf gahee jiddu-galeessa ta’uun qabdu akka itti fuftu ni gaafatu jedhamee eegama.

Ministirri Dhimma Alaa kun Israa’elii fi Kaataar gidduutti wal dhabdee uumame salphisuufis hojjechaa akka jiran himama.

Dohaa fi Tel Aviv michoota ijoo Waashingitan yoo ta’an, US mala dippilomaasii ishee cimsuun furmaata barbaaduuf akka hojjettu himameera

Milkaa’ina imaammata Ameerikaa Baha Giddu Galeessaa mirkaneessuu keessatti biyyoonni lamaan gahee olaanaa waan qabaniif, Doonaald Tiraamp dippilomaasii madaalawaa hordofaa jiru.

Israa’el hooggantoota Hamaas balaa nageenya ishee irra gahu kamirraayyuu ni eeganna jettus, Doonaald Tiraamp haleellaan Dohaa irratti raawwatame irra deebi’ee akka hin raawwatamneef ni hojjanna jedhaniiru.

Maddi: Aljazeeraa

Odeeffannoowwan dabalataa kanneen biroo argachuuf
Youtube-https://www.youtube.com/
https://www.youtube.com/
WhatsApp-https://whatsapp.com/channel/0029Vb2IYuXE50UolYA1Up3j Tiktok:https://www.tiktok.com/?_t=ZM-8z0I5wTEScq&_r=1

16/09/2025

Barataa qormaata kutaa 12ffaa akka biyyaatti qabxii Olaanaa galmeesse - Kaaliid Bashiir

Waliif TV ( Fulbaana 16/2025) Finfinnee

Qabxiin inni galmeesse gosoota barnootaan yoo ibsamu:-

🔥 Ingiliffa – 96
🔥 Herrega – 100
🔥 Fiiziksii – 100
🔥 Keemistirii – 98
🔥 Baayooloojii – 99
🔥 Aptiitiyuudii – 98

Odeeffannoowwan dabalataa kanneen biroo argachuuf
Youtube-https://www.youtube.com/
https://www.youtube.com/
WhatsApp-https://whatsapp.com/channel/0029Vb2IYuXE50UolYA1Up3j Tiktok:https://www.tiktok.com/?_t=ZM-8z0I5wTEScq&_r=1

16/09/2025

Dhaabbileen idil-addunyaa fi gareewwan siyaasaa waraana Suudaan keessatti gaggeeffamaa jiru xummuruuf karoora (roadmap) dhiyeessuun isaanii gabaafame.

Oduu Waliif TV ( Fulbaana 16/2025) Finfinnee

Karoora wal-waraansa xummura itti gochuuf dhiyaate kana Humnoonni lolaa Suudaan karoora daandii yaadame kana nu haleeluuf kan kaayyeffateedha jechuun kuffisaniiru.

Roodmaappiin kana kan dhiyaateen biyyoota afur (Quartet); Sa’uudii Arabiyaa; Ameerikaa; Yunaayitid Arab Emireet fi Masrii; karaa waraana kana keessaa bahan yaada dhiyeessan jedhamee amanama.

Deeggarsi Masriin gama tokkoof taasiftu yaada kana gaaffii keessa galchuu mala kan jedhanis jiru.

Karoorri biyyoonni afran dhiyeessan kun waraana kana xummuruu bira darbee ji'oota sadiif qarqaarsa namoomaa kennuu kan hammatu ta'uu himama.

Karoorri kun Ministira Muummee Suudaan duraanii Abdallaa Hamdookiin fudhatama argatus, hidhattoota Islaamummaa irraa gufuun muudachuu mala jedhameera.

Hamdok walitti bu’iinsi kun akka hammaatuuf itti gaafatamummaa kan qaban hidhattoonni Islaamummaas ta’uu dubbataniiru.

Roadmap kun egeree fi nageenni Suudaan humna hidhatee gufachiisuu akka hin qabne kan tumame ta’uu NBCn Asharq Al-Awsat waabeeffachuun gabaaseera.

Odeeffannoowwan dabalataa kanneen biroo argachuuf
Youtube-https://www.youtube.com/
https://www.youtube.com/
WhatsApp-https://whatsapp.com/channel/0029Vb2IYuXE50UolYA1Up3j Tiktok:https://www.tiktok.com/?_t=ZM-8z0I5wTEScq&_r=1

16/09/2025

Arsenaal Shaampiyoonsi Liigii Awrooppaan Atileetik Bilbaawoo waliin morkata

Waliif TV ( Fulbaana 16/2025) Finfinnee

Arsenaal bara darbe PSGn xumura Shaampiyoonsi Liigii Awrooppaa irraa kan kufe yoo ta'u, dorgommii guddaa ardii kanaa keessatti bara dorgommii haaraa Atleetik Bilbaa'oo waliin taphatu jalqaba.

Taphoota Piriimiyerliigii Ingiliiz afran keessaa sadii kan injifate Gareen Miikeel Arteetaan har'a galgala sa'aatii 1.45 irratti kilabii Atleetik Bilbaa'oo kan magaalaa dhaloota isaa Saan Sebastiyaan irraa kiiloo meetira 100 fagaattee argamtu waliin tapha jalqabaa Awurooppaa ni taphata.

Kilabiin kaaba Landan kun Dilbata dhufu Maanchistar Siitii waliin kan wal morkatu yoo ta'u, tapha murteessaa kana irratti Nottingham Forest injifachuun garee itti fayyadaman irratti jijjiirama muraasa ni taasisa jedhamee eegama.

Waggoota 10 booda yeroo jalqabaaf Shaampiyoonsi Liigii Awrooppaa kan Darbe Atileetik Bilbaawoo qabxii Sadii argachuuf Arsenaal waliin taphata. Leenjisaan duraanii Baarseloonaa Ernesto Valverde kan duurfamu Athletic Bilbao istaadiyeemii San Mames namoota 57,000 qabachu danda'u irratti humna sodaachisaa ta'uu isaa mirkaneessuuf morkata.

Maartiin Odegaard, Bukayo Saka, Kai Havertz fi Gabriel Jesus ammallee miidhaan irraa kan jiran yoo ta'u, Wiliyaam Saliba fi Christian Norgaard ammallee hin mirkanoofne.

Bara darbe Ispoortiin Liisboniif taphoota 6 irratti goolii 6 kan lakkoofsise Victor Yokeris funduura Ganners ni dursa jedhameera.

Tapha biraatiin ammoo yeroo 15 Shaampiyoonsi Liigii Awuroppaa kan injifate Riyaal Maadriid Kilabii Faransaay Maarseelii Santiyaagoo Bernaabootti keessummeessa.

Leenjisaan Xaabii Aloonsoo tapha kana sa'aatii 14:00 (UTC) irraa eegaluuf miidhame kan fayye Juud Biiliinghaam garee keessatti hammateera.

Leenjisaa Biraayitan duraanii Roobartoo DiZerbiitiin kan hoogganamu Maarseey, taphaa afran darban Maadriid waliin taasisan afranuu mo'amaniiru.

Tapha Darbii Xaaliyaanii diraamaa ta'een Inter Miilaan 4 fi 3n kan injifate Juuveentus Boorushiyaa Doortimundiin, Tootinaam Hootspar Viilaareel waliin, Beenfikaan ammoo Qarabaag waliin sa'aatii 14:00 (UTC) waliin taphata.

Odeeffannoowwan dabalataa kanneen biroo argachuuf
Youtube-https://www.youtube.com/
https://www.youtube.com/
WhatsApp-https://whatsapp.com/channel/0029Vb2IYuXE50UolYA1Up3j Tiktok:https://www.tiktok.com/?_t=ZM-8z0I5wTEScq&_r=1

15/09/2025

Itiyoophiyaan Fiigicha Gufachiisaa Meetira Kuma 3'n Meedaaliyaan ala taate .

Shaampiyoonaa Atileetiksii Addunyaa Tookiyootti dorgomamaa jiruun Fageenya Meetira 3000n Itiyoophiyaan Meedaaliyaa abdattee turte hin milkoofne .

Fageenyicha Atileetiin Lammii biyya Niwuuzilaandi Giyoorgi Bimish daqiiqaa 8:33:88n yoo Xumuru,Atileetiin biyya Morookoo Soofiyaa Elbaakaaliin 2ffaa fi Atileetiin Keeniyaa Edmund Serim 3ffaan xumuran .
Atileet Saamu'eel Fireew har'a dorgommii xumuraa gufachiisaa meetira k*m 3tiin 4ffaa baheera.

Abbaan riikkoordii addunyaa Lammeecha Girmaa 6ffaa, Geetinnat Waalee ammoo 14ffaa bahuun xumuraniiru.

15/09/2025

Dhaabbanni TikTok hanga Roobii dhufuutti namni bitu yoo hin argamne ykn waliigalteerra hin gahamne US keessatti cufamuuf jedha.

Dhaabbanni abbummaansaa kan abbootii qabeennaa ta'e TikTok US keessatti namni bitu itti barbaadamaa yeroo jirutti qondaalonni USfi Chaayinaa marii daldalaa Ispeenitti gaggeessuu eegalan.

Marichi kan gaggeeffamu ministira daldalaa Ameerikaa Iskoot Beesentifi Ittaanaa Ministiira Muummee Chaayinaa Hii Laayifoongdha.

Addunyaarratti biyyoonni diinagdee cimaa qabaachuun beekaman lamaan USfi Chaayinaan, muddamni diinagdee jidduusaanitti dhalate akka hin hammaanneef marii gaggeessaa jiru.

Qondaalonni ol'aanoon biyyoota lamaanii ji'a Adoolessaa keessa wal-arguun dhimma taarifaa irratti mariyatanii kan turan yoo ta'u, waliigalteen taarifaa biyyooni lamaanuu walirra kaa'anii turan guyyoota 90 ta'uuf akka dheeratu godhanii ture.

Doonaald Tiraamp dhaabbanni TikTok abbootii qabeennaa UStti akka gurguramu, yoo kana hin taane ammoo akka cufamu jedhaa turan.

Dilbata gaazexeessitootaa yeroo dubbatanitti, "(TikTok) akka du'u dhiisuu dandeenna, ykn ammoo waan ta'u hin beeku. Chaayinaa irratti kan hundaa'u ta'a, baay'edhuma waan nama dhibuu miti," jechuun dubbatan.

15/09/2025

MM UK alaabaa keenna hokkoraaf dabarsinee hin kenninu jedhan.

Oduu Waliif TV ( Fulbaana 15/2025) Finfinnee

Ministirri Muummee Yunaayitid Kingidam Sar Kiir Istaarmar, Biriiteen alaabaa isii kanneen mallattoo hokkoora, sodaa fi garaagarummaa gochuun fayyadamuu barbaadaniif dabarsite hin kennitu jedhan.

Ministirri Mummee kun alaabaan biyya isaanii ''biyya keenna sab-daneetti'' bakka bu'uudhaa kan jedhan yoo ta'u, namoonni halluu bifa isaanii fi sababii eennummaa isaanitiin sodaan akka itti dhagahamu akka hin taasifne ibsaniiru.

Haasaan Istaarmar kun kan dhagahame erga namoonni gara k*ma 150 ta'an baqattoota mormuudhaaf jidduugala Landaniitti dhaadannoo ''Unite the Kingdom'' jedhu qabachuun hiriira gaggeessaniin booda.

Hiriirri kunis nama siyaasa Right-Wing leellisu, Toomii Roobiinsan jedhamuun kan qopheeffame yoo ta'u, hiriira gara biraa namoota kana mormaniifi baqattoota deeggaraniin achuma Landaniitti gaggeeffameera.

Haasaa Ministira Mummeetiin dura ammoo Ministirri Daldalaa Piitar Kaayiil hiriirichi kan mirga walitti qabamuufi dubbachuu agarsiiseedha jedhanii ture.

Dilbata waaree booda Istaarmar ''Namoonni mirga hiriira nagaa gaggeessuu qabu. Duudhaa ijoo biyya keennaati jedhanii'' ture.

''Haata'u malee, namoonni bifa isaanitiin daandiirratti yaaddoon itti umamee eeguun qondaaltoota poolisii itti gaafatamummaa isaanii bahaa jiran irraan miidhaa dhaqqabsiisuun hin obsinu'' jedhan.

Ministirri Mummee kun itti dabaluudhaan, ''Biritaaniyaan biyya wal dandeettii, sab-daneettii fi kan kabaja irratti ijaaramteedha.

Alaabaan keennas kan biyya keenna sab-daneessummaa qabdu bakka bu'a. Kanneen mallattoo hokkoraa, sodaa fi garaagarummaa gochuun itti fayyadamuu barbaadaniif dabarsinee hin kenninu'' jedhan.

Hiriira baqattoota mormuudhaaf gaggeeffame kanarratti kanneen baay'ee miidhaman dabalatee qondaaltoonni poolisii 26 miidhaan irra gahuu poolisiin beeysiiseera.

Namoonni poolisii irraan miidhaa geessisuun shakkaman 24 ammoo to'annoo jala oolfamanii jiru jechuun miidiyaalee biyyattii dabalatee The Guardian, India news, BBC, Al Jazeera, CNN fi Miidiyaaleen kaan gabaasuurratti argamu.

15/09/2025

Barattuu Siimboo Darajjeen qormaata biyyaalessaa kutaa 12ffaa bara 2017 Damee Saayinsii Hawaasaan dubartoota keessaa qabxii olaanaa galmeessite.

Barattuu Siimboo Darajjeen Qormaata biyyaalessaa kutaa 12ffaa bara 2017 damee Saayinsii Hawaasaan qabxii 548 galmeessuun akka biyyaattii dubartoota keessaa qabxii olaanaan fidde.

Siimboo Darajjeen Magaalaa Finfinnee Mana Barumsaa Qulqulluu Yooseefitti barachaa turte.

15/09/2025

M/Barnootaa 1,249 barataa hin dabarsine.

Oduu Waliif TV ( Fulbaana 15/2025) Finfinnee

Akka ibsa Ministira Barnootaatti, manneen barnootaa 50 barattoota isaanii hunda dabarsaniiru.

Haa ta'u malee, manneen barnootaa 1,249 barataa tokkollee hin dabarsine jedhameera.

Akka Ministirri Barnootaa ibsetti, barattoonni 120 ta'an qormaata hatuuf osoo yaalanii qabamanii qabxiin isaanii haqameera.

Akkaataan kenniinsa qormaataa gaarii akka ta'e kan ibsan Pirof. Birhaanuun, bu'aan baranaa rifoormiin damee barnootaa kan itti mul'atu akka ta'e dubbachuun isaanii ibsameera.

15/09/2025

Marsariitii firiin qormaataa ittiin ilaallamu ifoome.
Marsariitii firiin qormaata biyyaalessaa kutaa 12ffaa bara 2017 ittiin ilaallamu ifoomeera.

Barattoonni har’a waaree boodaa eegalanii marsariitiifi Telegiraama armaan gaditti eeramaniin bu’aa qabxii isaanii ilaallachuu kan danda’an ta’uu Tajaajilli Barnootaa fi maddaallii Qormaatilee ifoomseera.

Bu’aawwan qormaataa filannoowwan asiin gadiitiin laallachuu dandeessu
1. Marsariitii https://result.eaes.et
2. Telegiraama ፡ https://t.me/EAESbot
3. Ergaa Gabaabaa (SMS)፡ 6284 Fayyadamuun bu’aa qormaataaa keessan laallachuu dandeessu jedha ajensiin tajaajila qormaataaf madaallii barnootaa

Waliif TV

16/09/2025

16/09/2025

16/09/2025

16/09/2025

16/09/2025

16/09/2025

15/09/2025

15/09/2025

15/09/2025

15/09/2025

15/09/2025

15/09/2025

Address

Telephone

Website

Alerts

Contact The Business

Shortcuts

Share

Category