17/05/2023
Gaafiin Sabaa Masaraa Miti!
Ummati Oromiyaa hardha nagaa, bulchiinsa gaarii fi diinagdee dhabuun ergarama. Agamii as ammoo gadadoo fi roorroo akkaan hamaa keessa jira. Himaammata, tarsiimoo fi mala dhibdee kana furuun jiruu isaa wayyeessu barbaada. Ummata bahee galuu rakkatee jireenyi itti hadhaayeen "Finfinneetti Masaraa siif ijaarree ililchi" jechuun ummaticha tuffatuu fakkaata. Nama busaa dhibameef qoricha sombaa kennuu dha. Ammas ijaarsi masaraa gaafii sabichi Finfinnee irraa qabu hin madaalu. Finfinnee keessatti gamoo ijaaruun raajii miti. Ummata abbaa biyyaa miliyoona shantama dhiisii dallaalaan fagoo dhufeyyuu gamoo shaniif shantama asii qaba. Masaraa ijaaruun dansaa ta'us akka hooggansa saba guddaatti gamoo lamaa-sadiin geeraruun kolfa. Taphichi sadarkaa dammaqi ummataa irra jiruu gadi. Yoo naatoon ummataa jiraate xiyyeeffannoon nagaa, bulchiinsa fi diinagdeef haa kennamu. Gaafii guddaan nagaa dha!
