Spider Media

Spider Media https://youtube.com/

Galmeen Hajjii baranaa Ramadaana dura ji'a lama keessatti akka xumuramu ibsame Spider Media: Jumada I 29, 1447 AH Ma...
20/11/2025

Galmeen Hajjii baranaa Ramadaana dura ji'a lama keessatti akka xumuramu ibsame

Spider Media: Jumada I 29, 1447 AH
Mana Maree Waliigala Dhimmoota Islaamummaa Ityoophiyaatti dameen Hajjii fi Umraa Hajjii bara 2018 ilaalchisee leenjii hubannoo uumuu fi Ijaarsa ogummaa kennaa ture har'a magaalaa Finfinnee Hoteela Istay iiziitti xumureera.

Kana dura magaalota Hawaasaafi Dirre Dhawaatti kennamee kan ture leenjiin hubannoo uumuu kun guyyaa har'aa yeroo sadaffaaf magaalaa Finfinneetti kennamuun goolabame.

Hajjii baranaaf akkaataa daangaa yeroo Ministeerri Hajjiifi Umraa Sa'uudii kaa'een yeroo galmeefi gatiin ifoome irraa kaasee baatiiwwan lamaan jiran (Ramadaana dura) ni xumuurama jedhe ibsi manni marechaa.

Ministeerri Hajjii Sa'uudii imala hajjii bara kanaa raawwachuuf keessumoonni Arrahmaan (hujjaajonni) dhibeewwan 10 gadi hin taaneef ragaa fayyaa akka dhiyeessan dirqama taasiseera.

Miseensi hoji raawwachistuu Mana Maree Waliigalaa Dhimmoota Islaamummaa Itiyoophiyaa fi Koree Hajjii Sheyik Mahaammad Sayid akka jedhanitti, Hajjiin bara kanaa qajeelfama dirqamsiisaa haaraa Ministeerri Hajjii Sa’uudii Arabiyaa hojiirra oolcheen kan qajeelfamuu fi yeroon jiru gabaabaa waan ta’eef leenjitoonni hubannoo leenjii irraa argatan sirnaan hojiirra oolchuun tajaajila fooyya’aa kennuu qabu jedhaniiru.

Leenjii marsaa sadaffaa har'a itti-waamamtoota damee Hajjii fi Umraa fi hojjettoota wiirtuu galmee Hajjiif kenname kanaan hajjiif akkaataa itti fayyadamaa siistamaa irratti ogeettii kutaa IT Mana Marechaa Aadde Siitii Muhaammad'n leenjiiin kennameera.

Dabalataan sirna kaffaltii ammayyaawaa irratti hoogganaa Itti Aanaa Kutaa Herregaa Mana Mareechaa Haji Araggaa Badawiin leenjiin kan kenname yoo ta'u hoogganaa bulchiinsa Humna Namaa Obbo Mahaammad Umar adeemsa galmee hujjaajotaa kana itti gaafatamummaa olaanaan akka raawwatan leenjitootaan amanaaa jechuu manni maree waliigala dhimmoota Islaamummaa Itiyoophiyaa beeksiseera.

Leenjii kana irratti gaggeessitoonni damee Hajjii fi Umraa fi ogeeyyiin galmee Hajjii naannoolee Oromiyaa, Amaaraa, Tigraay, Gaambeellaa, Affaar, Beenishaangul Gumuz fi Magaalaa Shaggar irraa hirmaataniiru.

© Amar Temam

Tiraamp bor Mana Adiitti Mamdaaniin waliin wal arguufi Spider Media: Jumada I 29, 1447 AH Dubbii qoccoloo wal ji...
20/11/2025

Tiraamp bor Mana Adiitti Mamdaaniin waliin wal arguufi

Spider Media: Jumada I 29, 1447 AH
Dubbii qoccoloo wal jidduu daddarbataniin kan beekkaman Perezidaantiin Ameerikaa Donald Tiraamp fi dhiheenya kana filannoo kan mo'ate Muslimni jalqabaa kantiibaan New York Zohran Kwame Mamdani Jimaata borii Masaraa Waayit Haawusitti wal arguuf akka ta'e Spider Media n gabaasa NBC News irraa odeeffate.

Kantiibaan magaalaa New York haaraan kan filataman Zohran Mamdani fi prezidaant Doonaald Tiraamp ji'ootaaf ifatti wal qeeqaa turuun kan beekkamu yoo ta'u, Titaamp Mamdaaniin akka hin filamne ifatti waamicha dhiheessaa turuun kan yaadatamuudha.

"Tiraamp nama injifatame akka ta'e magaalaa dhaloota isaatti injifannoo galmeessisneen mirkaneessineerra" jedhe Zohraan Mamdaaniin wayita bu'aa filannoo injifannoo isaa labse booda haasaa ummataaf taasisu.

Tiraamp akkuma gareewwan akkasaanii nama sooshaalistii dimokiraatawaa akka ta’e himatu Zohraan Mamdaaniidhaan lakki inni ''komunistii'' dha jechuun eenyummaa inni qabu osoo hin taane kan ofiif isaan moggaasaniin isa waamaa takaaluuf yaalaa turan.

Mamdaanii akka hin fille jechuun ifatti waamicha gochaa kan turan Perezidaant Tiraamp, kana irra darbanii faga'atanii adeemanii yoo Mamdaaniin kantiibaa ta'ee filame New York irraa baajata kutuuf doorsisan. Haa ta'u male tattaaffiin isaanii marti bu'aa male hafuun kan mirkanaa'e Mamdaaniin filannoo gaggeffame injifachuun erga Kantiibaa Niw York ta'eedha.

Egaa kana mara booda amma gaggeessitoonni kun wal arguuf ta'uun dhimma miira hin qabne hin ta'u.

Tiraamp Roobii halkan maxxansa fuula miidiyaa hawaasaa isaanii 'Truth Social' irratti barreessaniin Jimaata dhufu kana (jechuunis bor) masaraa Waayit Haawus waajjira isaanii Oval keessatti kantiibaa New York Mamdanii waliin akka wal arganii mariyachuuf jiran ibsaniiru.

© Amar Temam

Muummeen Ministiraa Malaysia Anwaar Ibraahim hoggantoota Mana Maree Waliigala Dhimmoota Islaamummaa Itoophiyaa waliin ma...
20/11/2025

Muummeen Ministiraa Malaysia Anwaar Ibraahim hoggantoota Mana Maree Waliigala Dhimmoota Islaamummaa Itoophiyaa waliin mariyatan

Spider Media: Jumada I 29, 1447 AH
Muummeen Ministiraa Malaysia Anwaar Ibraahim hoggantoota Mana Maree Waliigala Dhimmoota Islaamummaa Itoophiyaa waliin mariyataniiru.

Ministirri Muummee Maaleezyiyaa Anwar Ibrahim daawwannaa hojii guyyoota sadiif Itiyoophiyaatti gaggeessaa turan xumuruun har'a gara biyya isaanitti kan deebi’an yoo ta'u turtii biyya keenyatti taasisaniin hoggantoota Majlisaa waliin mariyachuu beeksisaniiru.

Ministirri Muummee Maaleezyiyaa Anwar Ibrahim Guddina Ummaah jabeessuu, mallattoolee jibba Islaamaa mul’achaa jiraniifi ogummaan furmaata itti kennuu, gaarummaa, namoomaa fi gara laafummaafaa irratti mariyachuu ibsaniiru.

© Amar Temam

Itiyoophiyaan damee atileetiksiin beekamtii lama argatte*************Itiyoophiyaan damee atileetiksiin Waldaa Atileetiks...
20/11/2025

Itiyoophiyaan damee atileetiksiin beekamtii lama argatte
*************
Itiyoophiyaan damee atileetiksiin Waldaa Atileetiksii Addunyaa irraa beekamtii lama argatteetti.

Itiyoophiyaan beekamtii kan argatte Fiigicha Guddicha Itiyoophiyaa fi gumaacha atileet Abbaabaa Biqilaan ta’uun ibsameera.

Sirni beekamtii kun Godambaa Biyyaalessaa keessatti kan geggeeffame yoo ta'u, ispoortiin dadammaqiinsa damee tuurizimiif ga’ee guddaa akka taphatu sirnicharratti eerameera.

Fiigichi Guddichi Itiyoophiyaa ammoo kanaaf ragaa tokko ta’uun ibsameera.

Sirnicha irratti Kantiibaan magaalaa Finfinnee aadde Adaanechi Abeebee, Ministirri Tuurizimii Salaamaawwiit Kaasaa, Shaalaqaa Haayilee Gabrasillaasee, akkasumas Pirezidaantii itti aanaan Waldaa Atileetiksii Addunyaa Kiriis Tarnar argamaniiru.

Jamaal Ahmadtu (FMC) gabaase.

Sooriyaan Israa'el akeekkachiifte**********Siiriyaa daawwannaa muummichi ministeera Israa’el Beeniyaamin Netaaniyaahuu g...
20/11/2025

Sooriyaan Israa'el akeekkachiifte
**********
Siiriyaa daawwannaa muummichi ministeera Israa’el Beeniyaamin Netaaniyaahuu gara kibba biyyattiitti taasisan balaaleffattee, gocha weeraraa jechuun himatee.

Ministeerri Dhimma Alaa Siiriyaa ibsa kenneen, Tel Aviiv abbaa biyyummaa fi qulqullina naannoo Siiriyaa sarba jirti jetee.

Daawwannaan Netaaniyaahuu murteewwan Dhaabbata Mootummoota Gamtoomanii fi gocha babal’ina kan cabsee ta’uu ministeerichi dabalee ibseera.

Damaasqoos gochi Israa’el seera addunyaa waliin kan wal hin simnee fi weerara waliin kan wal gitu ta’uu ibsuun, daawwannaan Netaaniyaahuu kaka’umsa ifa ta’e jechuun ibsaniiru.

Qondaaltonni Tel Aviv hanga ammaatti komii Damaasqootiif deebii hin kennine jechuun Anadoluun gabaaseera.

Tiraamp ajj*eechaa Khaashoogii keeessaa ilmi mootii Sa’uudii harka hin qabu jedhan**************Pirezidaantii Ameerikaa ...
19/11/2025

Tiraamp ajj*eechaa Khaashoogii keeessaa ilmi mootii Sa’uudii harka hin qabu jedhan
**************
Pirezidaantii Ameerikaa Doonaald Tiraamp ajje*echaa gaazexeessaa Jamaal Khaashoogii ilaalchisee ilmi mootii Sa’uudii Mohaammad Bin Saalmaan (MBS) ''waan beeku hin qabu'' jedhan.

Yaadni Tiraamp qorannoo gabaasa basaasaa Ameerikaa faallessa. Bara 2021 CIA’n ilmi mootii MBS Qoonsilaa Sa’uudii Istaanbul keessatti Khaashoogiin bara 2018 akka ajje*efamu raggaasisuu ibse.

Waayit Hawusitti kan simatame MBS badii tokkollee hin raawwanne jechuun waakkate. Mootummaan Sa'uudii du'a Khashoogii kan “baay’ee isaan dhukkubse” qorachuuf "waan barbaachisu hunda" godheera jedha.

Erga ajj*eechaan hariiroo Ameerikaa fi Sa’uudii gidduuti rakkoo uumte kun raawwatamee booda daawwannaa Ameerikaa isa jalqabaa ture.

Baayidan bara bulchiinsasaa ilma mootii kanaa hin keessummeessine. Inumaayyuu sababa sarbama mirga namoomaa isheen raawwatuuf Sa’uudii Arabiyaa ofirra akka dhiibu dhaadate.

Haata’u malee bara 2022 Baayidan dhimmoota biroo irratti waliigaltee irra ga’uuf Sa’uudii daawwate. Tiraamp ammoo michuu isaanii cimaa.

Yeroo MBS waa'ee ajj*eechaa kanaa waajjira oovaalii keessatti gaafatame Tiraamp aaridhaan rippoortaraaf deebii kenne.

"Waa’ee nama garmalee falmisiisaa ture kaastee jirta," jedha Tiraamp

“Namoonni baay'een nama ati waa’ee isaa gaafatu kana hin jaalatan turan. Yoo isa jaallattanis hin jaalanne balaan inuma uumama”

“Garuu inni [ilmi mootii] waa’ee kanaa homaa hin beeku ture, kanaaf keessummoota keenya qaanfachiisuu hin qabdu." Jedha Tiraamp.

Bara bulchiinsa Pirezidaant Joo Baayidan ilmi mootii MBS, Khaashoogiin Istaanbul keessatti akka “qabamu ykn a*jjeefamu” murteessuusaa gabaasni basaasa Ameerikaa ifoomse.

Yeroo bulchiinsa Tiraamp isa jalqabaa qondaaltonni Waayit Haawus gabaasa kana gadhiisuu didan.

Ajjeechaa kana hordofee qondaaltonni Sa’udii hedduu irratti qoqqobbii kaa’ame ture, garuu kallattiin ilma mootii irratti kan xiyyeeffate hin turre.

Yaada Tiraamp kanaaf BBC Newsnight irratti deebii kan kennite, haati warraa Khaashooggii Hanaan, , ajjeechaa abbaa warraa isheetiif Bin Salmaan ofii isaatii itti gaafatamummaa fudhachuu himti. Kanaaf Tiraamp isaaf mormuun waan inni duraan jedheen wal hin simu jetti.

"Ilmi mootiitu bara 2019 af-gaaffii daqiiqaa 60 keessatti waa'ee yakka suukaneessaa kanaa itti gaafatamummaa fudhateera," jetti.

Barreeffama X irratti barreessiteen, MBS waliin wal arguu fi ajjeechaa abbaa warraa isheetiin beenyaa akka kaffalamuuf waamicha dhiyeessuu yaadachiisa gabaasni BBC.

Hanaan US keessatti koolu galtummaa siyaasaa kan argatte yoo ta'u, naannoo Waashingitan DC jiraatti.

Tiraamp akkanatti ajj*eechaa raawwatte jechuun komii akka gaaffitti michuu isaanii kan gaafa rakkoo itti fiiganii doolaara tiriliyoona sadii, ofitti waamanii ammoo doolaara biliyoona 600 hanga tiriliyoona tokkoo maqaa investimentiifi daldalaan harkaa argatan irratti ka'utti bishaan naqan.

© Amar Temam

⭕ Bara darbe Maaleezhiyaatti Daawwannaa hojii ergan taasisee waggaa tokko booda Ministirri Muummee Federeeshinii Maaleez...
19/11/2025

⭕ Bara darbe Maaleezhiyaatti Daawwannaa hojii ergan taasisee waggaa tokko booda Ministirri Muummee Federeeshinii Maaleezhiyaa Daatoo Sirii Aniwaar Biin Ibraahim Itiyoophiyaatti simadheera.

⭕ Waljijjiiraan daawwannaa kun michummaa keenyaa kan ibsuu kunis sanadoota guguddoo mallatteessuun cimeera.

⭕ Waliigaltee sanadaa kunis damee tuurizimii, fayyaa, tajaajila geejjiba qilleensaa fi mana maree magaalaa Kuwaalalaampuurifi magaalaa Finfinnee gidduurratti kan xiyyeeffateedha.

⭕ Marii gamlamee taasifameenis tumsa qabnu caalmaatti cimsuufi babal’isuuf murannoo waloo qabnu mirkaneessineerra.

⭕ Ministirri Muummee FDRI Dooktar Abiy Ahimad Ministira Muummee Maaleezhiyaa Daatoo Sirii Anuwaar Biin Ibraahiim waliin mari'achuufi waliigaltee garaa garaa taasisuu ilaalchisee gama Miidiyaa hawaasummaa isaaniin ergaa dabarsaniin kana jedhani.

19/11/2025

Haala yeroo irratti ibsa Majlisa Magaalaa Finfinnee irraa kenname

19/11/2025

👉 Mootummaan nuti filanne osoo jiruu ilaalchi nama nuti hin filanne le nu bulchuu hin danda'u

👉 Eenyullee mirgi keenya nurraa mulquu hin danda'u

👉 "..በመረጥነው መንግስት ያልመረጥነው ግለሰብ አስተሳሰብ ሊጫንብን አይገባም"

Pirezidaantii Mana Maree Dhimmoota Islaamummaa Magaalaa Finfinnee Sheyik Sulxaan Amaan Eebbaa

Ministirri Muummee Sa'uudii Muhaammad Bin Salmaan biyyi isaanii ‘Izra'il’ waliin michoomuu akka barbaaddu ibsan.Waggoott...
18/11/2025

Ministirri Muummee Sa'uudii Muhaammad Bin Salmaan biyyi isaanii ‘Izra'il’ waliin michoomuu akka barbaaddu ibsan.

Waggoottan dheeraa booda daawwannaa gara Washingtonitti kan taasisan Ministirri Muummee Sa'uudii Arabiyaa Mootii Goonfoo Muhaammad Bin Salmaan Pireezidantiin US Doonaald Tiraampiin Waayit Haawusitti simatamanii marii irra jiru.

Muhaammad Bin Salmaan Waayit Haawusitti wayita Tiraamp waliin mariyatan biyyi isaanii Sa'uudiin hariiroo ‘Izra'il’ waliin qabdu idileessuu akka barbaaddu ibsaniiru.

Odeeffannoon gama White House bahan tokko tokko akka agarsiisanitti Sa'uudiin lafa Fala🇵🇸sxiinotaa irratti kan dhaabbatte I-zraeliif beekkamtii akka kennituufi hariiroo isii waliin qabdu akka idileessitu kan isaan dandeessisu dhimmi Waliigaltee Ibraahimiyyaa (Abraham Accords) qabxii marii gama Ameerikaatiin dhihaatu ta'uun isaa akkuma duurfamee ibsame, mariif dhihaateera.

Muhaammad Bin Salmaan biyyi isaanii hariiroo ‘Izra'il’ waliin qabdu karaa waliigaltee Abrahaam Pirezidaantii Ameerikaa Doonaald Tiraampiin dhihaateeriin idileessuu akka barbaaddu ibsuun, garuu jalqaba “karaa ifa ta’een” mootummaa Fala🇵🇸sxiin hudnaa'uu barbaachisa jedhaniiru.

"Qaama Waliigaltee Abrahaam ta'uu barbaanna. Garuu daandii ifa ta'e furmaata mootummoota lamaa (mootummaa Fala🇵🇸sxiin fi I-zrael) mirkaneessuu keenyas mirkaneeffachuu barbaanna," jedhani Muhaammad.

Itti dabalanii waa'ee waliigaltee Ibraahimiyyaa milkeessuu irratti ''haala sirrii ta'een dafnee qopheessuu akka dandeenyu mirkaneessuuf irratti hojjachaa jirra," jechuun Sa'uudiin waliigaltee Ibraahimiyyaa falamsiisaa ta'e kanatti makamuuf akka jirtu akeekan.

© Amar Temam

18/11/2025

"Muslimni Itiyoophiyaa akka hin baranne shirriifi dhiibbaan kana dura atsootaan raawwatamaa ture bifa jijjiirratee ammas itti fufeera"

Pirezidaantii Mana Maree Waliigala Dhimmoota Islaamummaa Itoophiyaa Sheyik Hajjii Ibraahim Tufaa

18/11/2025

Manneen barnoota irraa hari'amneerra

Barattoonni muslimaa, shamarran cocolleen qabxii ol'aanaa galmeessisan kan biyyi abdattu ministeera barnootaatiin qorumsa irraa hari'amteetti

Pirezidaantii Mana Maree Waliigala Dhimmoota Islaamummaa Itoophiyaa Sheyik Hajjii Ibraahim Tufaa

Address

Addis Ababa

Telephone

+251988905640

Website

Alerts

Be the first to know and let us send you an email when Spider Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Spider Media:

Shortcuts

Share

Category