06/08/2024
Maalif Ameerikaan Veetinaamitti duulte?
Lola waggoottan diiddama (20) fudhateefi Ameerikaan itti qaanoowte.
Kutaa 1ffaa
===========================================
📜Lola Veetinaam- seenaa gootummaa Ummata Veetinaam📜:
Lolli Veetinaam kan bara 1955 hanga 1975 ALA itti fufe, qabsoo hidhannoo hadhaawaa fi obsa fixachiisaa ummanni Veetinaam biyya humna guddoo qabdu tan adduunyaa natu bulcha ofiin jettu, Ameerikaa biyya isaaniitti duulte ofirraa baasuuf godhaniidha.
🇻🇳Hawwii fi abjuu birmadummaa:
Eega waggoottan hedduudhaaf sirna kolonii Faransaay jala turtee, bara 1945tti nama Ho Chi Minh jedhamuun hogganamuun birmadummaa isii labsatte. Haa tahu malee, abjuu birmadummaa biyyattiin argatte kan dukkaneeyse, Faransaay bifa haarayaan Veetinaam qabachuuf deebi`uu isiitii fi eegasii ammoo Ameerikaan duula biyyattiirratti labsuu isiiti.
🔍Babaldhachuu communism fi sodaa Ameerikaa:
waraana ololaa yeroo sanatti Ameerikaa fi Raashiyaa jidduu turee fi sodaa Ameerikaan yaanni siyaasaa Raashiyaa communism Veetinaam keessa akka hin babaldhanne yoo hin daangeeyfamne, Eeshiyaa guutuu keeysa babaldhachuu dandeya jedhurraa kan ka`e, Veetinaam bakka lamatti qooduun Veetinaam Kibbaa yaada siyaasaa fi diinagdee kan Ameerikaa capitalism akka fudhattu gedhuun, Veetinaam gara kaabaa jirtuun akka loltu, Ameerikaan meeshaa waraanaa, doolaara fi loltuuwwan isiitiin deeggaruu itti fufte. Garuu wanti tokko kan Ameerikaan hin hubatin murannoo fi itti cichiinsa lammiileen Veetinaam walabummaa biyya isaanii arkuuf qabaniidha.
💪Kutannoo ummata Veetinaam:
Ameerikaan deeggarsa mootummaa ofii dhaabbatte kan kibba Veetinaam jiruutiin lola injifachuu dadhabnaan, duula kallattii, gosa meeshaa qabdu hunda fayyadamuun, ummata Veetinaam irratti labsite. Gareeleen walabummaa biyya isaaniitiif jecha Ameerikaadhaan falmatan, kan kibba biyyattii keeysaa hidhatee falmu Viet Cong jedhamuu fi kan gara kaabaatii lolu `North Vietnam Army` waliin ta`uun tooftaa waraanaa gara graa fayyadamuun, osoo harka hin kennin humna waraanaa guddicha Ameerikaa afanfaajjeeysuun qabsoo itti fufan. Lollis itti fufe, guyyaan lakkaawee ji`atti, jiinis lakkaawee waggaatti, waggaan waggootatti dabarse, Ameerikaan akka yaadde, waraana torbeewwan muraasatti goolabdee dhaabuu osoo hin taane, dubbiin faallaa tahee arkame. Waraanni biyya isaatiif lolu, bilchina addaa, tooftaa waraanaa riphee-loltummaa qindaawaa, beekumsa teessuma lafaa fi bosona isaanii baay`ee walxaxaa taheef qaban, deeggarsa fi aantummaa ummata biraa qabanii fi, carraa arkatan hunda gargaaramuun, waraana Ameerikaa hamma funyaaniitti hidhate afanfaajjeeysuun, illima bakka hundatti qopheessaniifii yeroo hunda bakka hin eeggamnee weerara irratti banuun miidhaa hedduu irraan geyuu dandayanii jiran. Haalli kun itti fufuun kasaaraan lubbuu namaa fi qabeenyaa Ameerikaa irratti ulfaachuu eegale. waraana lubbuun jiranirratti ammoo dhiibbaan xiin-sammuu fi sodaa fi lolarraa rincicuun mumuldhachaa dhufe.
Kutaan lammaffaa fi dhumaa yeroo dhiyootti.
=======
Lola Veetinaam kanarratti yaada qabda as-gaditti nuuf qoodaa.
Maxxansa kana like fi share godhuun namni tokko seenaarraa waan tokko dabalataa akka hubatu haa gargaarruu.
Galatoomi.
