07/24/2025
Nagessa Oddo Dube
"Biyyi mootumma'aa ol.
Sabni Paarti'ii ol.
Biyya kan bulchu mootummaa dha. Biyyi garuu mootummaan ol. Biyyi - uummata, lafaa fi mootummaa- of keessatti hammata. Mootummaan bakka bu'aa (representative) biyyaa ti. Ummataan filatamee bakka bu'aa uummataa ta'ee ummataaf biyya bulcha. Namoonni tokko tokko mootummaa biyyaan qixxeessan. Mootummaan biyyaan qixxee moti. Mootummaan ni dhufaa ni kufa; biyyaa fi uummanni yennaa maraa ni jiraatu. The government is a subset of the state (or country).
Paartiin siyaasaa ammoo qaama ofi ijaaree sagantaa siyaasaa tumatee angoof deemu. Yo milkaawe mootummaa te'a. Yo dadhabe ifirraa tee'a. Jaarmiyaan ni dhalata, ni guddata, ni dhukkubsata, ni du'a. Tokko du'u ka biraatti dhalata. Jaarmiyaan siyaasaa ni dhufa ni kufa. Tokko tokko milkaawee angootti dhufa. Gariin carraa san adoo hin dhagganne du'a. Sabni/uummanni fi biyyi ni jiraatu. Paartiin kan ijaaramuuf le'ii uummataa fooyyessuudhaaf. Dantaa uummataa kan hin tiksine taanaan jiraachuurra dhabamu woyya. Garagalchi kanaa garuu sirrii moti. Yaadamni akka waan uummanni dantaa jaarmiyaa siyaasaa tiksuu qabuutti dhiyaatu dogongora. Jaarmiyatu dantaa uummataa tiksuu qabaata. Jaarmiyaattu uummataaf jiraata malee uummanni jaarmiyaa siyaasaaf hin jiraatu."
