FMC Afaan Oromoo

FMC Afaan Oromoo This is the official Fana Media Corporation (FMC) page - where you can get all the latest news in Afaan Oromoo.

You can follow us on: https://t.me/afanoromofana Website: http://www.fanabc.com
Youtube: https://www.youtube.com/c/fanabroadcastingcorporate/
Telegram: https://t.me/fanoromofana
Twitter: https://twitter.com/fanatelevision
e-mail: [email protected]
SMS: 8222, 8111, 8333

Addis Ababa, Ethiopia

Hirmaattonni fooramii nageenyaafi odeeffannoo Paarlaamaa idil-addunyaa wayita Godambaa Masaraa Biyyaalessaa daawwatan su...
12/07/2026

Hirmaattonni fooramii nageenyaafi odeeffannoo Paarlaamaa idil-addunyaa wayita Godambaa Masaraa Biyyaalessaa daawwatan suuraan:-

Dhimmoota adda nu baasan mariin furra- Piroofeesar Masfin Ara’aayaa Finfinnee, Adoolessa 5, 2018(FMC)- Itiyoophiyaan kan...
12/07/2026

Dhimmoota adda nu baasan mariin furra- Piroofeesar Masfin Ara’aayaa

Finfinnee, Adoolessa 5, 2018(FMC)- Itiyoophiyaan kan Itiyoophiyaanota hundaa waan taateef dhimmoota adda nu baasan mariin furra jedhan Komishinarri Komishinii Marii Biyyaalessaa Piroofeesar Masfin Ara’aayaan.

Dorgommiin fiigicha daandiirraa kiiloomeetira 5 Komishinichi mata duree “ Itiyoophiyaan mari’achaa jirti” jedhuun qopheesse Addabaabaayii Masqalaatti gaggeeffameera.

Piroofeesar Masfin Ara’aayaa wayita kana Itiyoophiyaan kan Itiyoophiyaanota hundaa ta’uu kaasanii, dhimmoota adda nu baasan, walitti nu mufachiisan fi nu dallansiisan mariin furra jedhaniiru.

Dorgommii fiigichaa kanarratti ergaawwan Itiyoophiyaan mari’achaa jirti, Mariin yaaddoorraa gara waliigalteetti, mariin hundi injifataadha jedhaniifi kanneen biroon darbaniiru.

Itiyoophiyaan rakkoolee waggoottaniif ka’umsa waldhabdee ta’aa turan mariin hiikuuf waggoottan arfan darban irraa eegaltee adeemsa mariirra kan jirtu yoo ta’u yaa’iin marii biyyaalessaa Adoolessa 8, 2018 Finfinneetti eegalama.

Miilkiyaas Addunyaan.

Marii biyyaalessaa Itiyoophiyaa qaroomteef…Mariin biyyaalessaa gara dirree ammayyaa, naga qabeessaafi hirmaachisaa ta’ee...
12/07/2026

Marii biyyaalessaa Itiyoophiyaa qaroomteef…

Mariin biyyaalessaa gara dirree ammayyaa, naga qabeessaafi hirmaachisaa ta’eetti ce’uuf carraa seena qabeessa.

Garaagarteewwan siyaasaa, qoccolloowwan seenessa seenaa fi gaaffilee eenyummaa humnaan furuuf yaaliiwwan godhaman biyyattii miidhaa hawaasummaafi diinagdeef saaxilaniiru.

Kaayyoon ijoo Komishiniin Marii Biyyaalessaa hundaa’eefis rakkoolee hundee gadi fageeffatan kanneen mariin hiikuun Itiyoophiyaa qaroomteefi badhaate ijaaruufi.

Biyya qaroomte keessatti garaagarteen yaadaa miidhaginaafi madda jabinaati malee waraanaaf sababa hin ta’an.

Siyaasni Itiyoophiyaa ilaalcha “ Kan ani jedhe yoo ta’uu baate biyyi haa diigamtu” jedhu keessaa bahee gara aadaa waldhaggeeffannaatti ce’uu qaba.

Mariin biyyaalessaa muuxannoo garaagartummaa falmii nagaan fi sababaan furuu gabbisa.

Paartileen siyaasaa, waldaaleen hawaasa siiviilii, abbootiin amantaalee, dubartoonni, dargaggoonni fi qaamoleen dhimmichi na ilaallata jedhan hundi sagaleen isaanii qixa akka dhagahamu taasisa.

Komishiniin Marii Biyyaalessaa hundeeffama isaarraa kaasee kutaalee biyyattii garaagaraa akkasumas hawaasa diyaaspooraa irraa ajandaa walitti qabuun waltajjiiwwan marii bal’inaan gaggeessaa tureera.

Yeroo ammaa kanas adeemsi isaa sadarkaa murteessaarra gaheera. Ajandaalee gurguddoo adda baafaman saddet irratti mari’achuuf Adoolessa 8, 2018 Finfinneetti beellama qabateera.

Waltajjiiwwan hanga ammaatti mijeeffamaniin Itiyoophiyaanonni miiliyoonatti lakkaa’aman carraa egeree murteessuuf kallattiin fi karaa bakka bu’oota isaanii sagalee isaanii dhageessisaniiru.

Uummanni Itiyoophiyaa marii seena qabeessaaf waloon dhaabbateera- Piroofeesar Masfin Ara’aayaa Finfinnee, Adoolessa 5, 2...
12/07/2026

Uummanni Itiyoophiyaa marii seena qabeessaaf waloon dhaabbateera- Piroofeesar Masfin Ara’aayaa

Finfinnee, Adoolessa 5, 2018(FMC)- Qophiin waggoottan arfan darban keessa taasifame bu’aa buusuun uummanni Itiyoophiyaa marii seena qabeessaaf waloon dhaabbateera jedhan Komishinarri Komishinii Marii Biyyaalessaa Piroofeesar Masfin Ara’aayaan.

Piroofeesar Masfin Ara’aayaan dorgommii fiigicha daandiirraa komishinichi magaalaa Finfinneetti qopheesse irratti ergaa dabarsaniin Itiyoophiyaan kan hunda keenyaati; akka fedha Waaqayyootti ajandaalee keenya hundarratti waliigalteerra ni geenya jedhaniiru.

Rakkoolee Kanaan dura turan irratti waloon mari’achuun fi furuun gara nageenya waaraatti ce’uuf qophiin xumuramuu ibsaniiru.

Komishinichi ajandaalee biyyaalessaa walitti qabaman bu’uureffachuun torbanoota itti aananitti boqonnaa waliigaltee waloo akka banu eeraniiru.

12/07/2026

Abdii Haa Dhaabnu!

Arjantiinaan gara walakkaa xumuraatti dabarteFinfinnee, Adoolessa 5, 2018 (FMC) - Waancaa Addunyaa 23ffaan tapha nuusa...
12/07/2026

Arjantiinaan gara walakkaa xumuraatti dabarte

Finfinnee, Adoolessa 5, 2018 (FMC) - Waancaa Addunyaa 23ffaan tapha nuusa xumuraa magaalaa Kaansaasitti taphatameen Arjantiinaan Siwiizerlaandiin 3 fi 1n mo'atteetti.

Arjantiinaan daqiiqaa 10ffaa irratti galchii Aleksiis Maakaalistar lakkoofseen dursituu taatus, daqiiqaa 67ffaa irratti galchiin Daan Nindooyee lakkoofsise Siwiizerlaandiin qixa taasiseera.

Mo'ataa adda baasuuf daqiiqaa 30 dabalataa kenname keessatti galchiiwwan Yuuliyaani Alvaarez fi Liyootaaroo Maartiineez lakkoofsisan Arjantiinaa 3 fi 1n akka mo'attu taasisuun gara walakkaa xumuraatti darbuu dandeesseetti.

Siwiizerlaand irraa Biriil Imbooloo kaardii diimaan daqiiqaa 76ffaa irratti dirree irraa ba'uun taphattoota 10n xumuruuf dirqamteetti.

Shaampiyoonaan yeroo ammaa Arjantiinaan tapha walakkaa xumuraan Ingilaand waliin taphatti.

Yaa'ii Marii Biyyaalessaa Adoolessa 8, 2018 Finfinneetti gaggeeffamuuf guyyaa 3 qofatu hafe!
12/07/2026

Yaa'ii Marii Biyyaalessaa Adoolessa 8, 2018 Finfinneetti gaggeeffamuuf guyyaa 3 qofatu hafe!

Ingilaand Noorweey injifachuun gara xumura walkkaatti dabarteFinfinnee, Adoolessa 4, 2018 (FMC) - Sagantaa tapha dorgomm...
12/07/2026

Ingilaand Noorweey injifachuun gara xumura walkkaatti dabarte

Finfinnee, Adoolessa 4, 2018 (FMC) - Sagantaa tapha dorgommii waancaa addunyaa bara 2026 nuusa xumuraan Ingilaand Noorweey'n 2 fi 1n injifachuun gara walakkaa xumuraatti dabarteetti.

Gareen lamaanuu tapha idilee daqiiqaa 90 keessatti 1 fi 1n qixa waan xumuraniif gara yeroo dabalataatti cehaniiru.

Kanaanis Ingilaand galchii lammaffaa waan galchiteef dabaruu dandeessetti.

Ingilaand walakkaa xumuraan Arjantiinaa fi Siwiizerlaand keessaa kan injifatuun wal morkatti.

Hojii rakkoo hawwaas dinagdee hawaasa magaalaa furuu irratti xiyyeeffate... Finfinnee, Adoolessa 4, 2018(FMC) - ‎Bulchi...
11/07/2026

Hojii rakkoo hawwaas dinagdee hawaasa magaalaa furuu irratti xiyyeeffate...

Finfinnee, Adoolessa 4, 2018(FMC) - ‎Bulchiinsa Magaalaa Asallaatti Bu'uuraaleen misoomaa adda addaa hojjetamaa jiran rakkoo keenya baroota dheeraa nuufuraa jiru jedhan jiraattonni.

Magaalaa Asallaatti ijaarsa daandii asfaaltii keessa keessaa dabalatee pirojeektonni gaaffii hawaas dinagdee jiraattotaa deebisan hojjetamaa jiru.

Ijaarsa pirojeektota kanneenii ilaalchisee jiraattonni FMC'f yaada kennan akka ibsanitti, hojiin kun rakkoo kanaan dura yeroo dheeraaf guddina magaalattiinfi fayyadamummaa uummataatti gufuu ta'e kan furuu dha.
‎
‎keessattuu daandiin asfaaltii hojjatamaa jiru sochii daldalaa si'eessuu bira darbee midhaagina magaalattiitiif faaydaa guddaa qaba jedhan.
‎
‎Bara baajetaa xumurametti magaalichatti Pirojektootni buleeyyii fi Haarawa 35 ta'an qarshii miliyoona 900 oliin hojjatamuun tajaajilaaf banaa ta'uunis himameera.
‎
‎Abdallaa Amaantu gabaase.

Daandiin Xiyyaaraa Itiyoophiyaa gara Poorti Luwiisitti balalii kallattii eegale Finfinnee, Adoolessa 4, 2018(FMC) - Daan...
11/07/2026

Daandiin Xiyyaaraa Itiyoophiyaa gara Poorti Luwiisitti balalii kallattii eegale

Finfinnee, Adoolessa 4, 2018(FMC) - Daandiin xiyyaarichaa gara magaalaa guddoo biyya odolaa Mooriishas, Poorti Luwiisitti boru ganama irraa kaasee balalii kallattii jalqaba.

Sagantaa jalqabsiisaa kana irratti Hoji-raawwachiisaa Olaanaan Garee Daandii Xiyyaaraa Itiyoophiyaa Obbo Masfin Xaasoo akka dubbatanitti, balaliin kallattii kun hariiroo gama lamaanii cimsuu bira darbee, biyyoota lamaaniif bu'aa waaraa fi dam-hedduu qaban kan fiduu dha.

Sadarkaa idil-addunyaatti tuurizimii qarqara galaanaan kan beekamtu Moriishas, seenaa fi tiriizimii aadaatiin kan badhaate Itiyoophiyaa waliin balalii kallattiin walitti hidhamuun ishee, yaa'iinsa tiriistootaa ariifachiisa jedhaniiru.

Itoophiyaatti Ambaasaaddarri Mooriishas Indiraarjiit Baabuwaa gama isaaniin, balalii kallattiin kun damee daldalaa fi invastimantiitiin daldaltoonni biyyoota lamaanii salphaatti akka wal-argan, wal-jijjiirraa daldalaa akka ariifachiisan fi invastimantii waliinii akka hundessan carraa mijataa uuma jedhaniiru.

Daldala alergii fi galii biyyoota lamaanii yeroo gabaabaa keessatti gudsisuu fi hariiroo uummataa fi waljijjiirraa aadaa biyyoottanii ariifachiisuun lammiileen biyyoota lamaanii bilisaan akka socho'aniif gargaaras jedhan.

Daandiin Xiyyaaraa Itoophiyaa iddoowwan ga'umsaa idil-addunyaa 145 kan qabu yoo ta'u, biyyoota Afriikaa 41 keessattti immoo iddoowwan ga'umsaa 62 babal'isuudhaan walitti- hidhamiinsa ardii fi idil-addunyaa uumuuf hojjechaa akka jirus agarsiisameera.

Sagantaa jalqabsiisaa kana irratti imalli kanaan dura balaliisa naanna'aadhaan gara magaalatti taasifamaa ture, balalii qajeelaatiin jalqabamuun isaa saffisaaf fi rigaa imaltoota irratti gahaa ture kan hambisu ta'uun ibsameera.

Akkasumas daandiin xiyyaarichaa torbanitti guyyaa 3 gara magaalattiitti akka balal'u ibsameera.

Taammiraat gabaase

Address

Addis Ababa
30702

Telephone

251-115-51 67 77

Website

Alerts

Be the first to know and let us send you an email when FMC Afaan Oromoo posts news and promotions. Your email address will not be used for any other purpose, and you can unsubscribe at any time.

Shortcuts

Share

Category