Woreda 6 communication

16/09/2026

በአዲስ ከተማ ክ/ከተማ ወረዳ 6 " የመስቀል ደመራና ኢሬቻ በዓላትን በፅዱ አዲስ አበባ!" በሚል መሪ ሐሳብ የፅዳት ዘመቻ ተካሄደ::

───

መስከረም 6 - 2019 ዓም

በአዲስ ከተማ ክፍለ ከተማ ወረዳ 6 ህብረተሰብ ተሳትፎና በጎ ፍቃድ ማስተባበሪያ ጽ/ቤት እና ፅዳት አስተዳደር ፅ/ቤት በጋራ በመሆን ከወረዳው ወጣት ማህበር እና በጎ ፍቃደኞች ጋር በመቀናጀት ፤ የመስቀልና ኢሬቻ በዓላት በማስመልከት በጎጃም በረንዳ የቀላል ባቡር የሚተላለፍበትን መስመሮች የፅዳት ፕሮግራም አከናውኗል።:

የወረዳ 6 ዋና ስራ አስፈፃሚ አቶ ግዛቸው ይበልጣል እንዳስተላለፉት በአደባባይ የሚከበሩትን የመስቀል ደመራና ኢሬቻ በዓላት ስናከብር አንድነታችንን የሚያጠናክሩ ተግባራትን በማስቀጠል ውብና ፅዱ አካባቢዎችን መፍጠር ይጠበቅብናል ብለዋል፡፡

ይህንን የጽዳት ንቅናቄ ስናካሂድ የለውጥ መንግስታችን በዓለማቀፍ ደረጃ በርካታ ስኬቶችን ያስመዘገብንበት ወቅት ላይ ሆነን ነው፡፡ በተለይም ከ7 ዓመታት ወዲህ ኢትዮጵያ ከገባችበት የኢኮኖሚና የማህበራዊ ስብራት ወጥታ የተሻለ ማንሰራራትና በአለማቀፍ ደረጃ ከፍ ያለችበት እንዲሁም በእንጉርጉሮና በቁጭት ለዘመናት አብሮን የቆየውን አባይን በመገደብ ግድባችን ጨርሰን ፊታችንን ወደ ቀይ ባህር ያዞርንበት ወቅት ላይ እንገኛለን ብለዋል፡፡

የወረዳው የህብረተሰብ ተሳትፎና በጎ ፍቃድ ጽ/ቤት እንዲሁም የወረዳው ወጣቶች ክንፍ ፤ወጣቶች ማህበር ፣ሴት ማህበር እንዲሁም በጎፍቃደኞች እና የተለያዩ የማህበረሰብ ክፍሎች ተሳታፊ ሆነዋል፡፡

15/09/2026

የዛሬን ኑሮ እያሻሻሉ የነገን ትውልድ የመገንባት ስትራቴጂ በአዲስ አበባ

የኢትዮጵያ የልብ ምት የሆነችው አዲስ አበባ ባለፉት አምስት ዓመታት የከተማዋን ገጽታ ከመቀየር ባሻገር፣ የነዋሪዎችን የኑሮ ጥራት እና አስተሳሰብ በማሻሻል ወደ አዲስ የብልጽግና ምዕራፍ እየተሸጋገረች ትገኛለች።

የአዲስ አበባ ከተማ አስተዳደር ከንቲባ አዳነች አቤቤ በተደጋጋሚ እንደሚያነሱት ከተማዋ የምትከተለው የልማት ስትራቴጂ ትውልድ ግንባታን ማጠንጠኛ ያደረገ "ሰው-ተኮር" ተግባር ነው።

የዚህ የለውጥ ጉዞ መሠረት አስተሳሰብን መለወጥ በመሆኑ ይህንኑ መርህ ከትምህርት ቤቶች ጀምሮ በተግባር እየተረጎሙት ይገኛሉ።

"ትልልቅ ፕሮጀክቶችን ስንገነባ ልጆቻችን የሚረሱባት ከተማ ልትሆን አይገባም" በሚል ጽኑ አንድ ሚሊዮን ገደማ ለሚሆኑ ተማሪዎች በቀን ሁለት ጊዜ የምገባ መርሐ ግብር መተግበሩ የዚሁ ስኬት ማሳያ ነው።

ከዚህ ቀደም በከተማዋ የመንግሥት የሕጻናት መዋያ አገልግሎት ሙሉ በሙሉ ያልነበረ ሲሆን፣ በአሁኑ ወቅት ቁጥራቸውን ከ1 ሺህ 100 በላይ ማድረስ ተችሏል።

በተጨማሪም የሕጻናት መጫወቻ ስፍራዎች ከ20 ወደ 5 ሺህ 500 ከፍ መደረጋቸው አስተዳደሩ ለትውልድ ግንባታ የሰጠውን ልዩ ትኩረት በጉልህ ያሳያል።

ይህ ሰው-ተኮር የልማት አቅጣጫ በትምህርት ዘርፍ ብቻ የተገደበ አይደለም። አቅመ ደካሞችን ታሳቢ ያደረጉ የቤት እድሳት እና ግንባታ ፕሮጀክቶች፣ ለነዋሪው ምቹ የሆኑ ዘመናዊ መዝናኛ ስፍራዎች እና ፓርኮች ግንባታ፣ እንዲሁም የጤና ተቋማት ማስፋፊያ ስራዎች የዚሁ ትውልድን የመቅረጽ እና የዜጎችን ክብር ከፍ የማድረግ የተቀናጀ ራዕይ አካል ናቸው።

አስተዳደሩ በቀጣይ ዓመታት የትምህርት ዘርፉን ይበልጥ ለማዘመን ተደራሽነትን፣ ጥራትን እና ፍትሃዊነትን በዋና ምሰሶነት ነድፎ እየሠራ ነው።

ከንቲባዋ እንደገለጹት የስኬት መለኪያው በፈተና የሚያልፉ ተማሪዎች ውጤት ብቻ ሳይሆን፣ የተማሪዎችን እውነተኛ "ልቀት" ማረጋገጥ ነው።

ዘንድሮ በ8ኛ ክፍል ከተማ አቀፍ ፈተና የተመዘገበው የ96 በመቶ የማለፍ ምጣኔ እጅግ አበረታች ቢሆንም፣ የከተማ አስተዳደሩ ዋነኛ ግብ ከዚህ የዘለለ መሠረታዊ እና ዘላቂ የጥራት ለውጥ ማምጣት ነው።

ትምህርት ቤቶችን ከአዋኪ ድርጊቶች ሙሉ ለሙሉ ነጻ በማድረግ ጤናማ የመማር ማስተማር አካባቢን በመፍጠር ረገድ የተከናወነው ተግባር ሌላው ስኬት ነው።

ተማሪዎች በስጋት ሳይሆን በተረጋጋ መንፈስ እንዲማሩ የትምህርት ቁሳቁስና የደንብ ልብስ አቅርቦትን በነጻ ማሟላት ተችሏል።

በተጨማሪም ተማሪዎች በማኅበራዊ ሚዲያ ላይ የሚያሳልፉትን ጊዜ በመገደብ ትኩረታቸውን በትምህርታቸው ላይ ብቻ እንዲያደርጉ ከወላጆች ጋር በቅንጅት እየተሠራ ነው።

ከዚህ ጎን ለጎንም ያለ መምህራን ብቃት የታለመውን ልቀት ማምጣት ስለማይቻል የመምህራንን አቅም መገንባት እና ጥቅማጥቅሞችን ማሻሻል ቀዳሚ ተግባር ሆኖ በመተግበር ላይ ይገኛል።

የአዲስ አበባ ከተማ አስተዳደር እያካሄደ ያለው የለውጥ ጉዞ በመንግስትና በሕዝብ መካከል በተፈጠረ ጠንካራ የጋራ መተማመን ላይ የተመሠረተ ነው።

ከተማዋ በትምህርት፣ በጤና፣ በሥራ ዕድል ፈጠራ እና መሰረተ ልማት ዝርጋታ እያስመዘገበች ያለው ስኬት በቀጣይ ዓመታት ለኢትዮጵያ የብልጽግና ጉዞ ትልቅ አቅም የሚፈጥርና በአፍሪካ ደረጃም የከተማነት ተምሳሌት ሆኖ የሚቀጥል ይሆናል፡፡

15/09/2026

የአዲስ ከተማ ክፍለ ከተማ ወረዳ 6 አስተዳደር የመስቀልና የኢሬቻ በዓላትን ሰላማዊና ስኬታማ ለማድረግ ከአልጋ አከራዮች ጋር የውይይት መድረክ ተካሄደ።

​አዲስ አበባ — የመስቀል ደመራ እና የኢሬቻ በዓላት ባህላዊና ሃይማኖታዊ ትውፊታቸውን በጠበቀ መልኩ በሰላም ተከብረው እንዲጠናቀቁ ለማድረግ ያለመ የምክክር መድረክ በአዲስ ከተማ ክፍለ ከተማ ወረዳ 6 አስተዳደር አዘጋጅነት ተካሄደ።

​በውይይት መድረኩ ላይ በወረዳው የሚገኙ የአልጋ አከራዮች፣ የሆቴልና የእንግዳ ማረፊያ ባለቤቶች እንዲሁም የአካባቢው የስራ ሃላፊዎች የተገኙ ሲሆን፣ መጪውን በዓላት ድምቀትና ደህንነት ማስጠበቅ በሚቻልባቸው መንገዶች ላይ ሰፊ ሀሳብ ተለዋውጠዋል።

​በውይይቱ ከተነሱ ዋና ዋና ነጥቦች መካከል፡
👉​የእንግዶች ደህንነትና እንክብካቤ፡ ለበዓላቱ የሚመጡ የሀገር ውስጥና የውጭ ሀገር እንግዶችን በሞቅ ያለ አቀባበል ማስተናገድና ደህንነታቸውን በትኩረት መጠበቅ፤
👉​ቅንጅታዊ አሰራር፡ በአልጋ አከራዮች እና በወረዳው ፀጥታ አካላት መካከል ያለውን የመረጃ ልውውጥ በማጠናከር አጠራጣሪ እንቅስቃሴዎችን ቀድሞ መከላከል፤
👉​ባህላዊ እሴትን መጠበቅ፡ በዓላቱ የሰላም፣ የፍቅርና የእንክብካቤ መገለጫ በመሆናቸው ኢትዮጵያዊውን የእንግዳ ተቀባይነት ባህል በላቀ ደረጃ ማሳየት።
​ተሳታፊዎቹ በሰጡት አስተያየትም በዓላቱ ሙሉ በሙሉ ሰላማዊና ስኬታማ እንዲሆኑ ከተማ አስተዳደሩና የፀጥታ አካላት ለሚያደርጉት ጥረት አስፈላጊውን ትብብር ለማድረግ ዝግጁ መሆናቸውን አረጋግጠዋል።
#አዲስ ከተማ ክፍለ ከተማ ወረዳ 6 ኮሙኒኬሽን

15/09/2026

በ2019 የትምህርት ዘመን ተማሪዎች በስነምግባር ታንፀውና በእውቀት ዳብረው እንዲወጡ ለማድረግ እየተሰራ መሆኑ ተገለፀ::
************
መስከረም 5-2019ዓም
በአዲስ ከተማ ክ/ከተማ በሚገኙ ሁሉም የመንግስትና የግል ት/ቤቶች የ2019 የትምህርት ዘመን የመማር ማስተማር ሂደት በይፋ ተጀምሯል፡፡

በተያዘው የ2019 የትምህርት ዘመን የትምህርት ጥራትን ከማረጋገጥ በተጨማሪ ተማሪዎች በስነምግባር ታንፀውና በእውቀት ዳብረው እንዲወጡ ማድረግ የሁሉም ሃላፊነት በመሆኑ በቅንጅት እየተሰራ ነው::

መንግሥት ለትምህርት ጥራትና ትውልድ ግንባታ ከፍተኛ ትኩረት ሰጥቶ እየሰራ ሲሆን ብቁ ትውልድ ለመገንባት ለተማሪዎች ምቹና ዘመናዊ የመማሪያ አካባቢን በመፍጠር የትምህርት ቤቶች ማስፋፊያና አዳዲስ ግንባታ፣ ደረጃቸውን የጠበቁ የመመገቢያ ክፍሎች መገንባት እንዲሁም ቤተ-መጻሕፍትና ቤተ-ሙከራዎችን ማስፋፋትና ማዘመን ስራዎች ተሰርተዋል::

በተጨማሪም የተማሪዎች የተመጣጠነ ምገባ ፕሮግራም እና የትምህርት ግብአት አቅርቦት ተጠናክሮ የቀጠለ ሲሆን ተማሪዎችም በደስታና በከፍተኛ ተነሳሽነት ትምህርታቸውን መጀመራቸውን ለመታዘብ ችለናል።

በእሸት ት/ቤት በተካሄደው የትምህርት ማስጀመሪያ መልዕክት ያስተላለፉት የክፍለ ከተማው ትምህርት ጽ/ቤት ሃላፊ አቶ ብሩክ ተ/ማርያም የ2019 የትምህርት ዘመን የመመር ማስተማር ሂደት በክፍለ ከተማው በሚገኙ ሁሉም የመንግስትና የግል ት/ቤቶች በጀመሩን ገልፀው ለተማሪዎች ውጤት መሻሻል ከዘርፉ ባለድርሻች ጋር በቅንጅት እየተሰራ መሆኑን አስታውቀዋል፡፡

አዲስ ከተማ ኮሙኒኬሽን ለሁሉም ተማሪዎች መልካም የትምህርት ዘመን ይመኛል!!

# # # # # # # # # # # # # #
መረጃን ከምንጭ በተለያየ አማራጭ
https://linktr.ee/Addis_Ketema_Communication

15/09/2026

አዲስ አበባ የእህትማማች ከተሞች ትስስርን በማስፋት ከዓለም ከተሞች ጋር ያላትን ግንኙነት እያሳደገች ነው፡፡

አዲስ አበባ በተለያዩ ዘርፎች የጋራ ትብብርን ለማጠናከር በምታደርገው ጥረት ባለፉት አምስት ዓመታት የከተማዋ የእህትማማች ከተሞች ትስስር ከ20 ወደ 30 ከተሞች አድጓል፡፡
አዲስ አበባ ባላት ታሪክ እና አሁን ላይ እያስመዘገበችው ባለው ሁለንተናዊ ለውጥ በርካታ የዓለም ከተሞች የእህትማማችነት ግንኙነቱን እያሳደጉ ይገኛሉ፡፡

ይህ ከከተሞች ጋር የሚኖር ስትራቴጂካዊ ግንኙነት አዲስ አበባ ከዓለም አቀፍ ከተሞች ጋር ያላትን ዲፕሎማሲያዊ እና ኢኮኖሚያዊ ትስስርን ያሳድጋል፡፡

በተጨማሪም ዘመናዊ የከተማ ልማት ልምዶችን እና ምርጥ ተሞክሮዎችን ለመለዋወጥ እጅግ ምቹ ሁኔታን ይፈጥራል፡፡
የአዲስ አበባ ለውጥ ዛሬ በሁሉም መልኩ የእይታ ማዕከል እንድትሆን አድርጓታል፡፡

ዓለምዓቀፍ ተቋማቶች ስብሰባዎቻቸውን አዲስ አበባ ላይ ለማድረግ ቀዳሚ ምርጫቸውን አድርገዋል፡፡

በ2018 በጀት ዓመት ብቻ 221 ዓለም አቀፍ እና አህጉር አቀፍ ኮንፈረንሶች በአዲስ አበባ ተካሂደዋል።

አዲስ አበባ ወደ ስማርት ሲቲ (ዘመናዊ ከተማ) ለመቀየር በምታደርገው ተከታታይ ጥረትና በምታስመዘግባቸው ስኬቶች በርካታ ዓለም አቀፍ ሽልማቶችንና እውቅናዎችንም አግኝታለች።

ከእነዚህ እውቅናዎች መካከልም በሪዮዲጀነሪዮ የተቀበለችው የምገባ ኘሮግራም ሽልማት፡ በደቡብ ኮሪያ የተበረከተውና ለከተማዋ አመራር እውቅና የሰጠው የሴኡል ስማርት ከተማ ሽልማት (2024)፡ ለቆሻሻ አወጋገድ ስርዓት መሻሻል በቦነስአይረስ የተሰጠው እውቅና፡ የC40 ከተሞች የብሉምበርግ ሽልማት፡ በናይሮቢ ኬንያ በተካሄደው የአፍሪካ ስማርት ከተሞች ኢንቨስትመንት ሰሚት የተሰጠው የአፍሪካ ምርጥ ስማርት ከተማ ሽልማት (2024)፡ አዲስ አበባ በመንገድ ደህንነትና ፍጥነት ማስተዳደር ላይ ባስመዘገበችው ውጤት በዓለም አቀፍ የከተሞች የዘርፉ ውድድር የወርቅ ሜዳሊያ ተሸላሚ የሆነችባቸው ተጠቃሽ ናቸው፡፡

እነዚህ ዓለም አቀፍ እውቅናዎች የከተማዋን ሁለንተናዊ መልካም ገጽታ በዓለም መድረክ ላይ በግልጽ ያሳዩ ታላላቅ ስኬቶች ናቸው።

14/09/2026

18ተኛው የብሪክስ የመሪዎች ጉባኤ የሁለተኛ ቀናት ቆይታ፦
‎
‎የኢ.ፌ.ዲ.ሪ ጠቅላይ ሚኒስትር ዐቢይ አሕመድ (ዶ/ር) እና ልዑካቸው ከመስከረም 2 /2019ዓ.ም ጀምሮ በተካሔደው 18ተኛው የብሪክስ የመሪዎች ጉባኤ ላይ መሳተፋቸው ይታወሳል፤
‎
‎ መስከረም 3 ቀን፣ 2019 ዓ.ም የጉባዔው ሁለተኛ ቀን ‘‘ጽናትን፣ ፈጠራን፣ ትብብርን እና ዘላቂነትን መገንባት’’ በሚል መሪ ቃል የብሪክስ አባል እና አጋር ሀገራት መሪዎች እንዲሁም የተለያዩ ዓለም አቀፍ ተቋማት መሪዎች በተሳተፉበት የተካሔደ ሲሆን፣ ጥምረቱ 140 የጋራ አቋሞችን የያዘ (የኒው ዴልሂ መግለጫ) በማውጣትም የመሪዎቹ ጉባኤ ተጠናቋል።
‎
‎የብሪክስ ኒው ዴልሂ የአቋም መግለጫ የዓለም አቀፍ አስተዳደር ማሻሻያ፣ ዓለም አቀፍ እና ቀጣናዊ ሰላም፣ ዘላቂ የኢኮኖሚ ዕድገት እንዲሁም የህዝብ ለህዝብ ትሥሥርን ያካተቱ ዐበይት ጉዳዮች ላይ የአባል ሀገራቱን የጋራ አቋም ያንጸባረቀ ሲሆን ኢትዮጵያ የዓለም አቀፉን የንግድ ድርጅት ለመቀላቀል የምታደርገውን ጥረት ጥምረቱ በጽኑ እንደሚደግፍ በድጋሚ አረጋግጧል፤ በዓለም አቀፍ የሲቪል አቪዬሽን ድርጅት ምክር ቤት ኢትዮጵያ የአፍሪካ ሕብረት ብቸኛ እጩ በመሆን ተጨማሪ መቀመጫ እንድታገኝ የሚደረገውን ጥረት በጽኑ እንደሚደግፍም አመላክቷል። በተጨማሪም ሀገሪቱ የዓለም አቀፉን የአየር ንብረት ለውጥ ጉባኤ ኮፕ 32 ለማዘጋጀት የጀመረችውን ተነሳሽነትና ዝግጅት እንደሚደግፉ በጋራ መግለጫቸው አረጋግጠዋል። ጥምረቱ 19ኛውን የብሪክስ ጉባኤ በቻይና አስተባባሪነት እንዲዘጋጅም በጋራ አጽድቋል።
‎
‎ከመሪዎቹ ጉባኤ ጎን ለጎን ጠቅላይ ሚኒስትር ዐቢይ አሕመድ(ዶ/ር) ከአባልና አጋር ሀገራት መሪዎች ጋር በሁለትዮሽ የሀገራቱ ትብብር ዙሪያ ፍሬያማ ውይይቶችን ያካሄዱ ሲሆን፤ በንግድና ኢንቨስትመንት፣ በመከላከያ መስኮች ትብብር፣ በዲጂታላይዜሽን ዙሪያ ሊኖሩ ስለሚችሉ ትብብሮች በጥልቀት ተወያይተዋል።
‎
‎በድኅረ ጉባኤ ለመሪዎች በተደረገው የእራት ግብዣ ላይ ጠቅላይ ሚኒስትር ዐቢይ አሕመድ(ዶ/ር) ከተለያዩ የብሪክስ አባል እና አጋር ሀገራት መሪዎች ጋር የታደሙ ሲሆን፤ የሁለት ቀናት የብሪክስ የመሪዎች ጉባኤን አጠናቅቀው ተመልሰዋል።

13/09/2026

የመስቀልና ኢሬቻ በዓል ሃይማኖታዊና ባህላዊ እሴታቸውን ጠብቀው እንዲከበሩ ለማድረግ አስፈላጊው የቅድመ ዝግጅት ስራ እየተጠናቀቀ መሆኑ ተገለፀ::
*************************
መስከረም 3-2019 ዓ.ም

የአዲስ ከተማ ክ/ከተማ አስተዳደር በመስቀል ደመራና ኢሬቻ በዓላት አከባበር እቅድ ዙሪያ ከጠቅላላ አመራሩ ጋር ወይይት አድርጓል::

መድረኩን የመሩት የአዲስ ከተማ ክ/ከተማ ምክትል ስራ አስፈፃሚና የስራ ክህሎት ጽ/ቤት ሃላፊ ወ/ሮ እቴማር ጌታቸው የመስቀልና ኢሬቻ በዓላት በዩኔስኮ በዓለም ቅርስነት የተመዘገቡ ታላላቅ በዓላቶች በመሆናቸው ስለ በዓላቱ ሁሉም ማህበረሰብ በወንድማማችነትና እህትማማችነት መንፈስ እንዲያከብር ማድረግ ይገባል ሲሉ ገልፀዋል::

እንደ ክፍለ ከተማ የመስቀልና ኢሬቻ በዓል ሃይማኖታዊና ባህላዊ እሴታቸውን ጠብቀው እንዲከበሩ ለማድረግ አስፈላጊው የቅድመ ዝግጅት ስራ መጠናቀቁን የገለፁት ወ/ሮ እቴማር ለበዓሉ መልዕክቶች ሲቀረፁም ወንድማማችነትን በሚያጠናክሩና ህዝብን ከህዝብ በሚያቀራርብ መልኩ ሊሆኑ ይገባል ሲሉ ተናግረዋል፡፡

የአዲስ ከተማ ክ/ከተማ ብልፅግና ፓርቲ ጽ/ቤት ምክትልና ፖለቲካ ዘርፍ ሃላፊ ወ/ሮ ፋኪያ ሸሪፍ በበኩላቸው የመስቀልና ኢሬቻ በዓላት ላይ በቂ ግንዛቤ ይዘን ሀይማኖታዊና ባህላዊ ትውፊታቸውን ጠብቀው እንዲከበሩ በማድረግ ለከተማችን ኢኮኖሚ መነቃቃትን መፍጠር ተገቢ ነው ብለዋል::

የውይይቱ ተሳታፊ አመራሮች በበኩላቸው በዓላቱ ፍፁም ሰላማዊ በሆነ መንገድ ተከብረው እንዲጠናቀቁ በቅንጅት እየሰራን እንገኛለን ሲሉ ገልፀዋል::

# # # # # # # # # # # # # #
መረጃን ከምንጭ በተለያየ አማራጭ
https://linktr.ee/Addis_Ketema_Communication

13/09/2026

በብሪክስ ጉባኤ ጎን ለጎን ከቻይናው ፕሬዚዳንት ሺ ጂንፒንግ ጋር የተደረገ ውይይት።

🇪🇹 🇨🇳

Conversations with China’s President Xi Jinping on the sidelines of the BRICS Summit.

🇪🇹 🇨🇳

ጠቅላይ ሚኒስትር ዐቢይ አሕመድ(ዶ/ር)

13/09/2026

የብሪክስ ጉባኤ ሁለተኛው ቀን ላይ ከካዛኪስታን ፕሬዚዳንት ቃሲም ጆማርት ቶካዬቭ ጋር የሁለትዮሽ ውይይት አድርገናል።
‎በዲጂታላይዜሽን፣ በንግድና ኢንቨስትመንት እንዲሁም በመከላከያ መስኮች የትብብር ዕድሎችን ለማስፋት እና ‎በሁለቱ ሀገራት መካከል ያለውን አጋርነት ይበልጥ ማሳደግ በሚቻልባቸው መንገዶች ዙሪያ መክረናል።
‎
On the second morning of the BRICS Summit, I held a bilateral meeting with President Kassym-Jomart Tokayev of Kazakhstan. As we discussed ways to further develop the partnership between our two countries, we agreed to explore opportunities for cooperation in digitalization, business and investment, as well as defense.

🇪🇹 🇰🇿

ጠቅላይ ሚኒስትር ዐቢይ አሕመድ (ዶ/ር)

13/09/2026