Yohannes Eshetu

Yohannes Eshetu በዚህ ገፅ ላይ መንፈሳዊ ትምህርቶችና የቴክኖሎጂ ዕውቀቶች ይተላለፋሉ።

👉 ሰሉስ የብሉይ ኪዳን ትርጓሜ አርብ ደግሞ ቅኔ ዘአርብ በሚል ስያሜ የቅኔ ቀን ነው።

ካለፈው ዓመት ፳፻፲፰ የተማርነው፩. Brother አንደበትህን ጠብቅ። እቅድህን ሰውር። ታሳካዋለህ!፪. ምቀኛህ ያለው አጠገብህ ነው። "ኢይመጽእ ጸር እምነ ርሁቅ" Just show them ho...
15/09/2026

ካለፈው ዓመት ፳፻፲፰ የተማርነው

፩. Brother አንደበትህን ጠብቅ። እቅድህን ሰውር። ታሳካዋለህ!

፪. ምቀኛህ ያለው አጠገብህ ነው። "ኢይመጽእ ጸር እምነ ርሁቅ" Just show them how far you are from them.

፫. በከመ ይቤ Arteta "Trust the process." በአንድ ሌሊት የሚሆን ነገር የለም። ተፈጥሯዊ ዑደቱን ጠብቅ።

፬. ሰው ቢበድልህ ለመበደል ሳይሆን ለመርሳት ተጓዝ። Just remove negative energy from your heart!

፭. ከሁሉ በላይ "ወከንቱ ተአምኖ በሰብእ" When I need something, expecting someone to help me እግዚአ ዓለማት ፈጣሪም ዝም ብሎ ይመለከተኛል። በሰው ያለኝ እምነት እስኪሟጠጥ ድረስ ያረምም! ከዚያማ "አብደርኩ እትገደፍ ውስተ እዴከ" ብዬ መመለስ። ወዲያው ነገሩ ይፈጸማል።

ወንድማችን መምህር ብርሃኑ ተሾመ የማኅደረ ስብሐት ልጅ ነው። ተወልዶ ያደገው ፣ የተማረው በዚያው በእናታችን ደጅ ነው።ለማኅደረ ስብሐት ያለው ቀናዒነት እና ፍቅር ልዩ ነው። አባቱ መሪጌታ ተ...
13/09/2026

ወንድማችን መምህር ብርሃኑ ተሾመ የማኅደረ ስብሐት ልጅ ነው። ተወልዶ ያደገው ፣ የተማረው በዚያው በእናታችን ደጅ ነው።

ለማኅደረ ስብሐት ያለው ቀናዒነት እና ፍቅር ልዩ ነው። አባቱ መሪጌታ ተሾመ ክፍሌ ከደዌ ዘርእ የጸዱ የማኅሌት ሰው ናቸው። በእጅጉ ቅኔ አዋቂና መጻሕፍትን አንባቢ ናቸው።

ለእኔ በግሌ ከልጅነት አንስቶ እስከ አሁኗ ሰዓት ድረስ ምክራቸውን የሚሰጡኝ ፣ የቀደሙትን ሊቃውንት የነ መምህር ጌጡን ታሪክ የሚነግሩኝ ፣ በግሩም አንደበታቸው ተዝካረ መዋእል የሚያሰሙኝ አባት ናቸው። ትልቅ አክብሮትና ውዴታ ሀሎ በልብየ!

ታዲያ የእኒህ ሊቅ ልጅ ወንድማችን መምህር ብርሃኑ እንደ አባቱ አንባቢ ፣ ምስጢርን ፈላጊ ፣ ጸሐፊ ፣ የልቡናውን በግልጽ የሚናገር ትዕግስተኛ ሰው ነው። እነሆ የልቡ ሰምሮለት በጋብቻ ገመድ ሲታሰር መደሰታችን ከልብ ነው።

ኅየው በንግደትከ ወበህላዌከ ፣ ወይትረኃዋ ለከ አብሕርተ ጸጋ ዘውሉድ

ለከ እግዚኦ ለገባሬ ኩሉ...ሀያ ሁለቱን ስነ ፍጥረት ለፈጠርህ...
05/09/2026

ለከ እግዚኦ ለገባሬ ኩሉ...
ሀያ ሁለቱን ስነ ፍጥረት ለፈጠርህ...

ተዝካሩ ለአበ ክህነትነ ፊልጶስ ሊቀ ጳጳስዳዊት ደግመን ፣ ውዳሴ ማርያም ፣ አንቀጸ ብርሃን ፣ ይዌድስዋ ፣ መልክዓ ኢየሱስ ወማርያምን በቃል ይዘን ፈጸምን። የኔታ ሁሌም ቃላቸው ተማሩ የሚል ...
30/08/2026

ተዝካሩ ለአበ ክህነትነ ፊልጶስ ሊቀ ጳጳስ

ዳዊት ደግመን ፣ ውዳሴ ማርያም ፣ አንቀጸ ብርሃን ፣ ይዌድስዋ ፣ መልክዓ ኢየሱስ ወማርያምን በቃል ይዘን ፈጸምን። የኔታ ሁሌም ቃላቸው ተማሩ የሚል ነው።

ቤተ ክርስቲያን ላደገ ሰው ደግሞ የመቅደሱ አገልግሎት በእጅጉ ይማርካል። ከሁሉ በላይ ግን ጥቂቶች ወደ ሚገቡባት የሐዲስ ኪዳኗ ቅድስተ ቅዱሳን ለመግባት ልባችን በእጅጉ ይከጅል ነበር።

ያንን ለመፈጸም የመጀመርያው ነገር መዓርገ ክሀነትን እጅ ማድረግ ነበር። የኔታ በአንዱ ቀን ስልክ አውጥተው "አቡነ ፊልጶስ" ወደሚለው ደውልልኝ አሉ።

የሊቀ ጳጳሱ ትህትና ልዩ ነበር። ሰው ትልቅ ሲሆን ትሁት ይሆናል። "ክህነት የሚቀበሉ ልጆች ነበሩኝ" አሏቸው። ይዘዋቸው ይምጡ የሚል ምላሽ ከቀነ ቀጠሮ ጋር ተሰጣቸው።

በቀጠሮው ቀን ስንደርስ በፍርሃት ነበር። የመጀመርያ ነገር ሁሌም ያስፈራል። በር ስንመታ ደርበብ ያሉ አረጋዊ መነኮስ ተቀበሉን። ይፈትኑናል ብለን ስንጠብቅ "የኔታ እርሰዎ ያመጧቸውን አልፈትንም" ብለው ክህነቱን ሰጡን።

ለመጀመርያ ጊዜ ያየኋቸው ፣ የተሳለምኳቸው ሊቀ ጳጳስ እርሳቸው ነበሩ። በጊዜው የጠቅላይ ቤተ ክህነት ስራ አስኪያጅ እንደነበሩ ትዝ ይለኛል።

ኋላ ላይ የኔታ ስለሳቸው ብዙ ሲነግሩኝ ስለ ደግነታቸውና መልካምነታቸው ተረድቻለሁ። ይልቁንም መነሻቸው ማኅደረ ስብሐት እንደነበረች አጫውተውኛል። በማኅደረ ስብሐት የአለቆች ዝርዝርም ታሪካቸው ሰፍሮላቸዋል።

ነገ ብጹዓን አበው ሊቃነ ጳጳሳት በተገኙበት በመንበረ ጸባዖት ቅድስት ሥላሴ ቤተ ክርስቲያን ይታሰባሉ።

በረከታቸው ይድረሰን።

ፍጥረታትን ተመልከት። አስተውል። ሳይንሱ ስለ ፍጥረታት ብዙ ይመረምራል። ብዙ ዓለማት እንዳሉ በደረሰበት የቴክኖሎጂ ልክ ያሳየናል። የውቅያኖሱ ጥልቀት ፣ የሰማዩ ርቀት ፣ የፀሐይ ፣ የጨረቃና...
27/08/2026

ፍጥረታትን ተመልከት። አስተውል። ሳይንሱ ስለ ፍጥረታት ብዙ ይመረምራል። ብዙ ዓለማት እንዳሉ በደረሰበት የቴክኖሎጂ ልክ ያሳየናል። የውቅያኖሱ ጥልቀት ፣ የሰማዩ ርቀት ፣ የፀሐይ ፣ የጨረቃና የሌሎች ፕላኔቶች ዑደት በእጅጉ ይደንቃል። ከአእምሮም በላይ ነው።

አብዛኛው የፍጥረታት ምስጢር ደግሞ ከእኛ የተደበቀና ረቂቅ ነው። የዚህ ሁሉ አስገኝ ፣ ፈጣሪ ፣ መጋቢ ደግሞ በሁሉ ቦታ ምሉእ ሆኖ ይኖራል። ለኛ የረቀቁ ፍጥረታ በእርሱ ዘንድ ለይኩኑ ተብለው የተፈጠሩ ናቸው።

ከነዚህ በእጅጉ ከሚያስገርሙ ረቂቃን እና ርሁቃን ፍጥረታት ግን በአካለ መጠን ነዓስ መርዓት የምትባል እመ ብርሃን ትበልጣለች። የሚያስገርመው ሁልጊዜ ከፈጣሪ በታች ፣ ከፍጡራን በላይ ስንል ቃሉን Normalize አደረግነውና ውስጣችን መርምሮት አያውቅም።

እመቤታችን ማርያም ከሚያስገርሙን ፣ ከሚያስፈሩን ፣ ከማናያቸውና ካላየናቸው ፍጥረታት ሁሉ በላይ ናት። እነርሱ ደግሞ ከእርሷ በታች ናቸው። ሊቁ "ስላንቺ ድንቅ ድንቅ ነገር መናገር የሚቻለው አንደበት ፣ መስማት የሚቻለው ጆሮ ፣ ማሰብ የሚቻለው ልቡና ምን ይረቅ ፣ ምን ይጠልቅ ፣ ረቂቅ ነው ፣ ጥልቅ ነው። ወዮ ለዚህ አንክሮ ተደሞ ይገባል።" እያለ የሚያዳንቀው ይህ ምስጢር ተገልጾለትም አይደል!

እመቤታችን ለዚህ ሁሉ ክብር የበቃቸው ደገኛውን አዳኛችንን ኢየሱስ ክርስቶስን በመውለዷ ነው። እኛ ደግሞ የስጋችን ቁራጭ ፣ የአጥንታችን ፍላጭ ናትና ምክሐ ዘመድነ እያልን እንመካባታለን።

በረከተ ረድኤታ ውኩፍ ወሀብተ ረድኤታ ትሩፍ ይርከበነ!

ሙሴሰ የዋህ እምኩሉ ደቂቀ እስራኤል እንዲል ሙሴ ከእስራኤል ልጆች ሁሉ የዋሁ ነበር።ስምና ግብር ስምም ናቸው። ወንድማችን ሙሴም የዋህ ነበር። ዘአልቦ ጽልሁት ውስተ ልቡ!ሞቱ ልብን ይሰብራል።...
27/07/2026

ሙሴሰ የዋህ እምኩሉ ደቂቀ እስራኤል እንዲል ሙሴ ከእስራኤል ልጆች ሁሉ የዋሁ ነበር።

ስምና ግብር ስምም ናቸው። ወንድማችን ሙሴም የዋህ ነበር። ዘአልቦ ጽልሁት ውስተ ልቡ!

ሞቱ ልብን ይሰብራል። አንዳንድ ሞት ሲሰማ እንደ ናባል አድርቆ ያስቀራል። የገጠመን ይህ ነው። ደቂቃ ለማኅደረ ስብሐት በደጉ ወንድማችን ሞት ከልብ እናዝናለን።

ከልብ በሆነ መተናነስና የዋህነት ያገለገልካት እመ ብርሃን በዘፈረ ልብሳ ትከልልህ። ወንድማችን ደክመህ ነበርና የሰላም ዕረፍት ያድርግልህ።

ኪዳነ ምህረት!ጌታ በምድር ላይ ለሰው ልጆች ከሰጣቸው ኪዳናት ሁሉ የእመቤታችን ኪዳን የሚለይበት "የምህረት" ኪዳን መሆኑ ነው።ስሟን ጠርተን የምንድንበት ፣ በእንተ ማርያም ወላዲትከ ብለን ም...
23/07/2026

ኪዳነ ምህረት!

ጌታ በምድር ላይ ለሰው ልጆች ከሰጣቸው ኪዳናት ሁሉ የእመቤታችን ኪዳን የሚለይበት "የምህረት" ኪዳን መሆኑ ነው።

ስሟን ጠርተን የምንድንበት ፣ በእንተ ማርያም ወላዲትከ ብለን ምህረት የምናገኝበት ፣ ውሳጣዊ ሀሳባችን የሚፈጸምበት ፣ የእመቤታችን ፍቅር በልባችን የሚሳልበት ይህ ኪዳን ልዩ ነው።

ደግ መልአክ ነው። የለመኑትን ፈጥኖ ይሰማል። በጭንቅ ጊዜ ደራሽ ነው። ሚካኤል የሚለው ቃል ከነፍሳችን ጋር ተሳስሯል። ረዳኤ ምንዱባን የተሰኘ ፣ አኃዜ መንጦላእት ፣ ቅሩበ እግዚአብሔር ቅዱስ...
19/06/2026

ደግ መልአክ ነው። የለመኑትን ፈጥኖ ይሰማል። በጭንቅ ጊዜ ደራሽ ነው። ሚካኤል የሚለው ቃል ከነፍሳችን ጋር ተሳስሯል። ረዳኤ ምንዱባን የተሰኘ ፣ አኃዜ መንጦላእት ፣ ቅሩበ እግዚአብሔር ቅዱስ ሚካኤል በህይወታችን ሁሉ ይቅደምልን።

ያሬድ ካህን ተላዌ ጳውሎስ ሐዋርያብርሃነ ዓለም የተሰኘ ቅዱስ ጳውሎስ ወንጌልን በዓለም ዙርያ ለሚገኙ ክርስቲያኖች በቃልም፣ በግብርም ፣ በመጽሐፍም አምልቶ አስተምሯል። ቅድስት ቤተ ክርስቲያን...
19/05/2026

ያሬድ ካህን ተላዌ ጳውሎስ ሐዋርያ

ብርሃነ ዓለም የተሰኘ ቅዱስ ጳውሎስ ወንጌልን በዓለም ዙርያ ለሚገኙ ክርስቲያኖች በቃልም፣ በግብርም ፣ በመጽሐፍም አምልቶ አስተምሯል። ቅድስት ቤተ ክርስቲያንም ብርሃነ ዓለም (የዓለም ብርሃን) እያለች ትጠራዋለች።

ቅዱስ ያሬድም እንደ ሐዋርያው ጳውሎስ ወንጌልን በምልዓት ያስተማረ የቤተ ክርስቲያን ብርሃን ነው። የሰማያዊ መንግስት ወንጌልንም ከግብር ፣ ከቃልና ከድርሰት ባሻገር በሰማያዊ ዜማ የገለጠ ቅዱስ ነው።

ዜማው ዝርው ያልሆነ ፣ ህግ የተወሰነለት ፣ ለነፍስ የተመቸና ሰማያዊቷን ዓለም በተመስጦ የሚያሳይ ነው። ከዚሁ ሁሉ መንፈሳዊ ግብሩ በላይ ግን ቅዱስ ያሬድ የበቃ መናኝ ፣ ሞትን ያልቀመሰ ስውር ነው።

በረከቱ አይለየን!

ታናሽ ወንድማችን ዲያቆን ጥበቡ ተፈራ ከልጅነቱ ጀምሮ ለማኅደረ ስብሐት የተሰጠ ወንድማችን ነው። ዛሬ የህይወቱን ትልቁን ምዕራፍ "ብእሲት ቡርክት" ብሎ ጀምሯል።ሲቀድስ የሚያምርበት ፣ ሲዘምር...
18/05/2026

ታናሽ ወንድማችን ዲያቆን ጥበቡ ተፈራ ከልጅነቱ ጀምሮ ለማኅደረ ስብሐት የተሰጠ ወንድማችን ነው። ዛሬ የህይወቱን ትልቁን ምዕራፍ "ብእሲት ቡርክት" ብሎ ጀምሯል።

ሲቀድስ የሚያምርበት ፣ ሲዘምር የሚሰማ ቤተ ክርስቲያንን ከልብ ያለመሰልቸት የሚያገለግል ወንድም ነው።

ከጥበብ ጎዳና ሳይወጣ በጥበብ ይኖር ዘንድ ምኞታችን ነው።

1. ጉባኤ ቃና

መርዓተ መርዓዊ ቡርክተ ይዌድሳ አንስተ ዐረብ ወሳባ
እስመ ቅድመ ኩሉ ተከስተ ዘተሰወረ ጥበባ

ማኅደረ ስብሐት ኮነት ደብረ ቀርሜሎስ አሐቲ
ነቢየ ተልዕሎ ኤልያስ እስመ አስተርአየ ባቲ

መርዓተ ጥበብ ቡርክት ለዘነሐትት ሐተታ
እስመ በጥበብ ሐነጸት መሰረተ ጽኑዕ ቤታ

2. ዘአምላኪየ

ዘመነ ብህታዌ ክረምት ጸዋሬ ዘኤልያስ ጻማ
አመ ገብአ ወአመ ተመይጠ በዘጸንአ ግርማ
ዮርዳኖስ ለአቤል ወለዳንኤል አርሴማ

3. መወድስ

ብእሲ ኢይድክም በዓለመ ስጋ
ሥላሴ ፈጠሩ በዘኢየሀልቅ ጥበቦሙ
ዘትረድኦ ቡርክተ እንዘ ትጼዋእ በስሙ
ወበህገ ፍጥረት ዘተነግረ
ብዙኃን እንዘ የሀስሱ ብእሲተ ደክሙ
እስከነ ይረክቡ ተምኔቶሙ
እመኒ ይረውጽ ሠረገላ ዘመን ዕድሜሆሙ

መርዓትሰ አመ ታንሶሱ በለቢሰ ጥበብ ቀዲሙ
እምውሳጤ ልቦሙ ያነክሩ እለ ነጸርዋ በዓይኖሙ
ወበልሳና ጥዑም ለአዝማዲሃ ኩሎሙ
ዘይሴኒ ጥበብየ እፎኑመ ትቤሎሙ

Address

Addis Ababa

Telephone

+251921625794

Website

Alerts

Be the first to know and let us send you an email when Yohannes Eshetu posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Yohannes Eshetu:

Shortcuts

Share

Category