Ethio-Cinema

25/04/2023

"የኪነ-ጥበቡን ዘርፍ መንግስት በቀጥታ መደገፍ አለበት" ስንል ምን ማለታችን ነው? የመንግስት ቀጥተኛ ድጋፍ የሚደረግላቸው ዘርፎችን በምሳሌነት እናንሳና የኪነ-ጥበብ ዘርፉ መደገፍ ስላለበት መሰረታዊ አመክንዮ በዋናነት እንዳስሳለን!

👉ጤና፦ ይሄ ዘርፍ በመንግስት አመታዊ በጀት ተመድቦለት የሚንቀሳቀስ ትልቅ ዘርፍ ነው። ይሄን ዘርፍ መንግስት በቀጥታ ባይደግፈው ሆስፒታል ፣ መድኀኒት ....... ወዘተ አይኖሩም ማለት ነው። የህብረተሰብ የጤና መድህን በቀጥታ ችግር ውስጥ ይገባል ማለት ነው!

👉ትምህርት፦ ትልቁ የትውልድ ግንባታ የሆነው ይህ ዘርፍ መንግስት በቀጥታ በጀት ይዞለት በባለሞያው ባያስመራው ትውልድ እንደ ትውልድ የመቀጠሉ ሁናቴ ከ ዜሮ በታች ስለመሆኑ ጥርጣሬ አያሻም!

👉ግብርና፦ በዚህ ዘርፍ ውስጥ በልቶ ከማደር ጀምሮ የሃገር ኢኮኖሚ መገንቢያ ትልቁ ዘርፍ ነው። ለገበሬ የግብርና ቴክኖሎጂ ከማቅረብ ጀምሮ በተቀናጀ መንገድ መሬትን አርሶ የዕለት ጉርስን ከመሸፈን በላይ ሃገር በምታመርተው የተለያዩ ምርቶች ኢኮኖሚዋን መገንባት የሚያችላት ትልቅ ዘርፍ ነው። ለዚህ ቡናን በምሳሌነት ማንሳት ከበቂ በላይ ነው።

👉ቱሪዝም፦ ከሚዳሰሱ ቅርሶች እስከማይዳሰሱ ቅርሶች ባለቤት የሆነችው ሃገራችን ኢትዮጵያ በዚህ ዘርፍ ያላት እምቅ አቅም በተገቢው መንገድ መጠቀም ባትችልም ፣ በመንግስት ቀጥተኛ በጀት ከመመራት ጀምሮ የወደፊቱ የኢትዮጵያ ትልቁ የኢኮኖሚ አንቀሳቃሽ ዘርፍ እንደሚሆን ከመሪዎች መስማት የተለመደ ነው። የመንግስት ትኩረት ካልተለየው ሃሳቡ እንደሚሳካ ጥርጣሬ አያሻም!

👉ኢንደስትሪ፦ ለዜጎች የስራ ዕድል ከመፍጠር ጀምሮ ከሃገራችን ትላልቅ ኢኮኖሚ አንቀሳቃሽ ዘርፎች የሚጠቀስ ዘርፍ ነው። ዘርፉ በመንግስት ከሚደረግለት ቀጥተኛ ድጋፍ የተነሳ የራሱን ፓርኮች ከመገንባት ጀምሮ ለዜጎች ዋንኛ የስራ አማራጭ እስከመሆን የደረሰ ትልቅ ዘርፍ ነው!

ከላይ የተጠቀሱት ዘርፎችን ለአብነት አነሳን እንጂ መንግስት በቀጥታ የሚደግፋቸው አብዛኛው ዘርፎች ለሃገር የኢኮኖሚ ግንባታ የአንበሳውን ድርሻ እንደሚወስዱ መረዳት እጅግ ቀላሉ ነገር ነው!

👉የኪነ-ጥበቡ ዘርፍ በቀጥታ (በበጀት) መንግስት ቢደግፈው ምን ለውጥ ሊያመጣ ይችላል?

የትኛውም ዘርፍ ቀጥተኛ የመንግስት የበጀት ድጋፍ እና ብቁ በሆነ በዘርፉ ሞያተኛ ከተመራ ትልቅ ውጤት የማያመጣበት አንዳች ምክንያት የለም። በሃገራችን አንዳንድ ዘርፎች የመንግስት ቀጥተኛ ድጋፍ ቢያገኙም ፣ ያን ያህል የተዋጣለት ስኬት እያገኙ አይደለም። ከዚህ አንፃር የስፖርት (ምናልባት ከአትሌቲክሱ ውጪ) ዘርፍ መጥቀስ ይቻላል። ዘርፍን በጀት በጅቶ ከመተው ባሻገር በአመራር ማብቃት የመንግስት ትልቁ ስራ ይሆናል!

በአንፃራዊነት እንብዛም ትኩረት ያልተሰጠው የኪነ-ጥበቡ ዘርፍ ቀላል የማይባል ገንዘብን ከማንቀሳቀስ ጀምሮ ለዜጎች የስራ ዕድል አማራጭ መፍጠር የቻለ ዘርፍ ነው። እንደ ተሞክሮ ምዕራብ አፍሪካዊቷን የኢኮኖሚ ቁንጮ ናይጄሪያን ብናይ ፣ ኪነ-ጥበብ ለሃገሪቱ GDP ቀጥተኛ አስተዋፅኦ ማድረግ የቻለ ተጠቃሽ ዘርፍ ነው! በሃገሪቱ ከግብርና ቀጥሎ ከፍተኛ የሰው ሃይል (የስራ ዕድል) የተሰማራበት ዘርፍ ነው። ጥሩ የዲሞክራሲ ልምምድ እንዳላት የሚነገርላት ሃገረ ናይጄሪያ በመንግስት መለዋወጥ ውስጥ ለኪነ-ጥበብ የማይለዋወጥ ምልከታ ያላቸው መሪዎችን ማፍራት የቻለችም ሃገር ናት!

ወደ ሃገራችን ስንመጣ ፣ ደርግ በዘመኑ ኪነ-ጥበብን (በተለይ ፊልምን) ለፖለቲካ ማራመጃ (ለፕሮፖጋንዳ) መሳሪያነት መጠቀም ችሎ ነበር። የፊልም ኮርፖሬሽንን ከማቋቋም ጀምሮ በይዘት ፖለቲካዊ እሳቤዎችን ከሚያንፀባርቁ ፊልሞች ጀምሮ በጥቂቱ ሃገራዊ እና ግለሰባዊ ሃሳቦችን በፊልም መልክ ሊያስቃኘን ሞክሯል። ኮርፖሬሽኑን ሲያቋቁም ለሞያው ፍላጎት ያላቸውን ጎሮቤት ሃገር ኬንያ እና የቀድሞዋ ሶቪየት ህብረት በመላክ ጭምር ያስተማረ ሲሆን ፣ ኮርፖሬሽኑን በቁሳቁስ ረገድ የወቅቱን የሲኒማ ቴክኖሎጂ እንዲታጠቅ ማድረግ የቻለ መንግስት ነበረ።

የፊልም አይነ-ጥላ የነበረበት የኢህአዴግ መንግስት ፣ ደርግ በአዋጅ ያደረጀውን ኮርፖሬሽን በአዋጅ አስነግሮ ከማፍረስ ጀምሮ ፣ የሲኒማ ቁሳቁሶቹን መርካቶ ወስዶ በኪሎ እስከመቸብቸብ የደረሰ መንግስት ነበረ!

አሁን ያለው ስርዓት የአመጣጡ ሰሞን መሪው ከስልጣናቸው በፊት ከተወሰኑ የኪነ-ጥበብ ሰዎች ጋር በነበራቸው ግንኙነት እና የተወሰኑ መፅሃፍት ፅፈውም ስለነበር እንዲሁም የጫጉላቸው ሰሞን የኪነ-ጥበብ ሰዎችን ሰብስበው በማናገራቸው "እንደው ለኪነ-ጥበቡ ቀና ልብ አላቸው" ብለን አስበን ነበር። ነበር ነው ደግሞ! ውሎ ሲያድር ነገሮች የታሰቡትን ያህል እንዳልሆኑ መገመት አይከብድም! ሆኖም የተሰሩ መልካም ስራዎችን ማንሳት ተገቢ ይሆናል፦ በተለይ በእድሜ ርዝማኔያቸው ያረጁ ትያትር ቤቶች (ሃገር ፍቅር ትያትር ቤትና ማዘጋጃ ቤት ትያትር አዳራሽን በምሳሌነት እናንሳና) እድሳት እንዲደረግላቸው ፣ ብሄራዊ ትያትር ቤት ደግሞ አዲስ ህንፃ እንዲሰራለት መደረጉን አለማንሳት ይከብዳል! ታድያ የታደሱ ትያትር ቤቶችን ለባለሞያው ማስረከቡ የዘገየ ይመስላል!

ከሰሞኑ የአዲስ አበባ ከተማ አስተዳደር ከንቲባ ወ/ሮ አዳነች አቤቤ የዘርፉን ሞያተኞች በመሰብሰብ በአንዳንድ ርዕሰ ጉዳዮች ላይ ውይይት ማድረጋቸውን ተመልክተናል። ዘርፉ የሚፈልገውን አስፈላጊ ትኩረትና ሃገራዊ ፋይዳል በጥልቀት ያስረዳ ባለሞያ ባይኖርም አንዳንድ መፍትሄ የሚሹ አንገብጋቢ የዘርፉ ማነቆዎች በአንዳንድ ሞያተኞች መነሳታቸው የማይካድ ሃቅ ነው። መንግስት ሞያተኛውን ለማወያየት የሄደበት እርቀት የሚያስመሰግነው ቢሆንም ፣ ተጨባጭ ወደሆኑት ዘርፉን በቀጥታ የመደገፍ አዝማሚያዎች ግን እንብዛም አይስተዋልበትም።

ከትምህርት አንፃር በአብዛኛው ዩኒቨርስቲዎች የትያትር ጥበባት ፣ የሙዚቃ እና ከቅርብ ጊዜ ወዲህ የፊልም እና የቴሌቪዥን ፕሮዳክሽን ትምህርቶች እንዲስፋፉ መደረጉ ብሎም የግል የትምህርት ተቋማት በዘርፉ ባለሞያዎችን እንዲያፈሩ መደረጉ ከኢህአዴግ መንግስት ጀምሮ አሁን ድረስ ያለ መልካም ተግባር ነው።

ስናጠቃልለው፦ ይሄ ዘርፍ ካለው የኢኮኖሚ እና የስራ ዕድል ፈጠራ አኳያ ብቻ መንግስት በቀጥታ ኢንዱስትሪ አቋቁሞለት ብሎም በሚኒስቴር ደረጃ ሊመራው የሚገባው ሃያል ዘርፍ ነው! ብዙ ጊዜ ይሄን ዘርፍ "መንግስት በቀጥታ ይምራው" ሲባል "የመንግስት ሃሳብ ማንፀባረቂያ መድረክ ይሆናል" ብለው የሚሰጉ አካላት ስለመኖራቸው አያጠያይቅም። መፍትሄው የይዘት ጉዳዮችን በቀጥታ በሞያተኛው ማስመራት እና መንግስት እንደ ማንኛውም ተቋም ዘርፉን የማስተዳደር ሃላፊነት ብቻ መውሰድ ይጠበቅበታል።

የዘርፉ ሞያተኞች በግል የሚደረጉ ሩጫዎች የትም እንደማያደርሳችሁ በመገንዘብ ፣ ሰብሰብ ብላችሁ ጠንካራ የሞያ ማህበራትን በማደራጀት (ያሉትን በማጠናከር) ፣ አስፈላጊውን ጫና የሚመለከተው አካል ላይ በማሳደር ሞያዊ ግዴታችሁ እንድትወጡ ይጠበቃል።

በሃገራችን በቢልዮን ገንዘቦች ፈሰስ ተደርጎላቸው እዚህ ግባ የማይባል ውጤት የሚያመጡ ዘርፎች ሞልተው ሲያበቁ ፣ ይሄን ዘርፍ ለሙከራ እንኳን መንግስት ሃላፊነት ወስዶ በሰው ሃይል ፣ በቁሳቁስ ፣ በቴክኖሎጂ እና በትምህርት ቢደግፈው ከየትኛውም ዘርፍ ያልተናነሰ በሃገር ዕድገት ላይ የማይተካ ሚና እንደሚጫወት የሌሎች ሃገራትን ተሞክሮ መመልከት ብቻውን በቂ ይሆናል!

ከላይ የተጠቀሰው ሃሳብ እንዲሰምር በመንግስት ውስጥ እና በመንግስት ዙሪያ የምትገኙ የኪነ-ጥበብ ባለሞያዎችና ወዳጆች ጉዳዩን ለሚመለከተው አካል በጥልቀት ከማስረዳት ጀምሮ ፣ በዘርፉ ላይ የአዋጭነት ጥናት ሰርቶ እስከማቅረብ ድረስ ትልቅ ሃላፊነት እንዳለባችሁ ልናስታውሳችሁ እንፈልጋለን!
✊️

#አማኑኤል ደረጀ (የፊልም እና የቴሌቪዥን ፕሮዳክሽን ባለሞያና መምህር)

06/01/2023

መልካም ገና!

Critics - Ethiopia

11/12/2022

አርቲስት ታሪኩ ብርሃኑ (ባባ) ከዚህ ዓለም በሞት ተለየ

በፊልም ሥራዎቹ ብዙዎች ዘንድ ተወዳጅነትን እና ዝናን ያተረፈው አርቲስት ታሪኩ ብርሃኑ (ባባ) ከዚህ ዓለም በሞት ተለየ።

ወጣቱ የፊልም ባለሙያ ባደረበት ሕመም ለሳምንታት በሕክምና ሲረዳ ቢቆይም ሕይወቱ ሊያልፍ ችሏል።

አርባ ያህል ፊልሞች ላይ የተወነው አርቲስት ታሪኩ በሕመም ምክንያት ሕይወቱ ማለፉን ኢፕድ ከአርቲስቱ የቅርብ ሰዎች ማረጋገጡን ዘግቧል።

አርቲስቱ ወጣት በ97፣ ወንድሜ ያዕቆብ፣ ላውንድሪ ቦይ፣ ማርትሬዛ፣ ይመችሽ-የአራዳ ልጅ 2፣ ሞኙ የአራዳ ልጅ 4፣ አንድ ሁለት፣ ብር ርርር፣ ወደው አይሰርቁ፣ ወፌ ቆመች፣ እንደ ቀልድ፣ ወቶ አደር፣ አባት ሀገር እና ሌሎችም ፊልሞች ላይ ተውኗል።

አርቲስት ታሪኩ ብርሃኑ የአንድ ልጅ አባት ነበረ።

18/11/2022

#ስለ sur-realism ከፊልም ጋር ስላለው ቁርኝት ትንሽ እንበላችሁ
# ዲበ_እውነታዊነት

========©=========
ዲበ-እውነታዊነት # Sur_realism የሚለው ቃል ከፈረንሳይ ቃል የመጣ ሲሆን Sur ማለት በእንግሊዘኛው Beyond ባሻገር ፣ ዲበ ማለት ሲሆን Realism ደግሞ እውነታዊነት ተብሎ ይተረጐማል፡፡ ዲበ እውነታዊነት በፊልም ሆነ በስነ-ስዕል አስተምሮት ለማግኘት ሆነ ጥናት በማድረግ ከተለመደው የተፈጥሮ ህግ ውጪ በሆነ ልማደ ህይወት የሚገለጹ ነገሮችን ከ “Psychoanalytical” በህይወት የሚደረግ ጥናታዊ ስራን መሠረት በሚያደረግ መልኩ የሚቀርብበት
ነው፡፡ ዲበ-እውነታዊነት Sur-Realism የመጣው ከትርጉም የለሻዊነት Dadaism ሲሆን ከዚያም የራሱን የሆነ ፍልስፍና፣ ዘይቤ ለመከተል የቻለ ነው፡፡

በስነ ውበት ዙሪያ ላይ ትኩረት የሚያደርጉ በስነ-ጽሁፍ፣ ስነ-ስዕል ለፊልም በቅድሚያ የሚታወቁ አስተሳሰቦችን እንደ ትርጉም የለሻዊነት ዘይቤ የማይቀበል ከእውነታ ፍልስፍና ዘይቤ ያፈነገጠ ነጻ የሆነ ዘመናዊ አስተሳሰብን የሚከተል ነው፡፡

በዚህ የፍልስፍና ዘይቤ ከፊልም ጽሁፍ አጻጻፍ shooting Script በፊልም
ዝግጅት ለማሳየት የሚሞክረው ውስጣዊ ህሊና Sub-Conscious ነጸብራቅ የሆነው ስነ - ጥበብን ነው፡፡
ዲበ-እውነታዊነት ንቃተ ህሊና Consciousness ትኩረት የሚያደርግ ሓልዮት ያሉበት የገጸ-ባህሪያት characte r አሳሳል የቃለ ፊልም አቀራረብ፣ የዋና ገጸ-ባህሪ Main Character ልዕለ አእምሮ super mental ወይም የመንፈስ ዝለት ያለበት የህሊናን ጥያቄ መሠረት ያደረገ ነው፡፡ በዚህ የፊልም ዘይቤ ውስጥ ከተለመደው ወይም ግራ የሚያጋባ ሰዎች ከተስማሙበት እውነታ ያፈነገጠ የአጻጻፈ “የዝግጅት”ሓልዮትን መሠረት ያደረገ ነው፡፡

የዲበ-እወነታዊነት መሥራች የሚባለው በ1924 Andre Breton ሲሆን ለዚህ
ዘይቤ መነሻ የሆነው ትርጉም የሌሻዊነት ብለን የጠቀስነው ዘይቤ ነው፡፡
የዚህ ዘይቤ ዋናው መነሻ ጭብጥ አዳሪያን Bourgeois Society ለመቃወም ነው፡፡ ቀድሞ ከተቀመጠው በፊልም ህግ ውጭ በሆነ ሁኔታ አዲስ ልዩ ህግን በመፍጠር “Pure Psychic Automatism” የምንለው በፊልም ውስጥ ያሉ ገጸ-ባህሪያት ገደብ በሌለው በሁሉ ቦታ መገኛ ፣ በሁሉ ቻይነት Omnipotence and Omnipresent አድርጐ የመቅረጽ ዘይቤን የተከተለ ነው፡፡ ዘይቤው በአስተምሮቱ ከማህበረሰቡ የወጣ “እብደት” የምንለው ከተለመደው
የማስተማር ሒደት የተለየ መንገድን የሚከተል ነው፡፡ ዲበ-እውነታዊነት
መፍጠር የሚፈልገው በራሱ እውነት ብለን ከተቀበልነው ከአመንበት በላይ ያለ
እውነትን ነው፡፡

በተለይ በሚያስደንቅ ሁኔታ ዘይቤውን የሚገልጹ ፊልሞ King Kong, the
illusionist የመሳሰሉት ፊልሞች ናቸው በተለይ በ1928 የተሰራው unchien
Andalou (An Andalusia Dog) እና L’Age D’ The Age of Gold
193ዐ ዘይቤውን በመከተል ተጠቃሽ ፊልሞች ናቸው፡፡

Critics - Ethiopia

17/11/2022

ሲኒማን የሚያመለክቱ 22 የፊልም እንቅስቃሴዎች (ሀሣቦች):-

1. German Expressionism (1919-1926)
2. French Impressionism (1918-1930)
3.Soviet Montage (1924-1935)
4.Documentary Film Movement
(1929-1950)
5.Poetic Realism (1930-1939)
6.Italian Neorealism (1942-1951)
7.The Polish School (1955-1963)
8.Free Cinema (1956-1959)
9.Direct Cinema (1958-1962)
10.British New Wave (1958-1963)
11.French New Wave (1959-1964)
12.Cinema Novo (1960-1972)
13.Czech New Wave (1962-1968)
14.The Movie Brats (Late 1960s -
1980s)
15.LA Rebellion (1967-1991)
16.New German Cinema (1968-1982)
17.Japanese New Wave (1975-1985)
18.Australian New Wave (1975-1985)
19.Cinéma Du Look (1980-1991)
20. New Q***r Cinema 1990 - 1995
21. Dogme 95 (1995 - 2005)
22. Mumblecore (2002-)

እነዚህን የሲኒማ ሀሣቦች በቅድመ ተከተል በቅርብ ቀን እንተነትናለን!!

አብራችሁን ቆዩ!

https://t.me/filmcriticss

Critics - Ethiopia

#አማኑኤል ደረጀ

የፊልም እና የቴሌቪዥን ፕሮዳክሽን ትምህርቶች እዚህ ያገኛሉ! ለሃሳብ ፣ አስተያየት እና ጥያቄ በቴሌግራም፦ በስልክ ቁጥር፦ 0919268395 በኢ-ሜል፦ [email protected]

16/11/2022

ስለ ፊልም_ጽንሰ_ሓሳብ (Film Theory) ጥቂት እንበላችሁ!

==============
የፊልም ጽንሰ ሓሳብን Film Theory ስናጠና የፊልም ሓልዮተ ጽንሰ-ሀሳብ መረዳት አለብን፡፡ በዚህ ጽንሰ-ሀሳብ የሀሳቡ ማብራሪያ፣የስነ-ጥበባቱ መለኪያ መስፈርት ለይተን በጥንቃቄ ማወቅ አለብን፡፡ በፊልም ጽንሰ-ሀሳብ “Theory”
ጥልቁን ቦታ የሚይዘው የፊልሙ ትርጓሜ “ማብራሪያ ነው” በዚህ ማብራሪያ ሒደት የአውደ እውቀቱን የቃላት ትርጓሜ ከፊልሙ ሀሳብ ጋር ማዋሀድ ይጠይቃል፡፡ ለምሳሌ አልባሳት ፣ ገጸ ቅብ ፣ ቅርጽ ፣ የካሜራ እንቅስቃሴን የሚተርክልን Mise-en-scene ስለ ሲኒማቶግራፊ የፊልም አርትኦት editing የተሻለ ግንዛቤ ሊኖረን ይገባል፡፡

የፊልም ጽንሰ-ሓሳብ ታሪካዊ ዳራ በ2ዐኛው ክፍለ ዘመን የፊልም ጥበብ መፈጠር ጋር የተጀመረው ይህ ጽንሰ- ሓሳብ በጊዜ ሂደት የራሱን አስተምሮትን ፈጠረ በተለይ የፈረንሳይ ፈላስፋ Henri Bergson ስለ Matter and Memory ሓሳብበ19ዐ6 በጻፈው L’illusions
Cinematagraphique በሚለው ድርሰቱ በዝርዝር ገልጾታል፡፡
የፊልም ጽንሰ-ሀሳብ ማደግና የሲኒማ መወለድ አያይዞ ሲገልጽ ስለ አዲስ ጥበብ የምናስብበት በዚህም የእይታ ጥበብ የምስልን እንቅስቃሴ የጊዜና የምስልን ውህደት በአዲስ ጥበብ መለኪያ New Medium የምናይበት ነው… ብለናል፡፡

የፊልም ጽንሰ-ሓሳብ የተነሳው በድምጽ አልባው ዘመን ሲሆን በዚሁ ዘመን በተለየ ሁኔታ የፊልም ሂደት የሚታይበት ነው፡፡ በዘርፉ ከሚጠሩ ባለሙያዎች መሐከል Germaine Dulac, Louis Gelluc, Jean Epstein. Sergei Eisenstein . . . ተጠቃሽ ናቸው፡፡ የፊልም ባለሙያዎች የሚስማሙበት ጉዳይ የፊልም ጥበብ ከእውነተኛ ከእለት እለት ኑሮ የተለየ ስነ አብዛኛውጥበብ ዘርፍ፤ ላቅ ባለ ሁኔታ የምናስበው የስነ-ጥበብ ሕሳቤን የያዘ ጥበብ ዘርፍ ነው… "በማለት ነው"፡፡

በ196ዐዎች እና በ1970ዎች በፊልም አውደ እውቀት ሲመሰረት ስለ ስነ-ልቦና ፣ ጾታ፣ የዘመን አቆጣጠር ፣ስነ-ፍጥረታዊ ምልክት Semiotics እና ቋንቋ የሚያጠና ሆኖ ነበር የቀረበው፡፡ ከ1990ዎቹ በኋላ ስነ-ጥበቡ ከስነ-ጽሑፋዊ ቅርጹ… ከካሜራ ጥበቡ ውጭ በሆነ ሁኔታ አዲስ እና ዘመናዊ ቴክኖሎጂ ለምንለው ጥበብ ዲጂታል የቴክኖሎጂ አዘነበለ፡፡ በተለይ በ20ኛው ክ/ዘመን ከፊልሙ ባሻገር በስነ-ስእሉ የሚታወቀው ፓፕሎ ፒካሶ የፈጠረው cubism የአሳሳል ዘይቤ ወደ ፊልሙ በመምጣቱ የcubism ጥበብ በመከተል ከስዕል ወደ ፊልም ማደግ ቻለ፡፡

በሌላ ጊዜ በተከታታይ ክፍሎች በዚህ ርዕሰ ጉዳይ ወደናንተ እንደርሳለን!

Critics - Ethiopia

https://t.me/filmcriticss

#አማኑኤል ደረጀ

16/11/2022

Summary!

ስለ Screenplay ቀለል ባለ መንገድ ሙሉ ሃሳቡን እንደሚከተለው ይረዱት!

ስክሪን ፕሌይ ምንደን ነው?አፃፃፉስ እንዴት ነው?

ስክሪን ፕሌይ ማለት የ ፊልሙ ፅሁፍ ወይም ስክሪፕት ሲሆን ፊልሙን ለሚሰሩት ሰዎች እንደ መመሪያ ሆኖ ያገለግላል። ስክሪን ፕላይ ሲፃፍ ሶስት ዋና ነገሮች አሉት

1 በ SlugLine ይጀምራል ስለግላይን ማለት አንድ ሲን(Scene) የት እና መቼ እየተከሰተ እንደሆነ የሚገልፅ ነው። ለምሳሌ “ውስጥ - ቢሮ-ምሽት” (“INT-OFFICE-NIGHT”) ይሄ በየ ሲን መጀመሪያ ላይ መፃፍ ያለበት ሲሆን ቦታ ለሚፈልጉት (Location Scout) የታሰበውን ቦታ እንዲያገኙ፣ ፕሮዳክሽን ዲዛይነሩ የተገኘውን ቦታ ቢሮ አስመስሎ እንዲሰራው፣ ሲኒማቶግራፈሩ ምን አይነት ላይቲንግ እንደሚጠቀም እንዲሁም ላይን ፕሮዲውሰሩ(Line Producer) ደግሞ ፊልሙ የሚፈጀውን ወጪ ለመስራት ያገለግላል ። ብዙ ጊዜ በምሽት የሚቀረፁ ቀረፃዎች ውድ ዋጋ ያስወጣሉ፣
2 Action Line አክሽን ላይን ታሪኩ ላይ የሚከሰተውን እያንዳንዱን እንቅስቃሴ እና ተግባር ይገልፃል። ለምሳሌ ድርሰት ላይ በባሏ መሞት ጥልቅ ሃዘን ላይ ናት ብቻ ብለን መግለፅ የሚቻለውን ስክሪን ፕሌይ ላይ ግን ያቺ ሴት ስታለቅስ፣ ፀጉሯን ስትነጭ፣ ስትጮህ፣ ወዘተ በግልፅ ምን እንዳደረገች መፃፍ አለበት። አሳይ እንጂ አትንገር (SHOW DON’T TELL) ማለት ይህ ነው።

3 ቃለምልልስ

ፊቸር ፊልሞች ከ 90 እስከ 120 ገፆች ብቻ ሲሆኑ 1 ገፅ 1 ደቂቃ ተደርጎ ይቀረፃል ። ፊልሞች በዋናነት በ 3 ነግሮች ላይ ያተኩራሉ። 1 - መሪ ገፀባህሪ ዋናው የታሪኩ ካራክተር ነው። 2- አላማ - መሪው ገፀ ባህሪ የሚፈልገው ወይም የሚኖርለት አላማ ሲሆን 3ኛው ደግሞ እንቅፋቶች ናቸው፣ ስለዚህ ፊልሙ አንድ ገፀባህሪ የሚፈልገውን አላማ ለማሳካት የሚያልፍበትን ጉዞ እና የሚያጋጥሙትን ችግሮች እንዴት እንደሚያልፍ የሚያሳይ ነው ማለት ነው። ለምሳሌ ፊልሙ ጋ ገፀባህሪው ከ እስር ለማምለጥ የሚሞክር ቢሆን አላማው ማምለጥ እንቅፋቱ ደግሞ ጥበቃዎች ሲሆኑ ፊልሙ የሚያጠነጥነው እንዴት እንዳመለጠ ወይም ሞክሮ እንዳልተሳካለት ላይ ይሆናል።

ስክሪን ፕሌይ ብዙ ጊዜ 3 አክት ክፍሎች ያሉት ተደርጎ ይፃፋል። ይህ የመጣው ታካቁ ፈላስፋ አርስቶትል ባስቀመጠው መሰረት ነው።ሲድ ፊልድ በ መፅሃፉ እንደሚያስከምጠው Act 1 -> 20-30 ገፆች Act-2 -> 35-70 ገፆች Act-3 -> 75-90 ገፆች ይህም መጀመሪያ ፣ መሃል እና መጨረሻው ነው። እያንዳንዱ ምዕራፍ ላይ የሚከሰቱት ነገሮች ጠቅለል ባለ መልኩ የሚከተለውን ይመስላሉ : ለመርዳት እንዲያግዝ ወደፊት የሚለውን የወንድም አገኝ ለማ ን ፊልም እንደምሳሌ እንጠቀማለን

ACT-1 - መጀመሪያ

-ፊልሙ ላይ ያሉት ገፀባህርያትን ያስተዋቀናል
-ገፀባህሪው ያለበትን አለም ይገልፃል
-መሪው ገፀባህሪ (Hero)ን ያስተዋውቃል

-እንዱሁም ገፀባህሪው የሚኖርለትን አላማ ይገልፃል።

“ህይወትን አባቷ ሙላት ለሚባል ባለሃብት ሊድራት ነው።

የምታፈፍቅረው ፍፁም ደግሞ ድህነቱን አሸንፎ ከህይወት ጋር የተድላ ኑሮ ለመኖር የሚለፋ ሾፌር መሆኑን ተቀጥሮ የሚሰርበት ድርጅት ባለቤት መዓዛ ደግሞ በድብቅ እንደምታፈቅረው እንዲሁም ኪስ አውልቅ የሆኑትን የ ህይወትን ጓደኞች ያስተዋውቀናል ::”

ACT-2- መሃል

-ከፍተኛ ግጭት ፣ ችግር ያጋጥመዋል
-ወዳጅም ጠላትም ይሸምታሉ
-ጥሩም መጥፎም ያጋጥማቸውል
-በመጨረሻም ተስፋ የሚቆርጥበት ደረጃ ላይ ይደርሳል

“ህይወት እና ፍፁም ለሚያሰሩት የሪልስቴት ቤት ከ አቅማቸው በላይ ገንዘብ የጠየቃሉ። ጓደኛዋ ደግሞ ልታገባ መሆኑ ውጧን በጣም ረብሾታል ። ከነሱ አንሳ ላለመታየት የባጡን የቆጡን ትቧጥጣለች። ከዚ ጭንቀት ለመውጣት ፍፅም የሚሾፍርላትን የድርጅቱን ባለቤት ለገንዘብ ብሎ በፍቅር እንዲያጠምዳት ህይወት ታስገድ ደዋለች። ህይወትን በጣም ስለሚወዳት እና ለረጅም ጊዜ ቃል የሚገባላትን ህይወት ሊያኖራት ስላልቻለ ይሄን በማድረግ ኑሮን እንደሚያሸንፉ አምኖበት ይስማማል ። መዓዛ ደግሞ ተናግሮ የማሳመን አቅሙ የስራ እንደሚያግዛት ስላመነች ፍፁም ሾፌርነቱን ትቶ በድርጅቱ ውስጥ እንዲሰራ በጠየቀችው መሰረት ስራውን ይቀበላል እንደሚያፈቅራትም ነግሯት የፍቅር ኑሮ ይጀምራሉ ።”

ACT-3 መጨረሻው

-ግጭቱ ወይም ችግሩ ጣራ ይነካል ከችግሩ ጋር ፊትለፊት ይጋጫሉ።
-አላማቸውን ያሳካሉ ወይስ አያሳኩም የሚለውን ነገር የሚወስነው ክፍል ነው
-አብዛኛው ፊልሞች ላይ አላማቸውን ያሳካሉ።

መዓዛ ከፍፁም ጋር የሚኖሩበትን አዲስ ቤት ገዝታ ቁልፉን ት ሰጠዋለች ። ፍፁምም ቢሆን መዓዛን ቀርቦ ሲመለከታት የምሩን ወደዳት። ድርጅቱም ጥሩ ስኬት ማግኘቱን ተከትሎ ከመዓዛ ጋር ለመዝናናት በወጡበት ሰክረው አብረው ያድራሉ። መዓዛም ታረግዛለች።ህይወትም ብት ሆን ገንዘብ ከሚያሳድ ዱ ጓደኞቿ ጋ መዋል ከጀመረች በኃላ እየተቀየረች ፍፁም የሚወደው ማንነቷ እየመነመነ መጥቷል :: ፍፁም ብቸኛ ሆኖ በማደጉ ገንዘብ ባይኖረውም ልጅ መውለድ የምን ጊዜም ምኞቱ ስለነበር መዓዛን አግብቶ ህይወትም ገንዘን ስታሳድ ድ ብዙ መስዋት የከፈለችለትን ፍቅሯን አጥታ መዓዛም ለረጅም ጊዜ ስታፈቅረው ለኖረችው ሰው የልጁ እናት ይሆናለች

3- ACT አፃፃፍን አብዛኛው የ አለማችን ክፍል ይጠቀመዋል። ቀጥተኛ ያልሆነ (non-Linear) አፃፃፍን መከተል ይቻላል ነገር ግን አይመከርም ። ማንኛውንም አይነት አፃፃፍ ብንከተል ግን ግልፅ የሆነ ስክሪን ፕሌይ ፊልሙ የሚሰራበትን መሰረት ይጥላል::

ቴሌግራም፦ https://t.me/filmcriticss ይቀላቀሉን!

Critics - Ethiopia

የፊልም እና የቴሌቪዥን ፕሮዳክሽን ትምህርቶች እዚህ ያገኛሉ!

15/11/2022

Summary!

በባለፊት ሳምንታት የተማርናቸውን ትምህርቶች ከምስል ጋር አስደግፈን በአጫጭር ገለፃዎች እንደሚከተለው ቀርበዋል።

የፊልም ስራ ዑደት
LIFECYCLE OF A FILM

የፊልም ስራ በመደበኛነት በሶስት ክፍለ ጊዜ ውስጥ ያልፋል ቅድመ ማምረት /Pre production/ ማምረት / Production/ እና ድህረ ማምረትን / Post production/

ቅድመ ማምረት የፊልም ቀረፃውን ለማድረግ ዝግጅቶች የሚደረጉበት ክፍለ ጊዜ ነው፡፡ በማምረት ክፍለ ጊዜ ደግሞ ፊልሙ በተመረጠለት መቼት ላይ ከምድብ ተዋንያኖቹ/cast/ እና ከባለሙያዎቹ/crew/ ጋር በመሆን ቀረፃ የሚከናወንበት ክፍለ ጊዜ ነው፤ እንዲሁም የድህረ ማምረት ክፍለ ጊዜ ደግሞ የተቀረጸው ፊልም /Footage/ የሚቀናበርበት እና ወደ አለቀለት ፊልም የሚለወጥበት ክፍለጊዜ ነው፡፡

የተለያዩ የፊልም ስራ አባላቶች በእያንዳንዱ ክፍለ ጊዜ ውስጥ በተለያየ የስራ መጠን የሚወሰን ተሳትፎ ይኖራቸዋል፤ አንዳንድ ባለሙያዎች እንደ ፕሮዲውሰር እና ዳይሬክተር የመሰሉት ባጠቃላይ የፊልም ስራው ዑደት ተሳታፊ ናቸው፤ ሌሎች እንደ ቪዥዋል ኢፌክት አርቲስት የመሰሉት ማለትም ባለቀለት የፊልም ፎቴጅ (ተቀርጾ የተቀናበረ ፊልም) ላይ የሚሰሩ ዓይነት ሙያተኞች አነስተኛ ተሳትፎ ያላቸው እና በአንደኛው ክፍለ ጊዜ ላይ ብቻ ስራቸውን የሚሰሩ ዓይነት ሊሆኑ ይችላሉ፡፡

የፊልም ሰሪዎች ተግባራት ከታች ባለው ግራፍ ላይ አልተጠቀሱም ነገር ግን በተከታታይ በተፃፉት ፅሁፎች/articles/ ውስጥ በሚገባ ተብራርተዋለል፡፡
ከታች የምትመለከቱት ግራፍ የፊልም ስራ ዑደትን ከፊልም ድርሰት /Script/ ሀሳብ ጀምሮ እስከመጨረሻ ያለቀለት ፊልም ማረጋገጫ ድረስ ያለውን ያሳያል፡፡ ሁሉም ዋና ዋና የስራ እርከን ደረጃ በእያንዳንዱ ክፍለ ጊዜ ላይ እንዲታዩ ሆነው ቀርበዋል፡፡

ሆኖም ግን መታወቅ ያለበት በተግባር የፊልም ስራው ዑደት ከወራት እስከ ዓመታት ሊጠናቀቅ የሚችል መሆኑን ሲሆን በግራፉ ላይ የቀረበው እርከን/steps/ የሚያሳየው በፊልም አመራረት ወቅት በየጊዜው የሚኖረውንና መኖር ያለበትን የአሰራር ድግግሞሽ ነው፡፡ በተጨማሪም የተወሰኑ ጥቂት ዕርከኖች /steps/ በተመሳሳይ በእንዳንዱ ክፍለ ጊዜ ውስጥ በተመሳሰለ መልኩ ሊከሰቱ ይችላሉ።

13/11/2022

የእረፍት ሳምንት!

ባለፉት ሳምንታት.......
#የፕሮዳክሽን የስራ ሂደቶች
#ትወና እና ካስቲንግ
#የፊልም ድርሰት አፃፃፍ
#ፕሮዲውሲንግ
#ሲኒማቶግራፊ እና
#የፊልም ዘውግ አይነቶች'ን ስንማማር ቆይተናል።
ከላይ ባነሳናቸው ርዕሰ ጉዳዮች ዙሪያ መሰረታዊ እውቀት እንዳገኛችሁ ባለሙሉ ተስፋ ነን።

ቀጣዩ ሳምንት እረፍት የምናደርግበት ይሆናል። ከሳምንት እረፍት በኋላ ሌሎች ተከታታይነት ያላቸው ትምህርቶችን እንጀምራለን።

እረፍት ላይ ብንሆንም አስፈላጊ ኪነታዊ መረጃዎችን እና አጫጭር ሲኒማዊ ፅሁፎችን ግን በሳምንቱ ወደናንተ እናደርሳለን።

አብራችሁን እንድትቆዩ ከወዲሁ እንጋብዛለን!

በቴሌግራም፦https://t.me/filmcriticss

Critics - Ethiopia

12/11/2022

የፊልም ዘውጎች/Film Genres/
የመጨረሻ ክፍል
ክፍል 8/ part 8

ንዑስ ዘውጎች እና ቅይጥ ዘውጎች
/Sub & Hybirds Genres/

የአስፈሪ ፊልሞች ንዑስ ዘውጎች(HORROR MOVIE Sub Geners)

በአሰቃቂ እና አስፈሪ ትዕይንቶቻቸው በየጊዜው እያደጉ እና እየተቀያየሩ በሚመጡት የአስፈሪ ፊልም ዘውጎች እንደተገረምን ነው። ሁልጊዜ ጥልቅ የሆነውን የውስጣችንን ፍርሃት ለመቀስቀስ በሚያስችል ሁኔታ በአዲስ እና አስገራሚ ዕይታ እየተቀናበሩ ይመጣሉ። አሁን ከታች የምናያቸው የአስፈሪ/Horror/ ፊልሞች ንዑስ ዘውጎች በአሁኑ ሰዓት በፊልሙ ኢንዱስትሪ ውስጥ በከፍተኛ ደረጃ በማድግ ላይ የሚገኙ ናቸው።

ቆራጭ/ገሽላጭ ፊልሞች(Slasher Movies)

ከአስፈሪ ፊልሞች ዋና መደብ ውስጥ የሚጠቀሰው የቆራጭ/ገሽላጭ ፊልም በዋናነት የሚመሰረተው ገዳዩ ኢላማቸውን/ተጠቂውን በመያዝ ምህረትየለሽ በሆነ ሁኔታ ቆራርጠው/ዘነጣጥለው በደም ጎርፍ ሞልተው ሲገሉ በማሳየቱ ላይ ነው። የነዚህ ፊልሞች የዘመን ጉዞ/ትረካ እንደሚያሳየን ከሞላጎደል ተመሳሳይነት ያላቸውና ገዳዩ መጥፎው ገፀባህሪ/The Antagonist/ ወንድ ይሆናል ከዛ ዋናዎቹን በጎ ገፀባህርያት/Protagonistes/ አንድ ባንድ እየጠለፈ ይገልና በስተመጨረሺያ አንድ ገፀባህሪ ብዙንጊዜ ሴት ነው የምትሆነው ትተርፍና ወይ ራሷን አድና ስትገድለው የሚያሳየን አይነት አካሄድን የሚከተል ነው። (እስኪ ለምሳሌ እነዚህን ፊልሞች ተመልከቷቸው Nightmare on Elm Street, Halloween, Scream)

ረጪዉ ፊልሞች(Splatter Movies)

ብዙን ጊዜ በቆራጭ/ገሽላጭ ወይንም በደም ጎርፍ (slasher/gore) እና በረጪው–አንድ አይነት ጎጂ ፈሳሽ አሲድ መሰል ነገር መርጨት(splater)መካከል ብዙ ልዩነት የለም። ነገር ግን ቀደም ባሉት የዘውግ አከፋፈሎች ሌላዉ ቀርቶ በከፍተኛ የአገዳደል ወይም ቆራርጦ በመግደል ስልት ወይንም በከፍተኛ የስፔሻል ኢፌክት ማስመሰሎች ሁሉ የዘውግ ምደባ ይደረግ ነበር። እስኪ ለዚህ ንዑስ ዘውግ አስረጂ እንዲሆናችሁ እነዚህን ፊልሞች ተመልከቱ Braindead, Saw, I Spit on Your Grave)

ስነልቦናዊ ፊልሞች(Psychological Movies)

የስነልቦና አስፈሪ ፊልሞች የሚገነቡት አንድ አይነት አደገኛ ነገር ወይ የጥፋት/የቀውስ አይነት አዝማሚያ በሚኖርበት ጊዜ ከዛሬ ነገ ደረሰብን በሚል ከፍተኛ የስነልቦና ፍርሃት ውስጥ በመግባት ሲሆን በርግጥ ያ የተፈራው ነገር የሚቀር ሳይሆን የሚመጣ ይሆናል። ታዲያ ለዚህ አይነት ፊልሞች አንዳንድ ሙያተኞች የአስፈሪ ፊልም ዘውግ ከማለት ይልቅ ልብሰቃይ/Thriller ብለው ይጠሯቸዋል።ለዚህ ንዑስ ዘውግ ማሳያ እንዲሆናችሁ እነዚህን ፊልሞች ተመልከቷቸው Silence of the Lambs, The Shining, Black Swan )

አስፈሪ ራስን ማዳን (Survival Horror)

ዋናዉ ገፀባህሪ ወይንም የዋና ገፀባህሪያቱ ቡድን በስክሪኑ ላይ የሚታይም አይሁን የማይታይ የግድ አንድ አይነት ከፍተኛ አቅም ያለው አደገኛ አጥፊ ነገር ሲያሳድዳቸው እና ከሱ ራሳቸውን ለማትረፍ ሲታገሉ የሚያሳይ መሆን አለበት። (ለምሳሌ 28 Days Later, The Crazies, Cubeን ተመልከቷቸው)

በሌላ ፈጠራ ላይ የተመሰረቱ ፊልሞች(Found Fotage Movies)

ይህ የፊልም አይነት በአንድ ንዑስ ዘውግ የተመደበበት ምክንያት እንደሌሎቹ ዘውጎች በፍሬነገሮቹ ሳይሆን ለፊልሙ ስክሪፕት መነሳሻ ከሆነዉ ሃሰብ ጋር የተያያዘ ነው። ከመነሻው ወይ በአጠቃላይ ከስነፅሁፍ ምንጭ የተወሰደ ወይንም አንዱን ገፀባህሪ በመውሰድ በዛ ባህሪ ላይ ተመስርቶ የሚሰራ ሊሆን ይችላል። (ምሳሌ ፊልሞቹን ተመልከቷቸው Blair Witch Project, V/H/S, As Above, So Below )

የመጠራጠር ህመም/የአስማት ፊልሞች(Paranormal/Occulet Movies)

የትኛዉም አስፈሪ ፊልም ዋና መጥፎ ገፀባህሪ አንድ አይነት ከተፈጥሮ ከፍ ልዩ አቅም አለው ወይ አለኝ ብሎ ያምናል። በዚህም ምክንያት የዚህ ንዑስ ዘውግ ባህሪ ከአስማት እና በአንድ አይነት ዕምነት ልክፍት/ጥርጣሬ ውስጥ የወደቀን ገፀባህሪ ታሪክ ይይዛል። ታዲያ የነዚህ ፊልሞች አገነባብ ብዙን ጊዜ ከዕውነት በራቁ/fantacy/ፊልሞች ዘውግ ውስጥ የሚወድቁበት ዕድል ሰፊ ነው። አስኪ አነኚህን ፊልሞች ተመልከቷቸው Paranormal Activity, The Exorcist, Poltergeist)

የጭራቅ ፊልሞች (Monster Movies)

በየትኛውም የአስፈሪ ፊልሞች ላይ ዋና ገፀባህሪያቱ
በጭራቅ መሰል አስፈሪ ፍጡር የሚሳደድ አይነት ከሆነ ያ ጭራቅ ፍጡር የግድ አፈጣጠሩ የሚብራራ አይነት መሆን አለበት። ነገርየው በጣም ራቅ ካለ ተፈጥሮ የመጣ አስካልሆነ በቀር በርግጥ በዚህ ንዕስ ዘውግ ላይ ያለው የአስፈሪ/Horror/ እና የድርጊት/Action/ልዩነት በጣም ደብዛዛ/ስስ ነው እንደውም አጠቃላይ ንዑስ ዘውጉ በተፈጥሮ ቀውስ/መቅሰፍት (disaster movies) ምድብ ውስጥ ሊካተት ይችላል።( እስቲ ምሳሌ ፊልሞቹን ተመልከቱ Cloverfield, The Creature from the Black Lagoon, Alien, The Thing )
* * *
የአስፈሪ ፊልሞች ቅልቅል/ቅይጥ ዘውጎች ማሳያዎች
/HORROR Movies hybirds Genrers/

በነዚህ ንዑስ እና ቅይጥ ዘውጎች ላይ የሚቀርቡ ዘውጎች ሰያሜዎች በዚህ በተዛመደ ትርጉም የቀረቡበት ዋና አላማ የፊልም ሰሪዎቻችንን በተለይም የፊልም ፀሃፊያንን፣ ዳይሬክተሮችን እና ፕሮዲውሰሮችን እይታና ምናብ ለማስፋት እና በተለየ መንገድ አስበው ሊሰሩ የሚችሉበትን መንገድ ለማመላከት ነው።
※ ※ ※

አስፈሪ ቢ– ፊልሞች(B-Movie Horror)
የሰዉ ሰጋ በሊታነት ወይም ስጋ በሊታ ፊልሞች(Cannibalism or Cannibal Films)
ቆየት ያሉ አስፈሪ(Classic Horror)
የወደፊቶቹ ልዩ ፍጡራን(Creature Features)
የጋኔን ወይም የጋኔን ቁጥጥር(Demons or Demonic Possession)
ድራኩላ(Dracula)
ፍራንክአነስታይን፣ ሌሎች መጥፎ ሳይንቲስቶች(Frankenstein, other Mad Scientists)
የመናፍስት(Ghosts)
ጎቲክ–በ16ኛዉ ክፍለዘመን የነበሩ የቤት ቅርፆች ስም ሲሆን በነዚህ ቤቶች ላይ ተመስርተው የሚሰሩ አስፈሪ ፊልሞች(Gothic)
የዕደና ቤት፣ሌሎች ዕደናዎች(Haunted House, other Hauntings)
የአስፈሪ ጭንብል ክብረበዓል(Halloween)
የሚያስፈራ አዝናኝ(Horror Comedy /Humorous)
አስፈሪ/አሰቃቂ(Macabre)
ሰው ሰራሽ አስፈሪዎች(Man-Made Horrors)
ጭራቆች(Monsters)
የተፈጥሮ አስፈሪ(Natural Horror)
አስማት(Occult)
የጥርጣሬ ህመም(Paranormal)
ከጥፋት በኃላ/የጥፋት ቀን አስፈሪ(Post-Apocalyptic (or Apocalyptic) Horror)
በሌላቦታ የተፈጠረን ነገር የማየት/የማወቅ ሀይሎች(Psychic Powers)
የሞተ ሰው በሌላ ሰው አካል ውስጥ ይወለዳል የሚል እምነት(Reincarnation)
በስቃያቸው ተደሳቾች አስፈሪ(Sadistic Horror)
ሴጣናዊ ተረኮች(Satanic Stories)
አስፈሪ ሳይንሳዊ ልቦለድ(Sci-Fi Horror)
በማከታተል የሚገሉ(Serial Killers)
የወሲብ አስፈሪ (S*x Horror)
አስፈሪ ልዩ የተፈጥሮ ብቃት ያለው(Supernatural Horror)
የታዳጊዎች አስፈሪ/የታዲጊዎች እሪታ/ጩኀት(Teen Terror ("Teen Screams")
ሽብር(Terror)
ደም መጣቾች(Vampires)
ጥንቆላ(Witchcraft)
ተኩላዎች እና ከሰውነት ወደተኩላነት የሚለዋወጡ(Wolves, Werewolves)

የታሪካዊ ፊልሞች ንዑስ ዘውጎች (HISTORICAL MOVIE Sub Geners)

የታሪካዊ ፊልም ዘውጎች በእውነተኛው አለም የነበሩ ሰዎችን ታሪኮችንና ክስተቶች ላይ በመመስረት የሚገነቡ ሲሆን አብላጨው አተራረክና ግንባታም ቢሆን ከልቦለዳዊ ስሜቱ ይልቅ ዕውነታዊ እንዲሆን ይደረጋል(ዕርግጥ ነው በርካታ በዕውነተኛ ታሪኮች ላይ የተመሰረቱ ፊልሞች በታሪካዊ አገላለፃቸው እና አተረጓጎማቸው ምክንያት ለነበረው መነሻ ታሪክ የተለየ ገፅታ እና መልክ በመስጠታቸው ብዙ ቅሬታ እና ተቃውሞ ቢኖርባቸውም በዕውነተኛ ታሪካዊ ፊልምነታቸው እየተጠሩ መታየታቸውን ቀጥለዋል።)
እስቲ ከዚህ ዘውግ የተፈጠሩ ጥቂት ንዑስ ዘውጎችን እንመልከት

ግለምስል ፊልሞች(Biopic Movies)

የግለታሪክ ፊልሞች የሚያወሩት የአንድን ግለሰብ የተሟላ የህይወት ሂደት/ውጣውረድ የሚያሳይ አይነት ፊልም ነው። ይህ ታዲያ የግለሰቡ ታሪክ የቆየ/ታሪካዊም ይሁን ዘመናዊው ቢሆን እሱን የሚያጠቃል ነው። ወይንም ደግሞ የግለሰቡን የአንድ ወቅት አስገራሚ የህይወት ክስተትን/ድርጊትን ትኩረት በማድረግ የሚተረክ ሊሆን ይችላል። በስነፅሁፍ ይህ ‘ግለምስል’ የምንለው ዘውግ ‘ግለታሪክ’ በሚል አቻ ትርጓሜ የሚጠራ ሲሆን ይህ ግለምስል የሚለው የንዑስ ዘውግ ስያሜ በሌሎች ዋና ዘውጎች ውስጥም ቢሆን ሊሰጥ ይችላል። (እስኪ ምሳሌ ፊልሞቹን ተመልከቱ Lincoln, The Elephant Man, Ali)

ታሪካዊ ድራማ ፊልሞች(Historical Drama Movies)

የትኛውም በዕውነተኛ ህይወት የተፈጠረ ክስተት እና መቼት ላይ በመመስረት ማዕከላዊ ታሪኩ የተገነባ ፊልም እንደ ታሪካዊ ፊልምነት ይቆጠራል። በዚህ ማዕከላዊ ታሪክ ዙሪያ የሚፈጠሩ ገፀባህሪያትም ሆነ ታሪኮች ቢኖሩም ባይኖሩም ማለት ነው። እሰኪ ለምሳሌ እነዚህን ፊልሞች ተመልከቱ Titanic, Schindler’s List, Braveheart)

መፅሃፍ ቅዱሳዊ ፊልሞች(Biblical Movies)

በመፅሃፍ ቅዱሳዊ ታሪኮች ላይ በመነሳት የተስፍፉ አና የተተረጎሙ ፊልሞች በከፍተኛ ደረጃ መሰራት እና ማደግ የጀመሩት በኤሮፕያውያኑ 50ዎቹ እና 60ዎቹ አካባቢ ነው። በርግጥ የፊልም ኢንዱስትሪው ለዚህ ዘውግ ታሪኮች ከፍተኛ እና መልቲ ሚሊዮን ዶላሮችን እያወጣ ማሰራት የጀመረው በቅርብ አመታቶች ሲሆን አንዳንድ በመፅሃፍ ቅዱስ ዘመን የነበሩ ሌሎችንም ታሪኮች የዘውጉ አካል አርገው በዘውጉ ውስጥ ይመድቧቸዋል። ታዲያ እነዚህ የመፅሃፍ ቅዱስ ታሪኮች እና ክስተቶች ሲሰሩ አብዛኛውን ጊዜ ሳይለዋወጡ እና ባሉበት ሁኔታ እንዳሉ ነው።(እስቲ ይህንን ዘውግ በሚገባ የሚያሳዩ ጥቂት ፊልሞችን ተመልከቱ Ben Hur,The TenCommandments, Noah, The Passion of the Christ )

የዘመን ፊልሞች(Period Movies)

የታሪካዊ ፊልም ንዑስ ዘውግ በባህሪው አንድ አይነት በተወሰነ ጊዜ ወስጥ ያለ የታሪክ ክንውን ዘመን ይፈልጋል።(ይህ ግን ሁልጊዜ ግድ አይደለም) ለምሳሌም በተደጋጋሚ አንደሚሰሩት የ19ው ክ/ዘመን መኳንንት እና መሳፍንት ታሪኮች ማለት ነው። ብዙ ጊዜ እነዚህ ታሪኮች ‘costume dramas’ ሲባሉ ይህ ማለት በአንድ አይነት የአለባበስ ስልት አንድ ዘመንን የሚገልፁ ፊልሞች መጠሪያ ሲሆን ታሪኮችም በአንድ የተወሰነ ጊዜ እና ስፍራ ላይ የነበረን ክስተትን የሚመስል ወይንም ተቀራራቢ የሆነ የፈጠራ/ ልቦለዳዊ ታሪክን በመገንባት የሚሰራ አይነት ፊልም ነው። ለምሳሌ እነዚህን ፊልሞች ተመልከቱ Anna and the King, Sense and Sensibility, Miss Potter)

የተቀየሩ ፊልሞች (Alternate Movies)

የተቀየሩ ፊልሞች ዘውግ በከፍተኛ ደረጃ በመላምታዊ አገነባብ የሚሰሩ አይነት ታሪካዊ ፊልሞች ሲሆኑ ታሪካቸው በአንድ አይነት ዘመን ላይ የነበረ ታሪካዊ ሁነት ላይ በመመስረት ‘what if’ ‘ቢሆንስ?’ በሚለው የፈጠራ መነሻ ጥያቄ ላይ በመመስረት የሚገነቡ ናቸው። ለምሳሌም ‘አብርሃም ሊንከን ባይገደል ኖሮ ምን ይሆን ነበር ?’ ወይም ‘ታይታኒክ መርከብ ከዛ በረዶ ጋር ባይጋጭ ኖሮ ምን ይፈጠር ነበር?’ አይነት ጥያቄዎች ላይ ተመስርተው የሚፃፉ ናቸው። ታዲያ አንዳንድ ሙያተኞች ይህን ዘውግ ከታሪካዊ ዘውግ ውስጥ ከመመደብ ይልቅ አንደ ሳይንሳዊ ፊልሞች ውስጥ መመደቡ ይቀላቸዋል።(እስኪ ለናንተ ምሳሌ እንዲሆናችሁ እነዚህን ፊልሞች ተመልከቷቸው Inglourious Basterds, Timequest)

※ ※ ※
ምን አገኛችሁ? ምንስ ተማራችሁ? ምን ያህልስ ጠቃሚ መረጃ ሆኖ አገኛችሁት? እስኪ የተውናቸው፣ የዘለልናቸው፣ በሚገባ ያልተብራሩ የፊልም ዘውጎች ካሉ ከስር ባለ ኮመንት ቦክስ ውስጥ ፃፉልን! በቴሌግራም በግል መልዕክታችሁ አሳውቁን! መልዕክታችሁን ተቀብለን በደስታ እንመልሳለን!

በግል የቴሌግራም አድራሻ፦ https://t.me/Abukiyapico

የገፃችን የቴሌግራም አድራሻ፦ https://t.me/filmcriticss

Critics - Ethiopia