Gebeya Media

02/09/2026

የገበያ ሚዲያ የ5000 ብር ገበያ ለትጋት ቻሌንጅ ተጀመረ 👌 #ገበያለትጋት #ገበያቻሌንጅ #ገበያሚዲያ

02/09/2026

የአሽከርካሪዎችን የጡረታና የሥራ ውል መብት የሚያስከብር ስምምነት ተደረገ

በኢትዮጵያ አብዛኞቹ አሽከርካሪዎች መደበኛ እና ሕጋዊ የሥራ ውል የሌላቸው መሆኑ የተረጋገጠ ሲሆን በዚህም የተነሣ ዕድሜያቸው ገፍቶ አቅም ሲያጡና ከሥራ ሲወጡ ለከፋ የማኅበራዊና የኢኮኖሚ ቀውስ ሲዳረጉ መቆየታቸው ይታወቃል።

በዚህም አሽከርካሪዎች አገልግለው የመሥራት አቅማቸው ሲዳከም ጡረታ እንዲከፈላቸው በሕግ ቢቀመጥም መደበኛ የሥራ ውል ባለመኖሩ ምክንያት ሕጉ ተግባራዊ ሳይደረግ ቆይቷል።

ይህ ክፍተት አሽከርካሪዎች ቤተሰቦቻቸውን ማስተዳደርና ልጆቻቸውን ማስተማር ባለመቻላቸው በከፍተኛ ድህነትና መቸገር ውስጥ እንዲወድቁ ዳርጓቸዋል።

ይሁን እንጂ በኢትዮጵያ የንግድ ትራንስፖርት ዘርፍ ውስጥ ለዓመታት ሥር ሰዶ የቆየውን የመብት ጥሰትና የሕጋዊ የሥራ ውል እጦት በዘላቂነት ለመቅረፍ የሚያስችል የመግባቢያ ሰነድ መፈረሙ ተሰምቷል።

ዝርዝሩን ያንብቡ!

ይህ ስምምነት የዘርፉን አሽከርካሪዎች የሥራ ውልና የማኅበራዊ ዋስትና መብቶች ሙሉ በሙሉ የሚያስከብር መሠረት የሚጥል መሆኑ ተገልጿል።

02/09/2026

አውሮፓ ወይስ ኢትዮጵያ? አነጋጋሪው የከተማችን የሜዳ ኪራይ ዋጋ!

የሜዳ ኪራይ ዋጋ በእጅጉ እየጨመረ መምጣቱ ብዙ ወጣቶችን እያስቸገረ ነው። በአንዳንድ ሜዳዎች በሰዓት 2,0...

28/08/2026

ከታሪፍ በላይ በሚያስከፍሉ አሽከርካሪዎች ላይ ከፍተኛ ቅጣት ሊጣል ነው

የአዲስ አበባ ከተማ አስተዳደር ትራንስፖርት ቢሮ በከተማዋ እየተስተዋለ ያለውን ህገ-ወጥ የትራንስፖርት ታሪፍ ጭማሪ፣ የመስመር ማሳጠር እና ህዝብን የማማረር ችግሮች በዘላቂነት ለመቅረፍ የሚያስችሉ አጠቃላይ አስተዳደራዊ እና የህግ ማዕቀፍ እርምጃዎችን አጠናክሮ መቀጠሉን አስታወቋል።

ቢሮው ህብረተሰቡን ከሚገባቸው ውጪ ከታሪፍ በላይ በሚያስከፍሉ እንዲሁም ህግን በሚተላለፉ አሽከርካሪዎች ላይ እስከ 5 ሺህ ብር የሚደርስ የገንዘብ ቅጣትና ተደጋጋሚ ጥፋት ሲፈጸምም እስከ ስራ ማገድ የሚደርሱ ጥብቅ ውሳኔዎችን ተግባራዊ እያደረገ እንደሚገኝ ገልጿል።

ዝርዝሩን ያንብቡ!

አሽከርካሪው ተመሳሳይ ጥፋት ደጋግሞ ከተገኘ ደግሞ እስከ ሥራ ማገድ የሚደርስ ከባድና ጥብቅ ውሳኔ ይተላለፋል ተብሏል።

25/08/2026

እውነተኛ ባለቤቶቻቸውን የማያሳውቁ ኩባንያዎችን እስከ 500 ሺህ ብር የሚያስቀጣ ደንብ ወጣ

በኢትዮጵያ ውስጥ የሚንቀሳቀሱ ኩባንያዎች እና ሌሎች ሕጋዊ አካላት ድርጅቶቹን በባለቤትነት የሚቆጣጠሩትን ወይም የመጨረሻዎቹን እውነተኛ ባለቤቶች እስከ መጪው ጥር ወር ድረስ እንዲያሳውቁ የሚያስገድድ አዲስ ጥብቅ ደንብ ወጣ።

ደንቡን አለማክበር እስከ 500 ሺህ ብር የሚደርስ የገንዘብ መቀጮ የንግድ ፈቃድ እገዳ እና ከመንግሥት የግዥ ጨረታዎች ሙሉ በሙሉ መታገድን የመሳሰሉ ጠንካራ እርምጃዎችን እንደሚያስከትል ተገልጿል።

ዝርዝሩን ያንብቡ!

ይህ አዲስ ደንብ ባለሥልጣናት የገንዘብን ህገወጥ ዝውውር እና ሽብርተኝነት ፋይናንስ አቅርቦትን ለመከላከል በሚያደርጉት ጥረት እና ማዕከላዊ የሆነ የእውነተኛ ባለቤቶች መዝገብ ለማቋ....

24/08/2026

በአዲስ አበባ በደረሰ የትራፊክ አደጋ የ6 ሰዎች ህይወት አለፈ

አዲስ አበባ ዛሬ ማለዳ በደረሰ የመንገድ ትራፊክ አደጋ የ6 ሰዎች ህይወት ማለፉን የአዲስ አበባ ፖሊስ ዋና ጠቅላይ መምሪያ አስታውቋል።

አደጋው የደረሰው ዛሬ ነሐሴ 18 ቀን 2018 ዓ/ም ከጠዋቱ 1:50 ሠዓት በቦሌ ክ/ከተማ ወረዳ 11 ልዩ ቦታው ቅድስት ኪዳነ ምህረት ቤ/ክርስቲያን አካባቢ ነው፡፡

የጉዞ አቅጣጫው ከኮዬ ፈቼ ወደ ጎሮ የሆነ የሠሌዳ ቁጥር ኮድ 3-05997 ትግ የሆነ ሚኒባስ ተሽከርካሪ በተጠቀሰው አካባቢ በመንገድ ስራ ላይ የነበረ ስካቫተር ማሽን መቆፈሪያው ወድቆበት በታክሲው ውስጥ ከነበሩ ትራንስፖርት ተጠቃሚዎች መካከል 5 ወንዶችና 1 ሴት ህይወት አልፏል፡፡

ከሟቾች በተጨማሪ በታክሲ ውስጥ የነበሩ ተሳፋሪዎች ከባድና ቀላል የአካል ጉዳት ደርሶባቸው የህክምና ክትትል በማድረግ ላይ እንደሚገኙ መምሪያው አስታውቋል፡፡

22/08/2026

አሽከርካሪዎች የቅጣትና የወለድ ውዝፍ አሁንም እንግልት እየፈጠረ ነው ሲሉ ቅሬታ አቀረቡ

በአዲስ አበባ ከተማ አስተዳደር የትራፊክ ማኔጅመንት ባለሥልጣን ከአደጋ ውጪ ያሉ ቅጣቶች ነጥብ እንዲሰረዝ ውሳኔ ቢያሳልፍም ከቅጣት ገንዘብና ከወለድ ጋር ተያይዞ ያለው ችግር አሁንም አላግባብ እንግልት እየፈጠረባቸው መሆኑን አሽከርካሪዎች ገለጹ።

አብዛኛዎቹ አሽከርካሪዎች ቅጣቱ እንደደረሰባቸው ሳይውቁ ከአንድ ዓመት በኋላ ያልከፈሉት ቅጣት አለ የሚል የጽሁፍ መልዕክት ከነወለዱ እንደሚደርሳቸው ተናግረዋል።

ከአስተያየት ሰጪዎቹ መካከል አንዱ የሆነው አሽከርካሪ "መቀጣቴንም አላውቅም፣ ምንም የደረሰኝ የጽሁፍ መልዕክት የለም” ያለ ሲሆን የዛሬ ዓመት ያልከፈልከው ቅጣት አለ በሚል 23 ሺህ ብር ከነወለዱ እንዲከፈል መልዕክት እንደደረሰው አስረድቷል።

ሌላኛዋ ቅሬታ አቅራቢ ደግሞ መንጃ ፈቃድ አውጥታ ነገር ግን ማሽከርከር ስላልቻለች ፈቃዱን እንደ መታወቂያ ብቻ እንደምትጠቀምበት ተናግራ፤ መንዳት ሳትጀምር የቅጣትና የወለድ ማስጠንቀቂያ እንደተላከላት ተናግራለች።

ቅሬታቸው በዚህ ብቻ አያበቃም ከመኪና ማቆሚያ (ፓርኪንግ) ክፍያዎች ጋር የተያያዙ እንግልቶችም ሌላው አሳሳቢ ጉዳይ ሆኗል።

ዝርዝሩን ያንብቡ

አብዛኛዎቹ አሽከርካሪዎች ቅጣቱ እንደደረሰባቸው ሳይውቁ ከአንድ ዓመት በኋላ ያልከፈሉት ቅጣት አለ የሚል የጽሁፍ መልዕክት ከነወለዱ እንደሚደርሳቸው ተናግረዋል

18/08/2026

ሕገ-ወጥና ጊዜ ያለፈባቸው የኩላሊት እጥበት ኬሚካሎች ተገኙ

በአዲስ አበባ ከተማ በየካ ክፍለ ከተማ ሾላ ገበያ አካባቢ በግለሰብ መኖሪያ ቤት ውስጥ በህገ-ወጥ መልኩ ተከማችተው የነበሩ ግምታዊ ዋጋቸው 8 ሚሊዮን 664 ሺህ 495 ብር የሚያወጡ የተበላሹና አገልግሎት ጊዜያቸው ያለፈ የኩላሊት እጥበት ኬሚካሎችና የህክምና መሣሪያዎች መወገዳቸውን የአዲስ አበባ ከተማ አስተዳደር የምግብ እና መድሃኒት ባለስልጣን አስታወቀ።

እርምጃውን የወሰደው የባለሥልጣኑ የየካ ቅርንጫፍ ጽህፈት ቤት ሲሆን የተገኙት ኬሚካሎች ለኩላሊት እጥበት ህክምና የሚያገለግሉ (Hemodialysis A) እና (Hemodialysis B) መሆናቸውን ገልጿል።

ዝርዝሩን ያንብቡ!

አጠቃላይ የተወገዱት ምርቶች ግምታዊ ዋጋ 8 ሚሊዮን 664 ሺህ 495 ብር ነው ተብሏል

18/08/2026

ለዜጎች ጫና ለጥቁር ገበያው በረከት? በ3 እጥፍ ያደገው የዶላር ፍላጎት! ከ470 ሚሊዮን ዶላሩ ጥያቄ ጀርባ! ዝርዝሩን ይከታተሉ 👌

የኢትዮጵያ ኢኮኖሚ በታሪካዊ የለውጥ ምዕራፍ ውስጥ በሚገኝበት በአሁኑ ወቅት የውጭ ምንዛሬ ፍላጎት ማደግና ...

17/08/2026

ኢትዮጵያ 157 ሚሊዮን የሞባይል ገንዘብ አካውንቶች ቢኖሯትም ከ15 በመቶ ያነሱት ብቻ አክቲቭ ናቸው ተባለ

በኢትዮጵያ ከ157 ሚሊዮን በላይ የሞባይል ገንዘብ አካውንቶች ቢመዝገቡም ንቁ አገልግሎት ላይ የዋሉት ግን ከ15 በመቶ እንደማያልፍ የኢትዮጵያ ብሔራዊ ባንክ አስታወቀ።

የብሔራዊ ባንክ የባንክ እና የክፍያ ስርዓቶች ዳይሬክቶሬት ዳይሬክተር አቶ ሰለሞን ዳምጤ እነዚህን አኃዞች ይፋ ያደረጉት በአዲስ አበባ በተካሄደው 29ኛው "የተገናኘ ባንክ ስብሰባ እና የፈጠራ ውጤቶች እና የዕውቅና ሽልማት 2026" መድረክ ላይ እለት ባደረጉት ንግግር ነው።

ዝርዝሩን ያንብቡ!

በአጠቃላይ የንቁ ተጠቃሚዎች መጠን ከ15 በመቶ በታች መሆኑ በሂሳብ ምዝገባ እና በእውነተኛው አጠቃቀም መካከል ሰፊ ክፍተት መኖሩን ያሳያል ተብሏል