Etv Qafar Afih Exxa

12/08/2026

Xaagu ... 06/12/2018

12/08/2026

Anxaxin Raarih Taddera Kee Buqre Taamomi Ayyuntak Maaqiddi Caabi
Q.A.R.D N/Saqal Cajji Awwal Qarba

11/08/2026

Itiyoppiya Qinbisseh Tan Digital Qasril Technologih Tabsih Dadal Wagsiisak Ai Amnil PhD Barteenah Yan Ismaqil Salic Luk

Itiyoppiya Qinbisseh Tan Digital Qasril Technologih Tabsih Dadal Wa...

11/08/2026

Xaagu ... 05/12/2018

10/08/2026

Rakaakay Miglisih Koboxuk Massoowe Barnaamij

Rakaakay Miglisih Koboxuk Massoowe Barnaamij ...

10/08/2026

Xaagu ... 04/12/2018

10/08/2026

Qafar Rakaakayih Miglis Gexisak Geytima 6 Hayto Dooro Dabaanak 5 hayto Taama Liggidak 10 Heele Madabiino Koboxul 2019 Liggidih Mizaaniyyat Faaticissen.

Qafar Rakaakayak Sanat 2019 Liggidih Mizaaniyyat 33 Biliyoonih Birri Abak Miglis inki Xongolol Faaticise.

Qafar Rakaakayih Miglis Gexsak Geytima Koboxul Rakaakayak Sanat 2019 Mizaaniyyat 33, Biliyoonuuy, 253 Miliyoonuy, 416 Alfiiy, 348 Birri Abak Inki Xongolol fatticisem timuxxige.

Massossem:Qali Acmad

10/08/2026

Qafar Rakaakayak Sanat 2019 Liggidih Mizaaniyyat 33 Biliyoonih Birri Abak Faaticisen .

Qafar Rakaakayih Miglis Gexsak Geytima Koboxul Rakaakayak Sanat 2019 Mizaaniyyat 33, Biliyoonuuy, 253 Miliyoonuy, 416 Alfiiy, 348 Birri Abak Inki Xongolol .

2019 Mizaaniyyat Qagunta Xayyoossem Rakaakayak Maaliyyah Biirok Ciggiila Saqal Gifta Darasa Macammad Ibraahim Kinni .

Mizaaniyyat Maaluk Raceenaanih Tu-Gactek

1, Federaal Doolatih Maali Riigir :-... Birri 14,859, 900,439

2, Sarriino Le Daddoosih Hadafitteh (SDG) Agdaabeh :- .......Birri 422,800,000

3, Iro Catok .......... Birri 858,624,784

4, Rakaakay Madab Culentak....Birri 16,167,011,814

5, Kallayto Culenti ...... Birri 945,079,311

Ittat :-..... Birri 33,253,416,348. Abak Mala Buxal Inki Xongolo Faaticisen .

Tonnah Doolat Taama Abeenitih Tatre Liggida Abeenih Yanin Qasbi Ossotinal Asseh tan Lakqo "Ossotina Mizaaniyyat "Axcuk Inki Xongolo Faaticisen .

Raceena:AFMMA

09/08/2026

"Qafarak Makaabon Caxa "Xiqsita Kukta Faaticisen

Qafar Rakaakayih Miglis Gexisak Geytima 6 Hayto Dooro Dabaanak 5 hayto Taama Liggidak 10 Heele Madabiino Koboxul Qadli Biiro Xayyosseh tan "Qafarak Makaabon Caxa "Xiqsita Kukta Faaticisen .

"Qafarak Makaabon Caxah" Kukta Xisoonu (Soolisoonu ) Taakume Bici Taamoomi Akkuk Temeeteh Tanim Rakaakayak Qadli Biirok Naharsi Saqalah Yan Gifta Qasker Macammad Yiysixxige .

a Kukta Faaticisaanam Qafar Dumaak Luk Sugte Qaadâ Madqa Diggowtuh Isi Doori Lem Ascassuuk "Qafarak Makaabon Caxa" Daabisoonuh Mango Rakaakayittek Abak-raag Baaheenih Yaniinim Diggoose.

\Makaabon Caxak Xiinisso Malah Buxah Adoytiit .

~Rakaakayak Sengerra Cokmih Buxah Prezixenti, Koobaahise .

~Rakaakak Qadli Biiroh Saqal, Ciggiila Koobaahise .

~Rakaakayak Qaaday, Qunxaaneyta kee Isporti Biiroh Saqal, Kutbe-abeena

4~Rakakaayak Sayyo Kee Ayyuntiino Caagiidah Biiroh Saqala, Adoytâ

~Rakaakayak Daga-Raaqa Poliis Miracsentih Amriseeni . Adoyta

~Rakaakayak Abukah Eglah Prezixenti , Adoyta.

~Inkih tan Rasittek Inki Idalti, Adoyta .Abak Mala Buxah Adoytiit Kukta Inki Xongolo Faaticisen.

09/08/2026

Milaaguk Duma Suge-Wayteemik Dirribuh tan Taamoomi Tekke :- Cajji Awwal Qarba

Qafar Rakaakayak Naharsi Saqal Massakaxxa le Cajji Awwal Qarba Gexsitak Geytima Miglis Koboxul Mala Buxah Adoytiit Ugusseh tan Esseroorah Raddi Kee Amogacsa Yecee.

Naharsi Saqal Tama Amo-Gacsal Iyyeemih Milaaguk Duma Ameexeguk Suge Wayteemik Mangom Milaagi Doolatih Abbinoosul Tekkeh Tanim Ascassuuk Tekkeh tan Taamoomi Ummattah Ayfaafayal Elle Faxxintannal Assuh Rakaakayak Ilaa Awda Fan Yan Miraaciini Ummatta Luk Gacak Dacrisaanam Faxxintah Tanim Diggoose .

Meqe-Xiinissooy, Madduur kee Ayyuntiino Caddol Assakat Le Taamoomi Akkuk Geytinta Iyyeh Yan Cajji Awwal Qarba Tekkeh tan 7 Heele Amolladi Doorol Sayyo Gabah Agleey, Anaakarta Siyaasa Missoynaanih Gabah Agle Maqar le Gurral Abbinooseenih Yaniinim Kassiise .

Qasbo Caagiidal Sugteh-tan Esseroorah Raddi Yomcowweh Yanim Kassiiseh Yan Massakaxxa le Cajji Awwal Qarba Qafar Ummatta Isih leh tan Gaddih Bagul Cawlay Addat Sugtem Ascassuuk Sugteh Tan Gexe-kalitteey, Umaadoobitte Missoosak Le Qafarih Tuxxiiqil Kah Assannah Abeenih Yaniinim Yescesse .

Milaagi Doolat Abah yan Taamal Foocah Axcelem Kassiisak Ummatta Kaaduk Isinni Daddoosul Foocah Iyyaanah Saay kee Salaam Isinnik Maqarroosaanam Faxxintah Tanim Diggoose.

Qafar Ummatta Iro kee adda Ganeenitih Cubbi Abtam Faxxintah Tanim Kee Milaagi Doolat Abak-Geytinta Taamoomi Diggossuh Gexe-Kalit Takkem Xiqta Caagiidal Yangiicilleenim Faxxintah Tanim Naharsi Saqal Cajji Awwal Qarba Illacabol Tatruseh Yan Farmol Kassiise .

Raceena:AFMMA