Damee Hayyuu PB Aanaa Guumaay

13/08/2026

02/08/2026

Abdii Haa Dhaabnu,Egeree Haa Ijaarru!
Wiixata boruu ganamaan dhuunfaadhaanis ta'ee gareedhaan baanee abdii haa dhaabnu,egeree haa ijaarru!

02/08/2026

Abdii haa Dhaabnu!
Nutis Qophoofneerra!

Godina jimmaa Jimmaa Aanaa Gumaayitti Sagantaa Dhaabbii Biqiltuu Ashaaraa Magariisaa akka biyyaatti biqiltuu miliyoona 800, aka Naannoo Oromiyaattis karoora biqiltuu miliyoona 466 dhaabuuuf Qabame Milkeessuuf qophiin dursaa xumuramee jira.

Gandoota Aanichaa Hunda Keessatti Guyyaa borii Kutaaleen hawaasaa hunduu duula qophaa'e kanarratti ganama sa'a 12:00 irraa kaasanii argamuun ashaaraa isaanii kaa'uun seenaa haaraa irra deebiin galmeessuuf qophiin taasifameera.

26/07/2026

Aanaa Guumaayitti Gamaggamni Hojii Misoomaa fi Nageenyaa Gaggeeffamaa Jira.
════════════
~~~~ 19/2018.~~
Godina Jimmaa, Aanaa Guumaayitti gamaggamni hojii misoomaa fi nageenyaa gaggeeffamaa jira.

Gamaggamni kun bakka Bulchaan Bulchiinsa Aanaa Guumaay Kabajamoo Obbo Miftaa Abbaa Duraa, Itti Gaafatamaa Waajjira Paartii Badhaadhinaa Aanaa Guumaay Kabajamoo Obbo Naziif Mohammed, akkasumas Koree Qindeessitoota Aanaa argamanitti gaggeeffamaa jira.

Dabalataanis hoggantoonni aanaa, koreewwan qindeessitoota gandootaa, qaamoleen nageenyaa gandootaa fi poolisoonni gamaggama kana irratti hirmaataniiru.

Duubdeebiin hojii misoomaa fi nageenyaa kan dhiyaate Itti Gaafatamaa Paabilisiitii Waajjira Paartii Badhaadhinaa Aanaa Guumaay Dargaggoo Saabir Siraajiin yoo ta'uu,duubdeebii irrattis mariin bal'aan fi bu'a qabeessi gaggeeffameera.

Gamaggama kana keessatti hojiiwwan misoomaa fi nageenyaa hanga yeroo ammaa raawwataman bal'inaan gamaaggamamuun, bu'aan hojii galmaa'e, ciminoonni mul'atan fi hanqinoonni jiran gadi fageenyaan irratti mari'atamaniiru. Kana malees rakkoolee mudatan furuuf kallattiileen hojii ifaa fi bu'a qabeessi kaa'amaniiru.

Dabalataanis hojii qindoominaa cimsuun, kenna tajaajila lammummaa daran cimsuun tajaajila uummataaf kennamu caalaatti fooyyessuun fi nageenya waaraa mirkaneessuuf qaamni hundi itti gaafatamummaa isaa guutummaatti bahachuu akka qabu hubachiifameera.

Bulchaan Bulchiinsa Aanaa Guumaay Kabajamoo Obbo Miftaa Abbaa Duraa haasawaa taasisaniin, "Misoomni fi nageenyi wal irraa adda hin ba'an. Bu'aan hojii keenya hojii qindoominaa, itti gaafatamummaa fi tajaajila uummataaf kenninu irratti hundaa'a. Kanaafuu hanqinoota jiran sirreeffachuun, hojii misoomaa fi nageenyaa caalaatti cimsinee milkaa'ina uummata keenyaa mirkaneessuuf hunduu gahee isaa bahachuu qaba," jechuun dhaamaniiru.

Akkasumas Itti Gaafatamaan Waajjira Paartii Badhaadhinaa Aanaa Guumaay Kabajamoo Obbo Naziif Mohammed gama isaaniin, "Kallattiileen hojii yeroo itti aanuu kaa'aman hojii irra ooluun bu'aa qabatamaa fiduu qabna. Tokkummaa hoggansaa, hirmaannaa uummataa fi hojii mootummaa qindoominaan raawwachuun nageenya waaraa fi misooma itti fufiinsa qabu mirkaneessuuf murteessaadha," jechuun dhaamaniiru.

Dhuma irrattis hanqinoota adda baafaman saffisaan sirreessuuf kallattiin hojii yeroo itti aanuu kaa'amee, murteewwanii fi hojiiwwan kenname mara yeroo fi qulqullinaan hojii irra oolchuun hojii misoomaa fi nageenyaa bu'a qabeessa taasisuuf kallattiin ifaa tae koreewwan Qindeessitoota Aanichaatiin kaa'ameera.

"Misoomni fi nageenyi wal irraa hin citanu; qindoominaan hojjechuun milkaa'ina mootummaa fi uummata keenyaati."

23/07/2026

!!
════════════
===============
Aanaa Guumaayitti Piroojeektiin Ijaarsa Mana Barumsaa Bu'uura Boruu Diizaayiinii Haaraan Magaalaa Toobbaatti Eegalame.

Godina Jimmaa Aanaa Guumaayitti mootummaa fi hawaasni misooma barnootaaf xiyyeeffannoo ol'aanaa kennuun hojii guddaa hojjechaa jiraachuun isaa ni beekama.

Bu'uuruma kanaan,piroojeektiin ijaarsa Mana Barumsaa Bu'uura Boruu diizaayiinii haaraan Ministeera Barnootaatiin qarshii miiliyoona 14 ramadamuun Magaalaa Toobbaatti hojii jalqabeera.

Diizaayiiniin haaraan qophaa'uun, wal-harkaa fuuchaan Kontraakteraa waliin erga raawwatamee boodas hojiin ijaarsaa ifatti eegalameera.

Piroojeektiin kun yeroo gabaabaa keessatti qulqullinaan xumuramee tajaajila akka kennuuf hojii ariitiin gaggeeffamaa jira.

Waggoota shanan darban keessatti Aanaa Guumaay keessatti manneen barnootaa hedduun mootummaa fi hirmaannaa hawaasaatiin ijaaramaa fi babal'achaa turaniiru. Kunis carraa barnootaa babal'isuun, baay'ina barattootaa dabaluun, qulqullina barnootaa fooyyessuun fi naannoo barnootaa mijataa uumuuf bu'aa gaarii fideera.

Piroojeektiin kun yeroo xumuramuttis Misooma barnootaa Aanaa Guumaay sadarkaa ol'aanaatti ceesisuuf gahee guddaa waan qabuuf, hawaasaa fi qaamoleen dhimmi ilaallatu hundi hojii kana milkeessuuf deeggarsi gama hundaan akka cimus ibsameera.

Hawaasni Aanaa Guumaay hundi baga gammaddan!

22/07/2026

!!
═════════════
=================
Aanaa Guumaayitti Barattoota qormaata ministirii kutaa 8ffaa bara 2018 qoraman keessaa barattoonni dhibbeentaa 99.2% ol ta'an qabxii darbiinsaa 50% ol fiduun gara kutaa 9ffaatti kan darban ta'uun ibsame.

Godina Jimmaa Aanaa Guumaayitti Barattoota qorumsa ministirii kutaa 8ffaa bara barnootaa 2018 qoraman keessaa akka aanichaatti barattoonni baay'inaan Dhi=413, Dub= 447 Ida'ama =860 kan qoraman yoo ta’an ,Kana keessaas Dhi = 412, Dub=441,Ida'amaan=853 ykn 99.2% ol ta'an qabxii darbiinsaa 50% ol galmeessuun gara kutaa 9ffaatti kana darban ta'uu ibsameera.

Cuunfaadhaanis aanichatti qabxii ol'aanaadhaan averajii 88%__92% gidduutti kan argaman barattoota 20 yoo ta’an,barattoota mana barumsaa bultii addaatti barataa turan barattoota 33 keessaa barattoonni 19 qabxii ol'aanaa galmeessisuun gara kutaa 9ffaatti kan darban ta'uu isaanii Itti Gaafatamaan Waajjira Barnootaa Aanaa Guumaay Obbo Umar Kadir Insaniiru.

Milkaa'ina guddaan argame kunis gahee hoggansa sadarkaan jiruu,barsiisota ,barattoota,maatii barattootaa fi hawaasa bal'aa waan ta'eef,qooda fudhattoota maraaf galanni guddaan akka malus ibsaniiru.