31/12/2025
Aanaa Gumaayitti Konfiransiin Paartii Kurmaana 2ffaa gaggeeffamee jira
Muddee 22, 2018 (WPBAG)
**********************
Godina Jimmaa, Aanaa Gumaayitti Konfiransiin Paartii Kurmaana 2ffaa bakka Koreen Qindeessituu Aanaa, hoggansi Aanaa fi Gamtaan Paartii, manaajimantii sektaraalee gara garaa akkasumas gurmaa’insi gandoolee argamanitti hirmaachuun haala ho’aan ta’een gaggeeffameera.
Saganticha irratti haasaa baniinsaa kan taasisan Bulchaan Bulchiinsa Aanaa Gumaay, Kabajamoo Obbo Miftaah Abbaa Duraa, ergaa dabarsaniin qaamota milkaa’ina hojii paartii kurmaana darbe keessatti qooda fudhatan hundaaf galatoomaa jechuun, “baga guyyaa har’aatti nu geessan, baga nagaan dhuftan” jechuudhaan waltajjicha banuu isaanii ibsaniiru.
Dabalataanis, Itti Gaafatamaan Waajjira Paartii Badhaadhinaa Aanaa Gumaay, Kabajamoo Obbo Naziif Mohammed, ergaa isaanii keessatti bara kana hawaasa waliin ta’uun hojii paartii irratti hojiin abdachiisaan hojjetamaa jiraachuu ibsanii, hanqinoota raawwii kurmaana lammaffaa keessatti mul’atan bu’uura irraa furuun dirqama ta’uu himaniiru.
Itti Gaafatamaan Waajjira Aadaa fi Tuurizimii Godina Jimmaa Obbo Numeerii Abbaa Tamaamis, barbaachisummaa fi bu’aa konfiransii fi yaa’ii paartii irratti ibsa kennuun, konfiransichi hanqinoota darbe ittiin furuuf carraa gaarii ta’uu akka qabu hawwii isaanii ibsaniiru.
Barreeffamni mariif ta’u kan konfiransichaaf dhiyaate Itti Gaafatamaa Paabilisiitii Aanaa Gumaay, Dargaggoo Saabir Siraajiin qophaa’ee dhiyaachuun maateeriyaalii dhiyaate irratti bal’inaan mari’atamee jira.
Hirmaattonni konfiransichaa yaada kennaniin akka jedhanitti, “Mootummaa Jijjiiramaatiin hojiin waadaa galamee ture akkaataa sagantaa qabameetiin hojjetamaa jira” jechuun ibsaniiru. Akkasumas, “hojii hedduun nuuf hojjetamee fi hojjetamaa jiru; iddoo rakkoon jirutti illee mootummaan deebii nuuf kennuu akka danda’u abdii qabna” jedhaniiru.
🔗 https://www.facebook.com/abbaa.jifaar.39
Hordofaa 🙏
