Anova Media

26/09/2026

እንኳን ለደመራና መስቀል በዓላት አደረሳችሁ

23/09/2026

አንጋፋው ድምፃዊ ግርማ ነጋሽ ከዚህ ዓለም በሞት ተለየ

በኢትዮጵያ የሙዚቃ ታሪክ፣ በተለይም በወርቃማው የሙዚቃ ዘመን ከ60 በላይ የማይረሱና ተወዳጅ የሙዚቃ ሥራዎችን ያበረከተው አንጋፋው ድምፃዊ ግርማ ነጋሽ ከዚህ ዓለም በሞት ተለይቷል።

ድምፃዊው በአዲስ አበባ አራት ኪሎ ፊት በር በሚባለው አካባቢ ተወልዶ ያደገ ሲሆን፣ ከሙዚቃ ጋር የነበረው ጥልቅ ፍቅርና ከአንጋፋው ድምፃዊ ጥላሁን ገሰሰ ጋር የነበረው ቅርበት ወደ ሙዚቃው ዓለም እንዲገባ ካደረጉት ዋና ምክንያቶች መካከል መሆናቸው ተገልጿል።

ግርማ ነጋሽ የሙዚቃ ሥራውን የጀመረው በፖሊስ ሰራዊት ኦርኬስትራ ባንድ ውስጥ በመቀጠር ነበር። በኋላም በብሔራዊ ቲያትር ቤት በመቀጠር በድምፃዊነት ሙያውን አጠናክሮ በኢትዮጵያ የሙዚቃ ታሪክ ውስጥ የራሱን አሻራ ማሳረፍ ችሏል።

ከ60 ዓመታት በላይ የቆዩ የሙዚቃ ሥራዎች

ድምፃዊ ግርማ ነጋሽ በመድረክ ላይ ካቀረባቸውና ከፍተኛ ተወዳጅነት ካተረፉት ሥራዎቹ መካከል “የኔ ሐሳብ” እና “ምነው ተለየሽኝ — መስከረም ሳይጠባ” የተሰኙት ይጠቀሳሉ።

እነዚህ ሥራዎች ከ60 ዓመታት በላይ ታሪክ ቢኖራቸውም፣ እስከዛሬ ድረስ በሙዚቃ አድማጮች ዘንድ ተወዳጅነታቸውን የጠበቁ ሥራዎች መሆናቸው ተገልጿል።

ግርማ ነጋሽ በረጅም የሙዚቃ ዘመኑ ከ60 በላይ የሙዚቃ ሥራዎችን ማበርከቱ የሚገለጽ ሲሆን፣ የሥራዎቹ የረጅም ጊዜ ተወዳጅነት በኢትዮጵያ የሙዚቃ ታሪክ ያለውን ስፍራ ያሳያል።

ከጃዝ ሙዚቃ ጋር የተመለሰ ታሪካዊ ሥራ

እ.ኤ.አ. በ2011 በአዲስ አበባ ከታዋቂው Either/Orchestra የጃዝ ባንድ ጋር በመሆን “የኔ ሐሳብ” የተሰኘውን ታሪካዊ ሥራውን በመድረክ ላይ እንደገና በማቅረብ ተሳትፏል።

ይህ የመድረክ ትርኢት ከአንድ ትውልድ በላይ የቆየውን የግርማ ነጋሽ ሙዚቃ ከዘመናዊ የጃዝ አቀራረብ ጋር ያገናኘ ልዩ የሙዚቃ ክስተት ሆኖ ተጠቅሷል።

የሕይወት ዘመን የክብር ሽልማት

ድምፃዊ ግርማ ነጋሽ በኢትዮጵያ የሙዚቃ ጥበብ ላይ ላበረከተው አስተዋጽዖ በሰሜን አሜሪካ የሙዚቀኞች ማኅበር አማካይነት የሕይወት ዘመን የምስጋናና የዕውቅና ሽልማት መቀበሉም ተገልጿል።

ሽልማቱ ድምፃዊው በረጅም የሙዚቃ ሕይወቱ ላበረከተው አስተዋጽዖ የተሰጠ የእውቅና ምልክት መሆኑ ተጠቅሷል።

የአንጋፋው ድምፃዊ የቀብር ሥነ-ሥርዓት ነገ ከቀኑ 8፡00 ሰዓት በአዲስ አበባ መንበረ ጸባዖት ቅድስት ሥላሴ ካቴድራል እንደሚፈጸም ተገልጿል።

የግርማ ነጋሽ ሕልፈት በኢትዮጵያ የሙዚቃ ዓለም በተለይም በወርቃማው የሙዚቃ ዘመን የተሳተፉ አንጋፋ ድምፃውያን መካከል አንዱን ማጣት ሲሆን፣ የተወረሱት የሙዚቃ ሥራዎቹ ግን በትውልዶች መካከል ሲደመጡ የሚኖሩ የሙዚቃ ቅርሶች ናቸው።

ግርማ ነጋሽ የሦስት ወንዶችና የአንድ ሴት ልጅ አባት ነበር።
Via Getutemesgen

11/09/2026

መልካም በዓል

26/08/2026

የአሜሪካው ፕሬዚዳንት ዶናልድ ትራምፕ በተወለደች በ80 ዓመቷ ከዚህ ዓለም በሞት ለተለየችው ታዋቂዋ የካንትሪ ሙዚቃ ኮከብ ዶሊ ፓርተን ክብር፣ የአሜሪካ ሰንደቅ ዓላማ ለአንድ ሳምንት ያህል ዝቅ ብሎ እንዲውለበለብ አዘዙ።

​ትራምፕ በሐዘን መግለጫቸው “እንደ እሷ ያለ ታላቅ ሰው በታሪክ ታይቶ አይታወቅም፤ ወደፊትም አይኖርም" በማለት የአርቲስቷን ታላቅነት መስክረዋል።

ስለዶሊ ፓርተን በአጭሩ

🎤 ከዓለም ታዋቂ የካንትሪ ሙዚቃ አርቲስቶች አንዷ ናት።
🎶 “Jolene” የተባለው ዝነኛ ዘፈኗ — እጅግ የተወደደ እና ብዙ ጊዜ የተዘመረለት ዘፈን ነው።

🎵 “I Will Always Love You” — እሷ የፃፈችው ዘፈን ሲሆን በኋላ Whitney Houston በመዘመሯ የበለጠ ዓለም አቀፍ ታዋቂ ሆነ።

🎬 ተዋናይነቷ — በፊልሞች ላይ በመሳተፍ ታዋቂ ናት።

📚 ለህፃናት ንባብ የምትደግፈው “Imagination Library” ፕሮግራም — በበጎ አድራጎቷም ትታወቃለች።

🏞️ Dollywood የመዝናኛ ፓርክ — በቴነሲ ያለው ታዋቂ ፕሮጀክቷ ነው።

በአጭሩ፣ ዶሊ ፓርተን በድምፅዋ፣ በ“Jolene” ዘፈኗ፣ በሙዚቃ ስኬቷ እና በበጎ አድራጎቷ ዓለምአቀፍ ዝናን አትርፋለች። #ድሬቲዩብ

25/08/2026

05/07/2026

አንጋፋዋ ድምፃዊት ራሔል ዮሐንስ ከዚህ ዓለም በሞት ተለይታለች።

ራሔል ባጋጠማት የጤና እክል ህክምና ስትከታተል ቆይታለች።

በ80 ዓመቷ ከዚህ ዓለም በሞት የተለየችው አንጋፋዋ ድምጻዊት ራሔል፣ በግሏ እና ከሌሎች ድምጻውያን ጋር በጋራ በመሆን ዘመን የማይሽራቸው ዘመናዊ እና ባህላዊ የሙዚቃ ሥራዎችን ለአድማጮች አበርክታለች።

ከአቀንቃኝነት በተጨማሪ ግጥምና ዜማ ደራሲም ነበረች።

ከተወዳጅ የሙዚቃ ስራዎቿ መካከል ፦

- ኢትዮጵያ
- ምኒሊክ
- አራዳ
- ገላዬ ናና (ከተሾመ አሰግድ ጋር)
- እንደ እየሩሳሌም
..የሚጠቀሱ ሲሆን ሌሎችም በርካታ ስራዎች አሏት።

የአንጋፋዋ ድምፃዊት ራሔል ዮሐንስ ሥርዓተ ቀብር ነገ በአዲስ አበባ ሀገረ ስብከት ደብረ ምጥማቅ ሰዓሊተ ምህረት ቅድስት ማርያምና ቅድስት ክርስቶስ ሠምራ ካቴደራል 8:00 ሰዓት ይፈጸማል።

15/06/2026

ድምፃዊ ሰማኸኝ በለው ከዚህ ዓለም በሞት ተለየ

በባህል ሙዚቃዎቹ የሚታወቀው ድምፃዊ ሰማኸኝ በለው (ሰሜ ባላገሩ) ከዚህ ዓለም በሞት ተለይቷል።

ድምፃዊው ባደረበት ሕመም በሕክምና ሲረዳ ቆይቶ ነው በዛሬው ዕለት ያረፈው ሰማኸኝ በለው በባህላዊ ሙዚቃዎቹ ይበልጥ የሚታወቀው ሲሆን፣ ከሙዚቃው ውጭም በትወና ይሳተፍ ነበር።

ድምፃዊ ሰማኸኝ ባለትዳር እና የአራት ልጆች አባት ነበር።

በድምፃዊው ህልፈት የተሰማንን ሐዘን እየገለፅን ለቤተሰቡ፣ ለወዳጆቹ እና አድናቂዎቹ መጽናናትን እንመኛለን።

05/06/2026

27/05/2026

ለመላው የእስልምና እምነት ተከታይ ወገኖች፣ እንኳን ለኢድ አል አደሃ በዓል በሰላም አደረሳችሁ!

ኢድ ሙባረክ!

12/04/2026

የአመቱ ምርጥ ዜና

የአክብሮት ሰላምታዬን በማስቀደም ቀጣዩ ‘ኢቶሪካ’ የተሰኘው አዲስ አልበም የፊታችን ሐሙስ ሚያዝያ 8/2018 በTeddy Afro Official Youtube ድህረገፅ (www.youtube.com/TeddyAfroOfficial) ከቀኑ በ8 ሰዓት ወደ እናንተ እንደሚደርስ በአክብሮት እገልጻለሁ።

ቴዎድሮስ ካሳሁን
(ቴዲ አፍሮ)